The BREAD of LIFE

30/09/2021

20/09/2021

IMPOSIBLENG makalapit ang tao sa Diyos kundi dahil kay KRISTO.

Lahat tayo ay nagkasala at parurusahan sa lugar na kung saan ay di natin magugustuhan. Ngunit narito si KRISTO na kapahayagan ng pag-ibig ng Diyos sa sangkatauhan, kaya nagkaroon tayo ng pag-asa sa buhay na walang hanggan.

Wala kang kinakailangang gawin kundi SIYA ay sampalatayanan.

JOHN 3:16-18,36 KJV
For God so loved the world, that he gave his only begotten Son, that whosoever believeth in him should not perish, but have everlasting life. For God sent not his Son into the world to condemn the world; but that the world through him might be saved. He that believeth on him is not condemned: but he that believeth not is condemned already, because he hath not believed in the name of the only begotten Son of God. He that believeth on the Son hath everlasting life: and he that believeth not the Son shall not see life; but the wrath of God abideth on him.

14/09/2021

Sapagka't ako'y naniniwalang lubos, na kahit ang kamatayan man, kahit ang buhay, kahit ang mga anghel, kahit ang mga pamunuan, kahit ang mga bagay na kasalukuyan, kahit ang mga bagay na darating, kahit ang mga kapangyarihan, Kahit ang kataasan, kahit ang kababaan, kahit ang alin mang ibang nilalang, ay hindi makapaghihiwalay sa atin sa pagibig ng Dios, na nasa kay Cristo Jesus na Panginoon natin. - ROMA 8:38-39 (Filip)

07/09/2021

SIGURADO ang kamatayan at kaparusahan ngunit LIBRE ang kaligtasan at buhay na walang hanggan. REGALO na iniaabot na sa ating harapan na laging TINATANGGIHAN ng sangkatauhan.

Ito rin ba ay iyong tatalikuran?

03/09/2021

‼️MAHALAGA ITO, HUWAG MO SANANG BALIWALAIN‼️

HANGGANG NGAYON ay hindi pa rin tapos ang paghahanap ng solusyon kung paano malulunasan ang Pandemya dulot ng COVID 19. ANG BUONG MUNDO ay abala sa pagtuklas ng ibat ibang pamamaraan upang makapag salba ng buhay o makaiwas sa sakit at karamdaman.

Mahalaga ang buhay kaya natin ito iniingatan kaya nais nating manatiling ligtas at walang karamdaman.

Ngunit sa isang banda ang katotohanan ay kahit anong ingat natin sa ating buhay darating pa din tayo sa punto ng KAMATAYAN.

Napaghandaan mo na din ba ito, tulad ng paghahanda mo upang hindi magkaroon ng nakamamatay na karamdaman?

ANG MALAKING TANONG KAIBIGAN:
Kapag dumating sayo ang kamatayan mamaya o bukas man 100% na sigurado ka na ba na sa langit ang iyong patutunguhan??

Nasumpungan mo na ba ang daan ng KALIGTASAN??
---------------------------------------------------------
SIGURADO ang kapahamakan dahil tayo ay makasalanan.

"Walang sinomang matuwid, wala kahit isa"
-Roma 3:10

"Ngunit ang mga natatakot at ang hindi sumasampalataya, ang mga kinamumuhian ng Diyos, mga mamamatay tao, mga mapakiapid, mga manggagaway, mga sumasamba sa diyos-diyosan at lahat ng mga sinungaling, ang bahagi nila ay sa lawa na nagniningas sa apoy at asupre. Ito ang ikalawang kamatayan."
-Pahayag 21:8

ANONG KAYANG GAWIN NG TAO para makaiwas sa HATOL NG DIYOS?

WALA!! Dahil lahat tayo ay nagkasala.

MABUTI NALANG hindi na natin kinakailangan maghanap pa ng ibang daan o gumawa ng sariling daan at pamamaraan.

Sapagkat sinabi ni HESUS.

AKO ANG DAAN, ANG KATOTOHANAN AT ANG BUHAY. Walang sinumang makapupunta sa Ama maliban sa pamamagitan ko.
-JUAN 14:6

Ano mang bagay liban kay Hesu Kristo ay kasinungalingan at kapahamakan.

Hindi ang ang relihiyon, hindi ang mabuting gawa, hindi kung sino mang tao o bagay na nilikha kundi si HESUS lamang.

SIGURADO ang hatol at kapahamakan, ngunit si Hesu Kristo ay may dalang SIGURADONG KALIGTASAN.

Ang kailangan nating gawin ay:
MAGSISI at MANAMPALATAYA.

"Hindi Niya nais na ang sinuman ay mapahamak kundi ang lahat ay MAGSISI"
-2 Pedro 3:9

"Ang mga panahon ng di pagkaalam ay hindi na nga pinansin ng Diyos. Ngunit ngayon ay iniuutos Niya sa lahat ng mga tao sa bawat dako na MAGSISI"

"Ito ay sapagkat sa ganitong paraang INIBIG ng Diyos ang sanlibutan kaya IPINAGKALOOB Niya ang kanyang BUGTONG NA ANAK upang ang SINUMANG SUMAMPALATAYA SA KANYA ay hindi mapahamak kundi magkaroon ng buhay na walang hanggan" -Juan 3:16

"Siya na SUMASAMPALATAYA sa kanya ay hindi hinahatulan. Ang hindi sumasampalataya na nahatulan na sapagkat Siya ay hindi sumampalataya sa pangalan ng bugtong na Anak ng Diyos." -Juan 3:18

"Siya na SUMASAMPALATAYA sa Anak ay may buhay na walang hanggan. Ang hindi sumasampalataya sa Anak ay hindi makakakita ng buhay. Subalit ang galit ng Diyos ay mananatili sa kanya." -Juan 3:36

HABANG HINDI PA HULI ANG LAHAT - MAGSISI AT MANAMPALATAYA KA NA.

dahil walang sinuman o anomang daan tungo sa kaligtasan kundi ang Panginoong Hesu Kristo lamang.

24/08/2021

MAS pagtuunan natin ng pansin ang kayamanang hindi nasisira at di nawawala kaysa mga bagay dito sa lupa na pansamantala at iiwan mo din kapag ikaw ay nawala.

20/08/2021

Ang nais ng kaaway na diyablo ay pigilan tayo at sirain ang lahat ngunit ang nais ng Diyos ay magpatuloy tayo sa kanya na nagtatapat.

14/08/2021

Minsan mas marami pa tayong alam na chismis kesa bible verses dahil nakatutok lagi ang ating paningin sa kung anong trending.

Habang inililihis ng sanlibutan ang ating isipan papalayo sa mga bagay na ukol sa Diyos, di natin napapansin na masyado na tayong nalilibang at di na natin naaabot ang mga bagay na dapat nating abutin.

Laging tandaan na ang paglago sa pananampalataya at kaalaman sa Diyos ay binibigyan at pinaglalaanan din ng sapat na panahon upang matuto at lumago.

09/08/2021

"Habang lubos ang pag iingat sa kalusugan. Siguraduhin din ang kaligtasan sakaling dumating ang kamatayan."

Baka ang iniingatan nalang natin ay ang ating buhay dito sa lupa at di na natin iniintindi pa na may buhay pa pala sa kabila.

Dahil kahit bakonado ka pa, kung hindi naman ligtas ang iyong kaluluwa. DELIKADO KA.

1) Makasalanan ka ngunit minahal ka ng Diyos at nais Niya na maligtas ka.
-Romans 3:20, John 3:16
2) Si Hesu Kristo ay namatay na at binayaran na Niya ang iyong mga kasalanan.
- Romans 5:8
3) Nais ng Diyos na ikaw ay magsisi at tumalikod sa kasalanan.
- Acts 17:30, 2 Peter 3:9
4) Nais ng Diyos na manampalataya ka upang matamo mo ang tiyak na kaligtasan at mapabilang sa kanyang mga anak.
-John 3:16, John 1:12.

HUWAG ka na mag isip pa ng ibang daan o kaparaanan. Dahil si Hesu Kristo lamang ang tanging daan sa kaligtasan. Hindi mabuting gawa, hindi relihiyon o anu mang bagay, tanging Siya lamang.
-John 14:6, Ephesians 2:8-9.

Kumakatok Siyang lagi sa puso mo at Hinihintay ka Niyang pagbuksan at tanggapin mo Siya. Huwag mo sanag hintaying maging huli ang lahat.

03/08/2021

Kung papaanong sa puso dumadaloy ang tunay na saya, kapayapaan at pag-asa. Sa Puso din naman dumaraan ang kalungkutan, pagkainggit at galit; pagmamataas, kasakiman at kasalanan.

Kaya ingatan mo ang puso mo upang huwag kang madaya nito.

28/07/2021

Tanging sa Diyos lamang may kapanatagan ang ating buhay, di Niya pababayaan at iingatan ng Kanyang mga kamay.