12/06/2026
Kapistahan ni San Antonio de Padua
Patron ng mga nawawalang bagay
Ika-13 ng Hunyo 2026
Kapilya ni San Antonio de Padua
Brgy. Campo Tinio Lungsod ng Cabanatuan
KAPISTAHAN NI SAN ANTONIO DE PADUA.
Si San Antonio de Padua ay ipinanganak noong 1195 sa Lisbon, Portugal, at ang ipinangalan sa kanya noong siya ay binyagan ay Fernando de Bulhões.
Noong taong 1210, sa edad na 15 ay pumasok siya sa buhay Relihiyoso, naging kasapi ng Orden Canonico (Canons Regular), isang komunidad ng mga pari na ang mga alituntunin ay batay sa "regula" ni San Agustin (Rule of Saint Augustine). Sa ilalim ng pamamatnubay na ito, siya ay inordinahang maging pari.
Taong 1220 naman nang siya ay mapahintulutang maging Franciscano sa isang maliit na ermita sa Olivais, dito na niya sinimulang gamitin ang pangalang Antonio (na pangalan ng isang kapilya doon na ang patron ay si San Antonio Abad) kung saan siya ngayon kilala.
Siya ay namatay noong ika-13 ng Hunyo 1231 sa edad na 35, at sa loob lamang ng labing-isang buwan ay hinirang na maging santo ni Papa Gregorio IX.
Si San Antonio De Padua ay ang patron ng mahihirap at mga nawawala at tagapagtangol ng katuwiran.
