Santa Kruz Chapel. Barangay Taghuyan

Santa Kruz Chapel. Barangay Taghuyan this official page is Manage by. the Chapel coordinator and Pastoral Council

Chapel Leader/president: Sister Tessie R. Rebana

IN PHOTOS|| Agosto 23, 2026IKAKARUHAAN KAG-USA NGA DOMINGO HAN KATUIGANPASIUNA Kabugtuan: Yana nga Domingo, Adlaw ...
23/08/2026

IN PHOTOS||
Agosto 23, 2026
IKAKARUHAAN KAG-USA NGA DOMINGO HAN KATUIGAN

PASIUNA
Kabugtuan: Yana nga Domingo, Adlaw han Ginoo, gin-aaghat kita ha padayon nga pagpadayag hiton aton pagtoo kan Jesu- cristo aton Ginoo. Amo ini an ginbuhat ni San Pedro ngan han mga tinun-an ni Jesus dida hiton ebanghelyo yana nga adlaw. Sugad ha ira kinahanglan gihapon nga ipasamwak naton iton aton pgtoo nga hi Jesucristo amo iton Ginoo hiton ngatanan
nga mga hinimo ug hitabo, Hiya iton agaron naton gintatag-iya niya bisan iton aton kinabuhi, ngan gin-uusa kita niya dinhi hini nga aton pagsaurog.

PAGBASA |. Is 22:19-23

Pagbasa tikang han Basahan ni
Isaias an manaragna

Nagsiring kan Sebna an Ginoo, "Kuku- haon ikaw tikang han imo katungdanan ngan pupukanon ka tikang han imo hitaas nga kahimtang!" Kun mahinabo na ito, ipapatawag ko hi Eliaquim nga akon suru- goon nga anak ni Hilquias. Isusul-ot ko ha iya an imo opisyal nga bado ug paha ngan ihahatag ko ha iya an ngatanan nga imo hadto anay gahum. Masusugad hiya hin amay para han mga tawo han Jerusalem ug Juda. Tatagan ko hiya nga gahum ha ilarom han hadi nga tulin ni David. Makapot hiya han mga yawi han katungdanan; waray magsasada han iya pag-aabrihan, ngan waray mag-aabri han iya pagsasadhan. Igtataod ko hiya hin marig-on sugad hin usa nga usok ngan magigin burabod hiya hin kadungganan para han bug-os niya nga panimalay."
An Pulong han Ginoo.

SALMO RESPONSORIO
Sal 138:1-2a, 2bc-3, 6, 8

GINOO, WARAY KATAPUSAN AN IMO GUGMA; AYAW ISALIKWAY AN BUHAT
HAN IMO KAMOT.

Nagpapasalamat ak' ha im', Ginoo, / tikang gud han bug-os nga kasingkasing ko. /Nagkakanta ako pagdayaw ha imo, / atubangan han kadiyosan nga palso./ Gin-atubang ko baraan mo nga Templo.

Nayukbo nga nadayaw han ngaran nimo, / tungod han imo gugma nga kadayunan, / ngan han imo pagkamatinumanon man./ Imo ginpakita nga labaw han tanan, / an im' mga sugo ngan an imo ngaran. / Han akon
pagtawag imo ginbaton man, / im' ak ginpakusog han imo kakusgan.

Bisan kun an Ginoo hitaas gud man./ Hiya napaid han ubos an kahimtang,/ han mapahitas-on di' h'ya kataguan. / O Ginoo, an im' gugma an padayon./ Hingpita gad adton imo gintikangan,/ gintikangan nga buhat, di' mo talikdan.

PAGBASA II. Rom 11:33-36

Pagbasa tikang han Surat ni San
Pablo ngadto han mga taga Roma

Mga kabugtoan: Hin pagkabahandianon gud han Dyos! Hin ka hilarom gud han iya kinaadman ngan hibaro! Hin-o in makakag- saysay han iya mga paghukom? Hin-o in makakasabot han iya mga paagi? Sumala han siring han Kasuratan, "Hin-o in maaram han hunahuna han Ginoo? Hin-o in makaka- waydong ha iya? Hin-o in nakahatag na ha iya hin bisan ano, basi makagbalos hiya?" Kay ginhimo niya an ngatanan nga mga butang ngan nagpapabilin an ngatanan nga mga butang pinaagi ha iya ngan para ha iya. Ngadto ha Dyos an himaya ha
kadayunan! Amen.
An Pulong han Ginoo.

EBANGHELYO. | Mt 16:13-20
+ Pagbasa tikang han santos nga
Ebanghelyo sumala kan Mateo

Niyan kinadto hi Jesus ha katunaan hirani han bungto han Cesarea Filipo, ngan didto ginpakianhan niya an iya mga tinun-an, "Sumala han siring han mga tawo, hin-o man kono an Anak han Tawo?" Nagbaton hira, "May nasiring nga hiya amo hi Juan nga Parabunyag; nasiring an iba nga hiya amo hi Elias; ngan nasiring naman liwat an iba nga hiya amno hi Jeremias o usa han mga manaragna," Nagpakiana hi Jesus ha ira, "An ha iyo, hin-o man ako?" Binaton hi Simon Pedro, "Ikaw amo an Mesiyas,
an Anak han Dyos nga buhi." Ginsiring hiya ni Jesus, "Palaran ka, Simon nga anak ni Juan, kay waray umabot ha imo ini nga kamatuoran tikang hin bisan hin-o nga tawo, kundi iginhatag ini ha imo han akon Amay ha langit. Sanglit nasiring ako ha imo: ikaw hi Pedro ngan ha bawbaw hini nga bato titindugon ko an akon singbahan,
ngan diri makakadaog hini an gahum han kamatayon. Ihahatag ko ha imo an mga yawi han han Ginhadian han Langit; an imo diri hubaran dinhi ha tuna diri man liwat huhu- baran dinhi ha langit; ngan an imo hubaran dinhi ha tuna huhubaran man liwat didto ha langit." Niyan gintugon ni Jesus an iya mga tinun-an nga diri magsumat bisan kan kanay nga hiya amo an Mesiyas.
An Ebanghelyo han Ginoo.

IN PHOTOS|| PAG SAUROG Agosto 9, 2026IKANAPULO KAGSIYAM NGA DOMINGO HAN KATUIGANPASIUNA Mga kabugtuan ko dida kan ...
09/08/2026

IN PHOTOS|| PAG SAUROG

Agosto 9, 2026
IKANAPULO KAGSIYAM NGA DOMINGO HAN KATUIGAN

PASIUNA
Mga kabugtuan ko dida kan Jesucristo: Yana nga ikanapulo kagsiyam nga Domingo hiton katuigan, ini nga aton pagsaurog ug pagkaurusa nga nag-aaghat ha aton ha dugang pa nga kadasig ha pagtoo, nagpa- pahinumdum liwat nga an aton pagtoo han aton Ginoo magtatalwas ha aton diri ha katapusan nga adlaw kundi bisan man liwat ha ikinaadlaw nga mga pagsari, pagsulay ug kakurian hinin kinabuhi. Kay diri la kita naglalaum han kan Cristo pagbalik nga mahimayaon; natuod liwat kita han iya hadto ginsiring: "Hinumdumi, dayuday maupod ako ha iyo ha ngatanan nga katuigan, tubtob han katapos han kalibutan."

PAGBASA I 1 Hadi 19:9a, 11-13a

Pagbasa tikang han syahan nga Basahan han Kahadian

Sinulod hi Elias hin usa nga lungib ngan nagpalabay han gab-i. Nagsiring, ha iya an Ginoo, "Gawas ngan tindog ha akon atubangan ha bawbaw han bukid." Niyan linabay an Ginoo, ngan nagpadara hin makusog nga alipuros nga nakabay-og han kapungturan ngan nakabuak han kabab- toan--kundi waray dida han alipuros an Ginoo. Hinugpoy an hangin ngan lininog-- kund i waray dida han linog an Ginoo. Katapos han linog nagkamay-ada kalayo-- kundi waray dida han kalayo an Ginoo. Ngan katapos han kalayo nagkamay-ada huring hin usa nga tingog. Han pakabati hini ni Elias, tinahuban niya han iya kurumpos an iya bayhon ngan ginawas hiya ngan tinindog ha ganggang han lungib.
An Pulong han Ginoo.

SALMO RESPONsORIO
Sal 85:9, 10, 11-12, 13-14

HA AMON IPAKITA AN IMO GUGMA, GINOO, NGAN IHATAG HA AMON AN IMO PAG- TALWAS.

Namamati ako han kanan Dyos mga pulong, / nga nasaad hin kalinaw ug kadait ha aton;/ kun kita diri han maraot nga paagi magpadayon. / Waray ruhaduha hin pagtalwas hiya andam/ hadton nahatag ha iya hin kadungganan;/ ngan aanhi an iya katalwasan,/ magpapabilin ha aton katunaan.

Magtatapo an gugma ug an kamatinu- manon, / maghahangkupay an kalinaw ug an kamatadong / Tikang ha tuna an kamati- numanon, / tikang ha langit an pagpa- matadong.

An Ginoo an magpapauswag ha aton/ ngan mahatag an tuna hin hura nga aranihon./ Mag-uuna han Ginoo an pagkamatadong, / ngan mag-aandam han dalan para ha aton.

PAGBASA II. Rom 9:1-5

Pagbasa tikang han Surat ni San Pablo ngadto han mga taga Roma

Mga kabugtoan: Nagyayakan ako han kamatuoran; tag-iya ko hi Cristo ngan diri ako nagbubuwa. Saksi ko liwat an akon panhunahuna nga ginlaladngan han Espiritu Santo nga diri gud ako nagbubuwa nga dako gud an akon kabiduan. , nga daw diri matapos an kasakit ha akon kasingkasing tungod han akon mga tawo nga akon gud mga kadugo! Tungod han ira kaupayan, minamaupay ko nga pakarauton ako han Dyos ngan mahimulag ako kan Cristo. Mga pinili hira nga mga tawo han Dyos; ginhimo hira han Dyos nga iya mga anak ngan gin- paangbit han iya himaya; ginhimo niya ha
ira an ginsabutan ngan iginhatag ha ira an Balaod; ira an matuod nga pagsingba ngan nakarawat nira an mga saad han Dyos; mga tulin hira han mga patriyarka; ngan tikang han ira tulin natawo hi Cristo. Pagdayawon unta ha kagihapunan an Dyos nga nagha- hadi han ngatanan! Amen.
An Pulong han Ginoo.

EBANGHELYO. Mt 14:22-33
+ Pagbasa tikang han santos nga
Ebanghelyo sumala kan Mateo

Ginpasakay hin sakayan ni Jesus an mga tinun-an ngan ginpauna niya ngadto ha tabok han lanaw, samtang ginpalakat niya an mga tawo. Kahuman niya palakta an mga tawo, sinagka hiya hin bukid nga usa la hiya, basi hiya mag-ampo. Han pagkagab-i na nag-usaan la didto hi Jesus. Hini nga takna nakadto na an sakayan ha lawod, ginda- dasmagan han mga balod kay sungsong adto han hangin. Ha may mga alas tres
ngadto ha alas seis na han kaagahon kinadto ha ira hi Jesus nga naglalakat ha bawbaw han tubig. Han pakakita han mga tinun-an ha iya nga naglalakat hiya ha bawbaw han tubig, duro an ira kahadlok. "Iini in murto," nagsiring hira, ngan ginuliat hira tungod hin kahadlok. Nagyakan dayon hi Jesus ha ira, "Ayaw kamo kahadlok! Ako gad ini!" Niyan nagsiring hi Pedro, "Ginoo, kun tinuod nga ikaw, palakata man ako ha bawbaw han tubig ngada ha imo." "Pakadi!" binaton hi Jesus. Sanglit hinaw-as hi Pedro han sakayan ngan nagtikang hin paglakat ha bawbaw han tubig ngadto kan Jesus. Kundi han pakasabot niya nga makusog an hangin, nahadlok hiya ngan nagtikang hiya hin pag- lunod. "Tabagi ako, Ginoo!" ginuliat hiya. Kinaptan ngan binutong hiya dayon ni Jesus ngan sidngon, "Pagkagutiay han imo pagtoo! Kay ano nga nagruhaduha ka?" Sinakay hira han sakayan ngan hinugpoy an hangin. Nagsingba kan Jesus an mga tinun-an nga nakada han sakayan ngan nagsiring hira, "Matuod gud nga ikaw amo an Anak han Dyos!"
An Ebanghelyo han Ginoo.

IN PHOTOS||August 08, 2026Thanks Giving mass for the Gift of life, 50th birthday of Mr. SIXTo REBANA and for all the ble...
08/08/2026

IN PHOTOS||
August 08, 2026

Thanks Giving mass for the Gift of life, 50th birthday of Mr. SIXTo REBANA and for all the blessings and Grace's reseve. 😇🙏

08/08/2026

"One day, through the Holy Rosary and the Scapular, Our Lady will save the world."
— St. Dominic de Guzman

One of the greatest devotions promoted by St. Dominic was the Holy Rosary, a Marian prayer that invites the faithful to meditate on the life, passion, death, and resurrection of Jesus Christ through the eyes of His Blessed Mother.

According to sacred tradition, when St. Dominic grew discouraged by the slow progress of his mission against the Albigensian heresy, the Blessed Virgin Mary appeared to him holding a crown of roses. She encouraged him to pray the Rosary faithfully and to teach it to others. Through this powerful devotion, many hearts were converted, and the spread of the heresy gradually diminished.

More than eight centuries later, the Rosary remains one of the most cherished prayers of the Church—a spiritual weapon, a source of peace, and a path that continually leads souls closer to Christ through Mary.

Our Lady of the Rosary, pray for us.
St. Dominic de Guzman, pray for us.

IN PHOTOS||Agosto 2, 2026IKANAPULO KAGWALO NGA DOMINGO HAN KATUIGANSt. John Baptiste Marie Vianney SundayPASIUNA "...
02/08/2026

IN PHOTOS||

Agosto 2, 2026
IKANAPULO KAGWALO NGA DOMINGO HAN KATUIGAN

St. John Baptiste Marie Vianney Sunday

PASIUNA
"Pakadi ha akon...pamati hin maupay...ngan mabubuhi an iyo kalag." Kabugtuan, an Manaragna napahinumdum ha aton nga maupay iton pagdangup sa Dyos, kanay kamahinatagon waray sukol, kanay gahum waray katubtuban, ngan kanay gugma diri gud man hitutupngan. Sanglit
ayaw kita pag-alang hin pangaro tikang han iya kaharangdon, ngan ayaw liwat naton hikalimti an pagpasalamat ha ita.

PAGBABA l. Isa 55:1-3
Pagasa tikang ban Banaban ni
Isaias nga manaragna

Nagsiring an Ginoo, "Kadi, kamo ngatanan nga inuuhaw--aadi in tubig!
Kadi, kamo nga mga waray kwarta--palit kamo ngan kaon! Kadi, palit kamo hin bino ug gatas--diri ini pababaydan ha iyo! Kay ano nha ginagasto niyo in kwarta dida hín điri nakakabusog? Kay ano nga ginagasto niyo an iyo mga suhol ngan ginugutom la kamo gihapon? Pamatí kamo
ha akon ngan buhata niyo an akon igsisiring, ngan magpapahimulos kamo han gimamaupayi nga pagkaon.
"Pamati yana, mga tawo ko, ngan
daop kamoha akon; daip ha akon
ngan mabubuhi kamo! Hihimoon ko ha iyo in dayon nga ginsabutan, ngan ihahatag
ko ha iyo an mga kaupayan nga akon iginsaad kan David."
An Pulong han Ginoo.

SALMO RESPONSORIO
Sal 145: 8-9, 15-16, 17-18

BINUBUKSAN MO HIN MAUPAY AN IMO KAMOT, GINOO, NGAN IHINAHATAG MO HA AMON AN AMON GIN-UUNGARA,

An Ginoo mahigugmaon, maloloy-on,/ mahinay masina, may gugma nga dayon. / Maupay ha tanan hiya nga Ginoo, / ha tanan binuhat napaid hin husto.

Natan-aw nga malinaumon ha iya, / an ngatanan butang nga mga buhi pa./ Ngan ha ira ihinahatag man niya,/ an
pagkaon kun kinahanglan gud nira./ Igo an ihinahatag n'ya han tanan, / ginbubusog ira mga kinahanglan.

An Ginoo matadong iya binuhatan, / tanan nga buhat niya maloloy-on man./ Duok h'ya han tanan natawag ha iya/ kun kinasingkasing an pagtawag nira.

PAGBASA II. Rom 8: 35, 37-39
Pagbasa tikang han Surat ni
San Pablo ngadto han mga
taga Roma

Niyan, hin-o man in makakapabulag ha aton tikang han gugma ni Cristo? Makakahimo ba an kagul-anan, o an kakurian, o an pagpakurii, o an
kagutom, o an kakablasan, o an
kataragman, o an kamatayon?
Diri, ha butnga hini ngatanan may-ada kita hingpit nga pagdarag-an pinaagi ha iya nga naghigugma ha aton! Kay maaram ako nga waray gud
bisan ano nga makakapabulag ha aton han iya gugma: bisan pa an kamatayon o an kinabuhi; bisan pa an mga anghel o an iba nga kagamhanan; bisan pa an panahon yana o an tiarabot; bisan pa an mga kahitas-an o an
mga kahiladman --waray gud bisan ano ha ngatanan nga mga binuhat nga makakapabulag ha aton han gugma han Dyos pinaagi kan Cristo Jesus nga
aton Ginoo.
An Pulong han Ginoo.

EBANGHELYO. Mt 14:13-21
+ Pagbasa tikang han santos nga
Ebanghelyo sumala kan Mateo

Han pakabati ni Jesus nga ginpatay hi Juan, binaya hiya ngadto nga dapit ngan nagsakay hiya. Kinadto hiya nga waray niya upod, hin dapit nga mamingaw. Hinbaroan ini han mga tawo.
Binayaan nira an ira mga bungto,
ngan nagbaktas hira hin pagsunod ha iya. Paghaw-as ni Jesus han sakayan hinkit-an niya an kadam-an nga mga tawo, ngan inalpan hiya hin dako nga
kalooy ha ira, ngan gintambal niya an ira mga magsakit. Hadto ngahaw nga kulop, dinaop ha iya an mga tinun-an ngan nagsiring, Tikasirum na, ngan tay-aw ini nga dapit. Palakta na an mga tawo ngan pakadtoa hira ha mga
kabaryohan, basi makapalit hira hin pagkaon." "Diri kinahanglan nga magkalakat hira," binaton hi Jesus. "Hi kamo ngahaw in pagpakaon ha ira." Nagbaton hira, "Lilima la kabug-os an aton tinapay ngan duduha an isda." Nagsiring hi Jesus, "Dad-a niyo
ngadi." Pinapanlingkod niya an mga tawo ha kabanwaan; kinuha niya an lima nga tinapay ngan duha nga isda, ngan hinangad hiya ha langit pagpasalamat han Dyos. Ginpinitpinit niya an tinapay ngan iginhatag ha mga
tinun-an, ngan igindurot ini ngadto han mga tawo. Nangaon an ngatanan ngan nagkabubusog. Katapos, gintirok han mga tinun-an an mga salin
nga nakapuno hin dose kaalat. Lima kayukot nga kalalakin-an an nangaon, labot han kababayin-an ngan han kabataan.
An Ebanghelyo han Ginoo.

IN PHOTOS||Julio 26, 2026PAG SAUROG HAN, IKANAPULO KAGPITO NGA DOMINGO HSN KATUIGANWorld Day of Grandparents and the Eld...
26/07/2026

IN PHOTOS||

Julio 26, 2026

PAG SAUROG HAN, IKANAPULO KAGPITO NGA DOMINGO HSN KATUIGAN

World Day of Grandparents and the Elderly / Fil-Mission Sunday

🙏😇
22/07/2026

🙏😇

IN PHOTOS||Julio 19, 2026Pag saurog han IKANAPULO KAG-UNOM NGA DOMINGO HAN KATUIGAN
19/07/2026

IN PHOTOS||

Julio 19, 2026
Pag saurog han IKANAPULO KAG-UNOM NGA DOMINGO HAN KATUIGAN

19/07/2026

Have a blessed Sunday! May the Peace of the Lord be with you.

May the peace of Christ be with you today and always. As you gather for Holy Mass or spend time in prayer, may your heart be renewed by His presence, your burdens be lifted by His grace, and your soul be strengthened by His love.

May this Lord's Day remind you that God is always faithful, even in the quiet moments and hidden struggles of life. Entrust this new week to Him, and walk forward with hope, knowing that He goes before you in every step.

Have a peaceful, grace-filled Sunday, and may the Lord bless you and your loved ones abundantly.

Address

Barangay Taghuyan
Burauen
6516

Website

Alerts

Be the first to know and let us send you an email when Santa Kruz Chapel. Barangay Taghuyan posts news and promotions. Your email address will not be used for any other purpose, and you can unsubscribe at any time.

Shortcuts

Share

Category