Our Lady of Fatima Parish, Apad, Calauag, Quezon

04/04/2026

𝐀𝐏𝐑𝐈𝐋 𝟐, 𝟐𝟎𝟐𝟔 | 𝐁𝐀𝐍𝐀𝐋 𝐍𝐀 𝐌𝐈𝐒𝐀 𝐍𝐆 𝐇𝐔𝐋𝐈𝐍𝐆 𝐇𝐀𝐏𝐔𝐍𝐀𝐍

Isinagawa noong Abril 2, 2026 (Huwebes Santo) ang Banal na Misa ng Huling Hapunan, na nagpapagunita sa huling hapunan ni Hesus kasama ang Kanyang mga alagad.

Sa pagdiriwang na ito, ginugunita natin ang pagtatatag ng Banal na Eukaristiya at ang halimbawa ng kababaang-loob at paglilingkod, na ipinakita ni Kristo sa paghuhugas ng paa ng Kanyang mga alagad. Paanyaya ito sa ating lahat na magmahal, maglingkod, at magbahagi tulad Niya.

“Ito ang aking katawan na ibinibigay para sa inyo; gawin ninyo ito bilang pag-alaala sa akin.” — 1 Corinto 11:24

31/03/2026

𝗖𝗼𝗻𝗴𝗿𝗮𝘁𝘂𝗹𝗮𝘁𝗶𝗼𝗻𝘀 , 𝗼𝗻 𝘆𝗼𝘂𝗿 𝗥𝗲𝗻𝗲𝘄𝗮𝗹 𝗼𝗳 𝗣𝗿𝗶𝗲𝘀𝘁𝗹𝘆 𝗩𝗼𝘄𝘀!

Isang maligayang pagbati at panalangin para sa ating kura paroko, Rev. Fr. Alexander O.Herras , sa muling pagbabago ng kanyang mga pangako sa pagkapari sa ginanap na Chrism Mass ngayong araw sa Cathedral ng Gumaca..

Kasabay nito, ipinaabot din ang pagbati at Panalangin sa lahat ng Kaparian ng Diocese ng Gumaca.

Taos-puso kaming nagpapasalamat sa inyong walang sawang "Oo" sa tawag ng Panginoon. Ang inyong dedikasyon, malalim na karunungan, at mapagkumbabang paglilingkod ay tunay na nagsisilbing gabay at inspirasyon sa ating buong komunidad. Sa pamamagitan ng inyong maka-amang pagkalinga bilang aming pastol, patuloy niyo kaming inilalapit sa puso ni Kristo.

Dalangin namin na patuloy kayong palakasin at puspusin ng kagalakan ng Espiritu Santo sa inyong banal na ministeryo. Isang napakalaking biyaya para sa aming parokya na kayo ang aming naging katuwang at ama sa pananampalataya

31/03/2026

Paghahanda para sa Linggo ng Palaspas
March 28,2026 Sabado

31/03/2026

PARISH LENTEN PILGRIMAGE 2026
MARCH 21,2026

DIOCESE OF DAET

29/03/2026

TALAAN NG MGA GAWAIN NGAYONG KWARESMA AT SEMANA SANTA 2026

Inaanyayahan po ang lahat na makilahok at makiisa sa mga gawain ngayong darating na Semana Santa 2026. Ang inyong pakikibahagi ay lubos naming ikagagalak.

Maraming salamat po at nawa’y maging makabuluhan ang ating paggunita.

27/03/2026

𝗣𝗮𝗮𝗻𝘆𝗮𝘆𝗮 | 𝗟𝗶𝗻𝗴𝗴𝗼 𝗻𝗴 𝗣𝗮𝗹𝗮𝘀𝗽𝗮𝘀 | 𝗠𝗮𝗿𝘀𝗼 𝟮𝟵, 𝟮𝟬𝟮𝟲 (𝗟𝗶𝗻𝗴𝗴𝗼)

Inaanyayahan ang lahat na makiisa sa pagdiriwang ng Palm Sunday—ang paggunita sa matagumpay na pagpasok ng Panginoon sa Jerusalem at simula ng Kanyang Pagpapakasakit.

Magdala ng inyong mga palaspas bilang tanda ng ating pananampalataya at pakikiisa. Sama-sama nating salubungin ang Panginoon sa ating buhay.

“Osanna! Pinagpala ang dumarating sa ngalan ng Panginoon!”

20/03/2026

Pagbati ng Isang Maligayang Kaarawan
sa Aming Minamahal na Rdo. Padre Alexander Herras Kura Paroko ng Parokya ng Mahal na Birhen ng Fatima Apad, Calauag, Quezon.

Pagbati Mula sa PPC at Mga Kapisanang Banal.

27/02/2026

𝐊𝐔𝐌𝐏𝐈𝐒𝐀𝐋𝐀𝐍𝐆 𝐁𝐀𝐘𝐀𝐍

Inaanyayahan ang lahat na dumalo at makibahagi sa Kumpisalang Bayan sa ating Parokya sa darating na Lunes, Marso 09,2026 sa ganap na ika-2:00 ng hapon.

Ito ay pagkakataon upang linisin ang ating mga puso at palalimin ang ating pananampalataya, lalong-lalo na ngayong Panahon ng Kwaresma, na kung saan ito’y panahon ng pagsisisi, pagninilay, at pagbabalik-loob sa Diyos. Sa pamamagitan ng Sakramento ng Kumpisal, hinihikayat tayong tanggapin ang awa ng Diyos, magbagong-buhay, at lumago sa ating espiritwal na buhay habang inihahanda natin ang ating mga sarili sa pagdiriwang ng Pasko ng Muling Pagkabuhay.

17/02/2026

16/02/2026

LENT IS AROUND THE CORNER ✝️

Lent is a penitential season of forty days, during which the Church prepares the faithful for Easter through prayer, fasting, and almsgiving (cf. Catechism of the Catholic Church [CCC], no. 540). By these practices, believers share in Christ’s forty days in the desert and are called to continual conversion and interior repentance (cf. CCC, nos. 1438–1439).

Fasting, required on Ash Wednesday and Good Friday, consists of one full meal and, if necessary, two smaller meals which together do not equal a full meal (cf. Code of Canon Law, can. 1251–1252).

Abstinence, required on Ash Wednesday, all Fridays of Lent, and Good Friday, obliges the faithful to refrain from meat. Foods allowed include eggs, milk, cheese, fish, and other seafood (cf. CCC, no. 2043).

These penitential practices unite the faithful more closely to Christ’s Passion and prepare them to celebrate the Paschal Mystery with purified hearts. Those who are ill, pregnant, nursing, or otherwise unable are excused in accord with the Church’s pastoral discipline.

16/02/2026

Inaanyayahan po ang lahat na makiisa sa pagdiriwang ng Banal na Misa para sa Ash Wednesday sa darating na:

Pebrero 18, 2026 (Miyerkules)
Ika-7:00 ng umaga

Magkakaroon din po ng pagpapahid ng abo bilang tanda ng pagsisisi at paghahanda sa panahon ng Kuwaresma.

Maraming salamat po at nawa’y maging makabuluhan ang ating paggunita sa banal na araw na ito.