Sta. Cruz de Pulilan Sub Parish - Paltao, Pulilan, Bulacan

23/05/2026

Paanyaya sa lahat na makiisa sa pagdiriwang ng Banal na Misa sa ating Bisita sa ganap na ika-6 ng Gabi. Isama ang buong pamilya kasama ang mga kapitbahay at mga kaibigan.

Ito ay isang obligasyon para sa ating mga Kristiyano Katoliko upang magbigay pugay at sumamba sa ating Panginoon.

Noong unang panahon, ipinanukala ng Diyos ang "Sabbath" (ika-pitong araw) para siya ay sambahin. Sa panahong Kristiyano ang likas na tungkulin ng tao na sambahin ang Diyos. Para sa mga Kristiyano, ito'y ipinagdiriwang tuwing Linggo, ang "Araw ng Panginoon" (Pahayag 1:10), kung kailan "Muling Nabuhay si Kristo" (Juan 20:1). At ipinagdiriwang ng mga Kristiyano ito sa pamamagitan ng pagdiriwang ng "Banal na Misa".

Tayo ay pinapaalalahanan na magsimba tuwing araw ng Linggo upang magpasalamat, magpuri, humingi ng kapatawaran at manalangin.

14/05/2026

14/05/2026

Malugod naming inaanyayahan ang lahat sa isang espesyal na araw! Sa Mayo 15, 2026, Biyernes, kasama natin ang Orihinal na Imahen ng Sta. Cruz de Paltao sa ating pamayanan. Ito ay isang mahalagang okasyon na nagpapaalala sa atin ng kahalagahan ng pananampalataya at pagkakaisa.

Pagkatapos ng Misa Mayor, na magtatapos bandang 5:00 N.H., inaanyayahan ang lahat na sumama sa Maringal na Prusisyon ng ating Pistang Bayan 2026. Sama-sama nating lakarin ang mga lansangan bilang tanda ng ating paggalang at debosyon. Ipagdiwang natin ang ating pista nang may puno ng galak at pagmamahalan!

08/05/2026

SIMBA-ARALAN, ANO TARA?

Patuloy paring ginagawa sa ating bisita ang proyektong Simba-Aralan ng ating Diyosesis na naglalayong payabungin ang kaalaman ng mga kabataan sa mga turo ng ating inang simbahan ngayong aralin 4 and 5.

Nawa ay patuloy tayong gabayan ng ating Poong maykapal sa mga kabataang magmamana ng ating Kultura, Tradisyon, at Paniniwala.

07/05/2026

TARA ARAL TAYO!

Patuloy paring ginagawa sa ating bisita ang proyektong Simba-Aralan ng ating Diyosesis na naglalayong payabungin ang kaalaman ng mga kabataan sa mga turo ng ating inang simbahan.

Nawa ay patuloy tayong gabayan ng ating Poong maykapal sa mga kabataang magmamana ng ating Kultura, Tradisyon, at Paniniwala.

06/05/2026

𝐌𝐚𝐬𝐚𝐲𝐚 𝐚𝐭 𝐦𝐚𝐠𝐚𝐧𝐝𝐚𝐧𝐠 𝐈𝐤𝐚𝐥𝐚𝐰𝐚𝐧𝐠 𝐀𝐫𝐚𝐰 𝐧𝐠 𝐒𝐢𝐦𝐛𝐚-𝐀𝐫𝐚𝐥𝐚𝐧!

Ramdam na ramdam pa rin ang excitement at sigla ng bawat isa. Hindi lang ito tungkol sa pag-aaral, kundi pati na rin sa pagbuo ng magandang samahan, pagtuklas ng mga bagong aral, at higit sa lahat, ang pagpapalalim ng ating relasyon at pagmamahal sa Diyos.

Nawa’y manatili ang inyong kasiglahan at pananabik na matuto at lumago araw-araw. Patuloy tayong maging inspirasyon sa isa’t isa habang naglalakbay tayo sa pananampalataya.

05/05/2026

𝐌𝐚𝐥𝐢𝐠𝐚𝐲𝐚𝐧𝐠 𝐔𝐧𝐚𝐧𝐠 𝐀𝐫𝐚𝐰 𝐧𝐠 𝐒𝐢𝐦𝐛𝐚-𝐀𝐫𝐚𝐥𝐚𝐧, 𝐦𝐠𝐚 𝐦𝐚𝐡𝐚𝐥 𝐧𝐚𝐦𝐢𝐧𝐠 𝐦𝐠𝐚 𝐛𝐚𝐭𝐚!

Nakakatuwa at nakakaantig ng puso makita ang inyong mga masasayang mukha at kislap ng mata sa mga larawang ito. Ramdam na ramdam ang inyong pananabik, saya, at sigla habang sinisimulan natin ang panibagong yugto ng inyong pagkatuto at paglago. Kitang-kita kung gaano kayo handang tumuklas ng mga bagong kaalaman, magkaroon ng mas matibay na samahan, at higit sa lahat, palalimin pa ang inyong pananampalataya at pagmamahal sa Diyos.

02/05/2026

PISTANG PASASALAMAT 2026

Maligayang Kapistahan Sta. Cruz de Paltao.

Sa Banal na Krus ng Panginoong Hesus, matatagpuan ang pag-ibig, pag-asa, at liwanag na patuloy na gumagabay sa ating landas sa buhay.

Viva Sta. Cruz!

Banal na Krus ni Hesus, Kaawaan mo kami.

01/05/2026

PISTANG BARRIO 2026

Malugod pong inaanyayahan ang lahat na makiisa sa pagdiriwang ng Pistang Pasasalamat sa ating Barrio bukas ika-3 ng Mayo, 2026, upang magbigay pugay at pasasalamat sa ating Mahal na Poong Sta. Cruz de Paltao sa mga Biyayang ipinagkakaloob niya sa ating Barrio.

TALATAKDAAN:
6:00 ng Umaga | Basaan sa Barrio at Isla Rio de Pulilan

10:00 ng Umaga | Banal na Misa

5:00 ng Hapon | Maringal na Prusisyon

Halina't makisaya at magbigay pugay sa patron ng ating Barrio! Viva Sta. Cruz!

01/05/2026

PISTANG BARRIO 2026

Ang lahat ay inaanyayayan na makiisa sa pagdiriwang ng Bisperas ng Pistang Pasasalamat sa ating Barrio bukas ika-2 ng Mayo, 2026, upang magbigay pugay at pasasalamat sa ating Mahal na Poong Sta. Cruz de Paltao.

TALATAKDAAN:
10:00 ng Umaga | Banal na Misa

3:00 ng Hapon | Paseo sa Barrio