Sta. Lucia Chapel

Directions

Sta. Lucia Chapel Contact information, map and directions, contact form, opening hours, services, ratings, photos, videos and announcements from Sta. Lucia Chapel, Religious organisation, Brgy. Pesa Bongabon Nueva Ecija, Bongabon.

đź“–VERSE OF THE DAYSEPTEMBER 26 2026EXODO 15:2"Ang Panginoon ay aking lakas at awit, At siya'y naging aking kaligtasan: It...
27/09/2026

đź“–VERSE OF THE DAY
SEPTEMBER 26 2026

EXODO 15:2

"Ang Panginoon ay aking lakas at awit, At siya'y naging aking kaligtasan: Ito'y aking Dios, at siya'y aking pupurihin. Dios ng aking ama, at siya'y aking itataas."

•••
Ang talatang ito ay nagpapakita kung gaano kahalaga ang Diyos sa ating buhay dahil siya ang nagbibigay sa atin ng lakas, pag-asa, at kaligtasan. Kapag tayo ay dumadaan sa mga problema o pagsubok, minsan ay nakakaramdam tayo ng panghihina at takot, pero ipinapaalala ng talatang ito na maaari tayong umasa sa Diyos dahil hindi niya tayo pababayaan. Sinasabi rin dito na dapat nating purihin at pasalamatan ang Panginoon sa lahat ng kanyang kabutihan at tulong sa atin. Hindi man natin agad nakikita ang solusyon sa ating mga problema, kailangan pa rin nating magkaroon ng pananampalataya at magtiwala sa kanya. Itinuturo rin ng talata na ang Diyos ay hindi lamang ating tagapagligtas, kundi siya rin ang ating sandigan sa bawat araw. Kaya bilang isang tao, dapat nating pahalagahan ang ating relasyon sa Diyos, magpasalamat sa kanya, at patuloy na maniwala na tutulungan niya tayo sa anumang pagsubok na ating haharapin.

📖VERSE OF THE DAYSEPTEMBER 25, 20261 TESALONICA 5:16-18“Magalak kayong lagi, manalangin kayong patuloy, at magpasalamat ...
25/09/2026

đź“–VERSE OF THE DAY
SEPTEMBER 25, 2026

1 TESALONICA 5:16-18

“Magalak kayong lagi, manalangin kayong patuloy, at magpasalamat kayo sa lahat ng pagkakataon.”

•••
Ipinapaalala sa atin ng talatang ito na kahit nasa kalagitnaan tayo ng pagsubok of kalungkutan, magpatuloy lang tayo at kumuha ng lakas sa Panginoon sa pamamagitan ng panalangin. Ang ibig sabihin ay huwag nating hayaang mawala ang ating pag-asa. May mga araw na malungkot tayo, at normal iyon. Ngunit kahit sa mahirap na panahon, maaari pa rin tayong makahanap ng dahilan upang magpasalamat. Maaari tayong magpasalamat sa mga taong nagmamahal at patuloy na sumusuporta sa atin, sa mga aral na natututuhan natin, at higit sa lahat ay sa ating Ama. Ang patuloy na panalangin ay tumutulong din upang manatili tayong malapit sa Diyos at maging matibay ang pananampalataya.

📖VERSE OF THE DAYSEPTEMBER 24, 2026MATEO 6:33“Ngunit higit sa lahat ay pagsikapan ninyong pagharian kayo ng Diyos at mam...
24/09/2026

đź“–VERSE OF THE DAY
SEPTEMBER 24, 2026

MATEO 6:33

“Ngunit higit sa lahat ay pagsikapan ninyong pagharian kayo ng Diyos at mamuhay ayon sa kanyang kalooban, at ipagkakaloob Niya sa inyo ang lahat ng kailangan ninyo.”

•••
Maraming bagay ang maaaring maging sentro ng ating buhay at maging ating prayoridad. Katulad ng pera, grado, trabaho, relasyon, pangarap, social media, o opinyon ng ibang tao. Kapag masyado nating pinagtuunan ang mga bagay na ito, maaari nating makalimutan ang Diyos. Kaya’t Ipinapaalala ng talatang ito na dapat nating unahin ang Diyos at ang Kaniyang kalooban. Hindi ibig sabihin na hindi na mahalaga ang ating mga pangarap. Sa halip, inilalagay natin ang ating mga pangarap sa ilalim ng gabay ng Diyos. Kapag ang Diyos ang unang bahagi ng ating buhay, mas natututo tayong magdesisyon batay hindi lamang sa kung ano ang gusto natin kundi sa kung ano ang tama at mabuti. Hayaan mong ang Panginoon ang maging sentro ng iyong buhay.

📖VERSE OF THE DAYSEPTEMBER 22, 2026DEUTERONOMIO 31:6"Kayo’y magpakalakas at magpakatapang, huwag kayong matakot, ni mang...
22/09/2026

đź“–VERSE OF THE DAY
SEPTEMBER 22, 2026

DEUTERONOMIO 31:6

"Kayo’y magpakalakas at magpakatapang, huwag kayong matakot, ni mangilabot sa kanila; sapagkat ang Panginoon mong Diyos ay siyang yumayao kasama mo; hindi ka niya iiwan ni pababayaan ka Niya."

•••
Ipinapaalala sa atin ng talatang ito na kasama natin palagi ang ating Panginoon, hindi siya umaalis sa ating tabi. Kaya’t hindi tayo dapat matakot sa kahit na ano, lalo na sa mga pagsubok na ating kinakaharap dahil nariyan Siya palagi upang tayo ay gabayan at ingatan. Hindi tayo nag-iisa, kahit sa gitna ng lungkot at kadiliman ay palagi natin Siyang basta may sapat lang pananalig o pananampalataya na hindi ka Niya iiwan ay mararamdaman mo Siya. May mga taong darating sa ating na sa huli ay iiwan din tayong mag-isa, kagaya na lamang ng: kaibigan, kapamilya, of kasintahan ngunit ang Diyos ay hindi magbabago. Kaya’t kung pakiramdam mo ay iniwan ka ng lahat, palagi mo lamang alalahanin na mayroong Siya na laging nakatayo sa iyong tabi, at hindi ka Niya bibitawan kailanman.

đź“–VERSE OF THE DAYSEPTEMBER 21, 2026JUAN 15:7"Kung nananatili kayo sa Akin at nananatili sa inyo ang Aking mga salita, hi...
21/09/2026

đź“–VERSE OF THE DAY
SEPTEMBER 21, 2026

JUAN 15:7

"Kung nananatili kayo sa Akin at nananatili sa inyo ang Aking mga salita, hingin ninyo ang anumang nais ninyo at ibibigay Ko iyon sa inyo."

•••
Ipinapaalala sa atin ng talatang ito na mahalaga ang pagiging malapit natin sa Diyos. Kapag lagi tayong nananalangin, nakikinig sa Kaniyang salita, at sinusubukan nating sundin ang tama, mas nagiging matatag ang tiwala natin sa Kaniya. Hindi ibig sabihin na lahat ng hihilingin natin ay agad-agad nating makukuha. Minsan, iba ang sagot ng Diyos sa inaasahan natin, at may mga bagay na kailangan nating hintayin. May mga panahon din na marami tayong iniisip tungkol sa pag-aaral, pamilya, kaibigan, o sa hinaharap natin. Minsan gusto natin magkaroon agad ng sagot sa lahat, pero hindi naman natin kailangang malaman ang buong plano. Ang mahalaga ay patuloy tayong kumapit at magtiwala sa Diyos. Kahit hindi natin nakikita kung saan tayo dadalhin ng mga nangyayari, pwede tayong maniwala na may dahilan ang bawat bagay.

STA. LUCIA CHAPEL | BRGY. PESAPHOTO HIGHLIGHTS | SEPTEMBER 20, 2026Matinding alab ng pananampalataya sa Panginoon at pat...
20/09/2026

STA. LUCIA CHAPEL | BRGY. PESA
PHOTO HIGHLIGHTS | SEPTEMBER 20, 2026

Matinding alab ng pananampalataya sa Panginoon at patuloy na debosyon kay Sta. Lucia ang nangibabaw ngayong linggo. Bawat isa ay nanalig, nakinig sa salita ng Diyos, at nanalangin. Ang misa ay pinangunahan ni Bro. Jimmy Mangobo na nagpaalala na ang bawat bagay na mayroon ka ngayon at biyaya sa iyo ng Panginoon, hindi mo kailangan na maiinggit sa iba, ang kailangan mo ay makuntento sa kung ano ang mayroon ka. Huwag kang tumingin sa kung ano ang wala ka na meron ang iba, ang pagtuunan mo ng pansin kung gaano ka pinupuno ng Diyos ng biyaya.

"Sapagkat saan man naghahari ang inggit at makasariling hangarin, naghahari rin doon ang kaguluhan at lahat ng uri ng masamang gawa."
—SANTIAGO 3:16

🧠minisTHINK💡TRIVIA OF THE WEEKALAM MO BA KUNG ILANG GABI I MADALING ARAW ANG SIMBANG GABI?Ang Simbang Gabi ay isang kila...
20/09/2026

🧠minisTHINK
đź’ˇTRIVIA OF THE WEEK

ALAM MO BA KUNG ILANG GABI I MADALING ARAW ANG SIMBANG GABI?

Ang Simbang Gabi ay isang kilalang tradisyong Katoliko sa Pilipinas na isinasagawa bilang paghahanda sa Pasko. Ngunit kilala rin ito bilang Misa de Gallo, isang Espanyol na katawagan na karaniwang iniuugnay sa “Rooster's Mass” o Misa ng Tandang. Ito ay serye ng siyam na Misa na karaniwang ipinagdiriwang mula Disyembre 16 hanggang Disyembre 24. Ang siyam na gabi o madaling araw ay isang nobena, isang serye ng panalangin o debosyon na isinasagawa sa loob ng siyam na araw. Para sa maraming deboto, ito ay paraan ng paghahanda ng puso at espiritu para sa Pasko. Ang pangunahinh layunin nito ay patungkol sa panalangin, paghahanda para sa Pasko, pagpapatibay ng pananampalataya, pasasalamat sa Diyos, paghingi ng biyaya, at pagmumuni-muni sa kapanganakan ni Hesus.

đź“–VERSE OF THE DAY SEPTEMBER 20, 2026 MIKAS 6:8"Ipinakita na sa iyo, tao, kung ano ang mabuti at kung ano ang hinihingi n...
20/09/2026

đź“–VERSE OF THE DAY
SEPTEMBER 20, 2026

MIKAS 6:8

"Ipinakita na sa iyo, tao, kung ano ang mabuti at kung ano ang hinihingi ng Panginoon sa iyo. Ito ay ang gumawa ng makatarungan, mahalin ang kagandahang loob, at lumakad nang may pagpapakumbaba kasama ng iyong Diyos."

•••
Hindi kumplikado ang nais ng Diyos. Hindi Niya hinihingi ang perpektong buhay o malaking sakripisyo para mapalugdan Siya. Tatlong bagay lang: gumawa ng tama kahit walang nakatingin, maging mabuti at maawain sa iba lalo na sa mahihina, at lumakad nang mapagkumbaba, hindi mayabang, hindi nagmamalaki na mas marunong ka sa Kanya. Sa araw araw, madali tayong magalit, magmaramot, at magmatigas. Pero ang tunay na lakas ay sa pagkapit sa katarungan kahit ikaw ang matatalo, sa pagtulong kahit walang kapalit, at sa pagkilala na kailangan mo Siya sa bawat hakbang. Huwag mong hanapin ang malalaking palatandaan ngayon. Hanapin mo ang Diyos sa simpleng paggawa ng tama. Kapag ginawa mo ito, mapayapa ang puso mo dahil alam mong nasa tamang landas ka kasama Siya.

📖VERSE OF THE DAYSEPTEMBER 19, 2026JUAN 13:34–35“Isang bagong utos ang ibinibigay ko sa inyo: magmahalan kayo sa isa't i...
19/09/2026

đź“–VERSE OF THE DAY
SEPTEMBER 19, 2026

JUAN 13:34–35

“Isang bagong utos ang ibinibigay ko sa inyo: magmahalan kayo sa isa't isa. Kung paano ko kayo minahal, gayon din naman ang pagmamahalan ninyo.”

•••
Isa sa pinakamahalagang turo ni Jesus ay ang pagmamahal sa kapwa. Ngunit hindi lamang sa simpleng pagmamahalan na mababaw lamang, ibig sabihin, ang pagmamahal ng isang Kristiyano ay dapat may sakripisyo, kabaitan, pasensya, at malasakit. Ipinapaalala sa atin ng talatang ito na kaaway man o kabati, kakampi man o kalaban, dapat natin silang ibigin. Maraming paraan upang maipakita at maibahagi natin ang pagmamahal na binigay rin sa atin ng ating Panginoon, kahit sa mga maliliit na bagay lamang katulad ng paggalang, pag-unawa, pakikinig, at pagtulong. Ang isa sa mga pinakamagandang paraan upang maipakita ang ating pananampalataya ay ang magmahal tulad ng pagmamahal ni Jesus.

đź“–VERSE OF THE DAYSEPTEMBER 17, 20261 PEDRO 5:7"Ipagkatiwala ninyo sa Kanya ang inyong lahat na alalahanin, sapagkat Siya...
17/09/2026

đź“–VERSE OF THE DAY
SEPTEMBER 17, 2026

1 PEDRO 5:7

"Ipagkatiwala ninyo sa Kanya ang inyong lahat na alalahanin, sapagkat Siya ay nagmamalasakit sa inyo."

•••
Sa ating buhay, madalas tayong magpasan ng mabibigat na alalahanin. Tungkol sa pag-aaral, pamilya, kinabukasan, o mga pagsubok na tila walang katapusan. Sinusubukan nating harapin ang lahat nang mag-isa, at sa paggawa nito, unti-unting nawawalan tayo ng kapayapaan at pag-asa. Ngunit sa talatang ito, binibigyan tayo ng napakagandang paalala na hindi natin kailangang pasanin ang lahat ng ito nang nag-iisa. Ang salitang "ipagkatiwala" ay nangangahulugang buong-loob na pagbibigay, parang paghahagis ng mabigat na pasan sa mas malakas na balikat. Ipinapangako ng Diyos na Siya ay tunay na nagmamalasakit sa iyo, hindi bilang isang malayong nilalang, kundi bilang isang mapagmahal na Ama na nakakaalam sa bawat hirap at luha mo. Hindi Niya kinalilimutan ang iyong mga pangangailangan, at hindi Niya ipagkakait ang tulong na kailangan mo. Ang Kanyang pagmamahal ay mas malalim kaysa sa anumang problema, at ang Kanyang lakas ay sapat upang buhatin ang bigat na hindi mo kayang tiisin. Kaya huwag kang matakot na ibigay sa Kanya ang lahat ng iyong pag-aalala dahil kapag ginawa mo ito, makahahanap ka ng kapahingahan, dahil alam mong may Diyos na nag-iingat, nagmamahal, at nag-aalaga sa iyo nang buong-buo.

Address

Brgy. Pesa Bongabon Nueva Ecija
Bongabon

Website

Alerts

Be the first to know and let us send you an email when Sta. Lucia Chapel posts news and promotions. Your email address will not be used for any other purpose, and you can unsubscribe at any time.

Shortcuts

Share

Category