San Roque Loob Chapel

29/08/2026

PANALANGIN SA PANAHON NG BAGYO AT KALAMIDAD

Ama naming nasa Langit,
Buong kababaang-loob kaming lumalapit sa Inyo at
humihingi ng Inyong habag. Nakikita Ninyo ang aming pangamba at ang paghihirap ng maraming pamilyang naapektuhan ng walang tigil na pag-ulan at pagbaha.

Maawa po Kayo sa amin, O Panginoon. Nawa'y agad nang humupa ang malakas na ulan, bumaba ang tubig-baha, at mawala ang panganib na nagbabanta sa aming mga tahanan at pamayanan. Iligtas Ninyo ang mga nasa gitna ng sakuna at ingatan ang bawat isa sa kapahamakan.

Patatagin Ninyo ang aming pananampalataya at punuin ang aming mga puso ng pag-asa. Tulungan Ninyo kaming manatiling nagkakaisa, nagdadamayan, at nagtitiwala sa Inyong walang hanggang pag-ibig at awa.

Aming hinihiling na sa lalong madaling panahon ay
maibalik ang katahimikan, kaligtasan, at kapayapaan sa aming mga komunidad.
Ito ang aming dalangin sa pamamagitan ni
Hesukristo na aming Panginoon.Amen.

N. Panginoon naming Diyos, Ipakita mo na ang pag-
ibig mong wagas
B. Kami ay lingapin at sa kahirapan ay iyong iligtas

Maria Ina ng Simbahan, Ipanalangin mo kami.
San Miguel Arkanghel, Ipanalangin mo kami.
San Lorenzo Ruiz, Ipanalangin mo kami San Roque Mahal naming Patron, Ipanalangin mo kami

29/08/2026

𝐏𝐀𝐁𝐀𝐓𝐈𝐃 || 𝐁𝐀𝐍𝐀𝐋 𝐍𝐀 𝐌𝐈𝐒𝐀

Bayan ng Diyos mayroon po tayong Banal na Misa sa darating na Linggo ika-30 ng Agosto sa ganap na ika-10:00 ng umaga. Ito po ay pangungunahan ni, Rdo.P. Lamberto Tomas.

Ang lahat po ay malugod na inaanyayahan na makiisa at dumalo sa Banal na Pagdiriwang. Sama sama tayong manalangin sa Panginoong ating Diyos at sa ating Pintakasing si San Roque.

27/08/2026

Maligayang anibersaryo ng pagkapari! sa ating Kura Paroko. Rdo. Pd. Lazaro Benedictos. Nawa’y patuloy kang pagkalooban ng Panginoon ng lakas, karunungan, at biyaya sa iyong banal na paglilingkod. Maraming salamat sa iyong buhay na iniaalay para sa Diyos at sa Kanyang sambayanan.

Ad multos annos! Pagpalain nawa kayo ng Diyos sa bawat hakbang ng inyong bokasyon.

Pagbati mula sa SPPC San Roque Loob, Komisyon at mga Samahan.

Happy 34th Sacerdotal Anniversary Fr. Larry!

21/08/2026

𝐏𝐀𝐁𝐀𝐓𝐈𝐃 || 𝐁𝐀𝐍𝐀𝐋 𝐍𝐀 𝐌𝐈𝐒𝐀

Bayan ng Diyos mayroon po tayong Banal na Misa sa darating na Linggo ika-23 ng Agosto sa ganap na ika-10:00 ng umaga. Ito po ay pangungunahan ni, Rdo.P. Lamberto Tomas.

Ang lahat po ay malugod na inaanyayahan na makiisa at dumalo sa Banal na Pagdiriwang. Sama sama tayong manalangin sa Panginoong ating Diyos at sa ating Pintakasing si San Roque.

21/08/2026

𝗚𝗔𝗪𝗔𝗗 𝗣𝗔𝗥𝗔𝗡𝗚𝗔𝗟 | 𝗔𝗚𝗢𝗦𝗧𝗢 𝟭𝟲

Isang maringal at makabuluhang Gawad Parangal ang ginanap noong Agosto 16, kasabay ng pagdiriwang ng Dakilang Kapistahan ng ating Mahal na Patrong San Roque.

Sa pagkakataong ito, pinarangalan ang mga natatanging indibidwal at pamilya na buong pusong nagpakita ng debosyon, kontribusyon, pagmamahal, at malasakit sa ating Bahay Dalanginan at sa ating mahal na Patron.

Ang parangal na ito ay munting pagkilala sa kanilang walang-sawang paglilingkod, kabutihang-loob, at patuloy na pakikiisa sa buhay at misyon ng ating pamayanan.

𝓢𝓪𝓷 𝓡𝓸𝓺𝓾𝓮, 𝓘𝓹𝓪𝓷𝓪𝓵𝓪𝓷𝓰𝓲𝓷 𝓶𝓸 𝓴𝓪𝓶𝓲.

𝐕𝐢𝐯𝐚 𝐒𝐚𝐧 𝐑𝐨𝐪𝐮𝐞!
𝐕𝐢𝐯𝐚! 𝐕𝐢𝐯𝐚! 𝐕𝐢𝐯𝐚!

19/08/2026

𝐌𝐀𝐑𝐈𝐍𝐆𝐀𝐋 𝐍𝐀 𝐏𝐑𝐔𝐒𝐈𝐒𝐘𝐎𝐍 | 𝐀𝐆𝐎𝐒𝐓𝐎 𝟏𝟔

Sa banal at maringal na paglalakbay ng pananampalataya, buong puso nating sinamahan ang Mahal na Patrong San Roque sa kanyang prusisyon bilang tampok na bahagi ng pagdiriwang ng Dakilang Kapistahan.

Sa bawat hakbang, panalangin, at kandilang nagningning, dama ang pagkakaisa ng mga deboto at mananampalataya na patuloy na nagpapahayag ng kanilang debosyon at pasasalamat.

Nawa’y patuloy tayong gabayan at ipanalangin ni San Roque, upang manatili tayong matatag sa pananampalataya at mapagmahal sa kapwa.

Ito ay alay namin sa iyo Mahal na Pintakasing San Roque. Nawa patuloy mo kaming gabayan ilayo sa sakit at salot at ilapit kay Kristo.

𝓢𝓪𝓷 𝓡𝓸𝓺𝓾𝓮, 𝓘𝓹𝓪𝓷𝓪𝓵𝓪𝓷𝓰𝓲𝓷 𝓶𝓸 𝓴𝓪𝓶𝓲.

𝐕𝐢𝐯𝐚 𝐒𝐚𝐧 𝐑𝐨𝐪𝐮𝐞!
𝐕𝐢𝐯𝐚! 𝐕𝐢𝐯𝐚! 𝐕𝐢𝐯𝐚!

19/08/2026

𝐏𝐈𝐒𝐓𝐀𝐍𝐆 𝐏𝐀𝐓𝐑𝐎𝐍 𝟐𝟎𝟐𝟔 | 𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐈 𝐒𝐀𝐍 𝐑𝐎𝐐𝐔𝐄 | 𝐀𝐆𝐎𝐒𝐓𝐎 𝟏𝟔

Buong debosyon at pasasalamat na ipinagdiwang ang Misa Konselebrada noong Agosto 16, bilang tampok na bahagi ng pagdiriwang ng Dakilang Kapistahan ng Mahal na Patrong San Roque.

Ang Banal na Misa ay pinangunahan ni Lubhang Kagalang-galang Deogracias S. Iñiguez Jr. DD. Obispo Emerito ng Diyosesis ng Kalookan, kasama sina Rdo. Msgr. Narciso Sampana, Rdo. Pd. Francis Protacio Cortez, Rdo.Pd. Dennis Estrella, at Rdo.Pd. Lamberto Tomas.

Sa banal na pagdiriwang na ito, sama-sama nating ipinagkatiwala sa Panginoon, sa pamamagitan ng pananalangin at pamamagitan ni San Roque, ang ating mga pasasalamat, kahilingan, at patuloy na paglilingkod sa Diyos at sa kapwa.

Ito ay alay namin sa iyo Mahal na Pintakasing San Roque. Nawa patuloy mo kaming gabayan ilayo sa sakit at salot at ilapit kay Kristo.

𝓢𝓪𝓷 𝓡𝓸𝓺𝓾𝓮, 𝓘𝓹𝓪𝓷𝓪𝓵𝓪𝓷𝓰𝓲𝓷 𝓶𝓸 𝓴𝓪𝓶𝓲.

𝐕𝐢𝐯𝐚 𝐒𝐚𝐧 𝐑𝐨𝐪𝐮𝐞!
𝐕𝐢𝐯𝐚! 𝐕𝐢𝐯𝐚! 𝐕𝐢𝐯𝐚!

18/08/2026

𝐏𝐈𝐒𝐓𝐀𝐍𝐆 𝐏𝐀𝐓𝐑𝐎𝐍 𝟐𝟎𝟐𝟔 | 𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐈 𝐒𝐀𝐍 𝐑𝐎𝐐𝐔𝐄

𝐈𝐊𝐀𝐒𝐈𝐘𝐀𝐌 𝐍𝐀 𝐀𝐑𝐀𝐖 𝐍𝐆 𝐍𝐎𝐁𝐄𝐍𝐀𝐑𝐘𝐎 | 𝐀𝐆𝐎𝐒𝐓𝐎 𝟏𝟓

Sa banal na pag-aalay ng mga bulaklak at kandila, at sa taimtim na seremonyas ng pagbibihis sa ating mahal na Patrong San Roque, buong debosyon nating idinaos ang Ikasiyam na Araw ng Banal na Misa ng Nobenaryo bilang misa ng kagalingan, na pinangunahan ng ating panauhing pari Rdo.Pd. Angelito Santiago.

Nawa'y ang mga banal na pagdiriwang na ito ay magbunga ng mas matibay na pananampalataya, taos-pusong pananalangin, at ganap na pagtitiwala sa Diyos sa pamamagitan ng ating mahal na Patron.

Ito ay alay namin sa iyo Mahal na Pintakasing San Roque. Nawa patuloy mo kaming gabayan ilayo sa sakit at salot at ilapit kay Kristo.

𝐕𝐢𝐯𝐚 𝐒𝐚𝐧 𝐑𝐨𝐪𝐮𝐞!
𝐕𝐢𝐯𝐚! 𝐕𝐢𝐯𝐚! 𝐕𝐢𝐯𝐚!

16/08/2026