https://www.facebook.com/679662208563348/

Ministry of Altar Servers - Parokya ng San Isidro Labrador Liciada

Home
Philippines
Bustos
Ministry of Altar Servers - Parokya ng San Isidro Labrador Liciada

Welcome to the Official page of Ministry of Altar Servers - San Isidro Labrador Parish Liciada, Bustos, Bulacan. Diocese of Malolos.

28/08/2026

𝐓𝐄𝐀𝐌 𝐁𝐔𝐈𝐋𝐃𝐈𝐍𝐆 𝟐𝟎𝟐𝟔 | 𝐀𝐩𝐩𝐫𝐞𝐜𝐢𝐚𝐭𝐢𝐨𝐧 𝐚𝐧𝐝 𝐑𝐞𝐟𝐥𝐞𝐜𝐭𝐢𝐨𝐧 𝐍𝐢𝐠𝐡𝐭

“𝘼𝙡𝙖-𝙖𝙡𝙖𝙣𝙜 𝙈𝙖𝙜𝙗𝙪𝙗𝙪𝙠𝙡𝙤𝙙 𝙨𝙖 𝙋𝙖𝙜𝙠𝙖𝙠𝙖𝙞𝙨𝙖; 𝙏𝙪𝙣𝙜𝙤 𝙨𝙖 𝙢𝙖𝙨 𝙈𝙖𝙩𝙞𝙗𝙖𝙮 𝙣𝙖 𝙋𝙖𝙣𝙖𝙣𝙖𝙢𝙥𝙖𝙡𝙖𝙩𝙖𝙮𝙖”

Isang gabi ng pagninilay, pasasalamat, at pagbabalik-tanaw ang “𝘈𝘭𝘢-𝘢𝘭𝘢” Appreciation and Reflection Night ng Team Building 2026 ng Ministry of Altar Servers. Naging pagkakataon ito upang muling balikan ang mga alaala at aral na lalong nagpatibay sa samahan ng bawat altar server bilang isang pamilyang pinag-isa ng paglilingkod at pananampalataya.

Mas naging makahulugan ang gabi sa video greetings mula sa mga magulang at guardians na tunay na nakaantig sa puso ng bawat isa. Naging espesyal din ang pagsulat ng capsule letters na naglalaman ng mga pangako para sa sarili at para kay Jesus, na bubuksan sa susunod na team building bilang paalala ng kanilang pananampalataya at paglago.

Taos-pusong pasasalamat sa lahat ng mga magulang at guardians sa inyong oras, suporta, at pagmamahal na naging mahalagang bahagi ng gabing ito. Nawa’y ang mga ala-alang nabuo ngayong gabi ay manatili sa ating puso at magsilbing gabay tungo sa mas matibay na pagkakaisa at pananampalataya.

28/08/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐁𝐫𝐨. 𝐄𝐥𝐢𝐣𝐚𝐡!

Buong pusong bumabati ng Maligayang Kaarawan ang buong samahan ng 𝐌𝐢𝐧𝐢𝐬𝐭𝐫𝐲 𝐨𝐟 𝐀𝐥𝐭𝐚𝐫 𝐒𝐞𝐫𝐯𝐞𝐫𝐬 𝐧𝐠 𝐏𝐚𝐫𝐨𝐤𝐲𝐚 𝐧𝐠 𝐒𝐚𝐧 𝐈𝐬𝐢𝐝𝐫𝐨 𝐋𝐚𝐛𝐫𝐚𝐝𝐨𝐫 sa aming kapwa Tagapaglingkod ng Dambana, 𝐁𝐫𝐨. 𝐄𝐥𝐢𝐣𝐚𝐡 𝐂𝐫𝐢𝐬 𝐓𝐚𝐧𝐭𝐚𝐧. Patuloy kang maging tapat sa iyong misyon sa paglilingkod sa Banal na Misa at sa lahat ng sakramento, na maging halimbawa ng pananampalataya, dedikasyon, at kababaang-loob sa kapwa Tagapaglingkod at sa Kanyang sambayanan.

Muli, maligayang kaarawan at nawa’y mas lalo pang lumalim ang iyong pagmamahal sa Diyos sa bawat araw ng iyong buhay!

27/08/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐁𝐫𝐨. 𝐀𝐥𝐣𝐨𝐧!

Buong pusong bumabati ng Maligayang Kaarawan ang buong samahan ng 𝐌𝐢𝐧𝐢𝐬𝐭𝐫𝐲 𝐨𝐟 𝐀𝐥𝐭𝐚𝐫 𝐒𝐞𝐫𝐯𝐞𝐫𝐬 𝐧𝐠 𝐏𝐚𝐫𝐨𝐤𝐲𝐚 𝐧𝐠 𝐒𝐚𝐧 𝐈𝐬𝐢𝐝𝐫𝐨 𝐋𝐚𝐛𝐫𝐚𝐝𝐨𝐫 sa aming kapwa Tagapaglingkod ng Dambana, 𝐁𝐫𝐨. 𝐀𝐥𝐣𝐨𝐧 𝐑𝐞𝐧𝐳 𝐒𝐞𝐫𝐩𝐚 𝐉𝐮𝐚𝐧. Patuloy kang maging tapat sa iyong misyon sa paglilingkod sa Banal na Misa at sa lahat ng sakramento, na maging halimbawa ng pananampalataya, dedikasyon, at kababaang-loob sa kapwa Tagapaglingkod at sa Kanyang sambayanan.

Muli, maligayang kaarawan at nawa’y mas lalo pang lumalim ang iyong pagmamahal sa Diyos sa bawat araw ng iyong buhay!

27/08/2026

𝐌𝐚𝐥𝐢𝐠𝐚𝐲𝐚𝐧𝐠 𝐊𝐚𝐚𝐫𝐚𝐰𝐚𝐧, 𝐁𝐫𝐨. 𝐂𝐲𝐫𝐮𝐬!

Buong pusong bumabati ng Maligayang Kaarawan ang buong samahan ng 𝐌𝐢𝐧𝐢𝐬𝐭𝐫𝐲 𝐨𝐟 𝐀𝐥𝐭𝐚𝐫 𝐒𝐞𝐫𝐯𝐞𝐫𝐬 𝐧𝐠 𝐏𝐚𝐫𝐨𝐤𝐲𝐚 𝐧𝐠 𝐒𝐚𝐧 𝐈𝐬𝐢𝐝𝐫𝐨 𝐋𝐚𝐛𝐫𝐚𝐝𝐨𝐫 sa aming kapwa Tagapaglingkod ng Dambana, 𝐁𝐫𝐨. 𝐂𝐲𝐫𝐮𝐬 𝐄𝐫𝐡𝐨𝐥 𝐀𝐠𝐮𝐬𝐭𝐢𝐧. Patuloy kang maging tapat sa iyong misyon sa paglilingkod sa Banal na Misa at sa lahat ng sakramento, na maging halimbawa ng pananampalataya, dedikasyon, at kababaang-loob sa kapwa Tagapaglingkod at sa Kanyang sambayanan.

Muli, maligayang kaarawan at nawa’y mas lalo pang lumalim ang iyong pagmamahal sa Diyos sa bawat araw ng iyong buhay!

26/08/2026

𝐓𝐄𝐀𝐌 𝐁𝐔𝐈𝐋𝐃𝐈𝐍𝐆 𝟐𝟎𝟐𝟔 | 𝐎𝐩𝐞𝐧𝐢𝐧𝐠 𝐏𝐫𝐨𝐠𝐫𝐚𝐦 & 𝐆𝐚𝐦𝐞 𝐀𝐜𝐭𝐢𝐯𝐢𝐭𝐢𝐞𝐬

“𝘼𝙡𝙖-𝙖𝙡𝙖𝙣𝙜 𝙈𝙖𝙜𝙗𝙪𝙗𝙪𝙠𝙡𝙤𝙙 𝙨𝙖 𝙋𝙖𝙜𝙠𝙖𝙠𝙖𝙞𝙨𝙖; 𝙏𝙪𝙣𝙜𝙤 𝙨𝙖 𝙢𝙖𝙨 𝙈𝙖𝙩𝙞𝙗𝙖𝙮 𝙣𝙖 𝙋𝙖𝙣𝙖𝙣𝙖𝙢𝙥𝙖𝙡𝙖𝙩𝙖𝙮𝙖”

Isang masaya at makabuluhang araw ang opisyal na pagbubukas at mga palaro ng Ministry of Altar Servers ng Parokya ng San Isidro Labrador - Liciada, sa ginanap na Team Building sa Makibela Resort noong Agosto 8, 2026.

Sa bawat laro, tawanan, at masayang pagsasama, naging mas buhay at mas hindi malilimutan ang buong programa. Maging ang maulang panahon ay hindi naging hadlang sa pagdiriwang; sa halip, naging dagdag saya at sigla ito sa bawat aktibidad, na lalo pang nagpasaya sa buong samahan at nagbigay ng kakaibang alaala sa araw na ito.

Ang bawat aktibidad ay nagbigay ng mga alaalang mananatili sa puso at magsisilbing paalala ng kahalagahan ng pagkakaisa at pagtutulungan. Tunay na isang araw ito ng saya, pagkakaibigan, at makabuluhang samahan na lalong nagpatibay sa diwa ng paglilingkod at pananampalataya ng ministeryo.

22/08/2026

𝐓𝐄𝐀𝐌 𝐁𝐔𝐈𝐋𝐃𝐈𝐍𝐆 𝟐𝟎𝟐𝟔 | 𝐒𝐄𝐌𝐈𝐍𝐀𝐑 𝐓𝐀𝐋𝐊

“𝘼𝙡𝙖-𝙖𝙡𝙖𝙣𝙜 𝙈𝙖𝙜𝙗𝙪𝙗𝙪𝙠𝙡𝙤𝙙 𝙨𝙖 𝙋𝙖𝙜𝙠𝙖𝙠𝙖𝙞𝙨𝙖; 𝙏𝙪𝙣𝙜𝙤 𝙨𝙖 𝙢𝙖𝙨 𝙈𝙖𝙩𝙞𝙗𝙖𝙮 𝙣𝙖 𝙋𝙖𝙣𝙖𝙣𝙖𝙢𝙥𝙖𝙡𝙖𝙩𝙖𝙮𝙖”

Sa pagsisimula ng 𝗧𝗲𝗮𝗺 𝗕𝘂𝗶𝗹𝗱𝗶𝗻𝗴 𝟮𝟬𝟮𝟲 ng mga Lingkod ng Dambana, unang hinubog ang kanilang mga puso at isipan sa pamamagitan ng mga makabuluhang 𝗦𝗲𝗺𝗶𝗻𝗮𝗿 𝗧𝗮𝗹𝗸 tungkol sa kahalagahan ng pagiging Altar Server at sa maayos na paglilingkod sa Banal na Misa.

Pinangunahan ni 𝗕𝗿𝗼. 𝗟𝗲𝗼 𝗔𝗾𝘂𝗶𝗻𝗼, Pangulo ng Komisyon ng Liturhiya, ang Refresher Training upang higit na mapalalim ang kaalaman ng mga Lingkod sa bawat bahagi ng Banal na Misa. Sinundan ito ng kapana-panabik na pagbabahagi ni 𝗕𝗿𝗼. 𝗠𝗮𝗻𝘂𝗲𝗹 𝗱𝗲 𝗠𝗲𝘀𝗮 mula sa Dambana at Parokya ng San Agustin, Baliwag, Bulacan, ang paalala na huwag maging seasonal server, kundi maging tapat at patuloy na Lingkod ng Diyos.

Sa unang bahagi ng Team Building 2026, mga aral nawa’y magsilbing gabay sa patuloy na pagpapanibago ng panata, pananampalataya, at paglilingkod ng bawat Altar Server.

Taos-pusong pasasalamat kina Bro. Leo at Bro. Manuel sa pagbabahagi ng kanilang kaalaman, karanasan, at mga paalalang patuloy na magiging inspirasyon sa bawat Lingkod ng Dambana.

20/08/2026

𝐊𝐚𝐩𝐢𝐬𝐭𝐚𝐡𝐚𝐧 𝐧𝐢 𝐒𝐚𝐧 𝐓𝐚𝐫𝐜𝐢𝐬𝐢𝐨 | 𝐀𝐠𝐨𝐬𝐭𝐨 𝟏𝟓, 𝟐𝟎𝟐𝟔

Buong galak na ginunita ng mga Lingkod ng Dambana ng Parokya ng San Isidro Labrador ang Kapistahan ni San Tarcisio ng Roma, patron ng mga sakristan, sa pamamagitan ng Banal na Misa at Prusisyon noong ika-15 ng Agosto.

Bilang bahagi ng pagdiriwang, nagkaroon din ng Sakramento ng Kumpisal sa pangunguna ni Reb. P. Ehersey Giovanni Sulit, na sinundan ng makabuluhang pagbabahagi mula sa ating Kura Paroko tungkol sa pagiging maayos na lingkod.

Ang Kapistahan ni San Tarcisio ay isang paalala na sa pamamagitan ng kanyang halimbawa, kung tunay nating mamahalin si Kristo, matututo rin tayong magmahal, magsakripisyo, at buong pusong maglingkod sa Kanya.

𝐕𝐢𝐯𝐚 𝐒𝐚𝐧 𝐓𝐚𝐫𝐜𝐢𝐬𝐢𝐨 𝐧𝐠 𝐑𝐨𝐦𝐚!

19/08/2026

𝐏𝐀𝐆𝐏𝐀𝐏𝐀𝐍𝐈𝐁𝐀𝐆𝐎 𝐀𝐓 𝐏𝐀𝐆𝐓𝐀𝐓𝐀𝐋𝐀𝐆𝐀 𝟐𝟎𝟐𝟔 | 𝐀𝐠𝐨𝐬𝐭𝐨 𝟏𝟔, 𝟐𝟎𝟐𝟔

Isang makabuluhang araw ng panibagong panata at paglilingkod para sa ating mga Tagapaglingkod sa Dambana. Sa kanilang pagpapanibago ng pangako at pagtatalaga ng mga Team Leaders, muli nilang ipinahayag ang kahandaang maglingkod sa Diyos at sa Simbahan nang may pananampalataya, kababaang-loob, at buong puso.

Ang mga Team Leaders ay tinawag upang manguna, gumabay, at tumulong sa kanilang mga kapwa lingkod—hindi bilang nakatataas, kundi bilang mga lingkod na may pusong handang tumulong at maging halimbawa.

Taos-pusong pasasalamat kay Reb. P. Ehersey Giovanni D. Sulit sa patuloy na paggabay, at sa ating mga magulang at pamilya sa walang sawang suporta at pagtitiwala.

Nawa’y ang araw na ito ay magsilbing panibagong simula upang patuloy na lumago sa pananampalataya, pagkakaisa, at pagmamahal sa paglilingkod.

15/08/2026

𝐏𝐀𝐆𝐏𝐀𝐏𝐀𝐍𝐈𝐁𝐀𝐆𝐎 𝟐𝟎𝟐𝟔 ✨

Ang 𝙈𝙞𝙣𝙞𝙨𝙩𝙧𝙮 𝙤𝙛 𝘼𝙡𝙩𝙖𝙧 𝙎𝙚𝙧𝙫𝙚𝙧𝙨 𝙣𝙜 𝙋𝙖𝙧𝙤𝙠𝙮𝙖 𝙣𝙜 𝙎𝙖𝙣 𝙄𝙨𝙞𝙙𝙧𝙤 𝙇𝙖𝙗𝙧𝙖𝙙𝙤𝙧 ay inaanyayahan ang lahat na makiisa at saksihan ang 𝙋𝙖𝙜𝙥𝙖𝙥𝙖𝙣𝙞𝙗𝙖𝙜𝙤 𝙣𝙜 𝙢𝙜𝙖 𝙏𝙖𝙜𝙖𝙥𝙖𝙜𝙡𝙞𝙣𝙜𝙠𝙤𝙙 𝙨𝙖 𝘿𝙖𝙢𝙗𝙖𝙣𝙖 ngayong 𝘈𝘨𝘰𝘴𝘵𝘰 16, 2026, 𝘓𝘪𝘯𝘨𝘨𝘰, 𝘨𝘢𝘯𝘢𝘱 𝘯𝘢 𝘪𝘬𝘢-5 𝘯𝘨 𝘩𝘢𝘱𝘰𝘯.

Sa kanilang pagtanggap sa panata ng paglilingkod, buong puso nilang iniaalay ang kanilang sarili sa Diyos at sa Simbahan. Nawa’y patuloy silang gabayan sa pananampalataya, kababaang-loob, at tapat na paglilingkod.

Halina’t makiisa, manalangin, at maging bahagi ng kanilang panibagong hakbang sa paglilingkod sa Diyos.

15/08/2026

𝐏𝐚𝐧𝐚𝐥𝐚𝐧𝐠𝐢𝐧 𝐩𝐚𝐫𝐚 𝐤𝐚𝐲 𝐒𝐚𝐧 𝐓𝐚𝐫𝐜𝐢𝐬𝐢𝐨!

O hindi malulupig na martir ng pananampalataya,
San Tarcisio, na pinag-alab ng marubdob na
pagmamahal sa Banal na Eukaristiya at nagtamasa
ng kaligayahan ng kamatayan sa piling ni Hesukristo
sa anyo ng tinapay, aming ipinapanalangin na sa
pamamagitan mo na ang aming mga puso ay
mapuno ng pag-ibig sa aming palagiang pagtanggap
kay Hesukristo sa aming dibdib at sa huling bahagi
ng aming buhay ay aming sapitin ang kaluwalhatian
ng langit sa Kanyang piling.

𝐒𝐚𝐧 𝐓𝐚𝐫𝐜𝐢𝐬𝐢𝐨, 𝘣𝘢𝘵𝘢𝘯𝘨 𝘮𝘢𝘳𝘵𝘪𝘳 𝘯𝘨 𝘉𝘢𝘯𝘢𝘭 𝘯𝘢 𝘌𝘶𝘬𝘢𝘳𝘪𝘴𝘵𝘪𝘺𝘢 𝘢𝘵
𝘱𝘢𝘵𝘳𝘰𝘯 𝘯𝘨 𝘮𝘨𝘢 𝘛𝘢𝘨𝘢𝘱𝘢𝘨𝘭𝘪𝘯𝘨𝘬𝘰𝘥 𝘯𝘨 𝘋𝘢𝘮𝘣𝘢𝘯𝘢, 𝘪𝘱𝘢𝘯𝘢𝘭𝘢𝘯𝘨𝘪𝘯 𝘮𝘰 𝘬𝘢𝘮𝘪!

Address

Liciada, Bulacan
Bustos
3007

Website

facebook.com

Alerts

Be the first to know and let us send you an email when Ministry of Altar Servers - Parokya ng San Isidro Labrador Liciada posts news and promotions. Your email address will not be used for any other purpose, and you can unsubscribe at any time.

Want your place of worship to be the top-listed Place Of Worship in Bustos?

Ministry of Altar Servers - Parokya ng San Isidro Labrador Liciada

28/08/2026

28/08/2026

27/08/2026

27/08/2026

26/08/2026

22/08/2026

20/08/2026

19/08/2026

15/08/2026

15/08/2026

Address

Website

Alerts

Shortcuts

Share

Category

Listing takedown request