PCY Apo Tonio

22/05/2026

‎𝐏𝐀𝐀𝐍𝐘𝐀𝐘𝐀 | 𝐒𝐢𝐦𝐛𝐚 𝐀𝐫𝐚𝐥𝐚𝐧 𝐆𝐫𝐚𝐝𝐮𝐚𝐭𝐢𝐨𝐧 𝐃𝐚𝐲 𝟐𝟎𝟐𝟔
‎
‎Sa pagtatapos ng isang makabuluhang paglalakbay sa pananampalataya at pagkatuto, sama-sama nating ipagdiwang ang bunga ng sipag, dedikasyon, at paggabay ng Diyos sa ating mga kabataan.
‎
‎Inaanyayahan po namin ang lahat na makiisa sa Graduation Day ng Simba-Aralan 2026 ngayong Mayo 24, 2026, araw ng Linggo, sa ganap na ika-2 ng hapon sa Parokya ng San Antonio ng Padua, Iba, Hagonoy, Bulacan.
‎
‎Halina’t samahan natin ang ating mga nagsipagtapos habang kanilang tinatanggap ang biyaya ng kaalaman at pananampalatayang kanilang natutunan sa nagdaang mga araw. Tunay ngang ang bawat batang nahubog sa pananampalataya ay isang ilaw na magbibigay pag-asa sa Simbahan at pamayanan.
‎
‎Halina't hubugin ang kabataan sa pananampalataya ngayon, upang maging ilaw ng simbahan bukas.
‎
‎
‎
‎
‎
‎

11/05/2026

𝗜𝗸𝗮𝗮𝗻𝗶𝗺 𝗻𝗮 𝗟𝗶𝗻𝗴𝗴𝗼 𝗻𝗴 𝗣𝗮𝘀𝗸𝗼 𝗻𝗴 𝗠𝘂𝗹𝗶𝗻𝗴 𝗣𝗮𝗴𝗸𝗮𝗯𝘂𝗵𝗮𝘆
‎
‎Sa pagdiriwang natin ng Ikaanim na Linggo ng Pasko ng Muling Pagkabuhay, nawa’y maging paalala sa ating lahat na ang tunay na pagsunod sa Panginoon ay hindi lamang nakikita sa salita, kundi higit sa gawa at pusong handang maglingkod. Sa bawat utos na ating tinutupad nang may pag-ibig at kababaang-loob, mas lalo nating napapalalim ang ating relasyon sa Diyos at napapalaganap ang kabutihan sa ating kapwa. Nawa’y manatili tayong tapat, masunurin, at mapagmahal sa bawat hakbang ng ating pananampalataya.
‎
‎
‎
‎

08/05/2026

𝐅𝐋𝐎𝐑𝐄𝐒 𝐃𝐄 𝐌𝐀𝐑𝐈𝐀 𝟐𝟎𝟐𝟔
“𝘘𝘶𝘰𝘮𝘰𝘥𝘰 𝘧𝘪𝘦𝘵 𝘪𝘴𝘵𝘶𝘥?”
“Paano ito mangyayari?” — Lukas 1:34

Sa pagsapit ng buwan ng Mayo, muli nating ginugunita ang Flores de Maria, isang tradisyon ng pananampalataya at debosyon para sa Mahal na Birheng Maria. Sa pamamagitan ng pag-aalay ng mga bulaklak at panalangin, ipinapakita natin ang ating pagmamahal at pagtitiwala sa Ina ng Diyos.

Sa temang “Quomodo fiet istud?”, ipinapaalala sa atin ang naging tugon ni Maria nang siya ay dalawin ng anghel at tawaging maging Ina ng Diyos. Sa kanyang mga katagang “Paano ito mangyayari?”, makikita natin na maging si Maria ay nakaranas din ng pag-aalinlangan at pagkatanto sa bigat ng misyong ipinagkatiwala sa kanya. Ngunit sa kabila nito, nanaig ang kanyang pananampalataya at buong pagtitiwala sa Diyos.

Sa mga pagkakataong tayo’y nababalot ng pangamba, pagdududa, at mga tanong sa buhay, nawa’y magsilbing inspirasyon si Maria upang manatili tayong matatag at bukas sa kalooban ng Panginoon.

Narito ang talatakdaan ng mga gawaing inihanda ng Parokya ng San Antonio ng Padua bilang pakikiisa sa isang buwang pagpupugay at pagninilay kasama ang ating Mahal na Birheng Maria.

Halina’t tayo’y mag-alay at magpugay sa Mahal na Birheng Maria!

¡Viva la Virgen de las Flores!

06/05/2026

03/05/2026

Ika-5 na Linggo ng Pasko ng Muling Pagkabuhay
Mayo 3, 2026 | 9:30 ng umaga
Tagapagdiwang: Rdo. P. John Patrick Gumasing

PAALAALA: Ang Online Mass ay hindi maaring maging kahalili ng pagdalo ng personal sa Banal na Misa. Ito ay isinasagawa lamang para sa mga taong hindi makakadalo sa Banal na Misa dahil sa sakit at karamdaman. Gayundin para sa mga OFW's. Hindi dapat mapalitan ng Online Mass ang tunay na presensya sa Banal na Misa. Kaya ipinapayong personal na magtungo sa mga Simbahan upang dumalo sa Banal na Misa upang sama-sama at makiisa sa pakikinabang sa katawan at dugo ng Panginoon sa presenya ng Banal na Eukaristiya.







DISCLAIMER: We do not own the music featured in this video. All rights belong to its rightful owners. No copyright infringement intended.

30/04/2026

𝐕𝐈𝐀 𝐋𝐔𝐂𝐈𝐒: 𝐀𝐍𝐆 𝐃𝐀𝐀𝐍 𝐍𝐆 𝐋𝐈𝐖𝐀𝐍𝐀𝐆

Sa diwa ng pagdiriwang ng Muling Pagkabuhay ng ating Panginoong Hesukristo, inaanyayahan ang lahat na makibahagi sa Via Lucis o ang Daan ng Liwanag sa darating na Mayo 2, 2026.

Ang pagninilay na ito ay gaganapin sa The Pond Leisure Farm, Palapat, Hagonoy, Bulacan, kung saan sama-sama nating gugunitain ang mga tagpo ng muling pagkabuhay ni Kristo na nagbibigay liwanag at pag-asa sa ating pananampalataya.

Talatakdaan ng Gawain:
• 6:00 ng umaga | Banal na Misa
• Susundan ng Via Lucis

Sa pamamagitan ng Via Lucis, nawa’y mapagnilayan natin ang tagumpay ni Kristo laban sa kasalanan at kamatayan, at maging saksi tayo ng Kanyang liwanag sa ating pang-araw-araw na pamumuhay.

27/04/2026

𝗜𝗸𝗮𝗮𝗽𝗮𝘁 𝗻𝗮 𝗟𝗶𝗻𝗴𝗴𝗼 𝗻𝗴 𝗣𝗮𝘀𝗸𝗼 𝗻𝗴 𝗠𝘂𝗹𝗶𝗻𝗴 𝗣𝗮𝗴𝗸𝗮𝗯𝘂𝗵𝗮𝘆
‎
‎Nawa’y sa tunay na pagsuko natin kay Kristo, matutunan nating iwan ang sarili at yakapin ang Kanyang kalooban. Hindi man madali ang landas, bawat hakbang ng pagsunod ay humuhubog sa atin upang mamuhay nang may kabutihan at kabanalan. Sapagkat ang pusong inialay kay Hesus ay pusong ginagabayan ng pag-ibig, pananampalataya, at tunay na layunin.
‎
‎
‎
‎

24/04/2026

‎𝗧𝗜𝗡𝗚𝗡𝗔𝗡 | 𝗦𝗶𝗺𝗯𝗮-𝗔𝗿𝗮𝗹𝗮𝗻 𝟮𝟬𝟮𝟲: 𝗬𝗼𝘂𝘁𝗵 𝗖𝗮𝘁𝗲𝗰𝗵𝗶𝘀𝘁𝘀 𝗢𝗿𝗶𝗲𝗻𝘁𝗮𝘁𝗶𝗼𝗻 𝗮𝗻𝗱 𝗦𝗲𝗺𝗶𝗻𝗮𝗿
‎
‎Narito ang mga larawang kuha mula sa ginaganap na Simba-Aralan 2026: Youth Catechists Orientation and Seminar, noong linggo, ika-19 ng Abril 2026, sa Parokya ni San Antonio de Padua.
‎
‎Isang sandaling nagpatunay na ang mga kabataan, kapag tinawag, ay kayang tumugon ng buong puso.
‎
‎Ang oryentasyon at seminar na ito ay isang paalala na ang pananampalataya ay hindi lamang tinatanggap—ito ay isinasabuhay, ibinabahagi, at ipinaglalaban. Sa bawat aral na matutuh
‎nan, sa bawat pusong nabuksan, at sa bawat hakbang ng paglilingkod, unti-unting hinuhubog ang isang henerasyon ng mga kabataang handang maging ilaw at asin ng mundo.
‎
‎Nawa’y magsilbi itong inspirasyon sa marami—na sa gitna ng ingay ng mundo, may mga kabataang pinipiling makinig sa tinig ng Diyos at tumugon nang may tapang, kababaang-loob, at pagmamahal.
‎
‎Sapagkat sa pamamagitan ng kanilang “oo,” patuloy na nabubuhay ang misyon ng Simbahan—na magturo, magmahal, at mag-akay ng kapwa patungo kay Kristo.
‎
‎
‎
‎
‎
‎
‎

22/04/2026

𝐖𝐀𝐋𝐔𝐌𝐏𝐔’𝐓 𝐒𝐈𝐘𝐀𝐌 𝐍𝐀 𝐓𝐀𝐎𝐍𝐆 𝐏𝐈𝐍𝐀𝐆𝐏𝐀𝐏𝐀𝐋𝐀 𝐒𝐀 𝐏𝐀𝐑𝐎𝐊𝐘𝐀 𝐍𝐆 𝐒𝐀𝐍 𝐀𝐍𝐓𝐎𝐍𝐈𝐎 𝐍𝐆 𝐏𝐀𝐃𝐔𝐀!

Sa loob ng walumpu’t siyam na taon, patuloy na naging tahanan ng pananampalataya ang ating Parokya, isang sambayanang hinubog ng panalangin, sakramento, at sama-samang paglilingkod. Hanggang ngayon, buhay ang diwa ng pagkakaisa at debosyon kay San Antonio de Padua na siyang gabay ng ating paglalakbay bilang isang Simbahan.
Sa patuloy nating paglalakbay bilang isang parokya, nawa’y manatili tayong matatag sa ating pananampalataya, nagkakaisa sa misyon, at handang maglingkod bilang isang sambayanang kumakapit kay Kristo, ang ating pag asa.

Bilang isang sambayanan ng Diyos, ating ipagdiwang ang ika-89 taong anibersaryo ng pagkakatatag ng ating Parokya sa pamamagitan ng pagdiriwang ng Banal na Misa na gaganapin sa Abril 26, 2026, sa ganap na ika-6:00 ng umaga.

Sama-sama nating pasalamatan ang Diyos sa Kanyang patuloy na biyaya sa ating Parokya ng San Antonio ng Padua!

𝐖𝐀𝐋𝐔𝐌𝐏𝐔’𝐓 𝐒𝐈𝐘𝐀𝐌 𝐍𝐀 𝐓𝐀𝐎𝐍𝐆 𝐏𝐈𝐍𝐀𝐆𝐏𝐀𝐏𝐀𝐋𝐀 𝐒𝐀 𝐏𝐀𝐑𝐎𝐊𝐘𝐀 𝐍𝐆 𝐒𝐀𝐍 𝐀𝐍𝐓𝐎𝐍𝐈𝐎 𝐍𝐆 𝐏𝐀𝐃𝐔𝐀!

Sa loob ng walumpu’t siyam na taon, patuloy na naging tahanan ng pananampalataya ang ating Parokya, isang sambayanang hinubog ng panalangin, sakramento, at sama-samang paglilingkod. Hanggang ngayon, buhay ang diwa ng pagkakaisa at debosyon kay San Antonio de Padua na siyang gabay ng ating paglalakbay bilang isang Simbahan.

Sa patuloy nating paglalakbay bilang isang parokya, nawa’y manatili tayong matatag sa ating pananampalataya, nagkakaisa sa misyon, at handang maglingkod bilang isang sambayanang kumakapit kay Kristo, ang ating pag asa.

Bilang isang sambayanan ng Diyos, ating ipagdiwang ang ika-89 taong anibersaryo ng pagkakatatag ng ating Parokya sa pamamagitan ng pagdiriwang ng Banal na Misa na gaganapin sa Abril 26, 2026, sa ganap na ika-6:00 ng umaga.

Sama-sama nating pasalamatan ang Diyos sa Kanyang patuloy na biyaya sa ating Parokya ng San Antonio ng Padua!

20/04/2026

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, 𝗣𝗿𝗲𝘀. 𝗖𝗿𝘆𝘇𝗮!

Salamat sa iyong malasakit, dedikasyon, at patuloy na paglilingkod sa simbahan. Nawa'y pagpalain ka ng kalusugan, kaligayahan, at higit pang lakas sa iyong misyon bilang kabataang lingkod ng Diyos.

Pagbati mula sa PCY Apo Tonio!