Ang Parokya ng San Isidro Labrador ay masasabing itinatag para sa mga magsasaka at mangingisda. Ito ay sa kadahilang noong itinatag ang parokya, ang dalawang industriyang ito ang pangunahing kabuhayan ng karamihan sa mga naninirahan sa bahaging ito ng lalawigan ng Bulacan. Ang parokya ay dating visita na nakapailalim sa Parokya ng Nuestra Seรฑora de la Asunciรณn na nasa kabayanan ng Bulakan, Bulacan
na ngayon ay isa ng Pandiyosesis na Dambana (Diocesan Shrine). Naging ganap na parokya ang dating visita simula noong dekada sisenta (1960s) nang magpetisyon ang mga mamamayan ng Bambang sa pangunguna nina Hermana Lucilla Carreon, Hermana Raymunda Burgos, at Amanda Burgos, na magkaroon ng bagong parokya na sasaklaw sa mga barrio na nasa katimugang bahagi ng Bulakan, Bulacan. Pormal na tinupad ang kanilang petisyon ng Diyosesis ng Malolos noong ika-7 ng Pebrero, 1963. Ang seremonyas ng pagiging isang ganap na parokya ay naganap sa Purok 1 (Uno) sa lugar na kinatatayuan ngayon ng lumang simbahan ng Bambang na mas kilala sa katawagan nito na 'Bisitang Malaki.'
Tatlong barangay ang nasasakupan ng parokya, ang mga barangay ng Bambang, Perez, Taliptip at ilang mga maliliit na sitio na nasa Manila Bay. Si San Isidro Labrador, kinikilalang patron ng mga magsasaka, ang hinirang na pintakasi ng bagong parokya. Melchor Barcelona naman ang unang itinalagang kura paroko sa bagong tatag na parokya. Sa tulong ng mga angkan ng Meneses, Enriquez, at Molina, at sa paghimok ni Don Ireneo Carreon, na pawang mga nakatira sa barrio Bambang, naipagkaloob ang donasyon ng lupang pagtatayuan ng bagong simbahan sa Purok 3 (Tres). Ang nangasiwa sa pagtatayo ng simbahan ay si Inhinyero Artemio M. Natapos ang pagtatayo nito sa panahon ni Rdo. Enrique Mag-isa. Ipinagpatuloy ang pagsasaayos, pagdadagdag, at pagpapaganda ng simbahan ng mga sumunod pa na mga kura paroko. Ang Kapistahan ng Parokya ay ipinagdiriwang tuwing Mayo 15. Ang Pistang Pasasalamat kay San Isidro Labrador sa masaganang ani ay karaniwang ginagawa tuwing huling Linggo ng Pebrero. Ang kapistahan ng Mahal na Ina ng Kagalingan ng mga maysakit ay ipinagdiriwang tuwing Nobyembre 16. Narito ang nagsilbing mga Kura Paroko at Paring Tagapamahala ng Parokya mula noong Pebrero 1963:
1. P. +Melchor Barcelona (Pebrero 1963 - Hunyo 1970)
2. P. +Enrique Mag-isa (Hunyo 1970 - Mayo 1978)
3. Luciano Galman (Hunyo 1978 - Mayo 1980)
4. Danilo de los Reyes (Mayo 1980 - Oktubre 1987)
5. P. +Mario Mendiola (Oktubre 1987 - Hunyo 1996)
6. Ventura Galman (Hunyo 1996 - Nobyembre 2000)
7. P. +Francisco J. Vistan (Nobyembre 2000 - Nobyembre 2013)
8. Norberto A. Gagui (Nobyembre 2013 - Pebrero 2021)
9. Lamberto C. Tomas (Pebrero 2021 - Enero 2023)
10. Crisostomo (Enero 2023 - Hunyo 2023) - Paring Tagapamahala
11. Leonard R. Hernandez (Hulyo 2023 - Kasalukuyan)
