St. Vincent Ferrer Parish - Mayapyap Sur

22/05/2026

Sa mga kuhang larawang ito ng Kumpisalang Bayan na ginanap sa Parokya ni San Vicente Ferrer, masisilayan ang taimtim na paglapit ng mga mananampalataya sa Diyos dala ang kanilang pananampalataya, pagsisisi, at pagnanais na mapatawad. Bawat sandali ay sumasalamin sa katahimikan ng panalangin at katapatan ng puso sa paghingi ng tawad at gabay ng Panginoon. Naging daan ang gawaing ito upang muling mapalapit ang bawat isa sa kanya, magaanan ang kalooban, at mapuno ng pag-asa at kapayapaan. Tunay na ipinapaalala ng Kumpisalang Bayan na sa kabila ng ating mga pagkukulang at pagsubok, laging bukas ang puso ng Diyos sa mga handang magsisi at magbalik-loob sa kanya.

21/05/2026

Hindi kailangan ng mamahaling lugar para mabuo ang isang masayang pamayanan.

Sa simpleng parish outing ng St. Vincent Ferrer Parish sa Dapok Resort, muli naming naranasan ang biyaya ng pagkakaisa — isang komunidad na ipinagdasal ni Hesus: ‘na sila’y maging isa.’ (Jn 17:21)

Ito ay araw ng kamustahan — isang tanong na paulit-ulit umalingawngaw sa bawat kwentuhan, tawanan, at tahimik na sandali:
“Kamusta ka na?”

Dahil minsan, sa abalang paglilingkod, nakakalimutan nating kumustahin ang isa’t isa. At minsan din, ang simpleng tanong na iyan ang nagiging paraan ng Diyos para ipadama na hindi tayo nag-iisa.

Simpleng resort. Simpleng salu-salo. Simpleng pahinga.
Pero ang bunga ng panalangin ay hindi kailanman simple — pagmamahalan, pagkakaisa, pahinga ng puso, at komunidad na muling natutong magmahal gaya ni Kristo.

29/04/2026

Mula sa Puso ng Parokya ng San Vicente Ferrer

Isang biyaya para sa buong parokya ang araw na ito—sapagkat mula sa munting kapilya ng Caalibangbangan, may isang tinawag, tumugon, at ngayo’y isinugo.

Sa aming mahal na
Rev. Cefermin “Fidelis Ma.” Padilla, SMITH,

ang iyong pag-orden bilang Diyakono ay hindi lamang personal na tagumpay, kundi bunga ng pananampalatayang inaruga ng komunidad na iyong pinagmulan. Ikaw ay tanda na ang Diyos ay patuloy na kumikilos—even in the quiet corners of our chapels.

Hindi lamang kami bumabati—kami ay nakikibahagi sa iyong misyon.

Sa bawat altar na iyong paglilingkuran, sa bawat Salitang iyong ipahahayag, at sa bawat dukhang iyong aabutin—nawa’y makita ang mukha ni Kristo na mapagkumbaba at mapaglingkod (cf. Marcos 10:45).

Mula sa Parokya ng San Vicente Ferrer, kasama ang Kapilya ng Caalibangbangan,
ipinagmamalaki ka namin, ipinapanalangin ka namin, at sinasamahan ka namin.

Padayon sa paglilingkod. Ang iyong “oo” ay patuloy na maging “oo” araw-araw.

27/04/2026

ISANG PAROKYA, ISANG MISYON, ISANG KRISTO

Sa pagdiriwang ng Kapistahan ni San Vicente Ferrer, muling nabuhay ang apoy ng pananampalataya sa bawat sulok ng ating parokya—mula sa 22 kapilya ng 18 barangay ng Cabanatuan.

Sa Bisperas na Misa, hinamon tayo ni Bishop Jun: hindi sapat na makinig lamang sa Salita ng Diyos—ito ay dapat isabuhay.
At sa mismong araw ng kapistahan, pinaalalahanan tayo ni Fr. Mike Veneracion na si Kristo mismo ang lumalapit sa atin—Siya ang kapayapaan ng ating buhay, personal, totoo, at buhay.

Sa prusisyon, nasilayan natin ang kagandahan ng isang sambayanang nagkakaisa—ang ating patron na si San Vicente Ferrer, kasama ang mga patron ng bawat barangay, at ang sambayanang sumasabay sa pananampalataya at pag-asa.

Hindi lang ito selebrasyon.
Ito ay paanyaya.

✨ Magpatuloy sa misyon ni Kristo.
✨ Maging buhay na Salita sa mundo.
✨ Maging simbahan na naglalakad kasama ang bawat isa.

San Vicente Ferrer Parish — patuloy na naglilingkod, patuloy na isinasabuhay si Kristo.

21/04/2026

📣 PAALALA SA LAHAT NG MAGULANG, NINONG AT NINANG

Napapansin po sa ilang mga pagbibinyag na may mga sanggol na may suot na bracelet na sinasabing “pangontra sa usog.”

Malinaw po ang paninindigan ng ating Simbahan:
❌ Hindi po ito pinapayagan
❌ Hindi ito naaayon sa ating pananampalataya

Ang ganitong paniniwala ay nakaugat sa pamahiin, hindi sa tiwala sa Diyos.

Sa Binyag, ang bata ay tinatanggap bilang anak ng Diyos at inilalagay sa ilalim ng Kanyang biyaya at proteksyon. Hindi na po natin kailangan ng anumang bagay na inaakalang “panangga,” sapagkat ang tunay na sandigan natin ay ang Panginoon lamang.

🙏 Kaya naman:
✔️ Hinihikayat ang lahat na huwag magsuot o maglagay ng ganitong bracelet sa sanggol
✔️ Ang mga may suot na nito ay inaanyayahang tanggalin
✔️ Ang mga magulang at ninong/ninang ay inaasahang makiisa sa tamang aral ng Simbahan

📌 Paanyaya sa mga katekista at tagapagsagawa ng baptismal seminars:
Tulungan po natin ang bawat pamilya na maunawaan ang kahalagahan ng pagtitiwala sa Diyos at pag-iwas sa pamahiin.

Ang Binyag ay hindi lamang ritwal—ito ay simula ng buhay pananampalataya. Panatilihin natin itong dalisay at tapat sa ating paniniwala.

Maraming salamat po sa inyong pakikiisa at pag-unawa. 🙏

16/04/2026

15/04/2026

https://www.facebook.com/share/1BFGCguj1b/

14/04/2026

Hindi Awa ang Pagboto sa Korap

- Rev. Fr. Mark Kevin Salac
Ikalawang Linggo ng Pasko ng Muling Pagkabuhay

12/04/2026

12/04/2026

LIVE MASS @ San Vicente Ferrer Parish, Mayapyap Sur, Cabanatuan | Kapistahan ni San Vicente Ferrer | April 12, 2026 | Punong Tagapagdiwang: Rev. Fr. Mike Veneracion