20/07/2025
Hulyo 20 - Unang Araw ng Novena sa Magkakapatid Na Betania
N/ Sa ngalan ng Ama, at ng Anak, at ng Espiritu Santo.
PANALANGIN SA ARAW-ARAW
O Mapalad na Santa Marta, Sta Maria At San Lazaro ang inyong pananampalataya ang nagudyok upang ipahayag ni Hesus, "Ako ang muling pagkabuhay;" at pananampalataya rin ang umakay sa inyo upang kilalanin si Hesus hindi lang bilang isang tao nang iyong ipahayag, "Kayo po ang Anak ng Diyos, ang Mesias." Taglay ang matibay na pagasa, winika mo,"nalalaman kong kahit ngayo'y ibibigay sa inyo ng Diyos ang anumang hingin ninyo sa kanya," at tinawag ni Hesus ang kapatid nyong si Lazaro mula sa mga patay. Taglay ang dalisay na pag-ibig kay Hesus, tinanggap mo siya sa iyong tahanan.
Kaibigan at lingkod ng Panginoon, ako rin ay"naliligalig sa maraming bagay" (banggitin dito ang kahilingan), Ipanalangin mo ako upang ako ay lumago sa pananampalataya, pag-asa at pag-ibig upang si Hesus, na dumulog sa iyong hapag, ay makinig sa akin, at magkaloob ng isang lugar para sa akin sa piging ng buhay na walang hanggan. Amen.
MEMORARE Sa Los Hermanos DE BETANIA
Minamahal na Kaibigan ni Hesus, sina Santa Marta at Santa Maria at San Lazaro , Abang Pintakasi ng mga Magkakapatid.
O Santa Marta Sta Maria at San Lazaro, minamahal na kaibigan ni Hesus, alalahanin nyo ang malaking pag-ibig ko sa iyo ng Panginoon. Palagi Siya sa inyong tahanan Magka kapatid na Marta at Maria at Lazaro binasbasan Niya ang inyong pamilya ng Kanyang mapagpalang pananatili. Nanangis Siya sa pagkamatay ni Lazaro subalit ginawa Niya ang kanyang kamatayan na isang kamangha-manghang pagpapahayag na Siya ang ating buhay at mag-muling pagkabuhay. Ibinangon Niya mula sa libingan ay pinalaya nya mula sa kamatayan upang bigyang kaluwalhatian ang Diyos Ama.
Ngayon sa kawalang hangganan, nabubuhay kayong kasama ni Hesus, ang inyong minamahal na Kaibigan at ating Panginoon. Nakikiusap kami sa inyo na alalahanin nyo kami sa banal na harapan ni Hesus at dalhin sa Kanya ang mga alalahanin naming ipinagkakatiwala sa iyong makapangyarihang pagdalangin.
Kung ang aming hinihiling ay hindi makapagbibigay ng malaon pang kaluwalhatian sa Diyos o hindi makabubuti sa aming mga kaluluwa, mangyaring tulungan mo kaming manalangin nang nararapat.
Nagtitiwala kami sa inyong malakapatid na ugnayan sa amin at kay Hesus at nakatitiyak kaming hindi nyo kami babalewalain. Nang may pananampalataya kay Hesus, ang ating buhay at magmuling pagkabuhay, pinanabikan namin ang araw kung kailan, kasama kayo , O Sta Marta Sta Maria at San Lazaro, minamahal naming kaibigan at aba naming pintakasi , harap-harapan naming sasambahin at pasasalamatan ang Ama, ang Anak at ang Espiritu Santo, magpasawalang-hanggan. Amen.
Unang Araw
MABUTING BALITA
(nakatayo) Lucas 09:23-25
Ang Mabuting Balita ng Panginoon Ayon kay Lucas
R/ Papuri sa Iyo, Panginoon.
Sinabi ni Jesus "Kung ibig ninumang sumunod sa akin, limutin niya ang ukol sa kanyang sarili, pasanin araw-araw ang kanyang krus, at sumunod sa kin. Ang mga naghahangad magligtas ng kanya buhay ay siyang mawawalan nito; ngunit ang magalay ng kanyang buhay alang-alang sa akin ay siyang magkakamit noon. Ano nga ang mapapala ng tao, makamtan man niya ang buong sanlibutan kung ang katumbas anman nito'y ang kanyang buhay? Ano nga ang mapapala niya kung siya ay mapapahamak?
Ang Mabuting Balita ng Panginoon.
R/ Pinupuri ka namin, Panginoong Hesukristo.
PAGNINILAY
Mauupo para sa sandaling katahimikan. Pagkaraan ay babasahin ang isang pagninilay
Ang Pag-ibig sa Diyos at Kasipagan sa Paglilingkod sa Kanya, na siya lamang bagay na kailangan.
Pang wakas ng Panalangin
Isinasamo naming sa iyo, Diyos at Panginoon namin, na alang- alang sa mga karapatan nina Santa Marta Santa Maria de Betania,at San Lazaro Birhen at lingkod ng Anak mong Mahal, kalugdan mo ang aming hiling at ipagkamit naming ang aming mga dalangin. Pagkalooban mo kami ng biyaya ng tunay at maalab na pag- ibig at matutuhan naming dinggin ang banal mong pagtawag at manampalataya kami tulad ni Santa Maria de Betania sa Anak mong Mahal. Alang- alang nga sa taglay niyang kabanalan ay ipinamamanhik naming, itong aming dalangin alang- alang sa anak mong si Hesus, kasama Mo at ng Espiritu Santo magpasawalang hanggan. Amen.
Panalangin
Oh Diyos na aming ama ikaw ang kagalingan at kabuhayan dinggin mo po kami na kung ang kapistahan ng malualhating Disipulos at mga Birhen nj Kristo na Sina Sata Marta Santa Maria ng Betania at si San Lazaro na iyong kaibigan ay makapuspus sa amin ng banal na kaligayahan at gayon din ipagkamit ng aming kahilingan alang alang sa Panginoong Hesukristo na nabubuhay at nag hahari magpasawalng Hanggan. AMEN
Santa Marta De Betania Ipanalangin mo kami
Santa Maria De Betania Ipanalangin mo kami
San Lazaro De Betania ipanalangin mo kami
Sanganlan ng Ama ng anak at ng Spiritu Santo.
Amen.
