San Josef Sur Chapel - Cabanatuan City

12/05/2026

🌸🙏 Isang Mapagpalang Paanyaya mula sa San Josef Sur Chapel 🙏🌸

Inaanyayahan po namin ang lahat ng mga ating mga kabarangay na mananampalataya na makiisa sa ating nalalapit na Flores De Mayo 2026 bilang pagpupugay at pagmamahal sa Mahal na Birheng Maria. 💐✨

👑 Coronation
📅 May 31, 2026 (Linggo)
⏰ Pagkatapos ng Banal na Misa ng 7:00 AM

🌺 Procession
⏰ 4:00 PM

Halina’t sama-sama nating parangalan ang ating Mahal na Ina sa pamamagitan ng panalangin, pag-aalay ng bulaklak, at taimtim na debosyon. 💙

"Ang pusong marunong magparangal kay Maria ay pusong lalong inilalapit kay Kristo." 🙏🌷❤️










🙏🌸

01/05/2026

MARAMING SALAMAT PO sa inyong pagtugon sa aming panawagan tunay na kumikilos po ang Diyos dahil sa inyong pagtulong. Patuloy po kaming kumakatok sa inyong mabubuting puso para po sa aming pagawain sa chapel. Maraming Salamat Po! ❤️🙏

🙏 Let’s Help Our Chapel 🙏

Ang kisame ng chapel sa San Josef Sur ay nanganganib nang bumagsak at maaaring magdulot ng panganib sa ating mga nagsisimba.

Sa kabila ng ating mga nakalap na pondo noong pista, ito ay hindi pa rin sapat para sa kinakailangang pagpapagawa.

Kaya naman, kami po ay taos-pusong kumakatok sa inyong mga puso. Anumang halaga ito man ay maliit o malaki, kapag napagsama-sama ay malaking tulong na upang maisaayos ang chapel at mapanatili itong ligtas na tahanan ng panalangin.

💛 Sama-sama po nating buhayin ang diwa ng pagtutulungan at pagmamalasakit.

Maraming salamat po, at nawa’y pagpalain kayo ni San Jose at ng Panginoon! 🙏

28/04/2026

🙏 Let’s Help Our Chapel 🙏

Ang kisame ng chapel sa San Josef Sur ay nanganganib nang bumagsak at maaaring magdulot ng panganib sa ating mga nagsisimba.

Sa kabila ng ating mga nakalap na pondo noong pista, ito ay hindi pa rin sapat para sa kinakailangang pagpapagawa.

Kaya naman, kami po ay taos-pusong kumakatok sa inyong mga puso. Anumang halaga ito man ay maliit o malaki, kapag napagsama-sama ay malaking tulong na upang maisaayos ang chapel at mapanatili itong ligtas na tahanan ng panalangin.

💛 Sama-sama po nating buhayin ang diwa ng pagtutulungan at pagmamalasakit.

Maraming salamat po, at nawa’y pagpalain kayo ni San Jose at ng Panginoon! 🙏

21/04/2026

𝐌𝐀𝐆𝐈𝐍𝐆 𝐂𝐀𝐌𝐀𝐑𝐄𝐑𝐎! ⛪️
Inaanyayahan po namin ang mga pamilyang nagnanais magkaroon ng imaheng pang-Mahal na Araw na maaaring maidagdag sa ating mga p**n na ipinuprusisyon tuwing Miyerkules Santo at Biyernes Santo.

Para po sa mga nais makibahagi o magtanong, maaari kayong makipag-ugnayan sa aming tanggapan sa parokya o sa mga tagapangasiwa ng Cofradia ng Parokya ng Sto. Niño na sina Bro. Rejh Dela Cruz at Bro. Lau L Cajucom.

Maraming salamat po sa inyong pakikiisa at nawa’y patuloy tayong gabayan at pagpalain ng Diyos.

Mabuhay po ang lahat mga Camarero! 🙏⛪️

05/04/2026

Maraming salamat po sa lahat ng mga mananampalatayang dumalo at nakiisa sa ginanap na Banal na Misa ng Pasko ng Muling Pagkabuhay kaninang ika-7:00 ng umaga sa San Josef Sur Chapel.

Lubos din po naming pinasasalamatan si Rev. Fr. Jestoni Macapas na siyang naging tagapagdiwang ng Banal na Misa, na sa pamamagitan ng kanyang mga binigay na pagninilay ay naging mas makahulugan at puno ng biyaya ang pagdiriwang ng muling pagkabuhay ng ating Panginoong Hesukristo.

Ang pagdiriwang na ito ay nagpapaalala sa atin ng tagumpay ng buhay laban sa kamatayan at ng walang hanggang pag-asa na hatid ng ating Panginoon. Nawa’y magsilbi itong inspirasyon sa ating lahat upang patuloy na isabuhay ang Kanyang mga aral sa pamamagitan ng pananampalataya, pag-ibig, at paglilingkod sa kapwa.

Muli, taos-puso po kaming nagpapasalamat sa inyong pakikiisa. Nawa’y patuloy na manaig ang kapayapaan at biyaya ng Panginoon sa bawat isa at sa inyong mga pamilya.

04/04/2026

𝗠𝗮𝗹𝗶𝗴𝗮𝘆𝗮𝗻𝗴 𝗣𝗮𝘀𝗸𝗼 𝗻𝗴 𝗠𝘂𝗹𝗶𝗻𝗴 𝗣𝗮𝗴𝗸𝗮𝗯𝘂𝗵𝗮𝘆!

Inaanyayahan po ang lahat na makiisa sa pagdiriwang ng Banal na Misa bukas sa ganap na ika-7:00 ng umaga sa ating kapilya.

Nawa’y sama-sama nating gunitain ang muling pagkabuhay ng ating Panginoong Hesukristo, na siyang nagbibigay sa atin ng pag-asa at bagong buhay.

Maraming salamat po! 🙏

25/03/2026

Mga kaBarangay narito po ang mga activities natin sa Parokya ngayong Mahal na Araw. 💜

20/03/2026

𝗧𝗮𝗼𝘀-𝗽𝘂𝘀𝗼𝗻𝗴 𝗣𝗮𝘀𝗮𝘀𝗮𝗹𝗮𝗺𝗮𝘁 🙏
Sa ngalan po ng aming butihing Chairman na si Sis. Divina Gonzales ay buong puso po kaming nagpapasalamat sa lahat ng nakiisa at sumama sa banal na prusisyon na ginanap kahapon bilang pagdiriwang ng Dakilang Kapistahan ng Poong San Jose. Ang inyong presensya, debosyon, at sama-samang pananalangin ay tunay na nagpapakita ng matibay na pananampalataya at pagkakaisa ng ating pamayanan.

Nawa’y patuloy tayong gabayan at pagpalain ng Poong San Jose sa ating pang-araw-araw na buhay. 🙏

19/03/2026

Matagumpay na nairaos ang Banal na Misa sa karangalan ng kapistahan ng ating mahal na Poong San Jose, na pinangunahan ni Rev. Fr. Noel "Jetz" Jetajobe, SSL.

Taos-puso pong nagpapasalamat ang bumubuo ng San Josef Sur Chapel sa lahat ng mga dumalo, nakiisa, tumulong at nagbigay ng suporta at sa lahat ng aming mga sponsors.

Nawa’y patuloy tayong gabayan at pagpalain ni San Jose sa ating pananampalataya at pamayanan.

18/03/2026

Sa pagdiriwang ng Kapistahan ng ating Mahal na Patron na si San Jose ngayong ika-19 ng Marso, tayo po ay inaanyayahang makiisa sa banal na pagdiriwang na ito.

Ang Banal na Misa ay pangungunahan ni Rev. Fr. Noel "Jettz" Jerajobe, SSL. Nawa’y sama-sama tayong manalangin at magpasalamat bilang isang nagkakaisang pamayanan ng pananampalataya.

Tayo na po at makibahagi sa biyaya at pagpapala ng ating Panginoon sa pamamagitan ng ating debosyon kay San Jose.

Maraming Salamat Po! 🙏💚💛

18/03/2026

Matagumpay na naidaos ang ikatlong araw ng ating Triduum Mass bilang paghahanda sa nalalapit na Kapistahan ni San Jose. Ang banal na misa ay pinangunahan ni Rev. Fr. Armando Caleon, na nagbigay ng makabuluhang mensahe ng pananampalataya, pag-asa, at pagtitiwala sa Diyos.

Ngayong bisperas ng kapistahan, nawa’y patuloy nating buksan ang ating puso sa biyaya ng Panginoon at tularan ang kababaang-loob at katapatan ni San Jose sa kanyang paglilingkod.

Sama-sama nating ipagdiwang bukas ang dakilang kapistahan ni San Jose! 🙏