29/04/2026
159 taon ng BIYAYA
159 taon ng PANANAMPALATAYA
159 taon ng PAGSUNOD SA TAWAG NG DIYOS
Sa pagdiriwang natin ng ika-159 taon ng pagkakatatag ng Parokya ng Sto. Niño at ika-7 na anibersaryo ng Banal na Pagtatalaga ng ating Simbahan at Dambana, inaalala natin ang bawat panalangin at sakripisyo na bumuo sa ating sambayanan.
Ang ating simbahan ay hindi lamang isang gusali — ito ay isang buhay na alaala ng kabutihan ng Diyos, isang patunay na sa bawat unos, may liwanag na dumadaloy sa mga puso ng mga nananalig.
Sa paggabay ng ating Mahal na Patron Sto. Niño de Bustos, patuloy nating itinatawid ang pananampalataya sa bawat henerasyon, na may panibagong sigla at pag-asa.
Muli nating ialay ang ating sarili sa Diyos na siyang nagbigay buhay sa ating Parokya. Sama-sama nating itaguyod ang misyon ng pag-ibig, katarungan, at pag-asa para sa susunod pang maraming henerasyon.
Mabuhay ang Parokya ng Sto. Niño ng Bustos, Bulacan! Sa Diyos ang lahat ng papuri at pasasalamat! Viva Sto. Niño de Bustos!