SAN LAZARO DE BETANIA – PATRON NG MGA MAYSAKIT AT MAHIHIRAP
Si San Lazaro ang paksa ng pinakadakila at rurok ng mga himala ni Hesus sa Ebanghelyo ni San Juan (11, 1-45). Binabanggit sa Ebanghelyong ito na si Lazaro, ang minamahal na kaibigan ni Hesus at kapatid nina Marta at Maria, ay namatay dahil sa isang malubhang karamdaman. Apat na araw matapos malaman ni Hesus ang nangyari kay Lazaro, si He
sus ay nagtungo sa Betanya upang muling buhayin ang kaibigan. Sa tagpo ding ito binanggit ni Hesus na Siya “ang Muling Pagkabuhay at ang Buhay” na kung sino man ang naniniwala sa Kaniya bagama’t siya ay namatay, ay muling mabubuhay. "El que cree en Mi vivira, aunque muera." - Jn. 11:25
Isang kapilya ang namumukod tanging nakatalaga sa Santong ito sa Pilipinas. Libu-libong deboto ang nagtutungo rito, lalo na kung araw ng kaniyang kapistahan tuwing ika-limang Linggo ng Kuwaresma, upang humiling at manalangin. Si San Lazaro ay kinikilalang patron ng mga maysakit at mahihirap. Layunin ng pahinang ito na palaganapin pa ang pagkakakilanlan at debosyon sa butihing Santo na ito. Sa paglipas ng panahon, unti-unting sumisibol ang pagkakakilanlan kay San Lazaro, lalo tuwing mga Mahal na Araw, kung saan ang kaniyang imahen ay inilalahok sa prusisyon ng Pagpapakasakit at Paglilibing sa Panginoon ng iba’t ibang bayan sa Bulacan, Rizal, Pampanga, Cebu, at marami pang iba. Sa Bambang, ang imahen ni San Lazaro ay naipagkaloob mula sa biyaya ng Diyos noong Oktubre 18, 2019. Binasbasan noong Nobyembre 30 sa parehong taon, Kapistahan ni San Andres. Bisda na isang Kapampangang iskultor na naka-base sa Malolos. Ang kapistahan ni San Lazaro ay ginugunita tuwing ika-29 ng Hulyo, kaalinsabay ng kaniyang mga kapatid. San Lazaro de Betania ng Bambang, ipanalangin mo kami!
