IRM Ministries Km 38

27/08/2026

Pahayag Chapter 1
Shared by: Sis Kayceelyn Peñaflor

Sa Pahayag 1, ipinakita kay Juan ang isang makapangyarihang pangitain tungkol kay Jesus. Siya ay inilalarawan bilang Anak ng Tao na may kapangyarihan, kaluwalhatian, at awtoridad. Sinabi rin ni Jesus, “Ako ang Alpha at ang Omega,” na nangangahulugang Siya ang simula at ang wakas.

Makikita rin natin na kahit nasa gitna tayo ng mga pagsubok, hindi kailanman nawawala ang presensya ng Diyos. Nang makita ni Juan si Jesus, siya ay natakot at bumagsak sa Kanyang paanan. Ngunit sinabi ni Jesus, “Huwag kang matakot.” Ipinapaalala nito na hindi natin kailangang mamuhay sa takot dahil hawak ni Cristo ang ating buhay at ang ating kinabukasan.

Lesson

Ang buhay natin ay maaaring puno ng uncertainty, may mga bagay na hindi natin alam kung paano mangyayari, may mga problemang hindi natin agad nakikita ang solusyon, at may mga panahong parang hindi malinaw ang direksyon ng ating buhay,
pero ang Pahayag 1 ang nagtuturo sa atin na mas malaki ang Diyos kaysa sa anumang kinakaharap natin. Siya ang nakakaalam ng simula, gitna, at wakas ng ating buhay at ng kanyang mga plano sa atin.

Kaya kesa matakot sa hindi natin naccontrol, matuto tayong magtiwala sa Diyos. Kapag sinabi Niyang, “Huwag kang matakot,” maaari tayong magkaroon ng kapayapaan dahil alam nating kasama natin Siya.

Promise

Hindi tayo nag-iisa. Si Jesus ay buhay, makapangyarihan, at laging kasama ng Kanyang mga anak. Siya ang Alpha at Omega, ang simula at wakas, kaya maaari nating ipagkatiwala sa Kanya ang ating present at future.

Kahit hindi natin alam kung ano ang mangyayari bukas, alam natin kung sino ang may hawak ng bukas.

“Huwag kang matakot.” Pahayag 1:17

Panalangin

Panginoong Jesus, salamat dahil Ikaw ang Alpha at Omega ng aming buhay. Sa mga bagay na hindi namin naiintindihan at sa mga kinatatakutan namin, tulungan Mo kaming magtiwala sa Iyo. Alisin Mo ang aming pangamba at bigyan Mo kami ng lakas at kapayapaan. Nawa’y lagi naming maalala na hindi kami nag-iisa dahil kasama Ka namin sa bawat hakbang. Amen.

27/08/2026

Youth Service na naman bukas!!!

From strangers to family in Christ. 🤍
If you've been searching for community, this is your sign.
Join us this Friday, We saved a seat for you!

26/08/2026

26/08/2026

Judas 1:21
Shared by: Jennifer Peña

‎"ingatan ninyo ang inyong sarili sa pag ibig ng diyos"
‎
‎Mensahe:
‎Ang Judas 1 ay nagpapaalala na hindi laging madali ang pananatiling tapat sa Diyos dahil maraming tukso at maling impluwensya sa paligid natin. Bilang mga tao, maaari tayong malito sa mga opinyon ng iba o mahikayat na gawin ang alam nating hindi tama. Ngunit hinihikayat tayo ng talata na manatiling matatag sa ating pananampalataya, patuloy na manalangin, at ingatan ang ating sarili sa pag-ibig ng Diyos.
‎Ang pag-ibig ng Diyos ay hindi lamang nagbibigay sa atin ng pag-asa kundi nagbibigay rin ng lakas upang makagawa ng tamang desisyon araw-araw. Kapag nagtitiwala tayo sa Kanya, mas nagiging handa tayong harapin ang mga pagsubok nang may pananampalataya. Itinuturo rin ng Judas 1 na maging mahabagin sa iba at tulungan ang mga naliligaw sa tamang landas, hindi sa pamamagitan ng paghusga, kundi sa pagmamahal at pag-unawa.
‎Ang hamon sa akin ay patuloy na palalimin ang aking relasyon sa Diyos sa pamamagitan ng panalangin, pagbabasa ng Kanyang Salita, at pamumuhay na nagbibigay ng mabuting halimbawa sa iba. Sa ganitong paraan, mananatili akong matatag anuman ang mga hamong aking kakaharapin.
‎
‎panalangin
‎Ama naming Diyos,
‎Maraming salamat sa Iyong walang hanggang pag-ibig at sa mga aral na ibinigay Mo sa pamamagitan ng Judas 1. Salamat sa pagpapaalala na manatiling matatag sa aming pananampalataya kahit may mga tukso at pagsubok sa aming paligid.
‎Panginoon, gabayan mo kami sa bawat desisyong aming gagawin. Bigyan mo kami ng karunungan upang makilala ang tama at ng lakas ng loob upang sundin ang Iyong kalooban. Tulungan mo ako/kaming manatiling tapat sa Iyo, lumago sa panalangin, at mamuhay bilang mabuting halimbawa sa iba.
‎Turuan mo rin kaming maging mahabagin at mapagmahal sa aming kapwa, upang maipakita namin ang Iyong kabutihan sa pamamagitan ng aking mga salita at gawa. Ipagkatiwala ko sa Iyo ang aking buhay, pag-aaral, pamilya, at kinabukasan.
‎

26/08/2026

26/08/2026

Talata - 3 Juan 1:11
Shared by: Chanel De Leon

“Huwag mong tularan ang masama. Sa halip, tularan mo ang mabuti, sapagkat ang gumagawa ng mabuti ay sa Diyos.”

Mensahe:

sa buhay po natin, maraming tao at bagay ang pwedeng maging influence po sa atin. minsan po dahil sa nakikita nating ginagawa ng iba, nagiging normal na rin sa atin ang mali. pero pinaaalalahanan tayo ng salita ng Diyos na hindi po lahat ng nakikita natin ay dapat nating gayahin.

makikita po natin sa buong talats na may magandang patotoo mula sa ibang tao. sinasabi po nito na mahalaga kung paano tayo mamuhay at kung paano po natin pakitunguhan ang mga nasa paligid natin.

hindi kailangan maging perfect para maging mabuting halimbawa. ang mahalaga ay araw-araw po nating pinipiling gawin ang tama at ipakita sa ating actions ang pagmamahal ng Lord.

Application

Bago po tayo gumawa o magsalita, isipin natin kung makikita ba sa aksyon natin si Cristo. O itanong po natin to sa ating sarili “Nakikita ba dito si Cristo?”

piliin nating maging mabait kahit hindi tayo nababaitan sa tao, magpatawad kahit nasaktan tayo at tumulong kahit walang nakakakita. sa simpleng mga bagay na ito, nagiging magandang example tayo sa iba.

Panalangin

Panginoon, salamat po sa Iyong Salita. Tulungan Mo po akong huwag tularan ang masama kundi piliing gawin ang mabuti. Gawin Mo akong mabuting halimbawa sa aking pamilya, kaibigan at ibang tao. Nawa’y makita nila si Cristo sa aking buhay. Sa pangalan ni Jesus, Amen.

25/08/2026

Announcement for Aug 30, 2026

24/08/2026

EFESO 5:18