25/08/2026
CHURCH SERVICE || 08•25•2026
PREACHING TITLE: THE WAY THAT SEEMS RIGHT
TEXT: PROVERBS 14:12
Minsan, may mga desisyon sa buhay na mukhang tama, mabuti, at practical sa ating paningin. Madalas pa nga, inilalaban natin ito at sinasabi, "Ginagawa ko naman 'to para sa Panginoon." Pero paano kung ang mismong daan na tinatahak natin ay malayo na pala sa tunay Niyang kalooban?
Sa Mga Awit 7:3, ipinapaalala sa atin na madaling magmalinis at magtiwala sa sarili nating katuwiran. Tulad ng mga Israelita sa 1 Samuel 8:9 at 8:15, ipinilit nila ang sarili nilang kagustuhan na magkaroon ng haring katulad ng sa ibang bansa. Ibinigay ng Diyos ang hiling nila, ngunit kalakip nito ang mabigat na kapalit at kapahamakan.
Hindi sapat ang magandang layunin kung ang paraan natin ay patungo sa pagsuway. Dahil sa huli, obedience is better than sacrifice.
Marami ang nagtangkang sumubok sa sariling daan:
• Si Achan na nagpadala sa sariling pagnanasa.
• Si Haring Saul na nag-alay nga, ngunit lumabag naman sa utos ng Diyos.
• Ang Prodigal Son na humahanap ng sariling kalayaan ngunit nahantong sa kawalan.
• Si Jonas na tumakbo palayo sa utos ng Panginoon.
At madalas, tayo rin. Pinapalitan natin ang tunay na pagsunod ng mga sarili nating dahilan at gawa-gawang paglilingkod. Kapag pinilit natin ang daang hindi mula sa Diyos, hindi ito maghahatid sa tagumpay kundi sa tiyak na pagkasira.
Maging matalino sa pagpili. Huwag mong ipagpalit ang payak na pagsunod sa Panginoon para lang sa sarili mong desisiyon na akala mo tama.
![CHURCH SERVICE || 08•16•2026"GAGAWIN NG DIYOS SA TAMANG PANAHON"- Isaiah 60:22Isaiah 60:22[22]A little one shall become ...](https://img3.prayers1.com/434/736/122230981004347365.jpg)
