Kapatirang Pinagkaisa ni San Nicolas de Tolentino est 2016

17/08/2026

𝗦𝗮𝗻 𝗡𝗶𝗰𝗼𝗹𝗮𝘀 𝗗𝗲 𝗧𝗼𝗹𝗲𝗻𝘁𝗶𝗻𝗼
ipanalangin Mo po kami.

17/08/2026

AGOSTO 17 | Paggunita kay Santa Clara de la Santa Cruz de Montefalco,
Virgen, Monja, Abadesa

Sa murang edad, si Chiara at ang kanyang kapatid na si Giovanna ay namuhay sa isang ermita na ipinatayo ng kanilang ama sa pamamatnubay ng mga Franciscano.

Ngunit dahil hindi pa matatag ang Tercera Orden ni San Francisco noong panahong ninanais nilang mas mapalalim ang kanilang pamumuhay bilang mga mongha, itinatag ng kanilang Obispo ang kanilang monasteryo sa ilalim ng Regula ni San Agustin, kung saan hinirang na maging unang abadesa ang kanyang kapatid na si Juana.

Sa pagkamatay ni Juana ay siya ang napili ng mga kasama niyang mongha upang humalili dito. Sa una ay hindi niya ito tinanggap ngunit dahil sa pangungumbinsi ng kanyang mga kasamang madre, siya ay tumalima.

Siya ay nagkaroon ng mga pangitain na nagtatagal ng ilang linggo. Isa sa pinakatanyag ay noong minsang nakasalubong niya si Jesus na pasan ang Kanyang Krus na tila ba naglalakbay.

Tinanong niya Siya kung saan Ito tutungo, at sinagot Siya ng Panginoon ng: "Hinahanap ko ang isang lugar kung saan ko maaaring itulos ang aking krus, at ito ay natagpuan ko sa iyong puso." At sa kanyang puso nga ay itinarak ng Panginoon ang kanyang Krus na nagbigay ng matinding sakit kay Santa Clara; ngunit ang sakit na kanyang nadama ay hindi pumigil sa kanya upang maglingkod sa kapwa, at magampanan ang kanyang mga tungkulin bilang abadesa ng kanyang komunidad. Dinala niya ang hirap na ito hanggang sa kanyang kamatayan.

Bago siya pumanaw, madalas niyang sabihin na ang Krus ng Panginoon ay matatagpuan sa kanya puso; kung kaya pinasuri ng kanyang mga kaibigang madre ang kanyang mga labi, at natagpuan nga sa kanyang puso ang imahen ng isang krus, at ng ilang mga instrumento ng Pagpapakasakit ng Panginoon. Sa kanyang apdo naman ay may natagpuang tatlong bato na nakaayos patatsulok, na kung titimbanging sama-sama, ang bigat ay kaparis lamang kung titimbanging isa-isa. Sa kalaunan, ito ay kinilala bilang manipestasyon ng Santisima Trinidad.

17/08/2026

17/08/2026

𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐏𝐀𝐆-𝐀𝐀𝐊𝐘𝐀𝐓 𝐒𝐀 𝐋𝐀𝐍𝐆𝐈𝐓 𝐒𝐀 𝐌𝐀𝐇𝐀𝐋 𝐍𝐀 𝐁𝐈𝐑𝐇𝐄𝐍𝐆 𝐌𝐀𝐑𝐈𝐀

Mabuhay ang Ina ng Bayan ng Bulakan, ang unang tiningalang Patrona ng Lalawigan ng Bulacan, Reyna ng mga Lakan at Lakambini ng Katagalugan, Mutya ng mga Maharlika at Malalayang Mamamayan, Inspirasyon ng mga Makata ng Bayan, Lakas at Sandigan ng mga Bayani ng Bulakan!

Viva Asuncion!

17/08/2026

¡𝐕𝐈𝐕𝐀 𝐀𝐒𝐔𝐍𝐂𝐈𝐎𝐍!

Ang muling pagbabalik ng imahen ng Nuestra Señora de la Asuncion de Bulakan sa kanyang dambana at siya ring pagtatapos ng mga kaganapan para na kanyang dakilang kapistahan ngayong taon.

𝑵𝒖𝒆𝒔𝒕𝒓𝒂 𝑺𝒆𝒏𝒐𝒓𝒂 𝒅𝒆 𝒍𝒂 𝑨𝒔𝒖𝒏𝒄𝒊𝒐𝒏,
𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

17/08/2026

15/08/2026

16 Agosto 2026 | Banal na Misa | 6:00 n.u.

IKADALAWAMPUNG LINGGO SA KARANIWANG PANAHON

"Napakalaki ng iyong pananalig! Mangyayari ang hinihiling mo." (Mateo 15:28)

Tagapagdiwang:
Rdo. P. Samuel A. Estrope II
Parochial Vicar

15/08/2026

15 Agosto 2026 | PAGPAPARANGAL SA MAHAL NA BIRHEN | 9:00 n.g.

DAKILANG KAPISTAHAN NG PAG-AAKYAT SA LANGIT SA MAHAL NA BIRHENG MARIA

Ika-448 Pistang Bayan sa Karangalan ng Nuestra Señora de la Asuncion
Ina, Reyna at Patrona ng Bayang Bulakan

14/08/2026

15 Agosto 2026 | Banal na Misa | 5:00 n.u.

DAKILANG KAPISTAHAN NG PAG-AAKYAT SA LANGIT SA MAHAL NA BIRHENG MARIA

Ika-448 Pistang Bayan sa Karangalan ng Nuestra Señora de la Asuncion
Ina, Reyna at Patrona ng Bayang Bulakan

Tagapagdiwang:
Rdo. Msgr. Javer M. Joaquin, P.C.
Rektor at Kura Paroko

14/08/2026

14 Agosto 2026 | Nobena at Banal na Misa | 4:00 n.h.
HULING ARAW NG PAGSISIYAM SA KARANGALAN NG NUESTRA SEÑORA DE LA ASUNCION

Tagapagdiwang:
Rdo. Msgr. Domingo M. Salonga, P.C.
Kura Paroko, Parokya ng Nuestra Señora del Carmen, Barasoain, Malolos City