Sta. Cruz de Pulilan Sub Parish - Paltao, Pulilan, Bulacan

18/08/2026

Ngayong araw ika-18 Agosto, ating ginugunita ang Kapistahan ni Santa Elena, ang nakatagpo ng Krus na Banal ng Ating Panginoong Hesukristo, ang patron ng mga manlalakbay at mga mananaliksik. Siya ay ang ating ikalawang patrona sa ating Bisita.

PANALANGIN KAY SANTA ELENA

Mapagkalingang Sta. Elena, ipanalangin mo po kami sa Diyos Ama sa lahat ng aming mga pangangailangan, tulungan mo po kaming mga namimintuho sa iyong pamamagitan na laging matibay sa aming pananalig, pag-asa at pananampalataya nang sa gayon ang iyong mapagpalang kamay at kalinga ay laging nakalaan para sa amin. Nawa'y maging marapat ang aming pamimintuho sa iyong mapagmahal at mapaghimalang katauhan nang sa gayon ay maging kalugod-lugod kami sa Ama at sa iyong kapurihan at karangalan upang maituring mong pintakasi at masunuring anak ng ating Amang kabanal-banalan.O mahal naming Sta. Elena, tunay na kaibig-ibig at mapag-aruga, narito kaming namimintuho ng buong puso at may pag-asang nananalig sa iyong pamamagitan na sana'y huwag mong ipagkait ang iyong habag at pag-aampon sa amin, umaasa kaming ikaw ang aming magiging Tunay na tagapanalangin patungo sa Ama na ating Panginoon, ngayon at magpakailanman. Amen.

Santa Elena, Ipanalangin mo kami.

16/08/2026

Ngayong ika-16 ng Agosto ay ating ginugunita ang Kapistahan ni San Roque, ang patron ng mga may mga Salot, Peste, at may malulubhang sakit.

𝗣𝗔𝗡𝗔𝗟𝗔𝗡𝗚𝗜𝗡 𝗞𝗔𝗬 𝗦𝗔𝗡 𝗥𝗢𝗤𝗨𝗘

O Mapagmahal at Makapangyarihang Ama, Sa pamamagitan ng Anghel ay ipinangako mo kay San Roque na iaadya mo ang sino man na tumawag sa kanya laban sa anumang peste at nakahahawang mga sakit. Ipinapanalangin namin na sa pamamagitan ni San Roque, ay iaadya mo rin ang aming mga tahahan, barangay at pamayanan laban sa anumang kapamahakan sa kaluluwa at katawan bunga ng pandemya.

O Kabanal-banalang San Roque, maawa ka sa mga nagkasakit at naghihirap bunga ng pandemyang ito. Nawa sa pamamagitan mo ay matamo nila ang kagalingan sa kanilang mga karamdaman tulad ng pagpapagaling mo sa mga may sakit gamit ang krus sa iyong dibdib.

Ngayong ikaw ay nasa langit na, O San Roque,
nawa'y idulog mo ang aming mga panaghoy at pagtangis; at harinawa ay matamo namin ang paglakas ng aming kaluluwa at katawan
habang aming pinaglalabanan ang mga pagsubok at hilahil bunga ng pang-kalusugang krisis na ito. Amen.

San Roque, Ipanalangin mo kami.

Maligayang Kapistahan po Bisita ni San Roque - Longos, Pulilan, Bulacan.

15/08/2026

Ngayong Araw ika-15 ng Agosto, ay ating ginugunita ang Dakilang Kapistahan ng Pag-aakyat sa Mahal na Birheng Maria. Ating parangalan ang ating butihing ina ang Mahal na Birheng Maria.

PANALANGIN SA NUESTRA SEÑORA DE LA ASUNCION

Ama naming makapangyarihan sa Iyong kaningningan naakit ang Mahal na Birheng Maria, sa tulong ng iyong mga biyaya, namuhay Siyang kalinis-linisan at karapat-dapat sa Iyong mga itinakda kaya’t pinagpala Mo Siyang iniakyat sa kalangitan taglay ang kaluluwa at katawan. Ibinigay Mo siya sa aming Ina at huwaran, sa tulong ng kanyang mga panalangin at sa pagsasaloob namin ng mga bagay sa kaitaasan, pagindapatin Mong kami’y mamuhay rin sa kalinisan at karapat-dapat sa Iyong mga itinakda at kaisa Niya’y magtamasa sa Iyong piling ng kaningningang walang maliw sa pamamagitan ni Hesukristo kasama ng Espiritu Santo magpasawalang hanggan. Amen.

Nuestra Señora de La Asuncion, ipanalangin mo kami.

14/08/2026

PAANYAYA: Ang lahat hinihikayat na makiisa sa pagdiriwang ng Banal na Misa na gaganapin sa ating Bisita sa ganap na ika-6 ng Gabi. Isama ang buong pamilya kasama ang mga kapitbahay at mga kaibigan. Ito ay isang obligasyon para sa ating mga Kristiyano Katoliko upang magbigay pugay at sumamba sa ating Panginoon.

Tayo ay pinapaalalahanan na magsimba tuwing araw ng Linggo upang magpasalamat, magpuri, humingi ng kapatawaran at manalangin.

14/08/2026

ISANG BUWAN NALANG PISTANG PATRON NA!

Halina't ating muling ipagdiwang ang Banal na Krus ng ating Panginoon, sa Darating na ika-14 ng Septiyembre 2026 ay atin muling gugunitain ang pagdiriwang ng Pagtatampok sa Krus na Banal ng ating Panginoong Hesukristo. Ito ay bilang pag-alaala sa tagumpay ni Hesus laban sa kadiliman ng mundo at ang sagisag ng ating kaligtasan.

Muli nating ipagdiwang ang ating Patron, ang Pintakasi ng ating Barangay.

Viva Sta. Cruz!

17/07/2026

16/07/2026

Kayo po ay taos puso naming inaanyayahan sa kapistahan ng Sta. Maria Magdalena sa ika-22 ng Hulyo, 2026. Tayo po ay magkakaroon ng Banal na Misa sa ganap na ika- 7:30 ng umaga sa Sta. Cruz Chapel, Paltao Pulilan, Bulacan. At pagkatapos po nito ay magkakaroon din po tayo ng prusisyon.
Inaasahan po namin ang inyong mahalagang pagdalo.
Maraming salamat po.

13/07/2026

Laudate Dominum!

Kahapon, ika-12 ng Hulyo. Tignan ang malugod na pagtanggap sa Imahen ng Santissimo Nombre del Niño Jesus, sa pamayanan ng Paltao. Ito ay sinimulan sa Pagsundo sa imahen at sunod ay ginanap ang Maringal na Prusisyon sa buong barangay ng Paltao. Matapos ay sinundan ito ng Banal na Misa na pinangunahan ni Rdo. Msgr. Dario V. Cabral, P.C., Rektor at Kura Paroko ng ating parokya.

VIVA SANTISSIMO NOMBRE DEL NIÑO JESUS!