Sacred Heart Parish Youth - Poras,Boac

15/05/2026

Makiisa sa isang gabi ng pananampalataya, musika, at pagpupugay sa ating Mahal na Ina!

Sa gitna ng ingay ng mundo, may isang himig na maglalapit sa atin sa pusong nagmamahal nang tunay, ang puso ni Maria.

Inaanyayahan po namin kayong saksihan ang isang natatanging pagtatanghal na puno ng pananampalataya at pag-asa.

𝑻𝑰𝑵𝑨𝑻𝑨𝑵𝑮𝑰: 𝑨𝒘𝒊𝒕 𝑷𝒂𝒓𝒂𝒏𝒈𝒂𝒍 𝑲𝒂𝒚 𝑴𝒂𝒓𝒊𝒂
Ito ay isang mini youth concert na higit pa sa musika. Dadalhin tayo ng gabing ito sa isang malalim na paglalakbay. Sama-sama nating pakinggan ang kuwento ng paggabay ng Mahal na Birhen sa buhay ng Pamilya, Kabataan, at Bokasyon ng tatlong anak na pari ng parokya at ng ating minamahal na Obispo. Paano nga ba naging gabay si Maria sa kanilang pagsagot sa tawag ng Panginoon?

Ihanda ang inyong mga puso sa isang gabing mapupuno ng biyaya, musika, at panalangin. Isama ang buong pamilya, barkada, at mga mahal sa buhay!
📍 Kailan: May 29, 2026 | 6:00 PM
📍 Saan: Poras Covered Court
🎟 Ticket Price: ₱100.00

Ang inyong pagdalo ay hindi lamang isang suporta sa aming programa, kundi isang pagpupugay sa ating pinakamamahal na Ina.

📩 Para sa inyong mga katanungan o ticket reservations:
Mag-send lamang ng mensahe dito sa aming official page.

Tara na! Sabay-sabay tayong umawit at magpuri, kitakits!

22/04/2026

📣 𝑨𝑵𝑵𝑶𝑼𝑵𝑪𝑬𝑴𝑬𝑵𝑻 🏀🏐

Good day!

Ikinagagalak naming ipaalam ang nalalapit na “𝙋𝙖𝙧𝙤𝙘𝙝𝙞𝙖𝙡 𝙔𝙤𝙪𝙩𝙝 𝙎𝙥𝙤𝙧𝙩𝙨𝙛𝙚𝙨𝙩”, na magtatampok ng isang friendly competition sa Basketball at Volleyball. Layunin ng gawaing ito na palakasin ang pagkakaisa, kooperasyon, at sportsmanship ng bawat kalahok na mga kabataan.

Mga Detalye:

Mga Laro: Basketball at Volleyball
Mga Kalahok: Ang bawat barangay na nasasakupan ng Parokya ng Mahal na Puso ni Hesus ay kinakailangang bumuo ng:

*Isang (1) team sa Basketball – binubuo ng 12 miyembro. (Age limit: 14-20yrs. old)
* Isang (1) team sa Volleyball – binubuo ng 12 miyembro (8 babae at 4 lalaki).

Ang paligsahang ito ay bukas para sa lahat ng kabataan na may edad 14-25, hinihikayat namin ang aktibong pakikilahok at suporta ng bawat isa. Isa itong magandang pagkakataon upang maipakita ang talento, mapalakas ang samahan, at makapag-enjoy sa isang masaya at makabuluhang aktibidad para sa komunidad.

Ang mga karagdagang detalye ipapaalam sa mga susunod na araw.

Para sa mga katanungan at koordinasyon, maaaring makipag-ugnayan kay:

𝐋𝐨𝐯𝐞𝐥𝐲 𝐉𝐨𝐲 𝐍𝐚𝐭𝐚𝐥 – 𝐏𝐘𝐂 𝐏𝐫𝐞𝐬𝐢𝐝𝐞𝐧𝐭 o mag message dito sa page.

Maraming salamat at inaasahan namin ang inyong pakikiisa!

09/04/2026

Let us pray for our dear seminarians, that they may be strengthened in faith, guided in wisdom,
and filled with a deep love for Christ and His Church.
May their Summer Apostolate journey be blessed with courage, humility, and a steadfast heart in answering God’s call. 🙏✨

29/03/2026

Kapag nagmamahal, laging nandiyan kahit nasasaktan . . . katulad ni Lord 💛

22/03/2026

𝐇𝐚𝐫𝐭 𝐨𝐟 𝐭𝐡𝐞 𝐃𝐚𝐲 | “𝙎𝙞 𝙃𝙚𝙨𝙪𝙨 𝙖𝙣𝙜 𝙢𝙪𝙡𝙞𝙣𝙜 𝙥𝙖𝙜𝙠𝙖𝙗𝙪𝙝𝙖𝙮 𝙖𝙩 𝙖𝙣𝙜 𝙗𝙪𝙝𝙖𝙮.”

Ang Mabuting Balita tungkol sa pagkamatay ni Lazaro ay nagpapakita ng kahalagahan ng pagtitiwala at paghihintay sa Diyos kahit sa gitna ng matinding kalungkutan. Tulad ni Marta, dumarating din sa ating buhay ang mga sandaling tila huli na ang lahat at nawawalan tayo ng pag-asa, ngunit ipinapaalala ni Hesus na Siya ang muling pagkabuhay at ang buhay. Ipinapakita ng pangyayaring ito na hindi tayo pinababayaan ng Diyos, lalo na sa mga panahong pinakamasakit at pinakamabigat para sa atin. Sa halip, tinuturuan Niya tayong magtiwala sa Kanyang plano at tamang oras, kahit hindi natin ito agad nauunawaan. Kaya naman, mahalagang matuto tayong maghintay nang may pananampalataya at huwag mawalan ng tiwala, sapagkat ang Diyos ay laging kumikilos para sa ating kabutihan, kahit sa paraang hindi natin inaasahan.

𝙿𝚊𝚐𝚗𝚒𝚗𝚒𝚕𝚊𝚢 𝚗𝚒: Camille Misal

𝑰𝒌𝒂𝒍𝒊𝒎𝒂𝒏𝒈 𝑳𝒊𝒏𝒈𝒈𝒐 𝒏𝒈 𝑨𝒑𝒂𝒕𝒏𝒂𝒑𝒖𝒏𝒈 𝑨𝒓𝒂𝒘 𝒏𝒂 𝑷𝒂𝒈𝒉𝒂𝒉𝒂𝒏𝒅𝒂
March 22, 2026

18/03/2026

15/03/2026

𝐇𝐚𝐫𝐭 𝐨𝐟 𝐭𝐡𝐞 𝐃𝐚𝐲 | “𝗦𝗶 𝗛𝗲𝘀𝘂𝘀 𝗮𝗻𝗴 𝗶𝗹𝗮𝘄 𝗻𝗴 𝗮𝘁𝗶𝗻𝗴 𝗯𝘂𝗵𝗮𝘆”

Sa ebanghelyo ngayon, pinagaling ni Hesus ang isang lalaking ipinanganak na bulag. Ipinakita niya na ang kapangyarihan ng Diyos ay maaaring mahayag sa buhay ng tao. Dahil sa pananampalataya at pagsunod ng lalaki sa sinabi ni Hesus, siya ay nakakita.
Ipinapaalala sa atin ng kwentong ito na si Hesus ang ilaw ng ating buhay. Kapag tayo ay nagtitiwala at lumalapit sa kanya, binubuksan niya ang ating mga mata upang makita ang tama at ang kabutihan.
Nawa ngayong Panahon ng Kuwaresma, hayaan nating liwanagan ni Hesus ang ating puso at isip, upang mas lalo tayong manampalataya at sumunod sa Diyos.

𝙿𝚊𝚐𝚗𝚒𝚗𝚒𝚕𝚊𝚢 𝚗𝚒: Lean Rhon Monteras

𝑰𝒌𝒂𝒂𝒑𝒂𝒕 𝒏𝒂 𝑳𝒊𝒏𝒈𝒈𝒐 𝒏𝒈 𝑨𝒑𝒂𝒕𝒏𝒂𝒑𝒖𝒏𝒈 𝑨𝒓𝒂𝒘 𝒏𝒂 𝑷𝒂𝒈𝒉𝒂𝒉𝒂𝒏𝒅𝒂
March 15, 2026

13/03/2026

“For the Son of Man came to seek and to save the lost.” (Luke 19:10)

"Magsisilbing lakas mo tuwing nanghihina ka
Patatahanin kita kapag may problema ka."
- Sagip by Jan Roberts

08/03/2026

𝐇𝐚𝐫𝐭 𝐨𝐟 𝐭𝐡𝐞 𝐃𝐚𝐲 |

Sa ebanghelyo ngayon, ang pagtatagpo ni Hesus at ng babaeng Samaritana sa balon ay isang paalala na ang Diyos ay laging handang lumapit sa atin, sino man tayo at anuman ang ating pinagdaanan. Sa ating buhay, madalas tayong mapagod at "mauuhaw" sa paghahanap ng tunay na kaligayahan at pagtanggap, ngunit itinuturo sa atin na ang tanging makakapagpuno sa ating pagkukulang ay ang "tubig na nagbibigay-buhay" ang kanyang presensya sa ating puso.
Nawa’y hayaan nating ang Diyos ang maging bukal ng buhay sa ating puso, upang sa pamamagitan natin ay maranasan din ng iba ang kanyang walang hanggang pagmamahal.

𝙿𝚊𝚐𝚗𝚒𝚗𝚒𝚕𝚊𝚢 𝚗𝚒: Lovely Joy J. Natal

𝑰𝒌𝒂𝒕𝒍𝒐𝒏𝒈 𝑳𝒊𝒏𝒈𝒈𝒐 𝒏𝒈 𝑨𝒑𝒂𝒕𝒏𝒂𝒑𝒖𝒏𝒈 𝑨𝒓𝒂𝒘 𝒏𝒈 𝑷𝒂𝒈𝒉𝒂𝒉𝒂𝒏𝒅𝒂
March 8, 2026

01/03/2026

𝐇𝐚𝐫𝐭 𝐨𝐟 𝐭𝐡𝐞 𝐃𝐚𝐲 |

Sinasabi sa ating ebanghelyo na bilang isang tao natural sa atin ang masaktan, magalit at magkimkim ng sama ng loob sa kapwa. Ngunit ang pagmamahal ay tunay na hindi nakabatay sa nararamdaman ng ating damdamin, kundi ay sa pagpili natin sa kung ano ang makakabuti para sa ating sarili. Piliin nating magdasal at humingi ng gabay sa Diyos para sa ating sarili at sa mga taong nakasaktan natin. Lagi tayong gumawa ng kabutihan sa ating kapwa na walang hinihintay na kapalit. Ipinapakita satin ng Diyos na ang pagmamahal nya ay hindi lang para sa iisang tao kundi ay para sa ating lahat, sana ganun din ang ating gawin. Tinatawag tayo ng Diyos upang maging kawangis niya sa pagmamahal at magbigay liwanag sa ating mga ginagawang desisyon sa buhay. Ang isang pusong marunong magpatawad at magmahal nang walang hinihintay na kapalit ay maliwanag na ang Diyos ang lagi niyang gabay. Sa mga desisyon at ating gagawin ay sana ay sinisimulan natin ito sa maliit na hakbang, tulad ng isang panalangin, isang pagpapatawad, at isang kabutihan. Dito magsisimulang lumiwanag at magbago ang nilalaman ng ating mga puso’t isipan.

𝙿𝚊𝚐𝚗𝚒𝚗𝚒𝚕𝚊𝚢 𝚗𝚒: Sem. Allen Jhunel L. Lubrin

𝑰𝒌𝒂𝒍𝒂𝒘𝒂𝒏𝒈 𝑳𝒊𝒏𝒈𝒈𝒐 𝒏𝒈 𝑨𝒑𝒂𝒕𝒏𝒂𝒑𝒖𝒏𝒈 𝑨𝒓𝒂𝒘 𝒏𝒂 𝑷𝒂𝒈𝒉𝒂𝒉𝒂𝒏𝒅𝒂
March 1, 2026