01/10/2026
Octobre 2, 2026
Viernes han ika-26 nga Semana han Katuigan
AN MGA ANGHEL NGA MAGBARANTAY (Memorial)
PAGBASA I. Ex 23:20-23
Pagbasa tikang han Basahan han Exodo
Nasiring an Ginoo: "Papag-unhon ko ha iyo in usa nga anghel basi manalipod ha iyo samtang nga naglalakat kamo, ngan hin pagdara ha iyo ngadto han dapit nga akon gin-andam. Pamatii ngan sugta hiya niyo. Ayaw kamo pagsupil ha iya. Diri hiya mapasaylo hin sugad nga pagsupil kay ginsugo ko hiya. Kundi kun magsugot kamo ha iya ngan magbuhat kamo han ngatanan nga akon pinapatuman ha iyo, ako an maasdang han ngatanan niyo nga mga
kaaway. Mag-uuna ha iyo an akon anghel ngan pagdadad-on kamo ngadto han tuna han mga Amoreohanon, han mga Perizeoha-non, han mga Canaanhon, han mga Hibeohanon, ngan han mga Jebuseohanon, ngan pagpupuohon ko hira."
An Pulong han Ginoo.
SALMO RESPONSORIO
Sal 91: 1-2, 3-4, 4-6, 10-11
IGPAPADARA HAN GINOO AN IYA MGA ANGHEL HIN PAGMANGNO HA IMO, BASI BANTAYAN KA DIDA HA PAGLALAKTAN.
An napakadto han Ginoo hin pagsalirong, ngan pagsalipod, han Makagarahum, / an makakasiring hini ha Ginoo,/ "Amo ikaw an naugop ha akon ug nasalipod/ ikaw
an akon Dyos; aada ha imo an akon pagtapod."
Igagawas ako niya ha ngatanan nga kataragman;/ ngan han ngatanan nga nakakamatay nga balatian./ Tatahuban ka han iya mga pako.
Waray mo kahadlok, ha iya pagmangno. Kataragmnan ha gab-i, / ayaw kahadlok, ha adlaw nga pagsulong, / ayaw kahulop. Ug hin sakit nga tikang ha kasisidman, / ngan han magraot nga buhat ha kapaw-an.
Waray ha imo masulong nga karat-an, / ngan waray masupil han imo puroy-anan. / Mga anghel han Dyos ikaw pagmamang- noan, / pagbantay ha imo dida ha paglalaktan.
EBANGHELYO. Mt 18:1-5, 10
† Pagbasa tikang han santos nga
Ebanghelyo sumala kan Mateo
Kinadto kan Jesus an mga tinun-an ngan nagpakiana, "Hin-o man an gidadakoi didto han Ginhadian han Langit?" Gintawag ni Jesus in usa nga bata ngan ginpatukdaw niya ha atubangan nira, ngan nagsiring "Tigamni ini: kun diri kamo magbalhin ngan
masugad hin kabataan diri gud kamo makakasulod han Ginhadian han langit. An gidadakoi didto ha Ginhadian han langit amo adton nagpapaubos ngan nasusugad hini nga bata. Ngan adton nakarawat hin sugad hini nga bata ha akon ngaran nakarawat man ha akon.
"Bantayi nga diri kamo magtamay han usa hini nga mga gudtiay nga kabataan. Nasiring ako ha iyo nga dayuday aada an ira mga anghel ha atubangan han akon Amay ha langit."
An Ebanghelyo han Ginoo.
Kun di' man, ini
PAGBASA I. Jb 38:1, 12-21; 40:3-5
Pagbasa tikang han Basahan ni Job
Niyan tikang han alipuros naghimang- raw an Ginoo kan Job. " Job, sulod han bug-os mo nga kinabuhi nagsugo ka na ba hin pagpasirang han adlaw? Nagsugo ka na ba han kaagahon nga lub-on niya hin kapawa an tuna ngan kapawaan an mga magraot basi mahadlok ngan gumawas ha ira mga taragoan? Tungod han pagsirang han adlaw napapawaan an kapungtoran ngan mga kahamub-an sugad han mga piniloan nga sidsid hin usa nga panapton, nga sugad kadayag han lutop hin silyo dida hin lapok. Masilaw hin duro para han mga magraot an kapawa han adlaw, ngan naghihialang hira hin panlupig hin mga tawo. Nahingadto ka na ba han mga burabod, didto han mga kahiladman han dagat? Nakaglakat ka na ba didto ha salad han kalalaw' dan? May-ada na ba nagpakita ha imo han mga ganghaan nga nagbabantay han han mga masirom nga kalibutan han mga patay? May-ada mo ba nahuhuna- huna kun matiunan-o kadako an kalibutan? Batona ako kun maaram ka. Maaram ka ba kun diin tikang an kapawa, o kun ano an surok han kasisidman? Makagbuot ka ba ha ira kun ano kahirayo an ira kakadtoan, o makapabalik ka ba ha ira? Maaram ako nga makakahimo ka, kay lagas ka na man hin duro, ngan nakadto ka ngani han paghimoa han kalibutan! Niyan binaton hi Job han Ginoo ngan siniring:
Ginoo, nagyakan ako hin linurong. Ano man an akon ibabaton? Diri na ako mag- yayakan hin bisan ano. Labaw na han ka- angayan an akon iginyakan.
An Pulong han Ginoo.
SALMO RESPONSORIO
Sal 139:1-3, 7-8, 9-10, 13-14ab
TUGWAYl AKO, GINOO, DIDA HAN DAYON NGA AGIANAN.
O Ginoo, gin-usisa mo ako, / ngan kinikilala mo ako. / Maaram ka han ngatanan nga akon binubuhat,/ nasasabtan mo tikang hin hirayo/ an nga tanan nga akon panhuna- huna./ Kinikita mo ako, kun nagbubuhat o kun napahuway ba ako; / maaram ka han ngatanan nga akon mga ginawian.
Ngain man ako papalagiw/ tikang han imo espiritu? / Ngain man ako lilikaw han imo presensya? / Kun kumadto ako ha langit, aadto ka; / kun pumahuway ako ha lubnganan, aadto ka.
Kon lumupad ako lahos pa han sinirangan/ o mag-ukoy ha gihaharayui nga Iugar han katundan, / aadto ka didto pagmando ha akon, / aadto ka didto pagbulig ha akon.
Ikaw an naghimo han tagsa ko nga bahin;/ ginturugkop mo ako/ha tagoangkan han akon iroy. / Gindadayaw ko ikaw kay angay ka kahadlokan;/ makabuburong ngan urusahon/ an ngatanan nga imo binubuhat.
EBANGHELYO. : : Lc 10:13-16
+ Pagbasa tikang han santos nga
Ebanghelyo sumala kan Lucas
Nagsiring hi Jesus, "Kamaka- haradlok an mahinanabo ha imo, Corasin! Kamaka- haradlok an mahinanabo ha imo liwat, Betsaida! Kun an mga milagro nga ginbuhat dinhi ha imo didto pagbuhata ha Tiro ug Sidon, maiha na unta nga liningkod an mga tawo didto, nagbado hin sako, ngan nagsabrag hin agbon ha ira ngahaw, hin pagpakita nga nagbasol na hira han ira mga sala! Mas kalolooyan pa han Dyos an Tiro ug Sidon, kay ha iyo, ha Adlaw han Paghukom Ngan para ha imo Capermaum, karuyag mo ba mag-undong han imo kalugaringon ngadto ha langit? Ilalabog ka ngadto ha impyerno!" Nagsiring hi Jesus ha iya mga tinun-an, "Namamati ha akon an bisan hin-o nga namamati ha iyo; nasalikway ha akon an bisan hin-o nga nasalikway ha iyo; ngan
nasalikway han nagsugo ha akon an bisan hin-o nga nasalikway ha akon."
An Ebanghelyo han Ginoo.
