Sta. Lucia Chapel

Sta. Lucia Chapel Contact information, map and directions, contact form, opening hours, services, ratings, photos, videos and announcements from Sta. Lucia Chapel, Religious organisation, Brgy. Pesa Bongabon Nueva Ecija, Bongabon.

📖 VERSE OF THE DAYSEPTEMBER 02, 2026ISAIAS 40:31"Ngunit silang naghihintay sa Panginoon ay magbabago ng kanilang lakas, ...
02/09/2026

📖 VERSE OF THE DAY
SEPTEMBER 02, 2026

ISAIAS 40:31

"Ngunit silang naghihintay sa Panginoon ay magbabago ng kanilang lakas, sila’y papaitaas na may mga pakpak na parang mga agila, sila’y tatakbo, at hindi mapapagod, sila’y lalakad, at hindi manghihina."

•••
Ang talatang ito ay nagpapaalala sa atin na ang ating sariling lakas ay may hangganan at mabilis maubos sa harap ng mga pagsubok sa buhay. Kapag tayo ay buong tiyagang naghihintay at nagtitiwala sa Panginoon, ipinapangako Niya ang pagpapanibago ng ating espirituwal at pisikal na lakas. Tulad ng isang agila na pumapaitaas sa kabila ng malakas na hangin, itinataas din tayo ng Diyos upang malampasan ang anumang mabibigat na suliranin. Ang patuloy na pag-asa sa Kaniya ang nagbibigay sa atin ng kakayahang magpatuloy sa buhay nang hindi nanghihina o sumusuko.

📖 VERSE OF THE DAYSEPTEMBER 01, 2026JEREMIAS 29:11"Sapagkat alam ko ang aking mga plano para sa inyo—mga planong para sa...
31/08/2026

📖 VERSE OF THE DAY
SEPTEMBER 01, 2026

JEREMIAS 29:11

"Sapagkat alam ko ang aking mga plano para sa inyo—mga planong para sa ikabubuti at hindi para sa kapahamakan, upang bigyan kayo ng pag-asa at magandang kinabukasan."

•••
Ipinapangako ng Diyos sa atin na kahit nasa gitna tayo ng pagsubok, pagkabigo, o kawalan ng katiyakan, mayroon Siyang tiyak, matibay, at magandang plano para sa ating buhay. Hindi ito pansamantala o pabago-bago, kundi binuo Niya mula pa sa walang hanggan at laging para sa ating ikabubuti, hindi sa ating kapahamakan. Hindi ibig sabihin na hindi tayo makakaranas ng hirap, kundi na sa bawat pangyayari, ang Diyos ay gumagawa ng paraan upang tayo ay lumago, matuto, at makarating sa kinabukasang puno ng pag-asa at kabutihan na Siya mismo ang naghanda para sa atin, kaya’t huwag tayong mawalan ng pag-asa dahil ang ating bukas ay nasa kamay ng tapat at mapagmahal na Diyos.

📖VERSE OF THE DAYAUGUST 31, 2026DANIEL 12:3“Ang mga pantas ay magniningning na parang ningning ng kalawakan, at ang mga ...
31/08/2026

📖VERSE OF THE DAY
AUGUST 31, 2026

DANIEL 12:3

“Ang mga pantas ay magniningning na parang ningning ng kalawakan, at ang mga umaakay sa marami sa katuwiran ay magiging parang mga bituin magpakailanman.”

•••
Isipin mo ang mga bituin sa isang madilim na gabi. Kahit maliit ang isang bituin, makikita pa rin ang liwanag nito sa gitna ng dilim. Ganito inilalarawan ni Daniel ang mga taong namumuhay ng may karunungan at umaakay sa iba tungo sa katuwiran. Hindi ibig sabihin na kailangan mong maging sikat o maging perpekto. Ang mahalaga ay ginagamit mo ang iyong buhay para:
•Matuto ng tama at magkaroon ng karunungan.
•Gumawa ng mabuti kahit walang nakakakita.
•Manatiling malapit sa Diyos
•Tumulong sa iba na makilala at piliin ang tama
•Maging mabuting halimbawa, lalo na kapag may ibang nangangailangan ng gabay.

Ipinapaalala ng talata na ito na hindi mo kailangang maging pinakamaliwanag na tao sa mundo. Maging maliit mang liwanag ka, maaari ka pa ring maging gabay ng iba sa kadiliman. Dahil sa madilim na lugar, mas nakikita ang liwanag. Kaya kahit mahirap ang mundo, patuloy kang gumawa ng tama. Dahil maaaring ang buhay mo ang maging liwanag na kailangan ng ibang tao.

PHOTO HIGHLIGHTS | AUGUST 30, 2026Kasabay ng pagbuhos ng malakas na ulan at patuloy na pagdaloy ng masamang panahon, ay ...
30/08/2026

PHOTO HIGHLIGHTS | AUGUST 30, 2026
Kasabay ng pagbuhos ng malakas na ulan at patuloy na pagdaloy ng masamang panahon, ay ang pagbuhos din ng pananampalataya at pagtitipon ng mabubuting puso ng mga taga Brgy. Pesa upang dumalo sa misa para sa huling linggo ng Agosto. Ang isang mahalagang misang ito ay pinangunahan ni Bro. Jimmy Mangobo na nagpapaalala na sa bawat pagsubok na ating harapin nawa’y tayo ay patuloy na kumapit at lumapit tayo sa Panginoon.

"Pangungunahan ka ng Panginoon at sasamahan ka Niya; hindi ka Niya iiwan o pababayaan man. Kaya huwag kang matakot, ni panghinaan ng loob."
—DEUTERONOMIO 31:8

🧠minisTHINK💡TRIVIA OF THE WEEKALAM MO BA KUNG ILANG LITURGICAL YEAR O TAONG LITURHIKAL (PANAHON) ANG MERON SA SIMBAHANG ...
30/08/2026

🧠minisTHINK
💡TRIVIA OF THE WEEK

ALAM MO BA KUNG ILANG LITURGICAL YEAR O TAONG LITURHIKAL (PANAHON) ANG MERON SA SIMBAHANG KATOLIKO?

Ang simbahang katoliko ay may anim (6) na pangunahing panahon sa Liturgical Year o Taong Liturhikal.

1. ADBIYENTO (ADVENT)
Panahon ng paghahanda at paghihintay para sa pagdating ni Hesus at pagdiriwang ng Kanyang kapanganakan.

2. PASKO (CHRISTMAS SEASON)
Pagdiriwang ng kapanganakan ni Hesus Kristo.

3. ORDINARYONG PANAHON (ORDINARY TIME)
Panahon ng paglago sa pananampalataya at pagninilay sa buhay at mga turo ni Hesus. Ito ay nahahati sa dalawang bahagi sa loob ng taon, ibig sabihin ay dalawang beses itong lumilitaw sa loob ng isang taon. Bago ang Kuwaresma at pagkatapos ng Panahon ng Pasko ng Pagkabuhay.

4. KUWARESMA (LENT)
Panahon ng pagsisisi, pag-aayuno, panalangin, at pagbabalik-loob bilang paghahanda sa Pasko ng Pagkabuhay.

5. TRIDUUM NG PASKO NG PAGKABUHAY (EASTER TRIDUUM)
Ang pinakasagradong mga araw ng taon na kinabibilangan ng Huwebes Santo, Biyernes Santo, at pagdiriwang ng muling pagkabuhay ni Hesus.

6. PANAHON NG PASKO NG PAGKABUHAY (EASTER SEASON)
Pagdiriwang ng muling pagkabuhay ni Hesus Kristo at ng tagumpay Niya laban sa kasalanan at kamatayan.

📖VERSE OF THE DAYAUGUST 30, 2026MGA PANAGHOY 3:22-23"Ang mga kaawaan ng Panginoon ay hindi tayo nalipol, sapagka't ang k...
30/08/2026

📖VERSE OF THE DAY
AUGUST 30, 2026

MGA PANAGHOY 3:22-23

"Ang mga kaawaan ng Panginoon ay hindi tayo nalipol, sapagka't ang kaniyang mga habag ay hindi nauubos. Ang mga yao'y bago tuwing umaga; dakila ang inyong pagtatapat."

•••
Minsan pagkatapos ng isang napakahirap na araw, pakiramdam natin ay wala na tayong lakas na harapin pa ang susunod na araw, parang nauubos na ang pag-asa at awa sa atin. Ngunit ang mabuting balita ay hindi lamang tayo ang nakakapag tanggap kundi ang lahat Ng sumasampalataya sa Kaniya.

📖VERSE OF THE DAYAUGUST 29, 2026MGA HEBREO 13:8"Si Jesu-Cristo ay hindi magbabago kailanman; siya ay kahapon, ngayon, at...
29/08/2026

📖VERSE OF THE DAY
AUGUST 29, 2026

MGA HEBREO 13:8

"Si Jesu-Cristo ay hindi magbabago kailanman; siya ay kahapon, ngayon, at bukas."

•••
Ang ibig sabihin nito ay hindi nagbabago ang pagmamahal, kabutihan, at pangako ni Jesus sa atin. Kahit magbago ang panahon, sitwasyon, o mga tao sa paligid natin, si Jesus ay mananatiling pareho kahapon, ngayon, at magpakailanman.

📖VERSE OF THE DAYAUGUST 28, 2026JEREMIAS 29:11“Sapagkat nalalaman ko ang mga panukala ko para sa inyo… mga panukala para...
28/08/2026

📖VERSE OF THE DAY
AUGUST 28, 2026

JEREMIAS 29:11

“Sapagkat nalalaman ko ang mga panukala ko para sa inyo… mga panukala para sa ikabubuti at hindi sa kasamaan, upang bigyan kayo ng kinabukasan at pag-asa.”

•••
Ang talatang ito ay isang magandang paalala na ang Diyos ay may plano para sa bawat isa sa atin. May mga pagkakataon na hindi natin nauunawaan kung bakit kailangan nating pagdaanan ang mga pagsubok, pagkabigo, o paghihintay. Minsan, maaaring isipin natin na walang magandang mangyayari sa ating buhay. Ngunit ipinapaalala ng talatang ito na hindi natatapos ang ating kuwento sa isang problema o kabiguan. Ang plano ng Diyos ay hindi nangangahulugang magiging madali ang lahat. Sa halip, nangangahulugan itong maaari tayong magkaroon ng pag-asa kahit sa gitna ng mahirap na sitwasyon. Kapag hindi natin nakikita ang direksyon ng ating buhay, maaari tayong magtiwala na nakikita ito ng Diyos. Tinuturuan tayo nitong maging matiyaga at patuloy na manampalataya habang hinihintay ang Kaniyang panahon. Maaaring hindi natin alam kung ano ang naghihintay sa hinaharap, ngunit alam nating kasama natin ang Diyos sa pagharap dito.

📖VERSE OF THE DAYAUGUST 27, 2026MGA KAWIKAAN 3:5-6"Sa Panginoon ka magtiwala nang buong puso mo, at huwag kang manalig s...
26/08/2026

📖VERSE OF THE DAY
AUGUST 27, 2026

MGA KAWIKAAN 3:5-6

"Sa Panginoon ka magtiwala nang buong puso mo, at huwag kang manalig sa iyong sariling pag-unawa. Sa lahat ng iyong mga lakad ay kilalanin mo siya, at kanyang itutuwid ang iyong mga landas."

•••
Ang MGA KAWIKAAN 3:5–6 ay isang paalala na ang tunay na kapayapaan at tamang direksyon sa buhay ay nagmumula sa buong-pusong pagtitiwala sa Diyos at hindi sa paraan kung saan umaasa lamang tayo sa ating limitadong pag-unawa. Kapag isinasama natin ang Diyos sa bawat desisyon, malaki man o maliit, at mapagkumbaba nating inihahabilin sa Kaniya ang ating mga plano, ipinangangako Niyang itutuwid Niya ang ating mga landas, hahawiin ang mga balakid, at aakayin tayo sa pinakamabuting patutunguhan para sa ating buhay.

📖VERSE OF THE DAYAUGUST 26, 2026ISAIAS 41:10"Huwag kang matakot, sapagkat ako'y sumasaiyo; huwag kang manglupaypay, sapa...
25/08/2026

📖VERSE OF THE DAY
AUGUST 26, 2026

ISAIAS 41:10

"Huwag kang matakot, sapagkat ako'y sumasaiyo; huwag kang manglupaypay, sapagkat ako ang iyong Diyos; palalakasin kita, oo, tulungan kita, oo, aalalayan kita ng aking kanang kamay na matuwid."

•••
Ang mensahe ng ISAIAS 41:10 ay isang matibay na pangako ng Diyos na hindi Niya tayo kailanman iniwan, kaya huwag tayong matakot o mangamba sa mga pagsubok.

Address

Brgy. Pesa Bongabon Nueva Ecija
Bongabon

Website

Alerts

Be the first to know and let us send you an email when Sta. Lucia Chapel posts news and promotions. Your email address will not be used for any other purpose, and you can unsubscribe at any time.

Shortcuts

Share

Category