13/08/2021
ORATIO IMPERATA
PARA SA PROTEKSYON LABAN SA COVID-19
Sa ngalan ng Ama, at ng Anak, at ng Espiritu Santo. Amen.
AMANG MAHABAGIN, IPAGSANGGALANG KAMI SA COVID-19 NA DULOT AY PANGAMBA AT PAGBUBWIS NG BUHAY.
TUNGHAYAN MO KAMI NANG MAY PAGMAMAHAL AT PAWIIN ANG AMING TAKOT SA SAKIT AT KAMATAYAN, IBALIK ANG AMING PAG-ASA AT PATIBAYIN ANG AMING PANANAMPALATAYA.
GABAYAN MO ANG MGA TAONG BINIGYAN NG GAMPANING HUMANAP NG LUNAS AT PIGILIN ANG PAGLAGANAP SA SAKIT NA ITO.
SALAMAT SA BAKUNANG NATUKLASAN SA TULONG NG IYONG PAGGABAY. BASBASAN MO ANG AMING PAGSISIKAP NA GAMUTIN AT TAPUSIN ANG PANDEMYA SA AMING BANSA.
ITAGUYOD MO ANG MGA LINGKOD NG KALUSUGAN UPANG ANG KANILANG PAGTULONG SA MAYSAKIT AY LAKIPAN NG KANILANG GALING AT PAGMAMALASAKIT. MANATILI NAWA SILANG MALUSOG SA ISIP AT KATAWAN, MATIBAY SA KANILANG SINUMPAAN AT LIGTAS SA KARAMDAMAN.
PANALANGIN NAMIN PARA SA MGA NAGKASAKIT AY DAGLING KAGALINGAN, PARA SA MGA NAG-AALAGA SA KANILA AY KALUSUGAN AT PARA SA MGA YUMAO AY BUHAY NA WALANG HANGGAN.
SA PANAHONG ITO NG PAGSUBOK, KUMILOS NAWA KAMI SA IKABUBUTI NG LAHAT AT TULUNGAN ANG MGA NANGANGAILANGAN. PATIBAYIN NAWA KAMI NG AMING HABAG AT MALASAKIT SA ISAβT ISA AT IHATID KAMI SA PAGBABAGONG-BUHAY AT KABANALAN.
HINIHILING NAMIN ITO SA PAMAMAGITAN NI HESUKRISTO KASAMA NG ESPIRITU SANTO MAGPASAWALANG HANGGAN. AMEN.
KUPKUPIN MO KAMI SA IYONG PAGKAKANDILI, O MAHAL NA INA NG DIYOS. HUWAG MO KAMING SIPHAYUIN SA AMING MGA PANGANGAILANGAN BAGKUS IPAG-ADYA MO KAMI SA MGA PANGANIB AT KASAMAAN.
O MALUWALHATI AT PINAGPALANG BIRHEN. AMEN.
MARIA, INA NG KAGALINGAN NG MGA MAYSAKIT, IPANALANGIN MO KAMI.
SAN RAFAEL ARKANGHEL, IPANALANGIN MO KAMI.
SAN JOSE, IPANALANGIN MO KAMI.
SAN ROQUE, IPANALANGIN MO KAMI.
SAN LORENZO RUIZ, IPANALANGIN MO KAMI.
SAN PEDRO CALUNGSOD, IPANALANGIN MO KAMI.
SAN MARTIN NG TOURS, IPANALANGIN MO KAMI.
Sa ngalan ng Ama, at ng Anak, at ng Espiritu Santo. Amen.
