07/04/2026
πππππΌπ || Sa ginanap na banal na prusisyon ni San Vicente Ferrer na iniikot sa buong komunidad, ating nasaksihan ang taimtim na pagpapahayag ng pananampalataya at malalim na debosyon ng bawat mananampalataya. Sa bawat hakbang ng prusisyon, kalakip ang panalangin at pagninilay, naipapakita ang ating pagkakaisa bilang isang sambayanang Kristiyano na patuloy na umaasa at nagtitiwala sa gabay ng Diyos.
Ang paglalakbay na ito sa ating mga lansangan ay hindi lamang isang tradisyon, kundi isang makabuluhang paalala ng presensya ng Diyos sa gitna ng ating pamayanan. Sa pamamagitan ng halimbawa ni San Vicente Ferrer isang tapat at masigasig na lingkod ng Panginoon hinihikayat tayong paigtingin ang ating pananampalataya, isabuhay ang kabutihan, at maging saksi ng Ebanghelyo sa ating kapwa.
Taos-puso rin ang aming pasasalamat sa lahat ng nakiisa at naglaan ng oras upang maging bahagi ng banal na gawaing ito. Nawaβy ang biyaya at pagpapala na hatid ng prusisyon ay manatili sa bawat pamilya, at patuloy tayong patnubayan sa landas ng kabutihan, pagkakaisa, at pag-ibig ng Diyos. π
