Amazing Love Baptist Church

Amazing Love Baptist Church OUR PURPOSE STATEMENT: To honor GOD by bringing them to JESUS CHRIST, develop...... and equip them to SERVE...

We are CALLED to share that JESUS SAVES.

12/08/2026

ANG HILOM NGA MAGTATABANG
Read: Matthew 12:15-21

SCRIPTURE: (v. 16) - "ug gidid-an niya sila pagpanugilon mahitungod kaniya."

OBSERVATION:
- tungod sa mga gihimo ni Ginoong Jesus (giayo Niya ang mga masakiton, ang mga giyawaan ug nagtudlo bahin sa gingharian sa Ginoo), nisamot kagrabe ang paglaraw sa Pariseo nga ipapatay Siya
- ug tungod kay nakamatngon man Siya, milikay Siya apan nagpadayon gihapon Siya sa pagtabang ug pag-ayo sa masakiton
- sa matag ayo Niya sa masakiton, Iya silang gidid-an sa pagsugilon mahitungod Kaniya
- nahitabo kini aron matuman ang giingon ni Propeta Isaiah sa 42:1-4 nga Siya ang Piniling Alagad nga puno sa Espiritu nga magdala ug hustisya pero dili pinaagi sa politikang pakipag-away kundi pinaagi sa hilom nga pagtabang ug kaluoy (anonymity)
- wala Siya nilikay kay nahadlok Siya nga masakitan kundi kahibalo Siya sa Iyang misyon (dili makig-away kundi ihatud ang gugma ug kaluoy sa mga nanginahanglan) ug wala pa moabot ang saktong panahon

APPLICATION: Sa atong pagsunod sa Ginoo daghan ang babag, daghan ang mosanta kanato. Unsay atong reaksyon? Makig-away? Makig-debate? Gustong ipamatuod sa ila nga sakto ta ug sila sayop? Makig-kompetensya ta sa ila?
Ang Ginoong Jesus, sa tunga sa mga bahad ug mga dautang laraw sa Iya, nagpadayon sa hilom nga paghimo sa buluhaton nga gisangon sa Iya - ang pagtabang sa mga masakiton, sa mga nahisalaag ug sa mga nanginahanglan ug kaluoy. Ug dili Niya tinguha nga mailhan sa Iyang mga pagtabang ug willing Siya nga mosakripisyo bisan sa tunga sa mga dautang laraw batok Kaniya. Klaro sa Iya ang Iyang misyon. Kita kaha?

PRAY: Among Amahan sa langit, salamat sa kinabuhi ni Ginoong Jesus ug sa example nga Iyang gipakita kanamo. Tangtanga kanamo ang tinguha nga labaw nga mas mailhan, nga mapakpakan sa publiko kundi itago kami aron Ikaw ra gyod ang mapasidunggan sa tanan. Himoa kami nga instrumento lamang aron ang Imong tinguha lamang ang mapasundayag. Salamat sa pagpahinumdum kanamo karon. In Jesus Name... 🙏🙏🙏

KUNG DILI SAYOP - BUHATA! Read: Matthew 12:9-14SCRIPTURE: (v.12) - "Mas dako pag bili ang tawo kay sa karnero! Busa ang ...
11/08/2026

KUNG DILI SAYOP - BUHATA!
Read: Matthew 12:9-14

SCRIPTURE: (v.12) - "Mas dako pag bili ang tawo kay sa karnero! Busa ang atong Balaod nagtugot kanato sa pagtabang kang bisan kinsa sa Adlawng Igpapahulay."

OBSERVATION:
- daghan ang nag-sige ug sunod kang Ginoong Jesus
- apan ang uban nangita lamang ug bikil aron ilang mapasanginlan si Ginoo Jesus nga nagbuhat ug sayop
- ug ilang pirming gigamit ang legalidad sa balaod aron lang mapasinganlan nga sayop ang Ginoong Jesus
- ang balaod gihatag aron sa pagtabang sa mga tawo nga mosunod ug moduol sa Ginoo
- apan gigamit kini sa uban aron maipakita ang daghang sayop sa tawo
- ang Ginoong Jesus dili napugngan sa paghimo sa Iyang buluhaton bisag naay daghang tawo nga nagsigeg pangita ug reason aron lang mapasinganlan nga Siya sayop
- dili mapugngan ang Iyang pagtabang, pagpakita sa gugma ug milagro ngadto sa katawhan

APPLICATION: Bisan sa atong panahon karon, daghang katawhan ang dili nahimuot sa atong pagsunod sa kabubut-on sa Ginoo, sa atong pagpakita ug concerns ngadto sa ubang katawhan. Dili gyod nato mapi-please ang tanan ug naa gyoy pirming nangita ug sayop aron lang gyod mogawas nga sila sakto. Apan sama kang Ginoong Jesus, basta kahibalo ka nga kini dili sayop ug kini ang kabubut-on sa Ginoo busa buhata kana bisag naay dili nahimuot. Ayawg hunong sa paghimog maayo, ayawg hunong sa pagtabang sa mga nanginahanglan

PRAY: Lord, salamat sa Imong Pulong karon sa amo. Tabangi mi nga sa kanunay sa Imo lang namo itutok ang among mga mata ug tagai mig kasingkasing nga sa kanunay naay tinguha nga maghimo sa Imong kabubut-on bisan ug naay daghang BABAG. In Jesus Name! 🙏🙏🙏

SIMPLENG PAGTUO LANGRead: Matthew 11:25-30SCRIPTURE: (v. 25) "...Nagpasalamat ako kanimo kay gipadayag man nimo ngadto s...
08/08/2026

SIMPLENG PAGTUO LANG
Read: Matthew 11:25-30

SCRIPTURE: (v. 25) "...Nagpasalamat ako kanimo kay gipadayag man nimo ngadto sa mga walay kahibalo kining mga butanga nga imong gitago gikan sa mga maalamon ug sa mga makinaadmanon."

OBSERVATION:
- ang mga bata naay simpleng kahibalo ug dili pa kaayo gubot ang hunahuna, nakita ug gidawat nila ang simpleng mga butang
- apan ang grabeng maalamon ug makinaadmanon mangita pa ug lawom ug logical nga pagsabot
- maong niingon ang Ginoong Jesus nga duol ta Kaniya ug ang gipangayo Niya sa ato ay usa ka simpleng pagtuo lang - pagtuo nga sama sa pagtuo ug pagsalig sa usa ka bata
- kay kung nangita pa ta ug lawom ug grabeng logical reason, dili gyod nato priority ang pagduol sa Ginoo ug kung moduol man ta dili nato maangkon ang tinuod nga kapahulayan
- ang simpleng pagtuo makasinati ug tinuod nga kapahulayan kay dili na kinahanglan masabtan ang tanan ug ang kinahanglanon lang ay ang simpleng pagsalig
- lisod sa paghimo sa usa ka butang kung wala kay pagsalig sa nagsugo apan sayon ra kini kung nituo ka ug nisalig sa nagsugo niini
- usa ka simpleng pagtuo ang kinahanglanon aron masinati ang kapahulayan nga giingon ni Ginoong Jesus

APPLICATION: Sa pag-atubang sa matag adlaw nga challenges sa kinabuhi, nakasinati kitag kakapoy, kabug-at. Ug ang nakasamot kay dili kita nakasabot kung ngano - nganong kita man, nganong naingon ani man. Labi na kung sayop ang atong expectation sa kinabuhi ug pagkaila sa Ginoo. Abi nato ang Ginoo ang nagpa-antus nato ug Iya tang gibiyaan. Ug diha mosulod nga mabug-atan na kita ug bisan ang pagduol sa Ginoo bug-at na para nato. Ang kagaan ug kabug-at sa gipapas-an sa Ginoo kanato ay naa ra gyod sa atong pagsabot ug pagkaila Kaniya. Simple lang nga pagtuo ang gipangita sa Ginoo kanato - a child-like faith. Pagtuo nga wala nay daghang "BUT" ug "IF". Ug nianang klaseng pagtuo, masinati nato ang Iyang giingon nga "kapahulayan".

PRAY: Lord, salamat sa Imong Pulong para namo karon. Bag-oha ang among pagtuo Kanimo ug tagai kamig bag-ong pagkahibalo aron masinati namo ang tinuod nga kapahulayan nga Imong gisaad. In Jesus Name 🙏 🙏 🙏

ANG PINAKA-UBOS MAO ANG PINAKA-DAKORead: Matthew 11:7-15SCRIPTURE: (v.11)- "Hinumdomi kini: Wala pay tawo nga milabaw ka...
06/08/2026

ANG PINAKA-UBOS MAO ANG PINAKA-DAKO
Read: Matthew 11:7-15

SCRIPTURE: (v.11)- "Hinumdomi kini: Wala pay tawo nga milabaw kang Juan nga Magbubunyag. Apan bisan kadtong labing ubos sa mga nagpailalom sa paghari sa Dios labaw pa kay kaniya."

OBSERVATION:
- pagkahuman sa pagtubag sa mga pangutana ni Juan, gihimo ni Jesus nga ilustrasyon si Juan sa atubangan sa mga tawo
- ingon Si Jesus nga wala pay tawo nga makalabaw kang Juan apan mas labaw kaniya ang kinsa mang nagpa-ubos sa gingharian sa Ginoo
- usa ka maayong Propeta si Juan, ilado, halangdon ug Siya ang giingon sa mga Propeta kaniadto nga moabot nga una kay sa Manluluwas aron pag-andam sa dalan
- nahimong epektibo ang mga pagwali ni Juan bahin sa paghari ug sa gingharian sa Ginoo ug iya gyod nga nahimo ang pag-andam bisan tungod sa iyang pagwali na-preso siya
- apan ang kaluwasan niabot pinaagi ni Jesus
- ug ang tanang nituo ug nidawat kang Jesus bisan pa siya ang pinaka-ubos sa mga mata sa tawo pero sa gingharian sa Ginoo ay mas labaw pa kay sa kinsa man nga mga halangdon niining kalibotana

APPLICATION: Niining kalibotan, to be great is to be famous. Kinahanglan kang makahimo ug dagko nga butang aron ka mailado. You have to make a great impact sa kinabuhi sa mga tawo aron mailhan ka ug nindot kana. Apan sa gingharian sa Ginoo, simple ra kaayo, you have to be humble before the Lord ug tuohi ang Iyang gibuhat ug ilha Siya sa imong kinabuhi nga imong Ginoo ug Manluluwas ug pinaagi ana, you will be great in His eyes. Ug bisag ubos ra kita sa mga mata sa tawo niining kalibotana apan sa atubangan sa Ginoo mas dako kita kaysa mga giilang halangdon niining kalibotana tungod kang Jesu-Cristo. Busa pasalamatan nato Siya
🙏✌️

PRAY: Lord, salamat sa Imong Pulong, sa mga sumbingay nga naay lawom nga pagtulon-an. Salamat sa langitnong kaalam ug sa kasingkasing nga sa kanunay naay pagpaubos. Tabangi kami nga makahimog dako para sa Imong Pangalan ug sa Imong gingharian. In Jesus Name 🙏

BILILHON PA KAY SA LANGGAMRead: Matthew 10:24-33SCRIPTURE: (v. 31) - "Busa ayaw kamo kahadlok kay labaw pa kaayo kamog b...
02/08/2026

BILILHON PA KAY SA LANGGAM
Read: Matthew 10:24-33

SCRIPTURE: (v. 31) - "Busa ayaw kamo kahadlok kay labaw pa kaayo kamog bili kay sa mga langgam!"

OBSERVATION:
- gisulti ni Jesus ang dangatan sa mga mosunod Kaniya, maong Iyang giingnan ang Iyang mga tinun-an nga kung kining mga pag-antus gibuhat nila sa Iya, mao usab kini ang buhaton nila sa mga magtutuo
- apan giingnan sila ni Jesus nga dili sila angay nga mahadlok ug dili angayng kahadlokan ang mopatay sa lawas kundi dapat ang angayng kahadlokan ay ang Diyos
- kay ang Diyos ay nasayod sa tanan ug bisan gani ang buhok sa ulo inihap Niya ug kung walay pagtugot Niya dili gyod kana mahitabo
- bililhon sa Diyos ang mga langgam apan mas bililhon pa sa Diyos ang mga tawo kaysa mga langgam
- maong, buhaton gyod ang Iyang gisugo, isangyaw ang Iyang gugma ug itudlo ang Iyang mga gitudlo ug kung unsay mga nadungog gikan Kaniya ug dili angayng mahadlok
- kay ang moangkon kang Jesus sa atubangan sa tawo, angkunon usab Niya adto unya sa langit apan ang dili moangkon, dili usab unya Niya angkunon

APPLICATION: Naay mga panahon nga naglisud kita sa pagsunod kang Jesus tungod kay nahadlok kita sa mga tawo nga basig biyaan ta ug dili na kita amigohon ug bugal-bugalan unya kita. Pero niingon Siya nga bisan ang langgam dili Niya itugot nga malaglag tungod kay bililhon kini Kaniya, unsa pa kaha kita nga nituo Kaniya nga mas labaw pa man kitang bililhon kaysa langgam. Busa dili kita angayng mahadlok sa pagsunod sa Iyang Sugo kanato kay kung angkunon o ilimod nato si Jesus sa atubangan sa tawo, mao usab kana unya ang Iyang buhaton sa ato didto sa langit. AYAW'G KABALAK-I ANG BUHATON SA TAWO...

PRAY: Lord, salamat sa Imong Pulong sa amo karong adlawa. Pasayloa kami sa mga panahon nga nahadlok kami sa mga tawo kaysa Imo. Tabangi mi nga magmalig-on sa pag-ila ug sa pagsunod Kanimo kanunay. In Jesus Name... 🙏🙏🙏

LAKAW UG PANALANGINI ANG UBANRead: Matthew 10:5-15SCRIPTURE: (v. 7) - "Lakaw kamo ug isangyaw nga nagsugod na paghari an...
30/07/2026

LAKAW UG PANALANGINI ANG UBAN
Read: Matthew 10:5-15

SCRIPTURE: (v. 7) - "Lakaw kamo ug isangyaw nga nagsugod na paghari ang Dios."

OBSERVATION:
- human gitawag ni Ginoong Jesus ang Iyang mga alagad, Iya silang gisugo ug gipahimangnuan
- ang sugo sa ila - isangyaw nga duol na ang gingharian sa langit ug ampoi ang mga masakiton ug ipaabot sa ila ang kaayohan, ipadayag ang kaluwasan aron makabaton ug bag-ong kinabuhi, tudloi sila sa paghinulsol sa sala, ug iduol sila sa Ginoo ug ampoan ang mga naulipon sa dautan,
- ug Iya silang gipahimangnuan nga nakadawat silag grasya nga walay bayad, angay usab nga mahimo silang panalangin ngadto sa uban nga walay bayad
- sa pagpanglakaw, gipapangita sila ug person of interest adto sa lugar ug sa mga modawat ibilin sa ila ang mga pag-ampo para sa kalinaw ug sa dili modawat itugyan sila sa Ginoo

APPLICATION: Isip mga Cristohanon nga dili lang giluwas kundi gitawag sa Ginoo, gisugo kita Niya aron sa pagpanglakaw ug ibalita sa tanang katawhan bahin sa paghari sa Ginoo. Angay natong tumanon ang sugo sa Ginoo ug ipadayag ug ipakita ang Iyang gugma ngadto sa tanang katawhan. Mahimo tang panalangin ngadto sa uban, iampo nato sila, tudloan nga makita nila ang ilang tinuod nga kahimtang ug giyahan sila sa pagkinabuhi diha sa pagsunod sa Ginoo. Kining sugoa dili sayon ug dili kita mahimong komportable niini pero kinahanglan ni natong buhaton kay sugo man kini kanato. Ug dili usab kini para lang sa mga leaders ug mga pastors kundi para kini sa atong tanan kay ang gugma sa Ginoo para man pud sa tanan. Nakadawat kita nga walay bayad ug mohatag usab kita nga walay bayad.

PRAYER: Langitnong Amahan, salamat gayod sa imong Pulong karon para kanamo. Salamat sa pagpahinumdum nimo Kanamo ug salamat sa imong sugo nga naghatag kanamog dako nga oportunidad nga mahimo namo ang imong TAWAG kanamo. Tabangi nga mahimong matinanumanon kami ug magmatinud-anon sa Imong sugo ug himoa kaming panalangin ngadto sa uban. In Jesus Name. 🙏🙏🙏

GITAWAG ARON MANGALAGADRead: Matthew 9:35-10:4SCRIPTURE: (10:1) - "Gitigom ni Jesus ang iyang napulog-duha ka tinun-an u...
30/07/2026

GITAWAG ARON MANGALAGAD
Read: Matthew 9:35-10:4

SCRIPTURE: (10:1) - "Gitigom ni Jesus ang iyang napulog-duha ka tinun-an ug gihatagan niya silag gahom sa paghingilin sa mga daotang espiritu ug sa pag-ayo sa tanang sakit ug balatian."

OBSERVATION:
- samtang naga-sunod ang mga tinun-an kang Jesus, nakita nila ang daghang katawhan nga naga-alirong sa ila.
- gipakita ni Ginoong Jesus sa ila ang kahimtang sa daghang katawhan - mga masakiton, mga giyawaan, mga nagluya ug walay kadasig, daw mga karnero nga walay magbalantay
- kining mga tawhana sama sa mga anihonon pero walay mangangani
- pagkahuman Niya gipakita ang tinuod nga kahimtang sa mga katawhan, Iyang gitigom ang Iyang mga disipulo ug Iyang gisugo sa pagpangalagad, sa pagsangyaw, ug sa pag-pangayo sa mga masakiton
- GITAWAG Niya ang mga ordinaryo ug mga simpleng disipulo aron moani sa mga anihonon

APPLICATION: Kung ablihan lang nato ug sud-ongon ang kahimtang sa mga katawhan - sa kalibotan, makabaton unta kitag kaluoy (sama sa gibati ni Cristo) ug dili kasuko ngadto kanila. Ug kung makasinati kitag kaluoy, dapat naa kitay buhaton. Ang tanang katawhan nanginahanglan sa Ginoo, nanginahanglan ug someone nga magtudlo sa ila sa gugma ug kamatuoran sa Ginoo. Someone nga mag-ampo, mag-giya, ug mag-amoma kanila aron makabaton silag tinuod nga paglaum, kalipay ug kalinaw. Ug kanang someone dili naghuwat ug maalamaon ug maayong tawo, kanang someone ay pwedeng IKAW - yes, ikaw ug ako. Naay daghang tawo sa imong palibot - sa inyong balay, sa school, sa trabahoan nimo, sa imong MGA silingan nga naghuwat nimo. Ug kung motubag ka sa tawag sa Ginoo sa pagpangalagad Kaniya, nisaad Siya nga tagaan ka Niyag GAHOM para sa paghimo ug nisaad usab Siya nga ubanan ka Niya bisag asa ka padulong. GITAWAG KA BA? UNSAY IMONG TUBAG?

PRAYER: Lord, salamat sa Imong Pulong karong adlawa. Tabangi ko nga mag-matinud-anon ug magmatinumanon sa Imong kabubut-on sa akong kinabuhi kung asa man ug kang kinsa man nimo ako dad-on. In Jesus Name 🙏🙏🙏

SUMALA SA IMONG PAGTUORead: Matthew 9:27-34SCRIPTURE: v. "Unya gihikap ni Jesus ang ilang mga mata ug miingon, “Mamaayo ...
28/07/2026

SUMALA SA IMONG PAGTUO
Read: Matthew 9:27-34

SCRIPTURE: v. "Unya gihikap ni Jesus ang ilang mga mata ug miingon, “Mamaayo kamo sumala sa inyong pagtuo!”

OBSERVATION:
- samtang naglakaw ang Ginoong Jesus sa kadalanan daghan ang nagasunod Kaniya ug ang uban naga-singgit aron lang tagaan silag pagtagad
- ang duha ka buta iya pang gipangutana kung nituo ba sila nga kaya Niya silang ayuhon
- ug kining usa ka amang nga gisudlan ug dautang espiritu daghang tawo ang nagdala sa iya ngadto kang Jesus
- makita nato nga gisuwayan sila ni Ginoong Jesus sa ilang pagtuo ug aron modako pa gyod ang ilang pagtuo
- ang ebidensya sa ilang pagtuo kang Ginoong Jesus makita sa ilang pagsulti ug pagpakita sa gihimo ni Jesus sa ilang kinabuhi bisag gibawalan sila (sa 2 ka buta) ug bisan naay mga maglulutos nga mga Pariseo (sa amang nga giyawaan)

APPLICATION: Kung unsa ka dako ang atong pagtuo sa Ginoo ay suwayan Niya pinaagi sa nagkalain-laing paagia aron makita Niya kung magpadayon ba gyod kita bisag usahay paminaw nato wala kita dungga sa atong paghangyo ug bisan sa daghang kalisdanan magpadayon ba kita. Ang kaayuhan nato dili lang sa physical kundi labaw sa tanan sa spiritual at atong madawat pinaagi ra gyod sa atong pagtuo. Ug kining pagtuoha makita pinaagi sa atong pagsunod Kaniya ug pinaagi sa unsa may gipakita nato o gisulti ngadto sa uban sa gihimo sa Ginoo sa atong kinabuhi. Ang pag-ayo sa Ginoo kanato, ang pag-provide sa ato panginahanglan, ang pag-amping Niya kanato sa kanunay ay nagpakita sa kamatuoran nga ang Ginoong Jesus ay gamhanan, mapinanggaon ug matinud-anon sa Iyang mga saad. Busa angay nato ipakita nga naay gihimo ang Ginoo sa ato kinabuhi ug nagsugod na pinaagi sa atong pagtuo ug pagsunod

PRAYER: Lord, salamat sa kaluwasan, sa kaayuhan, sa mga grasya ug kaluoy nga sa kanunay gipadangat nimo kanako. Padayon, lig-ona pa ang akong pagtuo ug pagkaila Kanimo. In Jesus Name 🙏

DIHA KANG CRISTO, MAY PAGLAUM KA! Read Matthew 9:18-26SCRIPTURE: (v. 21) - ...“Kon makahikap lang ako sa bisti ni Jesus...
27/07/2026

DIHA KANG CRISTO, MAY PAGLAUM KA!
Read Matthew 9:18-26

SCRIPTURE: (v. 21) - ...“Kon makahikap lang ako sa bisti ni Jesus, siguradong mamaayo ako.” Unya gihikap niya ang sidsid sa bisti ni Jesus.

OBSERVATION:
- naay usa opisyal sa sinagoga (Jairus) nga niduol ug nihangyo kang Jesus nga paadtuon sa ila kay ang iyang anak bag-o pa lang namatay ug gusto niyang ipahikap kang Jesus kay nituo siya nga kung hikapon kini ni Jesus, mamaayo kini
- ug samtang naglain si Jesus padulong sa ilang Jairus, naay babaye nga 12 na katuig nga gidugo ug bisag asa siya nagpatambal, wala pa gihapon siya mamaayo
- ug kining babayhana nituo nga bisag makahikap lang siya sa sidsid sa sinina ni Jesus, mamaayo siya
- kining duha parehong desperado apan nituo nga si Jesus maoy ilang paglaum

APPLICATION: May mga panahon sa kinabuhi nga morag wala na kita makakita ug paglaum tungod sa kabug-at ug kadako sa ato problema. Apan kung moduol ug mosalig lang kita kang Jesus, naa gayoy paglaum diha Kaniya. Unsa man kabug-at o kadako sa ato problema, naay paglaum diha kang Cristo. Sangpit lang
IN A HOPELESS MOMENT, REMEMBER IN CHRIST, NOTHING IS IMPOSSIBLE...

PRAYER: Lord, thank you sa imo Words for today. Help us to trust on You bisag daghang BABAG, bisag sa tan-aw namo wala nay paglaum. Tagai mig lawom nga pagsabot ug pagsalig Kanimo. In Jesus Name!

26/07/2026

Praise God, for this group of mothers of Child Development Program (CDP) who rendered a special song number for the Lord. Thank you cluster 3 parents for giving time for the Lord...

Address

Cantecson, Gairan
Bogo
6010

Telephone

+639286238056

Website

Alerts

Be the first to know and let us send you an email when Amazing Love Baptist Church posts news and promotions. Your email address will not be used for any other purpose, and you can unsubscribe at any time.

Shortcuts

Share

Category