Legion of Mary Talampas - Inang Kaibig-ibig

02/12/2025

𝗣𝗔𝗡𝗔𝗟𝗔𝗡𝗚𝗜𝗡 𝗦𝗔 𝗜𝗞𝗔-𝗔𝗣𝗔𝗧 𝗡𝗔 𝗔𝗥𝗔𝗪 || 𝐋𝐀 𝐈𝐍𝐌𝐀𝐂𝐔𝐋𝐀𝐃𝐀 𝐂𝐎𝐍𝐂𝐄𝐏𝐂𝐈𝐎𝐍 𝐑𝐄𝐈𝐍𝐀 𝐃𝐄 𝐓𝐀𝐋𝐀𝐌𝐏𝐀𝐒

30/11/2025

𝙋𝘼𝙉𝘼𝙇𝘼𝙉𝙂𝙄𝙉 𝙎𝘼 𝙄𝙆𝘼𝙇𝘼𝙒𝘼𝙉𝙂 𝘼𝙍𝘼𝙒 || 𝑷𝑨𝑮𝑺𝑰𝑺𝑰𝒀𝑨𝑴 𝑺𝑨 𝑲𝑨𝑹𝑨𝑵𝑮𝑨𝑳𝑨𝑵 𝑵𝑮 𝑳𝑨 𝑰𝑵𝑴𝑨𝑪𝑼𝑳𝑨𝑫𝑨 𝑪𝑶𝑵𝑪𝑬𝑷𝑪𝑰𝑶𝑵 - 𝑹𝑬𝑰𝑵𝑨 𝑫𝑬 𝑻𝑨𝑳𝑨𝑴𝑷𝑨𝑺

27/10/2025

04/10/2025

Oktubre: Buwan ng Mahal na Rosaryo

Ang buwan ng Oktubre ay natatanging panahon para sa mga Katoliko upang higit na isabuhay ang pananalangin, pagsasakripisyo, at pagbabalik-loob sa Diyos. Sa buwang ito, ating ipinagdiriwang si Maria bilang Reyna ng Kasantu-santusang Rosaryo.

Bilang mga anak ng Inang Mahal, tinatawag tayong mga Pilipino bilang Pueblo Amante de Maria—ang bayang tapat na nagmamahal at sumasampalataya.

Ang bawat butil ng rosaryo ay hindi lamang simpleng pananalita, kundi isang paglalakbay kasama si Maria na nagtuturo sa atin ng landas tungo kay Kristo. Ito’y panalangin ng pananampalataya, ng pag-asa, at higit sa lahat, ng pag-ibig.

Nawa, sa buwang ito ng Rosaryo, ay maging masigla ang ating pagninilay at pagtatalaga sa Diyos, kasama ng ating Mahal na Ina, sa diwa ng pagiging Legionaryo ni Maria.

✒️ & 💻: John Aris B. Linsao

15/09/2025

Maligayang Kapistahan po!

Mater Dolorosa: Ang Inang Nagdadalamhati

O Birheng Maria, inang puspos ng hapis at hirap, bilang ala-ala at paggalang sa labis na dalamhati, ang kasakitang dinamdam ng iyong kaluluwa nang mabatid ang iyong anak at ng malagusan ng sibat ang kanyang kanang tagiliran, isinasamo namin sa iyo alang-alang sa malaking halimbawa na ipinakita niya sa amin, na kami’y sumigla sa pagtitiis. Igawad mo sa amin ang taimtim na pagsunod sa kanyang mga utos at ang tunay na pagsisisi sa kaslanan at kagalingan, kapayapaan at katahimikan ng aming bayan.
Amen.

O Inang Nagdadalamhati: Mater Dolorosa,

Ipanalangin mo po kami

Ito po ay sa pangangalaga ni Gng. Corazon Principio Vda. de Perez

08/07/2025

TINATAWAG KA NI MARIA

Ano na? Tugunin mo na ang tawag ni Maria upang maging kasapi ng Lehiyon niya!
Isang paanyayang hindi mo dapat palampasin. Sa gitna ng abalang mundo, inaanyayahan tayong mga kabataan na huminto sandali at manalangin kasama si Maria, ating Ina. Sama-sama nating palalimin ang ating pananampalataya sa pamamagitan ng banal na rosaryo—isang sandata ng kapayapaan, pag-asa, at pag-ibig. Magsama-sama tayo upang maging liwanag sa isa’t isa at maging kasapi ng lehiyong naglilingkod nang may malasakit at debosyon. Kaya't ano pa? Bitbitin mo na ang iyong rosaryo at tugunin ang panawagan ng Mahal na Ina—ang panawagang magdasal, magmahal, at maglingkod.

18/05/2025

FLORES DE MARIA: BULAKLAK NG DEBOSYON
Isang makulay at pinagpalang pagdiriwang ng Araw ng Flores de Maria! Sa pagsasama-sama natin bilang sambayanan, itinanghal natin ang ating Mahal na Ina bilang Reyna ng Langit at ng ating mga puso.

Ang bawat bulaklak na inialay ay tanda ng ating pananalig, pag-asa, at pag-ibig. Ang bawat panalangin ay bulaklak ng kaluluwa na buong pusong hinandog kay Maria.

Tunay ngang Siya ang pinakatanging bulaklak ng Diyos—at tayo, mga talulot na Kanyang inipon sa pagkakaisa.
Mula sa unang gabi hanggang sa araw na ito, patuloy nating ialay ang ating sarili sa Diyos sa pamamagitan ng ating Ina.

18/05/2025

DAY 9: TALULOT NG PAGKAKAISA
Ika-siyam na gabi — punong-puno ng biyaya! Sa pagtatapos ng ating nobenaryo, dala natin ang diwa ng pagkakaisa. Isang bulaklak tayong inialay kay Maria, binubuo ng mga talulot na may iisang puso.
Nagkakaisa tayong Bayan ng Diyos, mga anak ng Reyna ng Kalangitan.

18/05/2025

DAY 8: TALULOT NG PANANALIG
Sa ikawalong gabi ng nobenaryo, pinatitibay tayo ni Maria sa gitna ng mga unos ng buhay. Sa Kanyang halimbawa, natututo tayong magtiwala — kahit hindi pa natin nakikita ang kasagutan.
Sa rosaryo at pananalig, hindi tayo nag-iisa.

15/05/2025

DAY 7: TALULOT NG PAGPAPAKUMBABA
Pang-pitong gabi na! Habang palalim nang palalim ang ating pagninilay, natutunan nating yakapin ang pagpapakumbaba — gaya ni Maria na buong pusong tumalima sa kalooban ng Diyos.
Ang tunay na lakas ay nasa pusong marunong yumuko sa pag-ibig.

15/05/2025

DAY 6: TALULOT NG KABANALAN
Sa ikaanim na gabi, sinisikap nating sumunod sa yapak ng Birheng Maria — pusong dalisay, panalanging totoo, at buhay na itinalaga sa Diyos.
Sa bawat dasal, tinatahak natin ang landas patungong kabanalan.

15/05/2025

DAY 5: TALULOT NG PAGLILINGKOD
Limang gabi na tayong nagtitipon sa paanan ng Mahal na Ina! Sa bawat panalangin at pag-aalay, natututo tayong magmahal hindi lang sa salita kundi sa gawa.
Tulad ni Maria, tayo'y tinatawagan upang maglingkod nang may kababaang-loob at malasakit.