18/05/2026
NOVENARIO SA KAOMAWAN NI SAN BERNARDINO DE SIENA | Pamibi sa Ikasiyam na Aldaw (May 19)
O mapalad na Pintakasi niamo, San Bernardino, laen pa kan pagkamoot mo ki Jesus, naglaad man nin makuri sa saimong puso an pagkamoot ki Virgen Maria na inapod mong “sarong Señora na dai nin kabaing sa kagayunan”, na iyong nakabihag nin bilog mong puso, mala ngani ta sa aldaw banggi dai ka nalilingaw sa pag-gigiaw sa saiya asin nin pamibi sa atubang kan mahal niyang ladawan.
Kaherakan mo kaming kabiton sa atubang ni Virgen Maria, tukdoan mo kami nin pagdolot sa saiya aroaldaw kan samong hawak patin kalag, kan bilog ming pakamate, kan gabos ming sadiri asin an bilog ming pagkabuhay, nganing lilingyon nya kami kan saiyang mga matang maugayon, asin pangatamanon kami siring sa mga aking pinapadangat na magkapalad man logod na sungkoon ni Jesus asin ni Maria sa oras nin samong paghingagdan, na mautsan logod kami kan samong ginhawa, sa pag-apod kan Saindang mahamison na Ngaran, na iyong tanda kan samong pagkapa-langit. Amen.
