03/05/2025
SUTAON UG LAWOM NGA TUN--AN ANG
- Mga Prinsipyo
- Track Records
- Mga Adbokasya o Plataporma
sa magpapili.
Isip mga Anak sa Diyos, ang atong pagsalmot sa piniliay 2025 Balaang Kaakuhan nato kini ngadto sa Diyos, Kabuhatan ug tibuok Katilingban.
Atong iseguro nga ang atong hukom, kini IKAHIMUOT SA DIYOS UG ALANG SA KAAYUHAN SA TANAN.
----
SULAT NGADTO SA MGA FILIPINO KATOLIKO BAHIN SA MAYO 12, 2025 ELECTIONS
KAy KITA MGA ANAK SA DIYOS
May 2, 2025
Panultihon 21:3
“Mas ikalipay sa GINOO ang husto ug matarong nga binuhatan sa tawo kaysa iyang mga halad.”
Mga Pinalanggang Anak sa Diyos,
Bag-uhay pa lamang nato gisaulog ang Quaresma o mga adlaw sa kasakit ug sakripisyo ni HesuKristo alang sa kalibutan ug mga katawhan. Kini natapos sa adlaw sa pagka-banhaw nga diin naghatag kanatong katawhan sa paglaum ug gasa sa Kinabuhi.
Hinaut nga ang ispiritu sa Semana Santa ug Domingo sa Kabanhawan nagpahinumdom kanato sa paghinulsol ug pagbuhat sa husto ug matarong. Kini nga kahigayunan nag-awhag kanato labi na kay sa maka-usa pa ato na usab salmutan ang usa ka mahinungdanon nga katungod ug responsibilidad sa umaabot nga Mayo 12, 2025.
Apan sa taas na nga panahon, kining maong demokratikanhong proseso nabulingan ug naabuso nga gani ang mga katawhan daw nawad-an na sa pagsalig sa kaligdong niini samtang ang pipila nga naghupot sa ekonomikanhon ug politikanhong gahum mas naglungtad. Kini gipalig-on sa pagtunhay sa labihan ug kuyanap nga kurapsyon, inekwalidad ug kagutom; kuyanap nga daw nahimo nang kultura nga pagpamalit ug pagpamaligya sa boto; pagkontrola sa mga insititusyong politikanhon ug katilingbanon ug mga serbisyo pinaagi sa mga dinastiya; pagpadayon sa kultura sa kagubot, pagkabahin-bahin sa katawhan ug inhustisya; ug ang padayong pagbungkag sa kinaiyahan aron nga magtigum ug daghang bahandi ug gahum.
Gani, subay sa mga pagtoon sa mga eksperto nag-una nga panginahanglan sa katawhan nga angayang tagaag pagtagad mao ang desenting panarbaho, kaseguruhan sa pagk
