20/08/2026
๐๐ก๐ ๐-๐ง๐จ๐๐๐๐ฆ | ๐ ๐ด๐ฎ ๐๐บ๐ฎ๐ต๐ฒ๐ป ๐ป๐ด ๐ฎ๐๐ถ๐ป๐ด ๐ฃ๐ฎ๐๐ฟ๐ผ๐ป๐ฎ
Ikatlong Yugto : Ang Apat na Imahen ng Inmaculada Concepcion de Baclaran
Sa mahabang kasaysayan at debosyon ng ating pamayanan sa Mahal na Birheng Inmaculada Concepcion, ibaโt ibang anyo ng Kanyang imahen ang naging bahagi ng ating pananampalataya. Bawat isa ay may sariling kuwento, pinagmulan, at mahalagang papel sa buhay ng ating pamayanan.
ORIHINAL :
Ayon sa kasaysayang naipasa sa ating pamayanan, ang Orihinal na Imahen ng ating Patrona ay pinaniniwalaang nasilo sa Baclad, isang gamit sa panghuhuli ng isda, sa karagatan ng Lawa ng Laguna, ni Tandang Santiago Punongbayan. Mula rito, nagsimula ang isang debosyong patuloy na namamayani hanggang sa kasalukuyan.
CALLEJERA / REPLICA:
Ang Callejera o Replica ang nagsisilbing panghalili sa Orihinal na Imahen. Ito ang karaniwang ginagamit sa Dalaw Patrona at sa mga Banal na Misa sa labas ng Kapilya. Ang imaheng ito ay nabuo sa pamamagitan ng kagandahang-loob ni Gng. Rochelle Armogenia at ng kanyang Pamilya, bilang ambag sa pagpapatuloy ng debosyon.
DETALYADO :
Ang Detalyado at Malaking Imahen ng ating Patrona ay dating kasa-kasama sa mga prusisyon tuwing Pista ng ating Barrio at matatagpuan din sa entrada ng ating Kapilya. Ito ay ipinagkaloob sa ating Simbahan ni Gng. Atty. Lita Dizon, bilang mahalagang bahagi ng kasaysayan at debosyon ng ating pamayanan.
SEGUNDA REPLICA :
Ang Segunda o Pribadong Replica ng ating Patrona ay nasa pangangalaga ng Pamilya Mariquit at Del Mundo. Noong mga nakaraang panahon, ito ay minsan ding ginagamit sa mga prusisyon sa Nayon ng Gulod at sa mga eksibisyon ng mga imahen ng Mahal na Birhen.
Marami man ang anyo at imahen ng ating Patrona, iisa lamang ang ating minamahal at pinaparangalan. Ang mga imaheng ito ay hindi ang mismong Mahal na Birhen, kundi mga paalala ng Kanyang presensya, pagmamahal, at pagiging Ina sa ating buhay.
Sa bawat imahen, nawaโy makita natin hindi lamang ang kagandahan ng isang Imahen, kundi ang malalim na kasaysayan ng pananampalataya, debosyon, at pagmamahal ng mga taong nauna sa atin.
Mahal na Birheng Inmaculada Concepcion, Ina ng Baclaran, ipanalangin mo kami.
Viva Inmaculada Concepcion de Baclaran!
Mabuhay ang Inang Purisima!
Viva La Virgen!
