LND - SJBP - Calamba City

02/10/2026

Pagbati sa ating minamahal na kura paroko, Reb. Mons. Mario Rafael M. Castillo, kasama ang mga kapatid niyang pari na ngayo'y nagdiriwang ng kanilang ika-26 na taong anibersaryo bilang "Monsignor."

Pinarangalan ng titulo bilang "Monsignor" si Monsi Mar kasama sina Reb. Mons. Jerry Bitoon, H.P., Reb. Mons. Alex Ramon Amante, P.C., Reb. Mons. Jose Barrion, P.C., Reb. Mons. James A. Contreras, P.C., at Reb. Mons. Licerio Taguilaso, P.C., bilang pagpapahayag ng lubos na pasasalamat sa kanilang mahahalagang kontribusyon sa Diyosesis sa pagdiriwang ng Dakilang Hubileo ng 2000.

Patuloy nating ipagdasal si Monsi Mar kasama ang mga kapatid niyang pari, pati na rin ang mga kasama nilang lumipas na.

Muli, pagbati po sa inyo. Nawa ay pagpalain pa po kayo ng Panginoon ng lakas at kasiglahan upang ipagpatuloy ang inyong bokasyon.

01/10/2026

Oktubre 2 | 𝐏𝐚𝐠𝐠𝐮𝐧𝐢𝐭𝐚 𝐬𝐚 𝐌𝐠𝐚 𝐁𝐚𝐧𝐚𝐥 𝐧𝐚 𝐀𝐧𝐠𝐡𝐞𝐥 𝐧𝐚 𝐓𝐚𝐠𝐚𝐭𝐚𝐧𝐨𝐝

"Sikapin ninyo na huwag hamakin ang isa sa malilit na ito, sapagkat sinasabi ko sa inyo na ang kanilang mga anghel sa langit ay laging nakaharap sa aking Amang nasa langit" (Mateo 18:10)

Ngayong araw ay ginugunita natin ang kapistahan ng Mga Banal na Anghel na Tagatanod. Kung ang mga Arkanghel ay isinugo ng Diyos upang maghatid ng mahahalagang balita ukol sa kaligtasan ng sangkatauhan, ang mga Anghel na Tagatanod naman ay Kanyang ipinapadala upang gumabay at mag-ingat sa bawat isa sa atin habang nabubuhay sa mundo.

Pinapaalala nito sa atin na bawat isa ay may anghel na patnubay na ipinagkaloob ng Diyos upang gabayan tayo sa ating paglalakbay sa buhay. Sila ang ating kaagapay sa paghingi ng tulong at proteksiyon, at nagsisilbing tanda ng walang hanggang pagmamahal at pag-aaruga ng Diyos sa Kanyang mga anak.

PANALANGIN SA MGA BANAL NA ANGHEL NA TAGATANOD

Anghel ng Diyos tagatanod kong mahal, na ang Panginoon sa iyo ako'y hinabilin, sumapiling ka lagi,
Anghel na Banal, ako'y tanglawan, ingatan,
pamahalaan at akayin. Amen.

🪽

01/10/2026

𝐎𝐤𝐭𝐮𝐛𝐫𝐞 𝟏 | 𝐊𝐀𝐏𝐈𝐒𝐓𝐀𝐇𝐀𝐍 𝐍𝐈 𝐒𝐓𝐀. 𝐓𝐄𝐑𝐄𝐒𝐈𝐓𝐀 𝐍𝐆 𝐍𝐈𝐍̃𝐎 𝐉𝐄𝐒𝐔𝐒, 𝐃𝐚𝐥𝐚𝐠𝐚 𝐚𝐭 𝐏𝐚𝐧𝐭𝐚𝐬 𝐧𝐠 𝐒𝐢𝐦𝐛𝐚𝐡𝐚𝐧
Patron ng mga Misyon, Pari, Piloto, Florista at may sakit sa baga.

Ang kabanalan ni Santa Teresita ng Niño Jesus ay nakatatak sa kanyang natatanging kaisipan: ang "Maliit na Daan" (Little Way). Hindi niya kailangang gumawa ng mga dambuhalang kababalaghan o maglakbay sa malalayong dako upang ipakita ang kanyang pagmamahal sa Diyos. Sa halip, natagpuan niya ang tunay na kagalakan at kaligtasan sa pagtupad ng mga simpleng gawaing-bahay at pang-araw-araw na tungkulin nang may dakilang pag-ibig at pagpapakumbaba.

Ipinakita ni Sta. Teresita na ang bawat isa—gaano man kaimpit o kababa ang kalagayan sa lipunan—ay kayang maging banal. Sa pamamagitan ng pagtanggap sa sariling kahinaan at buong-pusong pagtitiwala sa awa ng Diyos tulad ng isang maliit na bata sa kanyang ama, naging ilaw siya ng pag-asa para sa marami.

Sa huli, ang buhay ni Sta. Teresita ay isang paalala na ang tunay na kabanalan ay hindi nasusukat sa laki ng ating ginagawa, kundi sa laki ng pag-ibig na ibinubuhos natin sa bawat maliit na bagay.

PANALANGIN

Santa Teresita del Niño Jesus, huwaran ng kababaang-loob at munting landas ng kabanalan, turuan mo kaming magmahal sa Diyos sa pamamagitan ng mga simpleng gawain sa aming pang-araw-araw na buhay. Tulungan mo kaming ialay ang bawat kilos, salita, at sakripisyo nang may wagas na pag-ibig at buong pagtitiwala sa Kanyang banal na kalooban.

Sa mga sandali ng aming panghihina at pag-aalinlangan, ipamagitan mo kami upang manatiling matatag sa pananampalataya at umasa sa walang hanggang awa ng Diyos. Nawa’y matutuhan naming magmahal nang walang hinihintay na kapalit at maging mga instrumento ng Kanyang pag-ibig sa aming kapwa.

Santa Teresita del Niño Jesus, ipanalangin mo kami.

🤎🌷🌹

30/09/2026

🎉𝙎𝙀𝙋𝙏𝙀𝙈𝘽𝙀𝙍 𝘽𝙄𝙍𝙏𝙃𝘿𝘼𝙔 𝘾𝙀𝙇𝙀𝘽𝙍𝘼𝙉𝙏𝙎 🎉

“𝘍𝘰𝘳 𝘣𝘦𝘩𝘰𝘭𝘥, 𝘧𝘳𝘰𝘮 𝘯𝘰𝘸 𝘰𝘯 𝘢𝘭𝘭 𝘨𝘦𝘯𝘦𝘳𝘢𝘵𝘪𝘰𝘯𝘴 𝘸𝘪𝘭𝘭 𝘤𝘢𝘭𝘭 𝘮𝘦 𝘣𝘭𝘦𝘴𝘴𝘦𝘥.”
— Luke 1:48

As we celebrate the birthdays of our beloved September celebrants, may your lives be filled with the same grace, love, and joy that we celebrate during the 𝘕𝘢𝘵𝘪𝘷𝘪𝘵𝘺 𝘰𝘧 𝘵𝘩𝘦 𝘉𝘭𝘦𝘴𝘴𝘦𝘥 𝘝𝘪𝘳𝘨𝘪𝘯 𝘔𝘢𝘳𝘺 on September 8. 💙

We also joyfully commemorate the feast of our Second Patroness, 𝘕𝘶𝘦𝘴𝘵𝘳𝘢 𝘚𝘦ñ𝘰𝘳𝘢 𝘥𝘦 𝘈𝘳𝘢𝘯𝘻𝘢𝘻𝘶, on September 9. May Our Lady of Aranzazu continue to guide, protect, and intercede for you as you grow in faith and continue serving the Lord. 🙏🏻✨

May this new chapter of your life bring you closer to God and inspire you to remain faithful in your service as Lingkod ng Dambana.

🎂💙 𝙃𝙖𝙥𝙥𝙮 𝘽𝙞𝙧𝙩𝙝𝙙𝙖𝙮 𝙩𝙤 𝙖𝙡𝙡 𝙤𝙪𝙧 𝙎𝙚𝙥𝙩𝙚𝙢𝙗𝙚𝙧 𝘾𝙚𝙡𝙚𝙗𝙧𝙖𝙣𝙩𝙨! 💙🎂

29/09/2026

29/09/2026

29/09/2026

Setyembre 30 | Kapistahan ni 𝐒𝐀𝐍 𝐆𝐄𝐑𝐎𝐍𝐈𝐌𝐎
Pari at Pantas ng Simbahan, ang Nagsalin sa Wikang Latin Vulgata ng Banal na Kasulatan.

𝐏𝐀𝐍𝐀𝐋𝐀𝐍𝐆𝐈𝐍 𝐊𝐀𝐘 𝐒𝐀𝐍 𝐆𝐄𝐑𝐎𝐍𝐈𝐌𝐎

Mahal naming San Geronimo, patron ng bayang Morong, nagpapasalamat kami sa Panginoon at ipinagkaloob ka sa amin na tagapangalaga ng aming sambayanan. Sa tulong ng iyong panalangin, magkaisa nawa kami sa pagbubuo, pagpapatatag, at pagpapasigla ng aming maliliit na sambayanang Kristiyano.

Madama nawa namin, ang lakas ng pagkakaisa at pagkilos, sa pakikilahok ng sambayanan, sa pagpapatuloy ng kasaysayan ng kaligtasan, upang matamo ang katotohanan, katarungan at kapayapaan na may pag-ibig.

Ikaw, O San Geronimo ang nagwika, "Ang hindi nakakikilala sa Bibliya, ay hindi nakakikilala kay Kristo. Magsumikap nawa kami na patuloy na kilalanin ang Diyos sa tulong ng Banal na Kasulatan, maglingkod sa kapwa nang may kababaang loob, walang pagtatangi at walang hinihintay na kapalit o gantimpala.

Kaisa ng mga panalangin ng Mahal na Birheng Maria, tulungan mo kaming patuloy na tumugon at tapat na gumanap sa tunay na mensahe ng Mabuting Balita.
Sa ikaluluwalhati ng Ama, Anak at Banal na Espiritu, naghaharing Diyos, magpasawalang hanggan. Siya Nawa.

"Ampunin Mo kami't kupkupin
O San Geronimong Patron namin."

📖🪶🦁

29/09/2026

Setyembre 29 | 𝐊𝐚𝐩𝐢𝐬𝐭𝐚𝐡𝐚𝐧 𝐧𝐢𝐧𝐚 𝐀𝐫𝐤𝐚𝐧𝐠𝐡𝐞𝐥 𝐒𝐚𝐧 𝐌𝐢𝐠𝐮𝐞𝐥, 𝐒𝐚𝐧 𝐆𝐚𝐛𝐫𝐢𝐞𝐥 𝐚𝐭 𝐒𝐚𝐧 𝐑𝐚𝐟𝐚𝐞𝐥

Ipinagdiriwang natin ngayon ang Kapistahan ng tatlong Arkanghel ng Diyos, sina San Mikael, San Gabriel, at San Rafael, mga lingkod at sugo ng Panginoon na nagpapaalala sa atin ng Kanyang kapangyarihan, mensahe, at mapagkalingang presensya.

Nawa’y tularan natin ang kanilang katapatan at pagiging handang maglingkod sa Panginoon. Sa bawat araw, nawa’y maging instrumento rin tayo ng Diyos sa pagdadala ng kabutihan, pag-asa, proteksyon, at pagmamahal sa ating kapwa. Sa pagdiriwang na ito, ating alalahanin na hindi tayo nag iisa sa ating paglalakbay.

Sa pamamagitan ng mga anghel at arkanghel, patuloy tayong pinaaalalahanan ng Diyos na Siya ay gumagabay, nag-iingat, at hindi kailanman lumalayo sa Kanyang mga anak.

PANALANGIN

O Diyos, ipinagkatiwala Mo kina San Mikael, San Gabriel, at San Rafael ang mga natatanging misyon para sa Iyong bayan. Sa kanilang pamamagitan, ipagkaloob Mo sa amin ang lakas upang labanan ang kasamaan, tapang na ipahayag ang Iyong Mabuting Balita, at pusong laging handang tumulong at magpagaling sa aming kapwa. Gabayan Mo kami sa bawat landas na aming tatahakin at ingatan Mo kami sa lahat ng panganib. Nawa’y matuto kaming maglingkod sa Iyo nang may kababaang-loob, katapatan, at buong pagtitiwala. Amen.

San Miguel Arkanghel, ipagtanggol mo kami!
San Gabriel Arkanghel, Gabayan mo kami!
San Rafael Arkanghel, ingatan mo kami!

Tampok sa larawan ang mga Pinipintuhong Imahen ng mga Arkanghel sa ating Diyosesis.
San Miguel - Brgy. Banlic Calamba City
San Gabriel - San Gabriel, San Pablo City
San Rafael - Brgy. Gulod, Cabuyao City
🪽
🙏