Hermandad De La Sagrada Pasíon - Sto. Niño Parish, Bustos, Bulacan

Hermandad De La Sagrada Pasíon - Sto. Niño Parish, Bustos, Bulacan Samahan ng mga nangangalaga ng mga karosa tuwing Mahal na Araw sa Parokya ng Sto. Niño - Bustos, Bulacan

𝐓𝐀𝐑𝐀 𝐍𝐀! 𝐒𝐀𝐍𝐓𝐎𝐍𝐈Ñ𝐔𝐇𝐀𝐍 𝐍𝐀! 𝐒𝐀 𝐁𝐀𝐘𝐀𝐍 𝐍𝐆 𝐁𝐔𝐒𝐓𝐎𝐒!𝐒𝐓𝐎. 𝐍𝐈Ñ𝐎 𝐆𝐑𝐀𝐍𝐃 𝐏𝐑𝐎𝐂𝐄𝐒𝐒𝐈𝐎𝐍𝟏𝟓 𝐏𝐞𝐛𝐫𝐞𝐫𝐨 𝟐𝟎𝟐𝟔(𝟑𝐫𝐝 𝐒𝐮𝐧𝐝𝐚𝐲 𝐨𝐟 𝐅𝐞𝐛𝐫𝐮𝐚𝐫𝐲)Mga kapati...
28/01/2026

𝐓𝐀𝐑𝐀 𝐍𝐀! 𝐒𝐀𝐍𝐓𝐎𝐍𝐈Ñ𝐔𝐇𝐀𝐍 𝐍𝐀! 𝐒𝐀 𝐁𝐀𝐘𝐀𝐍 𝐍𝐆 𝐁𝐔𝐒𝐓𝐎𝐒!

𝐒𝐓𝐎. 𝐍𝐈Ñ𝐎 𝐆𝐑𝐀𝐍𝐃 𝐏𝐑𝐎𝐂𝐄𝐒𝐒𝐈𝐎𝐍
𝟏𝟓 𝐏𝐞𝐛𝐫𝐞𝐫𝐨 𝟐𝟎𝟐𝟔
(𝟑𝐫𝐝 𝐒𝐮𝐧𝐝𝐚𝐲 𝐨𝐟 𝐅𝐞𝐛𝐫𝐮𝐚𝐫𝐲)

Mga kapatid sa mananampalataya!

Sa pagdiriwang ng ika-159 taong Pistang Bayan Pistang Pasasalamat.

Ang Parokya ng Sto. Niño de Bustos at Hermanos Mayores ngayong taon ay nag-aanyaya sa lahat ng mga camarero ng iba't-ibang taguri ng Mahal na poong Sto. Niño na makiisa sa gaganaping Sto. Niño Grand Procession na ginaganap tuwing ikatlong Linggo ng Pebrero sa Bayan ng Bustos.

Ito ay bukas sa lahat ng nais makilahok.

Ang talatakdaan ng programa ay ang mga sumusunod:
4:00pm- Pagtitipon ng mga karosa (sa patio ng simbahan)
5:00pm - Banal na Misa
6:00pm - Prusisyong Parangal

Halika ka na! Makiisa, umilaw at sumama sa prusisyon kasama ang inyong mga Sto Niño na nakasakay sa kanilang mga karosa.

Mabuhay ang patron at prinsipe ng Dakilang Bayan ng Bustos!
Mabuhay ang Sto. Niño de Bustos!
Viva! Viva! Viva!

ANG HIMALA SA MARAMING HULING ISDA AT ANG PAGTAWAG NI JESUS SA MGA UNANG ALAGADMateo 4, 12-23Ang Mabuting Balita ng Pang...
25/01/2026

ANG HIMALA SA MARAMING HULING ISDA AT ANG PAGTAWAG NI JESUS SA MGA UNANG ALAGAD
Mateo 4, 12-23

Ang Mabuting Balita ng Panginoon ayon kay San Mateo

Noong panahong iyon, nabalitaan ni Hesus na ibinilanggo si Juan, kaya’t bumalik siya sa Galilea. Ngunit hindi na siya sa Nazaret nanirahan kundi sa Capernaum. Ang bayang ito ay nasa baybayin ng Lawa ng Galilea, sa mga hangganan ng Zabulon at Neftali. Sa gayo’y natupad ang sinabi ni Propeta Isaias:

“Ang lupain ng Zabulon at lupain ng Neftali
daanan sa gawing dagat sa ibayo ng Jordan,
Galilea ng mga Hentil!

Itong bayang nag-apuhap sa gitna ng kadiliman
sa wakas ay nakakita ng maningning niyang ilaw!
Liwanag na taglay nito’y siya ngayong tumatanglaw
sa lahat ng nalugami sa lilim ng kamatayan!”
Magmula noon ay nangaral na si Hesus. Ang sabi niya, “Pagsisihan ninyo’t talikdan ang inyong mga kasalanan, sapagkat malapit nang maghari ang Diyos.”

Sa paglalakad ni Hesus sa tabi ng Lawa ng Galilea, nakita niya ang dalawang mangingisda, si Simon na tinatawag na Pedro, at ang kapatid niyang si Andres. Sila’y naghahagis ng lambat. Sinabi niya sa kanila, “Sumunod kayo sa akin, at gagawin ko kayong mamamalakaya ng mga tao.” Noon di’y iniwan nila ang kanilang mga lambat at sumunod kay Hesus.

Nagpatuloy siya sa paglakad at nakita rin niya ang magkapatid na Santiago at Juan, mga anak ni Zebedeo. Sila’y nasa bangka, kasama ng kanilang ama, at naghahayuma ng lambat. Tinawag din sila ni Hesus. Agad nilang iniwan ang bangka at ang kanilang ama, at sumunod kay Hesus.

Nilibot ni Hesus ang buong Galilea. Nagtuturo sa mga sinagoga at ipinangangaral ang Mabuting Balita tungkol sa paghahari ng Diyos. Pinagaling din niya ang mga tao sa kanilang mga sakit at karamdaman.

-

Ang tagpong ito ay nasa pangangalaga Gng. Elisa Santos at Pamilya at (+)Fred Santos mula sa barangay Poblacion, Bustos, Bulacan.


ANG PAGLALAYAG NG PRINSIPE SA LUNGSOD NG MALOLOS!Halina at ating samahan ang STO. NIÑO DE BUSTOS, Ang Patron at Prinsipe...
21/01/2026

ANG PAGLALAYAG NG PRINSIPE SA LUNGSOD NG MALOLOS!

Halina at ating samahan ang STO. NIÑO DE BUSTOS, Ang Patron at Prinsipe ng Dakilang Bayan ng Bustos sa muli nitong paglahok sa 51st Grand Sto. Niño Procession sa ika-25 ng Enero 2026 sa ganap na ika-2 ng hapon sa Basilika Minore ng Inmaculada Concepcion, Lungsod ng Malolos.

Sama-sama tayong magdiwang, magpasalamat, at magdasal sa pagpapala ng Santo Niño de Bustos.

Mabuhay ang Patron at Prinsipe ng Dakilang Bayan ng Bustos!
Viva Sto. Niño de Bustos, Viva!


MALIGAYANG KAPISTAHANSTO. NIÑO DE BUSTOS! Tularan nawa natin ang pagiging bata sa pananampalataya at puso, na may purong...
18/01/2026

MALIGAYANG KAPISTAHAN
STO. NIÑO DE BUSTOS!

Tularan nawa natin ang pagiging bata sa pananampalataya at puso, na may purong tiwala at pag-asa.

Viva, Sto. Niño de Bustos!
Sto. Niño Parish - Bustos, Bulacan

Pagbati mula sa Hermandad De La Sagrada Pasíon – Sto. Niño de Bustos Caro Owners Association


ANG PAGBIBINYAG KAY JESUS SA ILOG JORDAN Mateo 3:13-17Dumating si Jesus sa Ilog Jordan mula sa Galilea upang magpabautis...
11/01/2026

ANG PAGBIBINYAG KAY JESUS SA ILOG JORDAN
Mateo 3:13-17

Dumating si Jesus sa Ilog Jordan mula sa Galilea upang magpabautismo kay Juan. Ngunit tinangka ni Juan na pigilan siya at sinabi, “Ako po ang dapat magpabautismo sa inyo! Bakit kayo nagpapabautismo sa akin?” Subalit sumagot si Jesus, “Hayaan mong ito ang mangyari ngayon, sapagkat ito ang nararapat nating gawin upang matupad ang kalooban ng Diyos.”

Kaya't pumayag din si Juan. Nang mabautismuhan si Jesus, kaagad siyang umahon sa tubig. Nabuksan ang langit at nakita ni Jesus ang Espiritu ng Diyos na bumababang parang isang kalapati at dumapo sa kanya. At isang tinig mula sa langit ang nagsabi,

“Ito ang minamahal kong Anak na lubos kong kinalulugdan!”

-

Ang tagpong ito ay nasa pangangalaga nina Franklin at Gng. Aicelle Verdillo, G. Elmer at Gng. Cristy Cruz, G. Michael Costantino at Pamilya (+)Ramon at (+)Norma Constantino mula sa barangay Poblacion, Bustos, Bulacan.


ENERO 09 | PAMBANSANG KAPISTAHAN NGNUESTRO PADRE JESUS NAZARENO Ngayong araw, ginugunita ng Simbahang Katoliko sa ating ...
08/01/2026

ENERO 09 | PAMBANSANG KAPISTAHAN NG
NUESTRO PADRE JESUS NAZARENO

Ngayong araw, ginugunita ng Simbahang Katoliko sa ating bansa ang Pambansang Kapistahan ng Nuestro Padre Jesus Nazareno.

Ang imahen at tagpong ito ni Jesus ay ang pagpasan niya ng krus habang binabaybay ang daan patungo sa Kalbaryo.

Ang imahen na ito ng Nestro Padre Jesus Nazareno na lumalabas tuwing mga Mahal na Araw sa Parokya ng Sto. Niño de Bustos ay nasa pangangalaga ni G. Felicisimo del Rosario at Pamilya mula sa barangay Bonga Menor, Bustos, Bulacan.


HERMANDAD DE LA SAGRADA PASÍON GENERAL ASSEMBLY & YEAR-END PARTY 2025Matagumpay na isinagawa sa kauna-unahang pagkakatao...
28/12/2025

HERMANDAD DE LA SAGRADA PASÍON
GENERAL ASSEMBLY & YEAR-END PARTY 2025

Matagumpay na isinagawa sa kauna-unahang pagkakataon ng pamunuan ng Hermandad De La Sagrada Pasíon - Sto. Niño de Bustos Caro Owners Association ang General Assembly at Year-End Party ng samahan na ginanap noong Disyembre 28, 2025, sa Dr. Pablito V. Mendoza Sr. Gymnasium.

Sa pagtitipon ay pangunahing tinalakay ang ulat ng mga programa ng Hermandad sa nagdaang taon, binigyang punto rin ang mga plano at proyekto ng samahan para sa susunod na taon kung saan nagkaroon ng bukas na talakayan ang mga kasapi. Bukod dito, layunin din nito na palakasin ang samahan, magkaroon ng mas malalim na ugnayan ang bawat kasapi, at mabigyan ng ideya ang mga kasapi sa bisyon ng bagong liderato sa susunod na dalawang taon.

Nagkaroon din ng raffle at masayang salo-salo ang lahat bago matapos ang pagtitipon.


DISYEMBRE 27 | KAPISTAHAN NI APOSTOL SAN JUAN EBANGELISTA Si San Juan Evangelista ay Anak nina Zebedeo at Sta. Maria Sal...
27/12/2025

DISYEMBRE 27 | KAPISTAHAN NI
APOSTOL SAN JUAN EBANGELISTA

Si San Juan Evangelista ay Anak nina Zebedeo at Sta. Maria Salome at nakababatang Kapatid ni Santiago, El Mayor. Siya ay ang Pinakabata sa mga Apostol ni Hesus.

Si San Juan Evangelista rin ang may akda ng isa sa mga Ebanghelyo at nagtataglay ng kanyang pangalan gayun din ang tatlong epistola o sulat at aklat ng Pahayag.

Saksi rin si San Juan sa pagbabagong anyo ni Hesus sa Bundok ng Tabor at sa pagpapagaling sa anak ni Jairo. Siya lamang ang Apostol na nasa paanan ng krus na kung saan inihabilin sa kanya ni Hesus ang kanyang Ina ang Mahal na Birheng Maria.


Christus Vincit, Christus Regnat, Christus Imperat!DAKILANG KAPISTAHAN NG PAGKAHARI NG PANGINOONG JESUKRISTO SA SANLIBUT...
18/11/2025

Christus Vincit, Christus Regnat, Christus Imperat!

DAKILANG KAPISTAHAN NG PAGKAHARI NG PANGINOONG JESUKRISTO SA SANLIBUTAN
(Host: Bisita ni San Pedro - Bustos, Bulacan)

UNA hanggang IKA-ANIM NA ARAW
Nobyembre 14-19, 2025
Pagdiriwang sa Parokya:
5:30 ng umaga - Banal na Oras
6:30 ng umaga – Banal na Misa

IKAPITONG ARAW | Huwebes
ika-20 ng Nobyembre 2025
Pagdiriwang sa Parokya:
5:30 ng umaga - Banal na Oras
6:30 ng umaga – Banal na Misa
Pagdiriwang sa Bisita ni San Pedro - Bustos, Bulacan
5:00 ng hapon - Banal na Oras
6:00 ng gabi – Banal na Misa

IKAWALONG ARAW | Biyernes
ika-21 ng Nobyembre 2025
Pagdiriwang sa Parokya:
5:30 ng umaga - Banal na Oras
6:30 ng umaga – Banal na Misa
Pagdiriwang sa Bisita ni San Pedro - Bustos, Bulacan
5:00 ng hapon - Banal na Oras
6:00 ng gabi – Banal na Misa

DAKILANG KAPISTAHAN NG KRISTONG HARI SA SANLIBUTAN
Sabado | ika-22 ng Nobyembre 2025
Pagdiriwang sa Parokya:
5:30 ng umaga - Banal na Oras
6:30 ng umaga – Banal na Misa
Pagdiriwang sa Bisita ni San Pedro - Bustos, Bulacan
6:00 ng gabi – Banal na Misa

PAGTATANGHAL AT PAGTATANOD NG SANTISIMO SAKRAMENTO
Nobyembre 22 (7:30 ng gabi) hanggang Nobyembre 23 (3:00 ng hapon)

Linggo | ika-23 ng Nobyembre 2025
6:30 ng umaga; 8:00 ng umaga – Banal na Misa (Pagdiriwang sa Parokya)
3:00 ng hapon – PRUSISYON SA KARANGALAN NG SANTISIMO SAKRAMENTO
(Magsisimula ang prusisyon sa Bisita ni San Pedro - Bustos, Bulacan patungong Parokya ng Sto. Niño, Poblacion.)
4:20 ng hapon – SEREMONYAS NG PAG-AALAY AT PAGHAHANDOG; AT PAGBABASBAS NG SANTISIMO SAKRAMENTO
(Ito ay gaganapin pagkatapos ng prusisyon sa loob ng simbahan)
5:00 ng hapon – BANAL NA MISA

Inaanyayahan ang lahat na makiisa sa mga gawain at pagdiriwang ng Dakilang Kapistahan ng Kristong Hari ng Sanlibutan 2025.

Para sa hindi makakadalo sa mga pagdiriwang, ito po ay inyong matutunghayan sa ating Social Media Platform, sa ating Facebook at Youtube account: /SNPBustos sa parehas na petsa at oras.


ANG PAGLALAKAD NI JESUS SA IBABAW NG TUBIGMateo 14:23-27Nang makaalis na ang napakaraming tao, umahon siyang mag-isa sa ...
09/11/2025

ANG PAGLALAKAD NI JESUS SA IBABAW NG TUBIG
Mateo 14:23-27

Nang makaalis na ang napakaraming tao, umahon siyang mag-isa sa bundok upang manalangin. Nang gumabi na, nag-iisa siya roon. Samantala, ang bangka ay nasa kalagitnaan na ng lawa na sinasalpok ng mga alon sapagkat pasalungat ang hangin sa kanila.

Sa ikaapat na pagpupuyat ng gabi, pumaroon si Jesus sa kanila na naglalakad sa ibabaw ng lawa. Lubhang natakot ang mga alagad nang makita siya na naglalakad sa ibabaw ng lawa. Sinabi nila: Multo! At sumigaw sila dahil sa takot.

Nagsalita kaagad si Jesus na sinabi sa kanila: Lakasan ninyo ang inyong loob. Ako ito, huwag kayong matakot.

-

Sama-sama tayong manalangin at manalig sa Panginoon sa panahon ng bagyo at mga kalamidad. Huwag mangamba, mabahala, at mawalan ng lakas ng loob. Kagaya sa tagpong ang paglalakad sa ibabaw ng tubig, kasama natin si Jesus at hindi niya tayo pababayaan.

Ang tagpong ito ay nasa pangangalaga ng Pamilya Malhacan at Hernandez mula sa Barangay Bonga Mayor, Bustos, Bulacan.


NOBYEMBRE 1 | DAKILANG KAPISTAHANNG LAHAT NG MGA BANALANG MGA BANAL O SANTOAng salitang “santo” ay hango mula sa salitan...
01/11/2025

NOBYEMBRE 1 | DAKILANG KAPISTAHAN
NG LAHAT NG MGA BANAL

ANG MGA BANAL O SANTO

Ang salitang “santo” ay hango mula sa salitang Latin na “sanctus” na nangangahulugang “banal.” Ayon sa turo ng Banal na Simbahang Romano Katoliko, sila ang itinuturing na mga “Bayani ng Pananampalataya.” Ang mga banal o santo ay yaong mga namatay na at kasama na ng Panginoong Diyos sa kaluwalhatian ng langit. Sila ay kinikilala nang dahil sa natatangi nilang kabanalan at kabutihang ipinamalas nuong nabubuhay pa sa daigdig. Sila ang mga tao na tulad natin na namuhay sa mundong ito hindi para sa kanilang sarili o sa kanilang pamilya kundi para sa pagsisilbi at pagsunod sa Diyos at sa kapwa. Ang paniniwala na ito ay nagsasabi na ang mga banal o santo ay dapat hingan ng tulong bilang mga tagapamagitan natin sa Diyos. Ang kanilang mga relikya at imahen ay dapat ituring na banal.

Sa kalendaryo ng liturhiya ng Simbahan, ang unang araw ng Nobyembre ay inilalaan bilang Dakilang Kapistahan ng Lahat ng mga Banal na kilala bilang Todos Los Santos.

Ang natatanging pagdiriwang na ito ay nagbibigay karangalan sa lahat ng mga banal na namuhay sa daigdig, kinikilala man o hindi, na nasa piling na ng Poong Maykapal.

Mula sa The Roman Catholic Diecese of Malolos - Ang Sandigan


OKTUBRE 28 | KAPISTAHAN NI APOSTOL SAN JUDAS TADEOSi San Judas Tadeo ay isa sa labindalawang alagad ni Jesus. Siya ay ka...
28/10/2025

OKTUBRE 28 | KAPISTAHAN NI
APOSTOL SAN JUDAS TADEO

Si San Judas Tadeo ay isa sa labindalawang alagad ni Jesus. Siya ay kapatid ni Santiago Menor. Karaniwang nailalarawan sya na may dalang larawan ni Kristo sa dibdib dahil sya ay kamag-anak at kawangis ni Jesus at mayroong dalang pamalo. Palaging may apoy sa ibabaw ng ulo ni San Judas sa kaniyang mga imahen, na sumasagisag na naroon siya sa Pentekostes, nang tanggapin niya ang Espiritu Santo kasama ng iba pang mga apostol. Ayon sa mga tradisyon, nangaral siya sa Mesopotamia, Persya, at kung saan pa hanggang sa namatay. Dahil sa pagkakapareho ng pangalan kay Judas Iskariote, tinawag siyang Tadeo nina San Mateo at San Marcos.

Ang imahen na ito ni Apostol San Judas Tadeo ay nasa pangangalaga ni Gng. Eugenia Go, Pamilya Lopez at (+) Lourdes Lopez mula sa Poblacion, Bustos, Bulacan.


Address

C. L. Hilario Street, Poblacion, Bulacan
Bustos
3007

Website

Alerts

Be the first to know and let us send you an email when Hermandad De La Sagrada Pasíon - Sto. Niño Parish, Bustos, Bulacan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category