San Padre Pio Parish

25/08/2026

𝑫𝑨𝑰𝑳𝒀 𝑹𝑬𝑨𝑫𝑰𝑵𝑮𝑺 / 𝑨𝑼𝑮𝑼𝑺𝑻 26, 2026

UNANG PAGBASA
2 Tesalonica 3, 6-10. 16-18

Pagbasa mula sa ikalawang sulat ni Apostol San Pablo sa mga taga-Tesalonica

Mga kapatid, iniuutos namin sa inyo sa pangalan ng Panginoong Hesukristo, na layuan ang mga tamad at ayaw mamuhay ayon sa mga tagubilin namin sa inyo. Alam naman ninyo na dapat ninyong tularan ang aming ginawa. Hindi kami nahiyang magtrabaho nang kami’y nariyan pa. Hindi kami tumanggap ng anumang bagay kaninuman nang hindi namin binabayaran. Nagpagal kami araw-gabi upang hindi maging pasanin ng sinuman sa inyo. Ginawa namin ito hindi dahil sa wala kaming karapatang maghintay ng inyong tulong kundi upang kayo’y bigyan ng halimbawang dapat sundan. Nang kasama pa namin kayo, ito ang tagubiling ibinigay namin sa inyo: “Huwag ninyong pakanin ang sinumang ayaw gumawa.”

Ang Panginoon na bukal ng kapayapaan ang siya nawang magkaloob sa inyo ng kapayapaan sa lahat ng pagkakataon. Nawa’y sumainyong lahat ang Panginoon.

Akong si Pablo ang sumulat ng pagbating ito: Binabati ko kayo. Ito ang aking lagda sa lahat ng sulat ko. Ganito ako sumulat.

Nawa’y sumainyong lahat ang pagpapala ng ating Panginoong Hesukristo.

Ang Salita ng Diyos.

SALMONG TUGUNAN
Salmo 127, 1-2. 4-5

Mapalad ang sumusunod
na taong may takot sa D’yos.

Mapalad ang bawat tao na sa Diyos ay may takot,
ang maalab na adhika’y sumunod sa kanyang utos.
Hindi siya magkukulang sa anumang kailangan,
ang buhay ay maligaya’t uunlad ang kanyang buhay.

Mapalad ang sumusunod
na taong may takot sa D’yos.

Ang sinuman kung ang Diyos buong pusong susundin,
buhay niya ay uunlad at laging pagpapalain.
Mula sa Sion, pagpapala nawa ng Diyos ay tanggapin,
at makita habang buhay, pag-unlad ng Jerusalem.

Mapalad ang sumusunod
na taong may takot sa D’yos.

______________________

MABUTING BALITA
Mateo 23, 27-32

Ang Mabuting Balita ng Panginoon ayon kay San Mateo

Noong panahong iyon, sinabi ni Hesus, “Sa aba ninyo, mga eskriba at mga Pariseo! Mga mapagpaimbabaw! Ang katulad ninyo’y mga libingang pinaputi, magaganda sa labas, ngunit sa loob ay puno ng kabulukan at buto ng mga patay. Ganyang-ganyan kayo! Sa paningin ng tao’y mabubuti kayo, ngunit ang totoo, punung-puno kayo ng pagpapaimbabaw at kasamaan.

“Sa aba ninyo, mga eskriba at mga Pariseo! Mga mapagpaimbabaw! Ipinagtatayo ninyo ng mga libingan ang mga propeta at ginagayakan ang mga puntod ng mga taong namuhay nang matuwid. At sinasabi ninyo, ‘Kung kami sana’y nabuhay sa kapanahunan ng aming mga ninuno, hindi namin ipapapatay ang mga propeta.’ Sa sinabi ninyong iyan, inaamin ninyong kayo’y mga anak ng mga nagpapatay sa mga propeta! Sige! Tapusin ninyo ang pinasimulan ng inyong mga ninuno!”

Ang Mabuting Balita ng Panginoon.

25/08/2026

𝐒𝐀𝐍 𝐏𝐀𝐃𝐑𝐄 𝐏𝐈𝐎 𝐏𝐀𝐑𝐈𝐒𝐇 𝐏𝐈𝐋𝐆𝐑𝐈𝐌𝐀𝐆𝐄 – 𝐏𝐀𝐌𝐀𝐘𝐀𝐍𝐀𝐍𝐆 𝐒𝐈𝐌𝐁𝐀𝐇𝐀𝐍 𝐍𝐆 𝐇𝐀𝐏𝐀𝐆 𝐍𝐆 𝐁𝐀𝐑𝐔𝐘𝐀𝐍 𝐍𝐀𝐆𝐀.
August 25, 2026

Isinagawa ang ika-9 na araw ng San Padre Pio Parish Pilgrimage, o ang paglalakbay ng imahen ni San Padre Pio, sa Pamayanang Simbahan ng Hapag ng Pulong Baruyan Naga.

Nagsimula ang gawain sa Novena Prayer para kay San Padre Pio, kasunod ang sa isang pagtalakay tungkol sa tema ng pilgrimage at ng nalalapit na Pista ng San Padre Pio Parish, kasama ang iba't ibang layunin ng paglalakbay. Sinundan ito ng panalangin at pagninilay, at iba't ibang gawain na nagbigay-daan sa aktibong pakikilahok ng mga miyembro ng pamayanan.

Isinagawa rin ang pagpili ng bagong Coordinator, Assistant Coordinator, Secretary at Treasurer para sa Pamayanang Simbahan ng Hapag ng Pulong Baruyan Naga.

Nawa’y ang paglalakbay na ito ay maging daan upang lalo pang mapalalim ang ating pananampalataya at maisakatuparan ang layunin ng ating parokya.🙏

San Padre Pio, ipanalangin mo kami!

𝑺𝒂𝒏 𝑷𝒂𝒅𝒓𝒆 𝑷𝒊𝒐 𝑷𝒂𝒓𝒊𝒔𝒉
𝐏𝐫𝐚𝐲, 𝐇𝐨𝐩𝐞, & 𝐃𝐨𝐧’𝐭 𝐰𝐨𝐫𝐫𝐲

24/08/2026

𝑫𝑨𝑰𝑳𝒀 𝑹𝑬𝑨𝑫𝑰𝑵𝑮𝑺 / 𝑨𝑼𝑮𝑼𝑺𝑻 25, 2026

UNANG PAGBASA
2 Tesalonica 2, 1-3a. 14-17

Pagbasa mula sa ikalawang sulat ni Apostol San Pablo sa mga taga-Tesalonica

Tungkol naman sa pagparito ng ating Panginoong Hesukristo at sa pagtitipon niya sa atin, ipinamamanhik namin sa inyo, mga kapatid, na huwag kayong magugulat agad o mababahala sa balitang dumating na ang Araw ng Panginoon. Huwag kayong maniniwala kahit sabihin nilang ito’y hula o pahayag, o kaya’y sulat na galing sa amin o sa anumang paraan, huwag kayong padadaya kaninuman.

Tinawag kayo ng Diyos sa pamamagitan ng Mabuting Balitang ipinahayag namin sa inyo upang makasama sa kaluwalhatian ng ating Panginoong Hesukristo. Kaya nga, mga kapatid, manatili kayong matatag sa mga katotohanang itinuro namin sa inyo, maging sa salita o sa sulat.

Aliwin nawa kayo ng ating Panginoong Hesukristo at ng ating Diyos at Ama na umibig sa atin at sa kanyang habag ay nagbigay sa atin ng walang pagbabagong lakas ng loob at matibay na pag-asa. Bigyan nawa kayo ng matatag na kalooban upang inyong maipahayag at maisagawa ang lahat ng mabuti.

Ang Salita ng Diyos.

SALMONG TUGUNAN
Salmo 95, 10. 11-12a. 12b-13

Panginoo’y paririto
upang hatulan n’ya tayo.

“Panginoo’y siyang hari,” sa daigdig ay sabihin,
“sanlibuta’y matatag na, kahit ito ay ugain;
sa paghatol sa nilikha, lahat ay pantay sa paningin.”

Panginoo’y paririto
upang hatulan n’ya tayo.

Lupa’t langit ay magsaya, umugong ang kalaliman,
lahat kayo na nilikhang nasa tubig ay magdiwang.
Ang bukirin at ang lahat ng naroon ay sumisigaw.

Panginoo’y paririto
upang hatulan n’ya tayo.

Pati mga punongkahoy sa galak ay mag-awitan.
Ang P**n ay pupurihin, pagkat siya ay daratal,
paririto sa daigdig, upang lahat ay hatulan.
Tapat siya kung humatol at lahat ay pantay-pantay.

Panginoo’y paririto
upang hatulan n’ya tayo.

_______________________________

MABUTING BALITA
Mateo 23, 23-26

Ang Mabuting Balita ng Panginoon ayon kay San Mateo

Noong panahong iyon, sinabi ni Hesus, “Sa aba ninyo, mga eskriba at mga Pariseo! Mga mapagpaimbabaw! Ibinibigay ninyo ang ikapu ng gulaying walang halaga ngunit kinaliligtaan ninyong isagawa ang lalong mahahalagang aral sa Kautusan: ang katarungan, ang pagkahabag, at ang katapatan. Tamang gawin ninyo ang mga ito, ngunit huwag naman ninyo kaliligtaang gawin ang iba. Mga bulag na taga-akay! Sinasala ninyo ang niknik sa inyong inumin, ngunit nilulunok ninyo ang kamelyo!

“Sa aba ninyo, mga eskriba at mga Pariseo! Mga mapagpaimbabaw! Nililinis ninyo ang labas ng tasa at ng pinggan ngunit ang loob nito’y puno ng mga nahuthot ninyo dahil sa kasakiman at pagsasamantala. Bulag na Pariseo! Linisin mo muna ang mga nasa loob ng tasa at ng pinggan, at magiging malinis din ang labas nito!”

Ang Mabuting Balita ng Panginoon.

24/08/2026

𝐒𝐀𝐍 𝐏𝐀𝐃𝐑𝐄 𝐏𝐈𝐎 𝐏𝐀𝐑𝐈𝐒𝐇 𝐏𝐈𝐋𝐆𝐑𝐈𝐌𝐀𝐆𝐄 – 𝐏𝐀𝐌𝐀𝐘𝐀𝐍𝐀𝐍𝐆 𝐒𝐈𝐌𝐁𝐀𝐇𝐀𝐍 𝐍𝐆 𝐇𝐀𝐏𝐀𝐆 𝐍𝐆 𝐏𝐔𝐋𝐎𝐍𝐆 𝐒𝐀𝐆𝐈𝐍𝐆𝐀𝐍, 𝐁𝐀𝐑𝐔𝐘𝐀𝐍
August 24, 2026

Isinagawa ang ika-8 na araw ng San Padre Pio Parish Pilgrimage, o ang paglalakbay ng imahen ni San Padre Pio, sa Pamayanang Simbahan ng Hapag ng Pulong Sagingan, Baruyan.

Nagsimula ang gawain sa Novena Prayer para kay San Padre Pio, kasunod ang sa isang pagtalakay tungkol sa tema ng pilgrimage at ng nalalapit na Pista ng San Padre Pio Parish, kasama ang iba't ibang layunin ng paglalakbay. Sinundan ito ng panalangin at pagninilay, at iba't ibang gawain na nagbigay-daan sa aktibong pakikilahok ng mga miyembro ng pamayanan.

Isinagawa rin ang pagpili ng bagong Coordinator, Assistant Coordinator, Secretary at Treasurer para sa Pamayanang Simbahan ng Hapag ng Pulong Sagingan, Baruyan.

Matapos ang mga gawain, ipinagdiwang ang Banal na Misa na pinangunahan ni Rev. Fr. Dennis Delmo. Nagtapos ang programa sa isang masayang salo-salo kasama ang buong pamayanan.

Nawa’y ang paglalakbay na ito ay maging daan upang lalo pang mapalalim ang ating pananampalataya at maisakatuparan ang layunin ng ating parokya.🙏

San Padre Pio, ipanalangin mo kami!

𝑺𝒂𝒏 𝑷𝒂𝒅𝒓𝒆 𝑷𝒊𝒐 𝑷𝒂𝒓𝒊𝒔𝒉
𝐏𝐫𝐚𝐲, 𝐇𝐨𝐩𝐞, & 𝐃𝐨𝐧’𝐭 𝐰𝐨𝐫𝐫𝐲

24/08/2026

𝐇𝐀𝐏𝐏𝐘 𝟔𝐓𝐇 𝐄𝐏𝐈𝐒𝐂𝐎𝐏𝐀𝐋 𝐀𝐍𝐍𝐈𝐕𝐄𝐑𝐒𝐀𝐑𝐘!

Warmest greetings and prayers to Most Rev. Moises Magpantay Cuevas, D.D. on the celebration of your 6th Episcopal Anniversary!

May the Lord continue to bless you with wisdom, strength, and grace as you faithfully serve His people and lead the Church.

Thank you for your faithful leadership, dedication, and loving service to the people of God.

🎉 𝙃𝙖𝙥𝙥𝙮 6𝙩𝙝 𝙀𝙥𝙞𝙨𝙘𝙤𝙥𝙖𝙡 𝘼𝙣𝙣𝙞𝙫𝙚𝙧𝙨𝙖𝙧𝙮, 𝙈𝙤𝙨𝙩 𝙍𝙚𝙫. 𝙈𝙤𝙞𝙨𝙚𝙨 𝙈𝙖𝙜𝙥𝙖𝙣𝙩𝙖𝙮 𝘾𝙪𝙚𝙫𝙖𝙨, 𝘿.𝘿.!

23/08/2026

𝑫𝑨𝑰𝑳𝒀 𝑹𝑬𝑨𝑫𝑰𝑵𝑮𝑺 / 𝑨𝑼𝑮𝑼𝑺𝑻 24, 2026

UNANG PAGBASA
Pahayag 21, 9b-14

Pagbasa mula sa aklat ng Pahayag

Wika ng anghel sa akin, “Halika, at ipakikita ko sa iyo ang Babaing makakaisang-dibdib ng Kordero.” Nilukuban ako ng Espiritu, at inihatid ako ng anghel sa ibabaw ng isang napakataas na bundok. Ipinakita niya sa akin ang Jerusalem, ang Banal ng Lungsod, na bumababa mula sa langit buhat sa Diyos. Nagliliwanag ito dahil sa kaningningan ng Diyos; kumikislap na gaya ng hiyas na haspeng sinlinaw ng kristal. Ang pader nito’y makapal at mataas at may labindalawang pinto, bawat isa’y may bantay na anghel. Nakasulat sa mga pinto ang pangalan ng labindalawang lipi ng Israel. Tatlo ang pinto ng bawat panig: tatlo sa silangan, tatlo sa timog, tatlo sa hilaga, at tatlo sa kanluran. Ang pader ng lungsod ay may labindalawang saligang-bato at nakasulat dito ang pangalan ng labindalawang apostol ng Kordero.

Ang Salita ng Diyos.

_______________________

SALMONG TUGUNAN
Salmo 144, 10-11. 12-13ab. 17-18

Talastas ng mga tao
dakilang paghahari mo.

Magpupuring lahat sa iyo, O Panginoon, ang iyong nilalang;
lahat mong nilikha ay pupurihin ka’t pasasalamatan.
Babanggitin nilang tunay na dakila ang ‘yong kaharian,
at ibababalitang tunay kang dakila’t makapangyarihan.

Talastas ng mga tao
dakilang paghahari mo.

Dakila mong gawa’y upang matalastas ng lahat ng tao,
mababatid nila ang kadikalaan ng paghahari mo.
Ang paghahari mo’y sadyang walang hanggan, hindi magbabago.

Talastas ng mga tao
dakilang paghahari mo.

Matuwid ang Diyos sa lahat ng bagay niyang ginagawa;
kahit anong gawin ay kalakip doon ang habag at awa.
Siya’y nakikinig at handang tumulong sa lahat ng tao
sa sinumang taong pagtawag sa kanya’y tapat at totoo.

Talastas ng mga tao
dakilang paghahari mo.

_________________________________

MABUTING BALITA
Juan 1, 45-51

Ang Mabuting Balita ng Panginoon ayon kay San Juan

Noong panahong iyon, hinanap ni Felipe si Natanael, at sinabi rito, “Natagpuan namin si Hesus na taga-Nazaret, ang anak ni Jose. Siya ang tinutukoy ni Moises sa kanyang sinulat sa Kautusan, at gayun din ng mga propeta.” “May magmumula bang mabuti sa Nazaret?” Tanong ni Natanael. Sumagot si Felipe, “Halika’t tingnan mo.”

Nang malapit na si Natanael ay sinabi ni Hesus, “Masdan ninyo ang isang tunay na Israelita; siya’y hindi magdaraya!” Tinanong siya ni Natanael, “Paano ninyo ako nakilala?” Sumagot si Hesus, “Bago ka pa tawagin ni Felipe, nakita na kita nang ikaw ay nasa ilalim ng puno ng igos.” “Rabi, kayo po ang Anak ng Diyos! Kayo ang Hari ng Israel!” wika ni Natanael. Sinabi ni Hesus, “nanampalataya ka ba dahil sa sinabi ko sa iyong nakita kita sa ilalim ng puno ng igos? Makakikita ka ng mga bagay na higit kaysa rito!” At sinabi niya sa lahat, “Tandaan ninyo: makikita ninyong bukas ang langit, at ang mga anghel ng Diyos ay manhik-manaog sa kinaroroonan ng Anak ng Tao!”

Ang Mabuting Balita ng Panginoon.

23/08/2026

🙏 𝐓𝐇𝐀𝐍𝐊𝐒𝐆𝐈𝐕𝐈𝐍𝐆 & 𝐇𝐄𝐀𝐋𝐈𝐍𝐆 𝐌𝐀𝐒𝐒

Ipinagdiwang sa San Padre Pio Parish ang Thanksgiving and Healing Mass, isang banal na pagdiriwang kung saan sama-sama nating inialay sa Diyos ang ating pasasalamat, mga panalangin, at mga intensyon.

Sa pagdiriwang na ito, muli tayong napuspos ng pag-asa at pananampalataya, habang ipinagkakatiwala natin sa Panginoon ang ating mga kagalakan, mga pagsubok, at mga pangangailangan. Nawa'y ang Kanyang biyaya ang patuloy na maghatid ng kagalingan, kapayapaan, at lakas sa bawat isa.

Lubos ang aming pasasalamat sa lahat ng nakiisa sa banal na pagdiriwang na ito. Nawa'y patuloy nating isabuhay ang diwa ng pasasalamat at pagtitiwala sa Diyos sa bawat araw ng ating buhay.

San Padre Pio, ipanalangin mo kami. 🙏🤎

23/08/2026

23/08/2026

💚 𝟐𝟏𝐒𝐓 𝐒𝐔𝐍𝐃𝐀𝐘 𝐈𝐍 𝐎𝐑𝐃𝐈𝐍𝐀𝐑𝐘 𝐓𝐈𝐌𝐄
August 23, 2026

“𝙉𝙜𝙪𝙣𝙞𝙩 𝙥𝙖𝙧𝙖 𝙨𝙖 𝙞𝙣𝙮𝙤, 𝙨𝙞𝙣𝙤 𝙖𝙠𝙤?”
Mateo 16:13-20

“Ang pagkilala kay Hesus ay hindi lamang sa salita, kundi sa pananampalataya at pagsasabuhay nito.”

Sa ating buhay, mahalagang tanungin ang ating sarili: Sino nga ba si Hesus para sa atin? Higit pa sa pagkilala sa Kanya bilang ating Panginoon at Tagapagligtas, tinatawag Niya tayong ipakita ang ating pananampalataya sa pamamagitan ng ating mga salita, gawa, at pakikitungo sa kapwa.

“Sa gitna ng mga pagsubok at hamon ng buhay, paano natin ipinapakita na tunay nating kinikilala si Hesus? Nawa’y patuloy nating palalimin ang ating pananampalataya at hayaan Siyang maging gabay sa bawat desisyon at hakbang na ating ginagawa.”

Mapagpalang Linggo sa ating lahat! 🙏💚

𝑺𝒂𝒏 𝑷𝒂𝒅𝒓𝒆 𝑷𝒊𝒐 𝑷𝒂𝒓𝒊𝒔𝒉
𝐏𝐫𝐚𝐲, 𝐇𝐨𝐩𝐞, & 𝐃𝐨𝐧’𝐭 𝐰𝐨𝐫𝐫𝐲

23/08/2026

💚 𝟐𝟏𝐒𝐓 𝐒𝐔𝐍𝐃𝐀𝐘 𝐈𝐍 𝐎𝐑𝐃𝐈𝐍𝐀𝐑𝐘 𝐓𝐈𝐌𝐄
August 23, 2026

“𝙉𝙜𝙪𝙣𝙞𝙩 𝙥𝙖𝙧𝙖 𝙨𝙖 𝙞𝙣𝙮𝙤, 𝙨𝙞𝙣𝙤 𝙖𝙠𝙤?”
Mateo 16:13-20

“Ang pagkilala kay Hesus ay hindi lamang sa salita, kundi sa pananampalataya at pagsasabuhay nito.”

Sa ating buhay, mahalagang tanungin ang ating sarili: Sino nga ba si Hesus para sa atin? Higit pa sa pagkilala sa Kanya bilang ating Panginoon at Tagapagligtas, tinatawag Niya tayong ipakita ang ating pananampalataya sa pamamagitan ng ating mga salita, gawa, at pakikitungo sa kapwa.

“Sa gitna ng mga pagsubok at hamon ng buhay, paano natin ipinapakita na tunay nating kinikilala si Hesus? Nawa’y patuloy nating palalimin ang ating pananampalataya at hayaan Siyang maging gabay sa bawat desisyon at hakbang na ating ginagawa.”

Mapagpalang Linggo sa ating lahat! 🙏💚

𝑺𝒂𝒏 𝑷𝒂𝒅𝒓𝒆 𝑷𝒊𝒐 𝑷𝒂𝒓𝒊𝒔𝒉
𝐏𝐫𝐚𝐲, 𝐇𝐨𝐩𝐞, & 𝐃𝐨𝐧’𝐭 𝐰𝐨𝐫𝐫𝐲