St Polycarp Parish - Cabuyao

25/08/2026

TGEN Daily
August 25, 2026 | Tuesday
with Fr. JO de Luna

Mateo 23 : 23-26

Noong panahong iyon, sinabi ni Hesus, “Sa aba ninyo, mga eskriba at mga Pariseo! Mga mapagpaimbabaw! Ibinibigay ninyo ang ikapu ng gulaying walang halaga ngunit kinaliligtaan ninyong isagawa ang lalong mahahalagang aral sa Kautusan: ang katarungan, ang pagkahabag, at ang katapatan. Tamang gawin ninyo ang mga ito, ngunit huwag naman ninyo kaliligtaang gawin ang iba. Mga bulag na taga-akay! Sinasala ninyo ang niknik sa inyong inumin, ngunit nilulunok ninyo ang kamelyo!

“Sa aba ninyo, mga eskriba at mga Pariseo! Mga mapagpaimbabaw! Nililinis ninyo ang labas ng tasa at ng pinggan ngunit ang loob nito’y puno ng mga nahuthot ninyo dahil sa kasakiman at pagsasamantala. Bulag na Pariseo! Linisin mo muna ang mga nasa loob ng tasa at ng pinggan, at magiging malinis din ang labas nito!”

______

Ang “TGEN” (The Good ErmitaNews) ay isang online evangelization program ng Diyosesis ng San Pablo, sa pamamagitan ng Diocesan Commission on Social Communications, na naglalayon na ipalaganap ang aral ng Mabuting Balita sa tulong ng makabagong teknolohiya. Ang bawat episode ay available everyday at 6:00 AM.

23/08/2026

Agosto 24, 2026 | 𝐊𝐚𝐩𝐢𝐬𝐭𝐚𝐡𝐚𝐧 𝐧𝐢 𝐒𝐚𝐧 𝐁𝐚𝐫𝐭𝐨𝐥𝐨𝐦𝐞 𝐀𝐩𝐨𝐬𝐭𝐨𝐥

𝐌𝐚𝐢𝐤𝐥𝐢𝐧𝐠 𝐓𝐚𝐥𝐚𝐦𝐛𝐮𝐡𝐚𝐲 𝐧𝐢 𝐒𝐚𝐧 𝐁𝐚𝐫𝐭𝐨𝐥𝐨𝐦𝐞 𝐀𝐩𝐨𝐬𝐭𝐨𝐥

Si San Bartolome ay isa sa labindalawang apostol ni Hesus. Ang kanyang pangalan ay mula sa Hebreong Bar-Talmai, na nangangahulugang “anak ni Talmai”.

Inilahad sa Ebanghelyo ni Juan na si Felipe ang nagpakilala kay Natanael kay Hesus. Sa kanilang unang tagpo, sinabi ni Hesus: “Narito ang isang tunay na Israelita, na walang daya.” Nang tanungin ni Natanael kung paano siya nakilala, sumagot si Hesus: “Bago ka tinawag ni Felipe, nakita kita sa ilalim ng puno ng igos.” Dahil dito, naniwala si Natanael at tinawag si Hesus na “Anak ng Diyos”.

Matapos ang muling pagkabuhay ni Hesus, si Bartolome ay naglakbay upang ipalaganap ang Kristiyanismo. Pinaniniwalaang nagturo siya sa India, Armenia, Mesopotamia, at iba pang bahagi ng Silangan.

Isa siya sa mga apostol na nakaranas ng matinding pag-uusig. Ayon sa tradisyon, siya ay tinanggalan ng balat habang buhay at pagkatapos ay pinugutan ng ulo dahil sa kanyang pananampalataya.

Siya ang patron ng mga manggagamot, tagagawa ng balat, at ilang mga lungsod sa Spain at Mexico.

𝐏𝐚𝐧𝐚𝐥𝐚𝐧𝐠𝐢𝐧 𝐤𝐚𝐲 𝐒𝐚𝐧 𝐁𝐚𝐫𝐭𝐨𝐥𝐨𝐦𝐞 𝐀𝐩𝐨𝐬𝐭𝐨𝐥

O mapagpalang San Bartolome Apostol, tagapagdala ng liwanag ng Ebanghelyo sa mga lupang banyaga, ikaw na tumanggap ng papuri mula sa Panginoong Hesus bilang isang tunay na Israelita na walang daya, ipanalangin mo kami upang maging tapat sa aming pananampalataya.
Sa kabila ng pag-uusig at hirap, hindi ka nag-atubiling ipahayag ang Mabuting Balita. Tulungan mo kaming maging matatag sa gitna ng pagsubok, at maging saksi ng pag-ibig ng Diyos sa aming kapwa.

Ipanalangin mo kami, San Bartolome, na mapuspos ng Espiritu Santo, upang sa aming mga salita at gawa, maipahayag namin ang katotohanan, at maipadama ang awa ng Diyos sa mundo.

Sa ngalan ni Hesus, kasama ng Ama at ng Espiritu Santo, Amen.

San Bartolome Apostol, Ipanalangin mo kami!

St. Polycarp Media | Social Communications Commission 2026

23/08/2026

23/08/2026

Agosto 23, 2026 | 𝐊𝐚𝐩𝐢𝐬𝐭𝐚𝐡𝐚𝐧 𝐧𝐢 𝐒𝐚𝐧𝐭𝐚 𝐑𝐨𝐬𝐚 𝐃𝐞 𝐋𝐢𝐦𝐚 𝐃𝐚𝐥𝐚𝐠𝐚, 𝐌𝐢𝐬𝐭𝐢𝐤𝐚, 𝐚𝐭 𝐏𝐚𝐭𝐫𝐨𝐧𝐞𝐬𝐚 𝐧𝐠 𝐏𝐢𝐥𝐢𝐩𝐢𝐧𝐚𝐬 𝐚𝐭 𝐧𝐠 𝐛𝐮𝐨𝐧𝐠 𝐀𝐦𝐞𝐫𝐢𝐤𝐚.

Si Santa Rosa de Lima, na isinilang bilang Isabel Flores de Oliva noong 1586 sa Lima, Peru, ay lumaki na may malalim na pagmamahal sa Diyos. Bata pa lamang siya ay nakita na sa kanya ang pagiging mapanalanginin, mapagpakumbaba, at handang magsakripisyo para kay Kristo.

Sa kabila ng kanyang kagandahan at mga pagkakataong magkaroon ng marangyang buhay, pinili ni Rosa ang isang payak na pamumuhay. Inialay niya ang kanyang sarili sa panalangin, penitensiya, at paglilingkod sa mga mahihirap at maysakit. Sa isang maliit na silid sa kanilang tahanan, buong pagmamahal niyang inalagaan ang mga nangangailangan—isang patunay na ang tunay na kabanalan ay hindi lamang makikita sa panalangin kundi sa pagmamahal na isinasabuhay para sa kapwa.

Pumanaw si Santa Rosa noong 1617 sa murang edad na 31, ngunit ang kanyang buhay ay patuloy na nagpapaalala sa atin na maaaring maging banal ang isang ordinaryong tao kapag ang puso ay buong pusong iniaalay sa Diyos.

Sa kanyang kapistahan, nawa’y matutuhan natin kay Santa Rosa de Lima ang pagiging matatag sa pananampalataya, mapagpakumbaba sa paglilingkod, at mapagmahal sa mga higit na nangangailangan.

Santa Rosa de Lima, ipanalangin mo kami. 🌹

St. Polycarp Media | Social Communications Commission 2026

23/08/2026

𝙇𝙄𝙑𝙀 | 𝙄𝙆𝘼-𝘿𝘼𝙇𝘼𝙒𝘼𝙉𝙂𝙋𝙐'𝙏 𝙄𝙎𝘼𝙉𝙂 𝙇𝙄𝙉𝙂𝙂𝙊 𝙎𝘼 𝙆𝘼𝙍𝘼𝙉𝙄𝙒𝘼𝙉𝙂 𝙋𝘼𝙉𝘼𝙃𝙊𝙉
Ika-23 ng Agosto | Linggo

9:00 N.U. | Pagdiriwang ng Banal na Misa

Punong Tagapagdiwang: Rdo. Pd. Json H. Carmona
St. Polycarp Media | Social Communications Commission 2026

22/08/2026

TGEN Sunday with Bishop Junie
Episode 21
August 23, 2026 | Twenty-first Sunday in Ordinary Time

Mateo 16 : 13 - 20

Noong panahong iyon, dumating si Hesus sa lupain ng Cesarea ng Filipos. Tinanong niya ang kanyang mga alagad, “Sino raw ang Anak ng Tao, ayon sa mga tao?” At sumagot sila, “Ang sabi po ng ilan ay si Juan Bautista kayo. Sabi naman ng iba, si Elias kayo. At may nagsasabi pang si Jeremias kayo o isa sa mga propeta.” “Kayo naman, ano ang sabi ninyo? Sino ako?” tanong niya sa kanila. Sumagot si Simon Pedro, “Kayo po ang Kristo, ang Anak ng Diyos na buhay.” Sinabi sa kanya ni Hesus, “Mapalad ka, Simon na anak ni Jonas! Sapagkat ang katotohanang ito’y hindi inihayag sa iyo ng sinumang tao kundi ng aking Amang nasa langit. At sinasabi ko naman sa iyo, ikaw ay Pedro, at sa ibabaw ng batong ito ay itatayo ko ang aking simbahan, at hindi makapananaig sa kanya kahit ang kapangyarihan ng kamatayan. Ibibigay ko sa iyo ang mga susi ng kaharian ng langit: ang ipagbawal mo sa lupa ay ipagbabawal sa langit, at ang ipahintulot mo sa lupa ay ipahihintulot sa langit.” At mahigpit niyang tinagubilinan ang kanyang mga alagad na huwag sabihin kaninuman na siya ang Kristo.

_____

Ang “TGEN” (The Good ErmitaNews) ay isang online evangelization program ng Diyosesis ng San Pablo, sa pamamagitan ng Diocesan Commission on Social Communications, na naglalayon na ipalaganap ang aral ng Mabuting Balita sa tulong ng makabagong teknolohiya. Ang bawat episode ay available everyday at 6:00 AM.

22/08/2026

ANUNSYO | 𝐃𝐀𝐋𝐀𝐖 𝐍𝐀𝐙𝐀𝐑𝐄𝐍𝐎 𝟐𝟎𝟐𝟔

Narito ang talaan ng mga gawain para sa IKALAWANG ARAW ng Dalaw Nazareno 2026 na gaganapin sa Setyembre 4, 2026.

6:00 N.U. - 5:00 N.H. Pahalik ng mga Deboto sa Parokya ni San Policarpo

5:30 N.H. - Banal na Misa sa Parokya ni San Policarpo

7:00 N.G. - Prusisyon patungong Nuestra Señora del Rosario Chapel, Brgy. Sala

8:00 N.G. - Magdamagang Pagbabantay at Panalangin - Brgy. Sala

Kayo po ay malugod naming inaanyayahan na makiisa sa mga gawaing ito.

St. Polycarp Media | Social Communications Commission 2026

21/08/2026

IN PHOTOS || 𝐀𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐏𝐚𝐠𝐤𝐚-𝐑𝐞𝐲𝐧𝐚 𝐧𝐠 𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧𝐠 𝐌𝐚𝐫𝐢𝐚

Buong galak na ipinagdiriwang ng Parokya ni San Policarpo ang Kapistahan ng Pagka-Reyna ng Mahal na Birheng Maria, isang natatanging paggunita sa karangalan ni Maria bilang Ina ng ating Panginoong Hesukristo at Reyna ng Langit at Lupa.

Bilang bahagi ng banal na pagdiriwang, isinagawa ang Banal na Misa na pinangunahan ni Rev. Pd. Mardie J. Maligat, na nagtipon sa sambayanan ng Diyos upang sama-samang magnilay at magpasalamat sa dakilang biyaya ng Diyos sa pamamagitan ng Mahal na Birheng Maria.

Sa kanyang pagiging mapagpakumbaba, masunurin, at lubos na pagtitiwala sa Diyos, ipinapakita ni Maria sa atin ang tunay na kahulugan ng pagiging lingkod ng Panginoon. Bilang Reyna, patuloy siyang umaakay sa atin palapit kay Hesus at nagpapaalala na ang tunay na kadakilaan ay matatagpuan sa pusong marunong maglingkod at magmahal.

Mahal na Birheng Maria, Reyna ng Langit at Lupa, ipanalangin mo kami at akayin mo kami patungo sa iyong Anak na si Hesus. Amen.

St. Polycarp Media | Social Communications Commission 2026

21/08/2026

August 22, 2026 || 𝐐𝐮𝐞𝐞𝐧𝐬𝐡𝐢𝐩 𝐨𝐟 𝐭𝐡𝐞 𝐁𝐥𝐞𝐬𝐬𝐞𝐝 𝐕𝐢𝐫𝐠𝐢𝐧 𝐌𝐚𝐫𝐲.

Today, we honor Mary, our Queen and Mother, whose greatness is found in her humility, faith, and loving obedience to God.

May our Blessed Mother continue to lead us closer to her Son, Jesus, and teach us to serve with a faithful and humble heart.

Mary, Queen of Heaven and Earth, pray for us.

St. Polycarp Media | Social Communications Commission 2026

20/08/2026

IN PHOTOS | 𝐈𝐤𝐚𝐭𝐥𝐨𝐧𝐠 𝐇𝐮𝐰𝐞𝐛𝐞𝐬 𝐧𝐠 𝐏𝐚𝐠𝐝𝐞𝐝𝐞𝐛𝐨𝐬𝐲𝐨𝐧 𝐬𝐚 𝐚𝐭𝐢𝐧𝐠 𝐌𝐚𝐡𝐚𝐥 𝐧𝐠 𝐏𝐚𝐭𝐫𝐨𝐧 𝐒𝐚𝐧 𝐏𝐨𝐥𝐢𝐜𝐚𝐫𝐩𝐨, 𝐎𝐛𝐢𝐬𝐩𝐨 𝐚𝐭 𝐌𝐚𝐫𝐭𝐢𝐫, 𝐏𝐢𝐧𝐭𝐚𝐤𝐚𝐬𝐢 𝐧𝐠 𝐋𝐮𝐧𝐠𝐬𝐨𝐝 𝐧𝐠 𝐂𝐚𝐛𝐮𝐲𝐚𝐨
𝐏𝐚𝐠𝐩𝐚𝐩𝐚𝐡𝐢𝐝 𝐚𝐭 𝐏𝐚𝐠𝐛𝐢𝐛𝐢𝐠𝐚𝐲 𝐧𝐠 𝐋𝐚𝐧𝐠𝐢𝐬 𝐧𝐢 𝐒𝐚𝐧 𝐏𝐨𝐥𝐢𝐜𝐚𝐫𝐩𝐨.

St. Polycarp Media | Social Communications Commission 2026