Mahal na Araw sa Bambang

04/04/2026

28/03/2026

23/03/2026

Ama ko aniyang mahal,
Diyos na walang kapantay,
salamat na walang hanggan,
ako’y inyong pinakinggan
sa hiling kong ano pa man.

Nang ito ay mawika na
nangusap kapagkaraka:
nitong Poong mapaninta,
Lasaro ay magbangon ka
at diya’y lumabas baga.

Parang natutulog lamang,
si Lasaro ay pinukaw,
nang si Hesus mapakinggan,
kumilos na kapagkuwan
doon sa sadyang libingan.

Pagbuhay ni Hesus kay Lazaro
G. Christian Daet at Pamilya

19/03/2026

𝐀𝐍𝐆 𝐇𝐀𝐍𝐀𝐘 𝐍𝐆 𝐏𝐑𝐔𝐒𝐈𝐒𝐘𝐎𝐍 𝐍𝐆 𝐌𝐆𝐀 𝐌𝐀𝐇𝐀𝐋 𝐍𝐀 𝐀𝐑𝐀𝐖 𝐌𝐌𝐗𝐗𝐕𝐈

Ang prusisyon ay isang katesismo na hayagang nagpapahayag ng ating pananampalataya sa Diyos at mga banal. Sa mga prusisyon ng mga Mahal na Araw, tahasan nitong sinasalaysay ang kasaysayan ng kaligtasan na nakabatay sa Ebanghelyo o sa Pasyong Mahal.

Sa ating parokya, dalawang beses lumalabas ang prusisyon ng mga Mahal na Araw - tuwing Miyerkules Santo at Biyernes Santo. Ngayong taon, ang prusisyon ng Biyernes Santo ay katatampukan ng 81 mga karosa nagpapakita ng buhay, pagpapakasakit, at kamatayan ng Panginoon gayundin ng mga banal na may kaugnayan sa Kaniyang mahal na Pasyon.

Ipinapaalala sa mga mananampalataya na makilalahok dito, ang mahigpit na pagsunod sa mga tagubilin ng ating Parokya at cofradia na ibinaba sa lahat ng nangangalaga ng imaheng pang-Mahal na Araw. Maglaan ng pansapo sa tulo ng mga kandilang gagamitin sa pagpu-prusisyon.

15/03/2026

𝐌𝐆𝐀 𝐌𝐀𝐇𝐀𝐋 𝐍𝐀 𝐀𝐑𝐀𝐖 𝐒𝐀 𝐁𝐀𝐌𝐁𝐀𝐍𝐆 𝐌𝐌𝐗𝐗𝐕𝐈
𝐀𝐧𝐠 𝐏𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐏𝐚𝐠𝐩𝐚𝐩𝐚𝐤𝐚𝐬𝐚𝐤𝐢𝐭, 𝐊𝐚𝐦𝐚𝐭𝐚𝐲𝐚𝐧, 𝐚𝐭 𝐌𝐮𝐥𝐢𝐧𝐠 𝐏𝐚𝐠𝐤𝐚𝐛𝐮𝐡𝐚𝐲 𝐧𝐠 𝐏𝐚𝐧𝐠𝐢𝐧𝐨𝐨𝐧

"Sapagkat sinugo ng Diyos ang Kaniyang Anak, hindi upang hatulang maparusahan ang sanlibutan, kundi upang iligtas ito sa pamamagitan Niya." -- Juan 3, 17

Narito ang talatakdaan ng mga gawain sa darating na mga Mahal na Araw sa ating parokya. Nang may pag-asa kay Hesus, ang Buhay at Muling Pagkabuhay, magkakasama tayong makibahagi sa pag-aalaala sa sakripisyo at kaluwalhatian ng Dakilang Nagmamahal sa atin.


*************
Maaari niyo rin po kaming i-follow sa mga sumusunod na Social Media Platforms!
Facebook: https://www.facebook.com/sanisidrolabradorbambang
Youtube: https://www.youtube.com/
TikTok: https://www.tiktok.com/

14/03/2026

PABATID

Bukas, Marso 15 2026, sa ganap na 10:00 N.U., ay ating isasagawa ang ikalawa at huling pagpupulong ng mga Camareros bilang paghahanda sa nalalapit na Mahal na Araw sa Bambang. Tatalakayin sa pagpupulong ang mga detalye sa Prusisyon at ang mga pagbabagong magaganap ngayong taon. Inaasahan ang pagdalo ng lahat ng camarero o isang “representative” sa nasabing pagpupulong.

Nasa larawan ang gayak ng St. Francis Hall na pagdadausan ng pulong ng mga Camareros.