San Vicente Youth Ministry - Mamatid

08/05/2025

Habemus Papam!!!🇻🇦

Habemus Papam! We have a Pope!

The Cardinals gathered in the Vatican’s Sistine Chapel have elected Cardinal Robert Francis Prevost as the 267th Pope, who took the name Pope Leo XIV.

26/04/2025

POPE FRANCIS' LEGACY TO THE DIOCESE OF SAN PABLO

Sa pamamaalam natin kay Papa Francisco sa kanyang libing ngayong araw, balik-tanawin natin ang kanyang naging mga legasiya sa ating diyosesis:

PONTIFICAL CORONATION OF NUESTRA SENORA DE LOS DOLORES DE TURUMBA
Sa kanyang ngalan ay iginawad ni Apostolic Nuncio to the Philippines - Archbishop Charles John Brown ang canonical coronation ng orihinal na imahen ng Nuestra Senora de los Dolores de Turumba noong ika-15 ng Setyembre 2023. Ito ang kauna-unahang imahen ng Mahal na Birhen na ginawaran ng naturang pagkilala ng Santo Papa sa ating diyosesis.

APPOINTMENT OF MOST REV. MARCELINO ANTONIO MARALIT, JR, DD AS THE FIFTH BISHOP OF SAN PABLO
Matapos tanggapin ang maagang pagbaba sa tungkulin ni Bishop Buenaventura Famadico, si Papa Francisco rin ang nagtalaga kay Bishop Junie Maralit bilang ikalimang obispo ng San Pablo. Ito ay matapos ang isang taong paninilbihan ni Bishop Mylo Hubert Vergara bilang Apostolic Administrator na mismong si Papa Francisco rin ang naghirang.

APPROVAL OF THE ELEVATION OF MAJAYJAY CHURCH AS MINOR BASILICA OF SAN GREGORIO MAGNO (MAJAYJAY)
Sa kanyang ngalan ay iginawad noong ika-25 ng Enero ng Dicastery for Worship and the Discipline of the Sacraments ang titulong Minor Basilica sa Simbahan ng San Gregorio Magno sa Majayjay, Laguna. Ito ang kauna-unahang Minor Basilica sa diyosesis at sa lalawigan ng Laguna.

Sa mga biyayang natanggap natin bilang diyosesis mula sa maka-amang panunungkulan ni Papa Francisco, pasalamatan natin ang Diyos. Ipanalangin natin ang kapayapaan ng kaluluwa ni Papa Francisco, at manalangin rin tayo na gabayan ng Espiritu Santo ang mga kardenal sa pagpili ng panibagong Santo Papa.

21/04/2025

Pope Francis died on Monday, April 21, 2025, at the age of 88 at his residence in the Vatican's Casa Santa Marta.

05/04/2025

𝗠𝗔𝗟𝗜𝗚𝗔𝗬𝗔𝗡𝗚 𝗞𝗔𝗣𝗜𝗦𝗧𝗔𝗛𝗔𝗡 𝗦𝗔𝗡 𝗩𝗜𝗖𝗘𝗡𝗧𝗘 𝗙𝗘𝗥𝗥𝗘𝗥 𝗗𝗘 𝗠𝗔𝗠𝗔𝗧𝗜𝗗! 💛

𝗠𝗔𝗟𝗜𝗚𝗔𝗬𝗔𝗡𝗚 𝗞𝗔𝗣𝗜𝗦𝗧𝗔𝗛𝗔𝗡 𝗦𝗔𝗡 𝗩𝗜𝗖𝗘𝗡𝗧𝗘 𝗙𝗘𝗥𝗥𝗘𝗥 𝗗𝗘 𝗠𝗔𝗠𝗔𝗧𝗜𝗗!
𝘼𝙣𝙜 𝙈𝙞𝙡𝙖𝙜𝙧𝙤𝙨𝙤𝙣𝙜 𝙎𝙖𝙣 𝙑𝙞𝙘𝙚𝙣𝙩𝙚 𝙨𝙖 𝘾𝙖𝙗𝙪𝙮𝙖𝙤, 𝘼𝙣𝙜 𝙎𝙚𝙣𝙩𝙧𝙤 𝙣𝙜 𝘿𝙚𝙗𝙤𝙨𝙮𝙤𝙣 𝙠𝙖𝙮 𝙎𝙖𝙣 𝙑𝙞𝙘𝙚𝙣𝙩𝙚 𝙨𝙖 𝙇𝙖𝙜𝙪𝙣𝙖

𝑴𝒂𝒏𝒂𝒍𝒂𝒏𝒈𝒊𝒏 𝒕𝒂𝒚𝒐…

Mahal naming Poong San Vicente Ferrer, ipinagkaloob ka sa amin ng Ama, upang maging huwaran namin, idalangin mo sa Diyos, na ipagkaloob sa amin, ang awa at tulong, dito sa hinihiling namin sa iyo Mahal na Santo, ang pagpapala mo sa Santa Iglesya, ang pagkakasundo at pagkakapatiran ng lahat ng mga Kristiyano, ang pagbabalik loob sa Diyos ng mga di-binyagan, ang mga kagipitan at kahirapan ng aming bayan, at ang pagpapala sa mga kaluluwa sa purgatoryo, ang aming kabataan malayo nawa sa kapahamakan, at magkaroon ng magandang buhay.

Pinagpipitagan naming mahal na San Vicente Ferrer, idalangin mo kami sa Diyos, na ipagkaloob sa amin, ang lahat ng makagagaling sa aming kaluluwa at katawan, makapagbigay puri at pasasalamat sa Kanya, hanggang sa buhay na walang hanggan. Amen

San Vicente Ferrer de Mamatid, ipanalangin mo kami sa Diyos at idulog mo kami sa Kanya!

Support, Like, and Share our page Diocesan Shrine of San Vicente Ferrer - Mamatid

30/03/2025

"𝗞𝘂𝗻𝗴 𝘁𝘂𝗻𝗮𝘆 𝗺𝗼𝗻𝗴 𝗻𝗮𝗶𝘀 𝘁𝘂𝗺𝘂𝗹𝗼𝗻𝗴 𝘀𝗮 𝗸𝗮𝗹𝘂𝗹𝘂𝘄𝗮 𝗻𝗴 𝗶𝘆𝗼𝗻𝗴 𝗸𝗮𝗽𝘄𝗮, 𝗹𝘂𝗺𝗮𝗽𝗶𝘁 𝗸𝗮 𝗺𝘂𝗻𝗮 𝘀𝗮 𝗗𝗶𝘆𝗼𝘀 𝗻𝗮𝗻𝗴 𝗯𝘂𝗼𝗻𝗴 𝗽𝘂𝘀𝗼." – 𝗦𝗮𝗻 𝗩𝗶𝗰𝗲𝗻𝘁𝗲 𝗙𝗲𝗿𝗿𝗲𝗿

Ikaapat na Araw ng Nobena

Sa Ebanghelyo ngayong Linggo, ikinuwento ni Hesus ang Alibughang Anak — isang kwento ng pag-ibig at pagpapatawad.

Yung anak? Lumayo sa ama, nilustay ang lahat, at nauwi sa kahihiyan.
Yung ama? Buong pagmamahal na sinalubong siya kahit na siya'y nagkamali.

Ganoon din si Lord. Kahit gaano tayo kalayo, kapag bumalik tayo sa Kanya, bukas ang Kanyang mga bisig.

Pero paano nga ba tayo magiging tulad ng ama na handang magpatawad at umunawa sa ating kapwa?

👉 Magsimula sa paglapit kay Lord. Kapag puno tayo ng pagmamahal Niya, mas madali tayong maging pasensyoso, mapagpatawad, at handang tumulong sa iba.

Bago ka magbigay ng payo, mangaral, o mag-alalay sa iba — lumuhod muna sa panalangin. Pusong puno ng Diyos ang makakapagbigay ng tunay na tulong.

🙏 Panginoon, turuan Mo po akong lumapit muna sa Iyo upang maging instrumento ako ng Iyong pagmamahal sa aking kapwa. Amen.

29/03/2025

𝗞𝗮𝗽𝗮𝗴 𝗻𝗮𝘁𝘂𝘁𝘂𝗻𝗮𝗻 𝗻𝗮 𝗮𝗻𝗴 𝗽𝗮𝗴𝗽𝗮𝗽𝗮𝗸𝘂𝗺𝗯𝗮𝗯𝗮, 𝗺𝗮𝗯𝘂𝗯𝘂𝗵𝗮𝘆 𝗮𝗻𝗴 𝗽𝗮𝗴𝗸𝗮𝗸𝗮𝘄𝗮𝗻𝗴𝗴𝗮𝘄𝗮 - 𝗦𝗮𝗻 𝗩𝗶𝗰𝗲𝗻𝘁𝗲 𝗙𝗲𝗿𝗿𝗲𝗿

Ikatlong Araw ng Nobena

Sa Mabuting Balita, ikinuwento ni Hesus ang Parabula ng Pariseo at ng Publikano. Kayabangan vs. kababaang-loob.

Yung Pariseo? Nagdasal na parang pinagmamalaki pa sa Diyos ang kanyang kabutihan.
Yung Publikano? Tahimik lang, nagsisisi at buong pusong humingi ng awa.

Alam mo ba kung sino ang kinalugdan ng Diyos? Yung nagpapakumbaba.

Kapag marunong tayong magpakumbaba, mas madali tayong maging bukas-palad. Kasi alam natin na lahat ng meron tayo — talents, blessings, at tagumpay — ay biyaya lang ng Diyos.

Kaya next time na may chance kang tumulong, gawin mo ito nang may pusong mapagpakumbaba. Walang yabang, walang pagmamataas — tumulong ng may puso para kay Lord.

🙏 Panginoon, turuan Mo po akong maging mapagkumbaba upang matutunan kong tunay na magmahal at magbigay nang may taos-pusong pagmamalasakit. Amen.

,

29/03/2025

"𝗞𝗮𝗽𝗮𝗴 𝗻𝗮𝗸𝗶𝘁𝗮 𝗻𝗮 𝗻𝗴 𝗸𝗮𝗹𝘂𝗹𝘂𝘄𝗮 𝗮𝗻𝗴 𝗗𝗶𝘆𝗼𝘀, 𝗮𝗻𝗼 𝗽𝗮 𝗮𝗻𝗴 𝗺𝗮𝗵𝗶𝗵𝗶𝗹𝗶𝗻𝗴 𝗻𝗶𝘁𝗼?" – 𝗦𝗮𝗻 𝗩𝗶𝗰𝗲𝗻𝘁𝗲 𝗙𝗲𝗿𝗿𝗲𝗿

Ikalawang Araw ng Nobena

Sa Mabuting Balita ngayong araw, tinanong si Hesus kung ano ang pinakamahalagang utos. Sinagot Niya:

"Ibigin mo ang Panginoon mong Diyos nang buong puso, buong kaluluwa, buong pag-iisip, at buong lakas... at ibigin mo ang iyong kapwa gaya ng iyong sarili."

Kapag natutunan nating mahalin si Lord nang ganito, doon natin Siya makikita — at doon din natin matatagpuan ang tunay na pagkakuntento.

Hindi sa dami ng followers, hindi sa bagong materyal na bagay, at hindi rin sa pagsunod lang sa uso. Totoong saya ang mararamdaman kapag natutunan nating magtiwala at magpahinga sa pagmamahal ng Diyos.

Kaya kung pakiramdam mo may kulang pa rin, baka panahon na para hanapin si Lord. Promise, Siya lang sapat na.

Panginoon, tulungan Mo po akong hanapin Ka at makontento sa pag-ibig Mo. Amen.

29/03/2025

"𝘼𝙣𝙪𝙢𝙖𝙣 𝙖𝙣𝙜 𝙞𝙮𝙤𝙣𝙜 𝙜𝙖𝙬𝙞𝙣, 𝙝𝙪𝙬𝙖𝙜 𝙢𝙤𝙣𝙜 𝙞𝙨𝙞𝙥𝙞𝙣 𝙖𝙣𝙜 𝙞𝙮𝙤𝙣𝙜 𝙨𝙖𝙧𝙞𝙡𝙞 𝙠𝙪𝙣𝙙𝙞 𝙖𝙣𝙜 𝘿𝙞𝙮𝙤𝙨." – 𝙎𝙖𝙣 𝙑𝙞𝙘𝙚𝙣𝙩𝙚 𝙁𝙚𝙧𝙧𝙚𝙧

Sa unang araw ng ating nobena kay San Vicente Ferrer, paalalahanan natin ang ating sarili na lahat ng ating gawain ay dapat maging alay sa Diyos.

Kapag tayo'y naglilingkod, gawin natin ito nang may kababaang-loob. Kapag tayo'y nagdarasal, ituon natin ang ating puso sa Kanya. At kapag tayo'y humaharap sa pagsubok, ipagkatiwala natin ito sa Kanyang kalooban.

Manalangin tayo:
Panginoon, turuan Mo po kami na maglingkod at magmahal nang walang hinihintay na kapalit, kundi ang maparangalan Ka tulad ng halimbawa ni San Vicente Ferrer. Amen.

26/03/2025

𝗗𝗔𝗞𝗜𝗟𝗔𝗡𝗚 𝗞𝗔𝗣𝗜𝗦𝗧𝗔𝗛𝗔𝗡 𝗡𝗜 𝗦𝗔𝗡 𝗩𝗜𝗖𝗘𝗡𝗧𝗘 𝗙𝗘𝗥𝗥𝗘𝗥 𝟮𝟬𝟮𝟱
FIESTA 2025 SCHEDULE

Mga deboto at peregrino, tara na sa Mamatid at mamintuho sa milagrosong San Vicente Ferrer de Mamatid. Narito ang talaan ng mga gawain ngayong darating na kapistahan.

26/03/2025

Laudate Dominum! Hermanamiento Espiritual.
VIVA San Vicente Ferrer!

𝗛𝗘𝗥𝗠𝗔𝗡𝗔𝗠𝗜𝗘𝗡𝗧𝗢 𝗘𝗦𝗣𝗜𝗥𝗜𝗧𝗨𝗔𝗟
Dambana ni San Vicente Ferrer sa Laguna: Kinilala bilang Kauna-unahang Kapatid na Simbahan ng Basilica de San Vicente Ferrer sa Valencia, Spain

Matapos natin makapagsumite ng petisyon at mga dokumento, nakita ng komunidad ng Basilica ang ating pagpupunyagi para mapalawak ang debosyon kay San Vicente Ferrer na nasasalamin sa ating mga gawaing pastoral at debosyonal.

Naglalayon ang Spiritual Twinning nang pagkakaisa ng dalawang simbahan sa mas maigting na pagpapalaganap ng debosyon kay San Vicente Ferrer. Kaisa ng buong dambana sa Mamatid ay lubos ang pasasalamat natin sa biyayang ito na kaloob ng Basilica Minore de San Vicente Ferrer at sa kanilang suporta sa ating pagpapalaganap ng debosyong Vicentino.

Nawa ang pagkilalang ito ay magbunsod sa atin ng mas masidhi at malawak na pagpapalaganap ng debosyon kay San Vicente sa buong Pilipinas.

Ang pormal na pagtatalaga at solemneng deklarasyon bilang Kapatid na Simbahan ng Basilika ay gaganapin sa ika-anim ng Hunyo, ang pagtatapos ng isang daang araw ng selebrasyon ng ikalimang daan at pitumpung taong anibersaryo ng pagkahirang kay San Vicente Ferrer bilang santo. Magalak bayan ng Diyos sa biyayang kaloob sa ating dambana!

Salamat sa Diyos! Viva San Vicente Ferrer de Mamatid!

25/03/2025

𝗣𝗜𝗦𝗧𝗔𝗡𝗚 𝗣𝗔𝗚𝗧𝗔𝗧𝗔𝗟𝗔𝗚𝗔 𝗡𝗔!

Banal na Misa sa Paggunita ng Ika-15 Guning Taon ng Dedikasyon ng ating Altar at Simbahan at Pagkatatalaga ng ating Simban bilang Pandiyosesis na Dambana

Lahat ay inaanyayahan na makiisa sa pagdiriwang ng Banal na Misa bukas sa ganap na ika-5:30 ng hapon. Sama-sama nating gunitain ang mahalagang yugtong ito sa kasaysayan ng ating dambana.