23/05/2026
𝐓𝐀𝐍𝐆𝐋𝐀𝐖 𝐍𝐈 𝐌𝐀𝐑𝐈𝐀 𝟐𝟎𝟐𝟔 | 𝐌𝐀𝐑𝐈𝐀𝐍 𝐄𝐗𝐇𝐈𝐁𝐈𝐓
“𝘚𝘢 𝘣𝘢𝘸𝘢𝘵 𝘱𝘢𝘨𝘴𝘪𝘭𝘢𝘯𝘨 𝘯𝘨 𝘶𝘮𝘢𝘨𝘢 𝘢𝘵 𝘴𝘢 𝘣𝘢𝘸𝘢𝘵 𝘱𝘢𝘯𝘢𝘭𝘢𝘯𝘨𝘪𝘯 𝘯𝘨 𝘴𝘢𝘮𝘣𝘢𝘺𝘢𝘯𝘢𝘯, 𝘯𝘢𝘯𝘢𝘵𝘪𝘭𝘪𝘯𝘨 𝘯𝘢𝘨𝘭𝘪𝘭𝘪𝘸𝘢𝘯𝘢𝘨 𝘴𝘪 𝘔𝘢𝘳𝘪𝘢 — 𝘪𝘴𝘢𝘯𝘨 𝘐𝘯𝘢𝘯𝘨 𝘮𝘢𝘱𝘢𝘨𝘬𝘢𝘭𝘪𝘯𝘨𝘢, 𝘙𝘦𝘺𝘯𝘢𝘯𝘨 𝘨𝘶𝘮𝘢𝘨𝘢𝘣𝘢𝘺, 𝘢𝘵 𝘵𝘢𝘭𝘢𝘯𝘨 𝘶𝘮𝘢𝘢𝘢𝘬𝘢𝘺 𝘴𝘢 𝘴𝘢𝘯𝘭𝘪𝘣𝘶𝘵𝘢𝘯 𝘵𝘶𝘯𝘨𝘰 𝘬𝘢𝘺 𝘒𝘳𝘪𝘴𝘵𝘰.”
May dakilang galak at pusong puspos ng debosyon nating tunghayan ang banal at maningning na presensya ng 𝗡𝘂𝗲𝘀𝘁𝗿𝗮 𝗦𝗲ñ𝗼𝗿𝗮 𝗱𝗲 𝗟𝗮 𝗜𝗻𝗺𝗮𝗰𝘂𝗹𝗮𝗱𝗮 𝗖𝗼𝗻𝗰𝗲𝗽𝗰𝗶𝗼𝗻 𝗱𝗲 𝗟𝘂𝘆𝗼𝘀 — 𝐚𝐧𝐠 𝐈𝐧𝐚 𝐧𝐠 𝐌𝐚𝐧𝐮𝐧𝐮𝐛𝐨𝐬, 𝐚𝐧𝐠 𝐑𝐞𝐲𝐧𝐚, 𝐓𝐚𝐥𝐚, 𝐏𝐚𝐭𝐫𝐨𝐧𝐚 𝐚𝐭 𝐈𝐧𝐚 𝐧𝐠 𝐁𝐚𝐫𝐚𝐧𝐠𝐚𝐲 𝐋𝐮𝐲𝐨𝐬, mula sa 𝗩𝗶𝘀𝗶𝘁𝗮 𝗱𝗲 𝗡𝘂𝗲𝘀𝘁𝗿𝗮 𝗦𝗲ñ𝗼𝗿𝗮 𝗱𝗲 𝗟𝗮 𝗜𝗻𝗺𝗮𝗰𝘂𝗹𝗮𝗱𝗮 𝗖𝗼𝗻𝗰𝗲𝗽𝗰𝗶𝗼𝗻 𝗱𝗲 𝗟𝘂𝘆𝗼𝘀, Barangay Luyos, Bayan ng San Antonio, Nueva Ecija, bilang bahagi ng 𝗧𝗮𝗻𝗴𝗹𝗮𝘄 𝗻𝗶 𝗠𝗮𝗿𝗶𝗮 𝟮𝟬𝟮𝟲: 𝗠𝗮𝗿𝗶𝗮𝗻 𝗘𝘅𝗵𝗶𝗯𝗶𝘁.
Bilang larawan ng ganap na kadalisayan at lubos na pagtitiwala sa Diyos, si La Inmaculada Concepcion ay nananatiling ilaw ng kabanalan at pananampalataya para sa sambayanan ng Luyos. Sa kanyang maka-inang pagkalinga bilang Ina ng Manunubos, patuloy niyang inaakay ang kanyang mga anak tungo sa pagmamahal at pagsunod kay Hesukristo — ang tunay na liwanag ng sanlibutan.
Bilang Reyna, Tala, Patrona at Ina ng Barangay Luyos, siya ang naging gabay ng mga pusong naghahanap ng pag-asa, kanlungan ng mga dumaraing, at tanglaw ng sambayanang patuloy na kumakapit sa awa at biyaya ng Diyos. Sa bawat panalangin at debosyong iniaalay sa kanya, higit na tumitibay ang pananampalatayang nagbubuklod sa buong pamayanan bilang isang sambayanang maka-Diyos at maka-Maria.
Sa kanyang mapagpalang pagdalaw, nawa’y higit nating maramdaman ang katahimikan, biyaya, at pag-asang nagmumula sa isang pusong buong kababaang-loob na nagtitiwala sa Panginoon. Tulad ng Mahal na Birhen na buong pusong tumugon sa tawag ng Diyos, nawa’y matutunan din nating ialay ang ating buhay nang may ganap na pananampalataya, pag-ibig, at katapatan.
Higit pa sa isang banal na pagpapakita ng mga sagradong imahen, ang Marian Exhibit na ito ay isang paanyaya sa mas malalim na pagninilay, pagbabalik-loob, at pagpapanibago ng pananampalataya — isang banal na paglalakbay kasama ang Mahal na Birhen Maria tungo kay Hesukristo, ang bukal ng tunay na liwanag, kapayapaan, at kaligtasan.
“𝐆𝐮𝐦𝐚𝐠𝐚𝐛𝐚𝐲 𝐬𝐚 𝐒𝐚𝐦𝐛𝐚𝐲𝐚𝐧𝐚𝐧, 𝐒𝐚 𝐊𝐚𝐝𝐚𝐲𝐚𝐚𝐧, 𝐏𝐚𝐠-𝐚𝐬𝐚, 𝐚𝐭 𝐏𝐚𝐧𝐚𝐧𝐚𝐦𝐩𝐚𝐥𝐚𝐭𝐚𝐲𝐚.”
Nawa’y sa ilalim ng kanyang mapag-arugang pagkalinga ay lalo pang magningas ang ating debosyon kay Maria at pagmamahal sa Diyos, upang bilang sambayanang Kristiyano ay manatili tayong buhay na saksi ng Kanyang walang hanggang awa at pag-ibig.
¡𝗩𝗶𝘃𝗮, 𝗡𝘂𝗲𝘀𝘁𝗿𝗮 𝗦𝗲ñ𝗼𝗿𝗮 𝗱𝗲 𝗟𝗮 𝗜𝗻𝗺𝗮𝗰𝘂𝗹𝗮𝗱𝗮 𝗖𝗼𝗻𝗰𝗲𝗽𝗰𝗶𝗼𝗻 𝗱𝗲 𝗟𝘂𝘆𝗼𝘀!
¡𝗩𝗶𝘃𝗮, 𝗔𝗽𝘂𝗻𝗴 𝗟𝗼𝘂𝗿𝗱𝗲𝘀 d𝗲 𝗖𝗮𝗯𝗶𝗮𝗼!
