Our Lady of Assumption Chapel - Malakaban

09/11/2025

Sambayanan ng Diyos sa 𝑰𝒔𝒍𝒂 𝒏𝒈 𝑻𝒂𝒍𝒊𝒎, sa panahon ng kalamidad tayo'y sama-samang manalangin sa Panginoon kasama ang mga Banal na Patron ng ating pamayanan kasama sina 𝗦𝗮𝗻 𝗙𝗿𝗮𝗻𝗰𝗶𝘀𝗰𝗼, 𝗠𝗮𝗵𝗮𝗹 𝗻𝗮 𝗕𝗶𝗿𝗵𝗲𝗻 𝗻𝗴 𝗟𝗼𝘂𝗿𝗱𝗲𝘀 at ang natatanging Birhen at Martir, 𝗦𝘁𝗮. 𝗨𝗿𝘀𝘂𝗹𝗮. Sama-sama tayong magdasal ng "𝐎𝐫𝐚𝐭𝐢𝐨 𝐈𝐦𝐩𝐞𝐫𝐚𝐭𝐚" o ang Panalangin sa panahon ng kalamidad. Para sa lahat ng nasalanta ng bagyo, kaya't patuloy tayong dumulog sa Panginoong Diyos at mahalin ang kalikasan na kanyang kaloob sa ating lahat.

𝐏𝐀𝐍𝐀𝐋𝐀𝐍𝐆𝐈𝐍 𝐒𝐀 𝐏𝐀𝐍𝐀𝐇𝐎𝐍 𝐍𝐆 𝐊𝐀𝐋𝐀𝐌𝐈𝐃𝐀𝐃

Amang Makapangyarihan,
nilikha at nilagyan mo ng kaayusan
ang mundong walang hugis sa simula.
Nang naharap sa malakas na unos sa dagat sa
Galilea si Hesus at ang mga alagad, inutusan lamang niya itong huminto.
Ang dagat ay napayapa at ang mga alagad ay napanatag.

Ngayong kami'y nahaharap sa kalamidad,
dasal nami'y ipagsanggalang kami sa hagupit nito at pinsala, bigyan ng kapanatagan ang aming kalooban at sa iyong kapangyarihan, ibalik ang kaayusan at kapayapaan sa sangkalupaan sa pamamagitan ni
Hesukristo kasama ng Espiritu Santo magpasawalang hanggan.
Amen.

𝐍. Panginoon naming Diyos, ipakita Mo na ang pag-ibig Mong wagas.
𝐁. Kami ay lingapin at sa kahirapan ay lyong iligtas.

San Isidro Labrador,
Ipanalangin mo kami.
San Clemente Papa at Martir,
Ipanalangin mo kami.
San Jose,
Ipanalangin mo kami.
Virgen Inmaculada Concepciòn, ipanalangin mo kami.
Sto. Domingo at San Francisco, ipanalangin nyo kami.

07/10/2025

Ika-8 ng Oktubre | Buwanang Pamimintuho kay Santo Domingo de Guzman

𝐏𝐀𝐍𝐀𝐋𝐀𝐍𝐆𝐈𝐍 𝐊𝐀𝐘 𝐒𝐀𝐍𝐓𝐎 𝐃𝐎𝐌𝐈𝐍𝐆𝐎 𝐃𝐄 𝐆𝐔𝐙𝐌𝐀𝐍

Mahal na Santo Domingo,naging kalugod-lugod ka sa Diyos dahil sa iyong kabanalan at sa iyong walang pagod na paglilingkod sa kanya. Ipinahayag mo ito sa iyong pagkalinga sa mga dukha at sa mga pagsisikap mong maipalaganap ang kanyang mga aral upang iligtas ang mga mananampalataya sa mga maling turona magdadala sa kanila sa kapahamakan.

Tulungan mo akong masundan ang halimbawa ng iyong kalinisan ng puso, pagmamahal sa kapwa lalo na sa mga nangangailangan at sa habag sa mga makasalanan. Sa iyong pamamagitan, loobin nawa ng Panginoon na maunawaan ko ang mga aral niya at ng Simbahan at sa gayo'y magabayan ko rin ang iba sa matuwid na landas.

Katulad mo rin, nawa'y maging kalasag ko ang mga panalangin lalo na sa Santo Rosaryo sa pagharap ko sa mga pagsubok sa buhay at sa mga hadlang sa paglilikod sa Diyos. At nawa sa pamamagitan nito'y maipahayag ko ang aking pananalig sa pagkalinga ng Diyos sa mga tumatawag at umaasa sa kanya. Amen.

𝐒𝐀𝐍𝐓𝐎 𝐃𝐎𝐌𝐈𝐍𝐆𝐎 𝐃𝐄 𝐆𝐔𝐙𝐌𝐀𝐍,
𝐈𝐏𝐀𝐍𝐀𝐋𝐀𝐍𝐆𝐈𝐍 𝐌𝐎 𝐊𝐀𝐌𝐈!

02/10/2025

𝗣𝗔𝗚𝗕𝗔𝗧𝗜 𝗦𝗔 𝗕𝗔𝗚𝗢𝗡𝗚 𝗖𝗢𝗥𝗢𝗡𝗔𝗗𝗔! 🤍💙✨

Mabuhay ang Mahal na Birhen, Nuestra Señora delos Angeles de Binangonan! Mabuhay ay Reyna ng Bayan ng Binangonan! Viva la Virgen!

Pagbati mula sa Sto. Domingo Parish -Talim para sa Koronasyong Kanonikal ng 𝗡𝘂𝗲𝘀𝘁𝗿𝗮 𝗦𝗲𝗻̃𝗼𝗿𝗮 𝗗𝗲𝗹𝗼𝘀 𝗔𝗻𝗴𝗲𝗹𝗲𝘀, 𝗟𝗮 𝗥𝗲𝗶𝗻𝗮 𝗬 𝗠𝗮𝗱𝗿𝗲 𝗱𝗲 𝗕𝗶𝗻𝗮𝗻𝗴𝗼𝗻𝗮𝗻!

𝗣𝗔𝗚𝗕𝗔𝗧𝗜 𝗦𝗔 𝗕𝗔𝗚𝗢𝗡𝗚 𝗖𝗢𝗥𝗢𝗡𝗔𝗗𝗔! 🤍💙✨

Mabuhay ang Mahal na Birhen, Nuestra Señora delos Angeles de Binangonan! Mabuhay ay Reyna ng Bayan ng Binangonan! Viva la Virgen!

Pagbati mula sa Sto. Domingo Parish -Talim para sa Koronasyong Kanonikal ng 𝗡𝘂𝗲𝘀𝘁𝗿𝗮 𝗦𝗲𝗻̃𝗼𝗿𝗮 𝗗𝗲𝗹𝗼𝘀 𝗔𝗻𝗴𝗲𝗹𝗲𝘀, 𝗟𝗮 𝗥𝗲𝗶𝗻𝗮 𝗬 𝗠𝗮𝗱𝗿𝗲 𝗱𝗲 𝗕𝗶𝗻𝗮𝗻𝗴𝗼𝗻𝗮𝗻!




Nuestra Señora delos Angeles Parish - Pilapila, Binangonan

29/09/2025

𝗞𝗔𝗣𝗜𝗦𝗧𝗔𝗛𝗔𝗡 𝗡𝗜𝗡𝗔 𝗔𝗥𝗞𝗔𝗡𝗚𝗛𝗘𝗟 𝗦𝗔𝗡 𝗠𝗜𝗚𝗨𝗘𝗟, 𝗦𝗔𝗡 𝗚𝗔𝗕𝗥𝗜𝗘𝗟 𝗔𝗧 𝗦𝗔𝗡 𝗥𝗔𝗙𝗔𝗘𝗟

Ang pagpaparangal sa tatlong arkanghel ay papuri at pasasalamat sa Diyos na lumikha sa kanila at nagsugo sa kanila upang mabatid natin ang kalooban ng Diyos.

𝗣𝗔𝗡𝗔𝗟𝗔𝗡𝗚𝗜𝗡 𝗞𝗔𝗬 𝗔𝗥𝗞𝗔𝗡𝗚𝗛𝗘𝗟 𝗦𝗔𝗡 𝗠𝗜𝗚𝗨𝗘𝗟, 𝗦𝗔𝗡 𝗚𝗔𝗕𝗥𝗜𝗘𝗟 𝗔𝗧 𝗦𝗔𝗡 𝗥𝗔𝗙𝗔𝗘𝗟

Mga banal na Arkanghel San Miguel, San Gabriel, at San Rafael, kayo po ang itinakdang tagapagpahayag ng mensahe ng Diyos para sa Kanyang dakilang plano at tagapagsanggalang namin mula sa kasalanan at kasamaan. Sa inyong tulong at panalangin ay maipagkaloob nawa sa amin ang grasya ng ganap na pagsunod sa kalooban ng Diyos at matatag na paninindigan para sa kabutihan, nang sa gayon ay maging tapat kaming mga lingkod Niya at maingat na tagapagtanggol ng aming pananampalataya. Amen.

𝐀𝐫𝐤𝐚𝐧𝐠𝐡𝐞𝐥 𝐒𝐚𝐧 𝐌𝐢𝐠𝐮𝐞𝐥, 𝐒𝐚𝐧 𝐆𝐚𝐛𝐫𝐢𝐞𝐥 𝐚𝐭 𝐒𝐚𝐧 𝐑𝐚𝐟𝐚𝐞𝐥,
𝐈𝐩𝐚𝐧𝐚𝐥𝐚𝐧𝐠𝐢𝐧 𝐧'𝐲𝐨 𝐤𝐚𝐦𝐢!

20/09/2025

𝐒𝐓𝐎. 𝐃𝐎𝐌𝐈𝐍𝐆𝐎 𝐏𝐀𝐑𝐈𝐒𝐇, 𝐓𝐀𝐋𝐈𝐌 𝐈𝐒𝐋𝐀𝐍𝐃
𝐏𝐑𝐀𝐘𝐄𝐑 𝐑𝐀𝐋𝐋𝐘 𝐓𝐎 𝐄𝐍𝐃 𝐂𝐎𝐑𝐑𝐔𝐏𝐓𝐈𝐎𝐍

Mga KaParokya, bilang pagtugon sa panawagan ng 𝗖𝗕𝗖𝗣 at ng ating Mahal na Obispo 𝗟𝘂𝗯. 𝗞𝗴𝗴. 𝗥𝘂𝗽𝗲𝗿𝘁𝗼 𝗖. 𝗦𝗮𝗻𝘁𝗼𝘀. 𝗗.𝗗. na makiisa sa 𝐓𝐫𝐢𝐥𝐥𝐢𝐨𝐧 𝐏𝐞𝐬𝐨 𝐌𝐚𝐫𝐜𝐡. Inaanyayahan po ang bawat indibidwal na makiisa sa makabuluhang 𝐏𝐫𝐚𝐲𝐞𝐫 𝐑𝐚𝐥𝐥𝐲 para sa panawagan ng Katarungan at Pananagutan na gaganapin bukas, araw ng Linggo, Setyembre 21, 2025 pagkatapos ng 𝗕𝗮𝗻𝗮𝗹 𝗻𝗮 𝗠𝗶𝘀𝗮 sa ganap na ika-8 N.U

Sa gitna ng mga hamon ng ating lipunan—lalo na sa mga isyu ng korapsyon, kawalang-katarungan, at mga proyektong may iregularidad na nakaapekto sa nakararami—tayo ay sama-samang mananalangin bilang isang Sambayanang nagkakaisa. Ang ating pagkakaisa sa pananalangin ay magiging makapangyarihang sandata upang isulong ang integridad, katarungan, at tunay na pagbabago.

Tara! Sama-sama tayong manalangin.
Sama-sama tayong manindigan: Para sa Diyos,
Para sa bayan, laban sa katiwalian.

“Mapalad ang bayan na ang Diyos ang kanilang Panginoon, ang sambayanang kanyang pinili upang maging kanya.” (Awit 33:12)

13/09/2025

PABATID/PAANYAYA

mga KaParokya, simula bukas, araw ng Linggo, ika-14 ng Setyembre, hanggang ika-5 ng Oktubre, 2025 ay magkakaroon ng pagbabago sa oras ng Banal na Misa sa ating Parokya. sa halip na 7:30 n.u. ay ito ay isasagawa sa ganap na ika-8:00 n.u. Inaanyayahan po ang lahat na dumalo sa pagdiriwang ng Banal na Eukaristiya.

12/09/2025

𝗣𝗔𝗚𝗚𝗨𝗡𝗜𝗧𝗔 𝗦𝗔 𝗞𝗔𝗕𝗔𝗡𝗔𝗟-𝗕𝗔𝗡𝗔𝗟𝗔𝗡𝗚 𝗣𝗔𝗡𝗚𝗔𝗟𝗔𝗡 𝗡𝗜 𝗠𝗔𝗥𝗜𝗔

𝐏𝐮𝐫𝐢𝐡𝐢𝐧 𝐚𝐧𝐠 𝐍𝐠𝐚𝐥𝐚𝐧 𝐧𝐢 𝐌𝐚𝐫𝐢𝐚, 𝐁𝐢𝐫𝐡𝐞𝐧 𝐚𝐭 𝐈𝐧𝐚!

Ngayong araw ay ipinagdiriwang ng Simbahan ang Kapistahan ng Kabanal-banalang Pangalan ni Maria. Ang kapistahang ito ay nagbibigay-pugay kay Maria bilang ina ni Hesus at mahalagang bahagi sa kasaysayan ng ating kaligtasan.

29/08/2025

𝐏𝐀𝐆𝐆𝐔𝐍𝐈𝐓𝐀 𝐒𝐀 𝐏𝐀𝐆𝐏𝐀𝐏𝐀𝐊𝐀𝐒𝐀𝐊𝐈𝐓 𝐍𝐈 𝐒𝐀𝐍 𝐉𝐔𝐀𝐍 𝐁𝐀𝐔𝐓𝐈𝐒𝐓𝐀
𝑻𝒂𝒈𝒂𝒑𝒂𝒈𝒃𝒊𝒏𝒚𝒂𝒈 𝒂𝒕 𝑴𝒂𝒓𝒕𝒊𝒓

Ngayon ay ginugunita si San Juan Bautista, inaalala natin ngayon ang Pagpapakasakit ni San Juan Bautista na namatay bilang Martir, sa pamamagitan ng pagpugot sa kanyang ulo. Siya ay naglakas-loob na ipahayag ang katotohanan kahit na ito ay maaaring magdulot ng kapahamakan sa kanyang buhay.

Si San Juan Bautista ay ipinanganak mula sa mag-asawang sina Zacarias at Elisabet, at mula pagkabata ay itinalaga na upang maging tagapagpauna ng Panginoon. Kilala siya bilang propetang nangaral sa ilang at nag-anyaya ng pagbabalik-loob sa pamamagitan ng binyag sa Ilog Jordan. Siya rin ang nagbinyag kay Hesus at nagpatotoo sa lahat na si Hesus ang Mesiyas na hinihintay.

Ngunit dahil sa kanyang katapatan sa pangangaral ng katotohanan, si Juan ay ipinabilanggo ni Haring Herodes matapos niyang tutulan ang pag-aasawa nito kay Herodias, asawa ng kanyang kapatid. Sa isang piging, ipinangako ng hari na ibibigay ang anumang hiling ng anak ni Herodias matapos itong sumayaw sa harap ng mga panauhin. Sa udyok ng kanyang ina, hiniling ng dalaga ang ulo ni Juan Bautista. Bagaman labag sa kalooban ng hari, ipinag-utos niya ang pagpugot, at sa ganitong paraan natapos ang buhay ng propetang naghandog ng lahat alang-alang sa paghahanda ng daraanan ng Panginoon.