26/07/2026
𝙎𝙪𝙡𝙖𝙩 𝙥𝙖𝙧𝙖 𝙨𝙖 𝙖𝙢𝙤𝙣𝙜 𝙢𝙞𝙣𝙖𝙝𝙖𝙡 𝙣𝙜𝙖 𝙢𝙜𝙖 𝙡𝙤𝙡𝙤 𝙪𝙜 𝙡𝙤𝙡𝙖
Ang kinabuhi nga inyong gitagamtam karon sama sa usa ka 𝙢𝙖𝙖𝙣𝙞𝙣𝙙𝙤𝙩 𝙣𝙜𝙖 𝙥𝙖𝙜𝙨𝙖𝙡𝙤𝙥 𝙨𝙖 𝙖𝙙𝙡𝙖𝙬. Ang kahayag niini dili na sama sa kainit sa udto, apan mas malinawon, mas lawom, ug mas makahuluganon. Ang nagkadaiyang mga kolores sa kalangitan sama sa bughaw, dalag ug lunhaw nahimong suga aron makita namo ang katahum sa usa ka kinabuhi nga daghan nang naagian, apan nagpadayon gihapon sa paghatag ug inspirasyon. 𝙆𝙖𝙮 𝙖𝙣𝙜 𝙥𝙖𝙜𝙨𝙖𝙡𝙤𝙥 𝙨𝙖 𝙖𝙙𝙡𝙖𝙬 𝙬𝙖𝙡𝙖 𝙣𝙖𝙜𝙥𝙖𝙨𝙖𝙗𝙤𝙩 𝙣𝙜𝙖 𝙣𝙖𝙝𝙪𝙢𝙖𝙣 𝙣𝙖 𝙖𝙣𝙜 𝙠𝙖𝙝𝙖𝙮𝙖𝙜, 𝙠𝙤𝙣𝙙𝙞𝙡𝙞 𝙪𝙨𝙖 𝙠𝙖 𝙥𝙖𝙝𝙞𝙢𝙖𝙣𝙜𝙣𝙤 𝙣𝙜𝙖 𝙖𝙙𝙪𝙣𝙖𝙮 𝙠𝙞𝙣𝙖𝙗𝙪𝙝𝙞 𝙣𝙜𝙖 𝙢𝙖𝙠𝙖𝙝𝙪𝙡𝙪𝙜𝙖𝙣𝙤𝙣𝙜 𝙜𝙞𝙜𝙖𝙝𝙞𝙣 𝙖𝙧𝙤𝙣 𝙢𝙖𝙝𝙞𝙢𝙤𝙣𝙜 𝙠𝙖𝙝𝙖𝙮𝙖𝙜 𝙨𝙖 𝙪𝙗𝙖𝙣. Mao usab kamo, mga suga sa panimalay, mga giya sa katilingban, ug mga panalangin nga buhi pa namong makita ug mabati.
𝙎𝙖 𝙞𝙣𝙮𝙤𝙣𝙜 𝙢𝙜𝙖 𝙠𝙖𝙢𝙤𝙩, makita ug mahikap man namo ang mga kubal nga daw sama sa kabaga sa liha apan mas among nakita ang tinud-anay nga istorya sa 𝙠𝙖𝙠𝙪𝙜𝙞 𝙪𝙜 𝙥𝙖𝙜𝙥𝙖𝙣𝙞𝙣𝙜𝙠𝙖𝙢𝙤𝙩. Ang matag kalyo sa panit dili timailhan sa kalisod lamang, apan usa ka medalya sa inyong walay puas nga paghago aron mapadako ang inyong pamilya ug matukod ang kaugmaon sa sunod nga henerasyon. Bisan wala ninyo kini ipanghambog, nakita namo ang inyong mga sakripisyo. Ang inyong pagpaningkamot nahimong among kusog, ug ang inyong gugma nahimong among giya. Kay sa matag tagaktak sa inyong mga singot, kini nahimong pamaagi sa pagbubo sa among mga pangandoy ug tungod niini mitubo ang among paglaum ug kaugmaon.
Wala namo makita ang inyong pagkatigulang bisan pa man luyo sa pagkakulubot sa inyong panit, apan 𝙢𝙖𝙨 𝙖𝙢𝙤𝙣𝙜 𝙣𝙖𝙠𝙞𝙩𝙖 𝙖𝙣𝙜 𝙢𝙜𝙖 𝙠𝙖𝙖𝙡𝙖𝙢. Sa matag linya nga makita sa mga dagway, kini 𝙣𝙖𝙜-𝙖𝙗𝙡𝙞 𝙨𝙖 𝙥𝙖𝙝𝙞𝙣𝙖 𝙨𝙖 𝙪𝙨𝙖 𝙠𝙖 𝙡𝙞𝙗𝙧𝙤 nga puno sa mga leksiyon, kasinatian, pagtoo, ug gugma. Kini nagpamatuod nga gipuy-an ninyo ang kinabuhi uban sa kalipay ug kasakit, apan wala gayod kamo mihunong sa pagpadayon.
Naghatag usab kanato ug dakong paglaom ang Pulong sa Diyos nga gikutlo sa basahon ni Propeta Isaias: "𝗛𝗮𝗻𝗴𝘁𝗼𝗱 𝘀𝗮 𝗶𝗻𝘆𝗼𝗻𝗴 𝗽𝗮𝗴𝗸𝗮𝘁𝗶𝗴𝘂𝗹𝗮𝗻𝗴, 𝗮𝗸𝗼 𝗴𝗶𝗵𝗮𝗽𝗼𝗻 𝗮𝗻𝗴 𝗶𝗻𝘆𝗼𝗻𝗴 𝗗𝗶𝘆𝗼𝘀; 𝗯𝗶𝘀𝗮𝗻 𝗺𝗼𝗽𝘂𝘁𝗶 𝗻𝗮 𝗮𝗻𝗴 𝗶𝗻𝘆𝗼𝗻𝗴 𝗯𝘂𝗵𝗼𝗸, 𝗮𝗸𝗼 𝗺𝗮𝗴𝗽𝗮𝗱𝗮𝘆𝗼𝗻 𝘀𝗮 𝗽𝗮𝗴-𝗮𝘁𝗶𝗺𝗮𝗻 𝗸𝗮𝗻𝗶𝗻𝘆𝗼. 𝗔𝗸𝗼 𝗮𝗻𝗴 𝗻𝗮𝗴𝗯𝘂𝗵𝗮𝘁 𝗸𝗮𝗻𝗶𝗻𝘆𝗼, 𝘂𝗴 𝗮𝗸𝗼 𝘂𝘀𝗮𝗯 𝗮𝗻𝗴 𝗺𝗮𝗴𝗱𝗮𝗹𝗮 𝘂𝗴 𝗺𝗮𝗴𝗹𝘂𝘄𝗮𝘀 𝗸𝗮𝗻𝗶𝗻𝘆𝗼."
Hinaut nga kini nga saad sa Ginoo magpadayon sa paglig-on sa inyong pagtuo ug pagdasig sa matag adlaw nga inyong paglakaw.
𝙐𝙜 𝙞𝙨𝙞𝙥 𝙞𝙣𝙮𝙤𝙣𝙜 𝙢𝙜𝙖 𝙖𝙣𝙖𝙠 𝙪𝙜 𝙢𝙜𝙖 𝙖𝙥𝙤, gikan sa kinahiladman sa among kasingkasing, daghang salamat. Salamat sa inyong mga tambag nga nahimong among giya, sa inyong mga pag-ampo nga nahimong among kusog, ug sa inyong kinabuhi nga nahimong among ehemplo. Kon unsa man ang among nahimo karon, adunay dakong kabahin ang inyong gugma ug sakripisyo. Hinaut nga sa among pag-atiman ug pagrespeto kaninyo, mabati usab ninyo ang gugma nga inyong gipugas sulod sa daghang katuigan.
Kaninyong tanan: among mga katigulangan, dili lang karong adlawa, kondili sa tanang adlaw, kamo ang among inspirasyon, ug among panalangin. Ang matag adlaw nga kamo ania pa uban namo usa ka panalangin nga among dili ikapuli bisan unsang bahandi sa kalibutan.
Daghang salamat, ug hinaut nga ang Ginoo magpadayon sa pagpanalangin kaninyong tanan.
✍Gisulat ni: Alex G. Espadera
🎬Video Presentation: Jerome C. De Chavez
