https://www.facebook.com/101223709343640/

Saint Mark the Evangelist Gimong -Palansa, Palansa, Bila, Bokod (2026)

16/08/2026

MAIKA-20 A DOMINGO ITI KADAWYAN A PANAWEN (Tawen A)
MAIKA-16 TI AGOSTO TI 2026

UMUNA A MAIBASA
Isaias 56 : 1, 6-7

Kuna ti Apo kadagiti tattaona, “Isalakankayo iti mabiit. Aramidenyo ngarud ti nalinteg ken naimbag. Kadagiti ganganaet a maibilang a kamkameng dagiti tattaona, isuda nga agayat ken agserbi kenkuna, isuda a mangngilin iti Aldaw ti Panaginana ken mangsalimetmet a sipupudno iti nakitulaganna, ipankayto idiay Sion a nasantoan a bantayko. Paragsakenkayto iti balayko a pagkararagan ket awatekto dagiti daton nga idayagyo iti altarko. Managanto ti Templok iti balay a pagkararagan nga agpaay kadagiti tattao iti amin a nasion.”

Ti Sao ti Apo

SALMO RESPONSORIO
Salmo 67 : 1-2, 4, 5-7

SUNGBAT : O Dios, daydayawendaka koma dagiti amin a tattao

Kaasiannakami, Oh Dios, ket bendisionannakami
Talliawennakami kadi a sikakaasi
Tapno maammoan ti sangalubongan ti panagayatam
Ken ti bilegmo a mangisalakan. (sungbat)

Agragsak koma digiti nasion ket agkantada a sirarag-o
Ta awan idumduman iti panangukommo
Ken idaldalanmo dagiti amin a tattao ditoy lubong. (sungbat)

Oh Dios, dayawendaka koma dagiti tattao.
Wen, daydayawendaka koma dagiti amin a tattao!
Binendisionannatayo ti Dios
Itan-ok koma dagiti tattao iti amin a suli ti lubong. (sungbat)

MAIKADUA A MAIBASA
Roma 11 : 13-15, 29-32

Makisaoak ita kadakayo a Gentil. Yantangay ta apostolak kadagiti Gentil, pagpannakkelko ti trabahok bareng no umapal dagiti kadaraak, ket iti kasta, addanto maisalakan kadakuada. Ta n ti pannakailaksidda ti nakaigapuan ti pannakikappia ti lubong iti Dios, awan sabali a kayarigan ti pannakaawatda no di ti panagungar kadagiti natay!

Ta saan a baliwan ti Dios ti panunotna maipapan iti pilien ken bendisionanna. No maipapan kadakayo a Gentil, nagsukirkayo idi iti Dios; ngem ita, inawatyon ti asi ti Dios agsipud ti nagsukir kadagiti Judio. Iti kasta, iti agdama, agsukir dagiti Judio tapno awatenda met ti kaasi a kas iti inawattayo. Ta pinagbalin ti Dios dagiti amin a tao a balud ti kinasukir tapno maipaayna ti kaasi kadakuada amin.

Ti Sao ti Apo

EBANGHELIO
Mateo 15 : 21-28

Pimmanaw ni Jesus iti Genasaret ket napan asideg ti Tiro ken Sidon. Napan kenkuana ti maysa a Taga-Canaan ken agnaed iti dayta a disso ket kinunana, “Jesus, Anak ni David, kaasiannak kadi! Linuganan ti demonio ti anakko a babai ket marigatan unay.” Ngem saan a sinungbatan ni Jesus. Immasideg dagiti adalanna ket kinunada, “Patgamon ti dawatna ta di ket agik-ikkis a sumurot kadatayo.” Kinuna ni Jesus, “Naibaonak laeng kadagiti nayaw-awan a tattao ti Israel.” Ngem nagparintumeng ti babai iti sango ni Jesus ket kinunana, “Tulongannak kadi, Apo!” “Saan a rumbeng nga alaen ti k***n dagiti ubbing sa ipurruak kadagiti a*o,” kinuna ni Jesus, “Agpayso ta kunam, Apo,” insungbat ti babai, “ngem uray dagiti a*o k***nda dagiti maregreg iti lamisaan ti apoda.” Iti kasta, kinuna ni Jesus kenkuana, “Babai, dakkel ti pamatim! Maited kenka ti dawatmo.” Ket iti dayta met la nga oras, immimbag ti anakna.

Ti Ebanghelio ti Apo

KARARAG DAGITI MAMMATI

Managayat nga Ama, adu dagiti pagkurangan ken kasapulanmi its daytoy a biag ket kasapulanmi ti naan-anay a tulong ken kaasim Adtoykam Ira a sipapakumbaba nga agunnoy kenka ket idatagmi dagih kasapulanm, Iti tunggal panggep, kunatayo:

Ama a nadungngo, kaasiannakam kadi.

Idawdawatanmi dagiti mangidadaulo ti simbaan. Kas iti nainsiriban panangagas ni Apo Jesus, ipaaymo kadi ti pumada a kinasint kadakuada tapno ad-adu pay a kararua ti maagasan babaen panangiwaragawag ken panagibiagda ti nasantoan nga ebanghello Dawatenmi kenka.

Ikararaganmi met dagiti amin nga agserserbi iii gobierno. Kas iti napudno ken naasi a panagserbi ni Apo Jesus a Cristo kadagiti tattao, tuladenda koma dagitoy a galad ti panagserbi tapno rumang-ay ti panagbiagmi. Dawatenmi Kenka.

Para kadagiti masaksakit. Ipaaymo kadi, 0 Dios. a babaen ti nalag-an nga ima ni Apo Jesus a maipatay kadakuada, umimbagda a daras babaen ti panangbuyogda iti kararag ken nabiag a pammati kenkuana. Dawatenmi kenka.

Pam kadakami amin nga adda ditoy ita, tapno maadalmi nga ipateg ti biagmi a kas Cristiano ken Catolico, dumegdeg ti panagayat ken panagbutengmi iti Dios, ken agtalinaedkami iti pammati a nabangonanmi. Dawatenmi kenka.

Inkari ti anakmo ti biag nga agnanaytn ken ni Dimas. Idawdawatanmi met dagiti amin a minataymi ta makapudnoda metten kadagiti nagkurkuranganda ditoy daga, ket ipaaymo Ama ti ragsak nga itden ti nadayag a sidongmo. Dawatenmi kenka.

Dagitoy Ama ti dawat dagiti tattaom. Patibkerem koma ti pammatimi a kas iti babai a taga-Canaan ket iburaymo dagiti parabur a kasapulanmi, agingga a magunod-mi ti ragsak ti pagarian nga awan Ii inggana Gapu ken Apo Jesus a Cristo, dawatenmi dagitoy Amen

10/08/2026

𝐴𝑢𝑔𝑢𝑠𝑡 9, 2026 | 𝑉𝑖𝑠𝑖𝑡𝑎𝑡𝑖𝑜𝑛 𝑜𝑓 𝑡ℎ𝑒 𝑆𝑖𝑐𝑘

“Amidst the pouring rain and the storms along the way, love finds its path. The visit to the sick becomes a gentle reminder that God’s mercy shines brighter than the darkest clouds, bringing comfort, hope, and healing to every weary heart.”

@𝐸𝑛𝑔𝑔𝑜 𝐸𝑠𝑝𝑎𝑟𝑎 𝑎𝑡 𝑆𝑎𝑗𝑎𝑡𝑎𝑛, 𝑃𝑎𝑙𝑎𝑛𝑠𝑎, 𝐵𝑖𝑙𝑎, 𝐵𝑜𝑘𝑜𝑑, 𝐵𝑒𝑛𝑔𝑢𝑒𝑡

10/08/2026

MAIKA-19 A DOMINGO ITI KADAWYAN A PANAWEN (Tawen A)
MAIKA-09 TI AGOSTO TI 2023

UMUNA A MAIBASA
1 Ari 19:9, 11-13

Simrek ni Elias iti maysa a kueba (iti Sinai, nasagradoan a bantay) tapno umian. Pagammuan, nagsao kenkuana ti Apo, “Elias, ania ti ar-aramidem ditoy?” Rummuarka ket agtaktakderka iti sangoanak iti tapaw ti bantay,” kinuna ti Apo kenkuana. Limmabas ti Apo ket nangyeg iti napigsa a angin a nangdayyeg kadagiti turod ken nangburburak kadagiti batbato – ngem awan ti Apo iti angin. Nagsardeng ti angin, ket naginggined -- ngem awan ti Apo iti ginggined. Kalpasan ti ginggined, adda apuy – ngem awan ti Apo iti apuy. Ket kalpasan ti apuy, adda bassit a timek. Idi manggeg ni Elias ti timek, inabbongannan ti rupana iti kagayna. Rimmuar ket natakdar iti pagserkan ti rukib.

Ti Sao ti Apo
SALMO RESPONSORIO
Salmo 85 : 8-9, 10-11, 12-13

SUNGBAT : Iparangmo kadi kadakami ti di agbalbaliw nga ayatmo, ket isalakannakami, Oh Apo

Dengdenggek ti sasawen ti Apo a Dios
Ikarina nga ited ti talna kadatayoa tattaona,
No la ket ditay sublian dagiti minamaag nga aramidtayo.
Pudno a sisasagana a mangisalakan
Kadagiti agdaydayaw kenkuana
Ket agtalinaedto ti dayagna iti dagatayo. (sungbat)

Agmaymaysanto sadiay ti ayat ken ti kinapudno
Ket agtiponto ti kinalinteg ken ti kappia
Agpangatonto ti kinapudno ti tao manipud ditoy daga
Ket ti kinalinteg ti Dios, tumannawagto manipud iti langit. (sungbat)

Paraburannatayto ti Apo
Ket umadunto ti apit ti dagatayo
Umun-unanto ti kinalinteg a
A magna iti sangoanan ti Apo
Ket isaganana ti dalan a pagnaaanna. (sungbat)
MAIKADUA A MAIBASA
Roma 9:1-5

Pudno ti sasawek. Taonak ni Cristo ket diak agulbod. Paneknekan ti konsensiak nga iturayan ti Espiritu a diak agul-ulbod. Napalalo ti ladingitko; di maep-ep ti saem ti pusok gapu kadagiti kailiak, isuda a kabagian ken kadaraak! No mabalin la koma, urak siak laengen ti ti ilunod ti Dios ken maisina ken Cristo gapu kadakuada. Israelitada, ket pinagbalin ti Dios ida nga annakna. Inranudna ida iti gloriana Nakitulag kadakuada ti pudno a panagdaydayaw. Inawatda dagiti karina. Kaputotan ida dagiti amma, ket kadaraanda ni Cristo no maipapan iti kinataona. Madaydayaw koma iti agnanayon ti Dios a mangituray iti amin! Amen.

Ti Sao ti Apo
EBANGHELIO
Mateo 14:22-33

Bayat ti panangpagawid ni Jesus kadagiti tattao, pinaluganna dagiti adalan iti bilog ket pinaunana ida a bumallasiw iti dan-aw. Idi napagawidan dagiti tattao, simmang-at nga is-isu iti maysa a turod tapno agkararag. Idi rumabiim, maymaysa ni Jesus sadiay, ket idi dayta met la nga oras, nakaadayon ti bilog iti igid ti dan-aw ket mayallo-allon agsipud ta subsubaen ti angin. Iti parbangon, nagna iti rabaw ti danum a napan iti yand. Nagbuteng dagiti adalan idi makita ni Jesus a magmagna iti rabaw it danum. “Al-alia!” inyikkisda gapu iti butengda. Ngem dagus a kinuna ni Jesus, “Dikay agbuteng! Siak ni Jesus, dikay agdanag.”

“Apo,” kinuna ni Pedro, “no agpayso a sika, ayabannak man dita yanmo a magna iti rabaw ti danum.” “Umayka,” kinuna ni Jesus. Dimsaag ngarud ni Pedro iti bilogket nagna iti danum a mapan ken Jesus. Ngem nagbuteng idi madlawna ti angin, ket idi lumneden, nagikkis, “Apo, isalakannak!” Iniggaman a dagus ni Jesus ti ima ni Pedro ket ginuyodna sana kinuna, “Nagbassit ket ti pammatimon! Apay a nagduaduaka?” Limmuganda a dua iti bilog ket nagtalnan ti angin . Dagiti adda iti bilog dinaydayawda ni Jesus. “Pudno a sika ti Anak ti Dios,” kinunada.

Ti Ebanghelio ti Apo

KARARAG DAGITI MAMMATI

Arnami a nailangitan, kinuna ni Apo Jesus nga Anakmo: “Dikay agbuteng! Siak ni Jesus, dikay agdanag!" Adtoykam iti saklangmo a napnoan iti talek, pammati ken wayawaya a mangiyebkas kadagiti kasapulanmi iti daytoy a biag. Ket kunami:

Apo, isalakannakami.

Adu ti pakariribukan ti binuangaymo nga Igiesiam. Dawatenmi, Apo, ti pannarabaymo kadagiti pinilim a mangidaulo kenkuana nangruna ken ni Santo Papa N., dagiti obispo ken papadi ta agtultuloy koma ti kinaregtada nga agserbi para iti pannakaisaknap ti ebanghelio iti amin a lugar. Kumararagtayo.

Agsagsagaba ti sangalubongan iti nadumaduma a krimen ken pannakaabuso dagiti awanan gaway. idawdawatanrni ti pagilianmi a Piiipinas nangruna ti Presidentemi ken dagiti napili a mangidaulo iti turay ta agkaykaysada a mangitrabaho ti hustisia, panagkaykaysa, kappia ken panagdur-as dagiti umili. Kumararagtayo.

Nasayyasayya dagiti pinilim a tattaom gapu ti panagimbubukod ken kinaagum a nangparnuay iti kinakurapay ti kagimongan. Agtaengka, Apo, kadagiti pusomi tapno agtitinnulong ken agsisinnaranaykami nangruna kadagiti kakabsatmi a masaksakit, agsagsagaba ken nakurapay. Kumararagtayo.

Ni Apo Jesus ti dalan, ti pudno ken ti biag. Ikammatalekmi dagiti minataymi ta sika met Iaeng ti pagsubIlanda ket makiranudcfan iti nagloriaan a pagariam nga insagana ni Apo Jesus babaen ti ipapatay ken panagungarna. Kumararagtayo.

Nagduduma dagiti panggep a kayatmi a dawaten. Iti panagulimekmi itag-aymi dagiti kararagmi kenka nga Amami. (Ulimek) Kumararagtayo.

Dagitoy, Ama, dagiti kararagmi nga annakrno ket sitatalekkami iti asi ken ayatmo a patgam ida agraman dagiti saanmi a naiyebkas nga adda iti kaunggan iti pusomi ket dawatenmi amin dagitoy gapu met laeng ken Cristo nga Apornl. Amen.

08/08/2026

𝐴𝑢𝑔𝑢𝑠𝑡 8, 2026 | 𝐴𝑙𝑎𝑏𝑎𝑛𝑔, 𝑀𝑢𝑛𝑡𝑖𝑛𝑙𝑢𝑝𝑎 𝐶𝑖𝑡𝑦

John 15:16
You have not chosen me, but I have chosen you. And I have appointed you, so that you may go forth and bear fruit, and so that your fruit may last. Then whatever you have asked of the Father in my name, he shall give to you.

“Once a priest, always a priest — forever marked by the grace of God and the mission to bring His love to His people.”

06/08/2026

𝐴𝑢𝑔𝑢𝑠𝑡 06, 2026 | 𝐴𝐷𝑈𝐿𝑇 𝐵𝐴𝑃𝑇𝐼𝑆𝑀

"Beneath the curtain of a pouring sky, 𝑎 𝑚𝑎𝑛 stepped forward in faith, embracing not only the waters of baptism but also the rain that seemed to fall from heaven itself. Every raindrop became a gentle reminder of God's abundant grace, washing away the old and welcoming a new life in Christ.
Though the storm was fierce, it could not overshadow the joy of this sacred moment. Instead, it transformed the celebration into a beautiful symbol that no wind, no rain, and no trial can stand in the way of a heart that answers God's call. On this blessed day, heaven and earth seemed to meet, and amid the rain, a soul was reborn in faith, hope, and love."

🙏𝑊𝐸𝐿𝐶𝑂𝑀𝐸 𝑇𝑂 𝐶𝐴𝑇𝐻𝑂𝐿𝐼𝐶 𝐹𝐴𝐼𝑇𝐻 - 𝐸𝑁𝐺𝑂 𝐷. 𝐸𝑆𝑃𝐴𝑅𝐴 , 72 𝑌𝑅𝑆 𝑂𝐿𝐷 𝑂𝑓 𝑆𝑎𝑗𝑎𝑡𝑎𝑛, 𝑃𝑎𝑙𝑎𝑛𝑠𝑎, 𝐵𝑖𝑙𝑎, 𝐵𝑜𝑘𝑜𝑑, 𝐵𝑒𝑛𝑔𝑢𝑒𝑡

02/08/2026

MAIKA-18 A DOMINGO ITI KADAWYAN A PANAWEN
MAIKA-02 TI AGOSTO TI 2023

UMUNA A MAIBASA
Isaias 55:1-3

Kuna ti Apo, “Umaykayo, dakayo amin a mawaw – adtoy ti danum! Umaykayo, dakayo nga awan kuartana – gumatangkayo ti taraon ken mangankayo! Umaykayo gumatang iti arak ken gatas – awan ti masapul a bayadanyo. Apay nga aggastoskayo iti saan a makan? Apay gastosen ti sueldoyo, ket kaskasdi a mabisinkayo? Denggendak ket aramatenyo ti ibagak, ket umaykayo kaniak; umaykayo kaniak ket maaddankayto iti biag. Makitulagak kadakayo iti agnanayon a tulag, ket itedkonto kadakayo dagiti bendision nga inkarik kenni David.”

Ti Sao ti Apo

SALMO RESPONSORIO
Salmo 145:8-9, 15-16, 17-18

SUNGBAT : Sibubuslon a mangted ti Apo kadatayo, ket pennekenna ti tunggal maysa

Managparabur ken manangaassi ti Apo
Saan a nalaka nga agpungtot
Ket di met maibus ti kinamanagayatna
Naimbag ti Apo kadagiti amin a tao
Ket nadungngo kadagiti amin a pinarsuana. (sungbat)

Mangnamnama kenka ti amin a parsua
Ket ikkam ida ti k***n no masapulda
Sibubuslon a mangtedka kadakuada
Ket pennekem ti tunggal maysa. (sungbat)

Nalintag ti Apo iti amin a dalanna
Ken naasi iti amin nga aramidna
Asideg ti Apo kadagiti amin nga umawag kenkuana
Wen, kadagiti sipupudno
Nga agdawat iti tulongna. (sungbat)

MAIKADUA A MAIBASA
Roma 8:35, 37-39

Ania ngarud ti makabalin a mangisina kadatayo iti ayat ni Cristo? Ti riribuk? Ti rigat? Ti pannakaidadanes? Ti bisin? Ti kinapanglaw? Ti peggad wenno ti patay?

Saan! Uray adda dagitoy, agballigitayo nga agballigi gapukenkuana a nagayat kadatayo! Ti siguradoak nga awan ti makaisina kadatayo iti ayatna: Ti patay man wenno ti biag; dagiti angheles man wenno dagiti sabali a nailangitan nga agturay wenno pannakabalin; ti agdama man wenno ti masakbayan; uray ti lubong nga addaiti ngato wenno ti lubong nga adda ditoy baba – awan a pulos kadagiti naparsua ti makaisina kadatayo iti ayat ti Dios a kukuatayo gapu ken Cristo Jesus nga Apotayo.

Ti Sao ti Apo

EBANGHELIO
Mateo 14:13-21

Idi naamoan ni Jesus maipapan iti ipapatay ni Juan a Mammuniag, nagbilog a napan nagpakni na is-isuna iti maysa a lugar nga awan matagtagitao. Ngem idi nadamag dagiti tattao ti ipapanawna,m pinanawda dagiti il-ilida ken nagnada a simmurot kenkuana. Dimsaag ni Jesus iti bilog. Idi makitana dagiti adu a tattao, naasian kadakuada ken inagasanna dagiti masakitda.

Idi mumalemen, napan dagiti adalanna ket kinunada, “Sumipngeten ket awan matagtagitao ditoy. Pagawidemon dagiti tattao a mapan kadagiti barbario tapno gumatangda iti k***nda.” “Saan a masapul a pumanawda,” kinuna ni Jesus kadakuada. “Dakayo ketdi ti mangted iti k***nda.” “Limlima a tinapay ti adda ken dua nga ikan,” kinunada. “Yegyo ida ditoy,” kinuna ni Jesus. Pinagtugawna dagiti tattao iti karuotan. Innalana dagiti tinapay ken ikan, timmangad sadi langit, sa nagyaman iti Dios. Pinispisna dagiti tinapay ket itedna kadagiti adalan tapno ibunongda kadagiti tattao. Nanganda amin ket nabsogda. Aglimaribu a lallaki ti nangan, malaksid dagiti baggai ken ubbing. Adda sangapulo ket dua a bastek a napno kadagiti natda nga inurnong dagiti adalan.

Ti Ebanghelio ti Apo

KARARAG DAGITI MAMMATI

Apo Jesus, manangngaasika kadagiti agkasapulan ket pinakanmo dagiti mabisin. Adtoykam nga agdawat ti pannarabaymo iti kasta kalak-amanmi ti nadiosan a tulongmo ken grasiam ket magun-odmi dagti un-unnoymi iti tunggal kararag kunatayo:

Apo, ipangagmo kad ti kararagmi.

Para iti Iglesia Katolika, ni Santo Papa N., dagiti obispo papadi ken dagiti mangiwarwaragawag ti Naimbag a Damag. Babaen ti pannulong ti Dios Espiritu' Santo sigagagar ken situturedda koma a mangftuloy ti nakaayabanda a mision nangruna ti panangtulongda kadagiti napanglaw. Dawatenmi kenka Apo.

Para iti gobiemotayo ditoy Pilipinas, dagiti agtakem iti turay. Babaen ti naited a turay kadakuada, aramidenda koma ti annongda a mangkita ti pagimbagan dagiti amin a tattao saan ket a kabukbukodanda laeng a panggep. Dawatenmi kenka Apo

Para kadagiti masaksakit, mabisbisinan, dagiti agkasapulan iti tulong. Dida koma maawanan ti namnama biag no di ket mariknada ti ayat ti Dios kadakuada babaen dagiti karkararagda. Dawatenmi kenka Apo.

Para kadatayo amin a nagtitipon ditoy ita. Agtultuloy koma dagiti naimbag nga aramidtayo ket sidadaantayo a tumulong kadagiti kakbsattayo nga awanan gaway. Dawatenmi kenka Apo.

Para kadagiti minataytayo. Awaten koma idan ti Dios iti nailangitan af pagarianna iti timpuyog dagiti anghel ken sansanto. Dawatenmi kenka Apo.

Ammom Apo a sika laeng ti pagkamanganmi kadagiti amin nga ararawmi. Patgam ngarud dagitoy a dawdawatml tapno agbalinkami a napudno nga adalam a sipapasnek a tumulong kadagiti kakabsatmi. Dawatenmi dagitoy ita naganmo sika nga Apomi iti agnanayon. Amen.

02/08/2026

MAIKA-17 A SABADO ITI KADAWYAN A PANAWEN
MAIKA-01 TI AGOSTO TI 2026

UMUNA A MAIBASA
Jeremias 26:11-16, 24

Kinuna dagiti papadi ken dagiti profeta kadagiti pangulo ken kadagiti tattao, "Rumbeng a mapapatay daytoy a tao agsipud ta nagsao iti maibusor iti siudadtayo. Mismo a dakayo ti nakangngeg iti imbagana." Kinuna ni Jeremias kadagiti pangulo ken kadagiti tattao, "Imbaonnak ti Apo a mangibaga kadagiti amin a nangngegyo a maibusor iti daytoy a templo ken iti daytoy a siudad. Balbaliwanyo ti panagbiagyo ken dagiti aramidyo. Tungpalenyo dagiti sao ti Apo a Diosyo. Iti kasta, dinanto ituloy ti pariggepna a mang-dadael kadakayo. No siak a maysa, addaak iti pannakabalinyo! Aramidenyo kaniak ti ammoyo a nasayaat. Ngem tandaananyo daytoy, dakayo ken dagiti tattao iti daytoy a siudad: no patayendak makaba*olkayo iti panangpapatayyo iti tao nga awan ba*olna agsipud ta ti Apo ti nangibaon kaniak a mangibaga kadakayo kadagitoy."

Kinuna dagiti pangulo ken dagiti tattao kadagiti papadi ken kadagiti profeta, "Saan koma a maikeddeng a matay daytoy a tao agsipud ta nagsao kadatayo iti nagan ti Apo a Diostayo," insakit ni Ahikam nga anak ni Safan ni Jeremias. Gapu iti daytoy, saan a nayawat ni Jeremias kadagiti umili a mangpapatay kenkuana.

Ti Sao ti Apo

SALMO RESPONSORIO
Salmo 69:14-15, 29-30, 32-33

SUNGBAT : Gapu iti ayatmo a naindaklan sumungbatka, O Dios.

Isalakannak iti daytoy a lobo;
Dimo ipalubos a lumnedak,
Salaknibannak kadagiti kabusorko;
Iti adalem a danum, alawennak.
Dimo kadi ipalubos a malayusak;
Simo itulok nga alun-onennak ti yuyeng,
Simo itulok a lumnedak iti tanem. (sungbat)

Ngem nakakaasiak ket matutuokak;
Arayatennak, O Dios, ket isalakannak!
Agkantaakto nga agdaydayaw iti Dios,
Ipakaammokto ti kinatan-okna
Babaen ti panagyamanko kenkuana. (sungbat)

No makita daytoy dagiti maidadanes,
Agragsakda; dagiti agdaydayaw iti Dios, maparegtada.
Ta dagiti nakurapay ipangagna ida,
Ket laglagipenna dagiti naibalud a tattaona. (sungbat)

EBANGHELIO
Mateo 14:1-12

Idi daydi a tiempo, nadamag ni Herodes nga agturay iti Galilea ti maipapaii ken ni Jesus. "Pudno nga isu daytoy ni Juan a Mammuniag a napagungar," kinunana kadagiti adipenna. "Isut gapuna nga adda kenkuana dagitoy a pannakabalin."

Pinatiliw ngamin ni Herodes ni Juan sana pinareppet ken pinaibalud. Inaramidna daytoy gapu ken ni Herodias nga asawa ni Felipe a kabsatna. Kinunkuna ngamin idi ni Juan a Mammuniag ken ni Herodes, "Saan a rumbeng nga ikabbalaymo ni Herodias nga asawa ni kabsatmo." Kayat idi ni Herodes a papapatay ni Juan, ngem nagbuteng kadagiti Judio agsipud ta imbi-langna ni Juan a maysa a profeta.

Idi agkasangay ni Herodes, nagsala ti balasang nga anak ni Herodias iti sango dagiti sangaili. Naay-ayo ni Herodes ket inkarina kenkuana, "Isapatak nga ited kenka ti aniaman a dawatern," Kas insingasing ni inana, kinuna ti balasang, "Itedmo kaniak ditoy ti naibandehado nga ulo ni Juan a Mammuniag." Nagliday ti ari, ngem gapu iti panagkarina iti imatang dagiti sangailina, imbilinna a matungpal ti dawat ti balasang. Pinaputolanna ni Juan idiay pagbaludan. Nayeg ti ulo a naiban-dehado ket naited iti balasang a nangited met ken ni inana, Napan innala dagiti adalan ni Juan ti bangkayna ket intanemda sada napan impadamag ken ni Jesus.

Ti Ebanghelio ti Apo

26/07/2026

DOMINGO ITI MAIKA-17 A LAWAS TI TAWEN (Tawen A)
MAIKA-26 TI HULIO TI 2026

UMUNA A MAIBASA
Ar-ari 3:5, 7-12

Nagparang ti Apo ken Solomon iti maysa a tagtagainep ket sinaludsodna, “Ania ti kayatmo nga itedko kenka?” Simmungbat ni Solomon : “Oh Apo a Dios, insaadnak nga ari a kas sukat ni amak uray no ubingak ket awan pay ammok maipapan iti panagturay. Addaak iti sidong dagiti tattaom a pinilim. Aduda unay ket saanda mabilang. Ikkannak ngarud iti sirib a kasapulak tapno nalinteg ti panangiturayko kadagiti tattaom ket awan ti maidumduma. Ta no diak ikkan, kasano a kabaelak ti mangituray kadagiti nakaad-adu a tattaom?” Naay-ayo ti Apo daytoy ti dinawat ni Solomon ket kinunana kenkuana, “Agsipud ta kinasirib a mangituray a sililinteg ti dinawatmo a saan ketdi a ti attidog a panagbiag wenno kinabaknang wenno ti biag dagiti kabusormo, itedko ti dinawatmo. Paraburanka iti kinasirib ket pannakaawat. Awanen ti nasirsirib ngem sika ket awanto metten ti tumaud a nasirsirib.”

Ti Sao ti Apo

SALMO RESPONSORIO
Salmi 119:57.72, 76-77, 127.128, 129-130

SUNGBAT : Anian a panagayatko iti lintegmo, Oh Apo

Sika laeng, Oh Apo, ti masapulko;
Ikarik a tungpalen dagiti lintegmo .
Napatpateg kaniak dagiti linteg nga intuyangmo.
Ngem ti amin a kinabaknang ditoy lubong.
(sungbat)

Liwliwaennak kadi ti agbalbaliw nga ayatmo
Kas iti inkarim kaniak nga adipenmo
Kaasiannak kadi tapno angbiagak
Gapu ta ti lintegmo ti pagragragsakak.
(sungbat)

Ay-ayatek dagiti bilbilinmo
Ipangpangrunak ngem iti puro a balitok
Iti kasta, sursurotek dagiti pannursurom
Kagurak dagiti amin nga aramid a naulbod.
(sungbat)

Nakaskasdaaw dagiti pannursurom
Ngarud tungpalek uda iti amin a pusok
Ti pannakailawlawag dagiti pannursurom
Mangted iti lawag
Ket pasiribenna ti awan adalna,
(sungbat)

MAIKADUA A MAIBASA
Roma 8:28-30

Ammotayo a kadagiti amin a banag, makipagtrabaho ti Dios iti pagimbagan dagiti agayat kenkuana, kadagiti inayabanna kas mayannurot iti panggepna. Dagiti pinili idin ti Dios, tinudinganna met ida nga agbalin a kas iti Anakna tapno agbalin ti Anak nga inauna kadagiti adu a kakabsat.

Iti kasta, inayaban ti Dios dagiti pinilina. Saanna la nga inayaban ida, no di ket pinagbalinna pay ida a nalinteg. Saanna la a pinagbalin ida a nalinteg, no di ket imbingayanna pay ida iti gloriana.

Ti Sao ti Apo
EBANGHELIO
Mateo 13:44-52

Kinuna ni Jesus kadagiti tattao : “Mayarig ti Pagarian ti langit iti gameng a naikali iti talon. Adda tao a nakasarak iti daytoy, ngem gabutanna met laeng ket iti ragsakna, mapanna ilako amin a sanikuana sa agsubli tapno gatangenna dayta a talon.”

“Mayarig pay ti Pagarian ti Langit it agtagtakilako nga agsapsapul iti napinpintas a perlas. No makasarak iti naidumduma ti pintasna, ilakona amin a sanikuana ket gatangenna ti perlas.”

“Mayarig met ti Pagarian ti Langit iti iket a maiwayat iti dan-aw ket maalana amin a kita ti ikan. No mapnon ti iket, isang-at dagiti mangngalap sada agtugaw a mamaglalasin kasagiti ikan. Ikargada dagiti nasayaat kadagiti tiklis ket ibellengda dagiti dakes. Kastoyto met inton aggibus ti lubong. Rummuarto dagiti angheles ket ilasindanto dagiti dakes a tattao kadagiti naimbag. Isebbadanto dagiti dakes iti gumilgi-ayab nga apuy. Sadiay, agsasangit ken agnangaretngetdanto.”

Sinaludsod ni Jesus kadakuada, “Maawatanyo kadi daytoy?” “Wen,” insungbatda. Iti kasta, kinuna ni Jesus kadakuada, “Ngarud, kayatna a sawen a tunggal maestro ti Linteg nga agbalin nga adalan iti Pagarian ti langit, mayarig iti agatagibalay a mangiruar kadagiti baro ken daan a gameng iti kuarto a pagiduldulinanna.”

Ti Ebanghelio ti Apo
KARARAG DAGITI MAMMATI

Pinnenneknakami, 0 Apo, iti ayatmo babaen ti panangibaonmo ti bugbugtong nga Anakmo. Winayawayaannakami iti kawar ti ba*ol ket inikkannakami ti naan-anay a grasia ken bendisionmo. Ngem gapu ti kinarasi ti panunot, nakem ken pusomi adtoykam a sipapakumbaba a dumawat iti tulongmo ket kunami iti tunggal panggep.

Apo, ipangagmo kad dagiti ararawmi.
Agpaay kadagiti mangidadaulo iti Simbaan, ni Santo Papa N., dagiti obispo ken papadi, kasta met dagiti katulonganda iti pannakaisayangkat ti nacristianoan a pammati tapno sipapasnekda koma a mangiwaragawag ti Naimbag a Darnag iti amin a Lugar. Kumararagtayo iti Apo.

Agpaay kadagiti opisial ti gobiernotayo ken amin nga addaan iti turay tapno sangsangkamaysada koma a mangipatungpal ti taina, kappia, kinalinteg ken rang-ay ditoy pagiliantayo. Kumararagtayo iti Apo.

Agpaay kadagiti agsagsagaba iti nadumaduma a sakit, dagiti maidadanes ken marigrigat gapu iti killo nga aramid ken kinaawan hustisia tapno saanda koma a maupay a dumawat ti pannarabay ken tulong ti Dios. Kumararagtayo iti Apo.

Agpaay kadagiti kakabsattayo a naiyaw-awan gapu iti nadumaduma a pammati ken adu a pakakumikoman ti biag tapno masarakanda koma ti napudpudno a dalan nga agturong iti biag nga agnanayon. Kumararagtayo iti Apo.

Agpaay kadagiti kakabsattayo a napanen iti sabali a biag tapno magun-odda koman ti lawag nga awan patinggana. Kumararagtayo iti Apo. Ama a nailangitan, patgam kad dagifoy nga ararawmi. Tulongannakami nga agbiag a nalinted tapno agtalinaedkami a makaay-ayo iti imatangmo. Daytoy ti dawatenmi gapu met laeng ken Jesus a Cristo nga Anakmo ken Apomi. Amen.

22/07/2026

ISAIAH 53:4
Surely he has borne our infirmities
and carried our diseases

22 July 2026
SPPP Pastoral Visit to the Sick, Elderly, & Grandparents, entrusting them to the prayers of Sts Joachim & Anne

Saint Mark the Evangelist Gimong -Palansa

Saint Mark the Evangelist Gimong -Palansa

16/08/2026

10/08/2026

10/08/2026

08/08/2026

06/08/2026

02/08/2026

02/08/2026

26/07/2026

22/07/2026

Address

Website

Alerts

Shortcuts

Share

Category

Listing takedown request