San Francisco ng Assisi Parish Youth Ministry

31/03/2026

Nagaganap: Live Station of the Cross General Practice

30/03/2026

✝️2026 SFAP LIVE STATION OF THE CROSS✝️

Handog ng ating mga Kabataan ng San Francisco ng Assisi ang pagsasadula ng Daang Krus ng ating Panginoong Hesukristo. Sama-sama nating pagnilayan at isabuhay ang bawat yugto ng Kanyang paglalakbay patungo sa pagpapakasakit at muling pagkabuhay, at maramdaman ang kababaang-loob at pagmamahal ng ating Panginoong Hesus sa kanyang pagtubos sa ating mga kasalanan.

Tayo po ay makiisa at sumama. Magsisimula po ito sa Chico St., Sta. Ursula Subdivision Batingan Binangonan, Rizal

🗓️Date: APRIL 3, 2026 | BIYERNES SANTO

20/03/2026

Maalab at taos pusong pagbati sa ating dating Altar Server Coordinator at Worship head na si 𝐅𝐫𝐚. 𝐋𝐨𝐮𝐢𝐬 "Ivanh Lloyd" 𝐌𝐚. 𝐂𝐫𝐮𝐳, 𝐎𝐅𝐌𝐂𝐨𝐧𝐯. sa kanyang 𝐅𝐢𝐫𝐬𝐭 𝐏𝐫𝐨𝐟𝐞𝐬𝐬𝐢𝐨𝐧 𝐨𝐟 𝐑𝐞𝐥𝐢𝐠𝐨𝐮𝐬 𝐕𝐨𝐰𝐬 na ginanap kahapon, March 19, 2026 sa St. Joseph Spirituality Center - Tagaytay, City kasabay ng Dakilang Kapistahan ni San Jose, Kabiyak ng Puso ni Maria.

Gabayan ka nawa ng Diyos at ng ating Amang Francisco sa iyong pagsisikap na magpatuloy sa paglalakbay tungo sa daan ng buhay Pagpapari, Fra. Louis!

15/03/2026

Magandang buhay! 😇

Ang mga Kabataan ng ating Parokya ay magbebenta ng mga Palaspas na nagkakahalaga ng 25.00 pesos. Makipag-ugnayan lamang po sa mga Youth Coordinators sa inyong Pamayanan upang mag pre-order.

Ang pondo na malilikom mula sa Fundraising na ito ay mapupunta sa ilang mga gawain at aktibidad na isinasagawa ng SFAPYM sa buong taon. ✨

Mga Kaparokya, ating suportahan ang gawain at aktibidad na ito ng ating mga kabataan.

Maraming Salamat po! 💙

Paalala: Ang mga Palaspas po na inyong mabibili ay kailangan dalhin sa 'Palm Sunday' upang mapa-bendisyunan.

24/02/2026

✨💖 Post Valentine’s Dinner Party for a Cause 💖✨

Isang gabi ng pag-ibig, musika, at pagkakaisa para sa ating Parokya! 💒🎶

📅 February 28, 2026
⛪ Pagkatapos ng 5:00 PM na Misa

Makakasama natin ang mga inaabangang espesyal na panauhin:

🎤 Roulle Cariño - The Math Monro Mula sa Eat Bulaga! – The Clone’s Grand Winner
🎤Lucky Robles a.k.a Gary V
🔥 Loomband
🔥Musicom.ph

At Marami pang iba!

Hindi lang ito simpleng salu-salo ito ay isang gabi ng pagmamahalan at malasakit, kung saan ang bawat ticket ay ambag sa pagpapatayo ng ating Parokyang Simbahan. 🏗️💒

Halina’t magsama-sama tayo para sa isang gabing puno ng saya at may layuning banal.

💌 Magpareserba na at maging bahagi ng pagtatayo ng ating tahanan ng pananampalataya!

✨💖 Post Valentine’s Dinner Party for a Cause 💖✨

Isang gabi ng pag-ibig, musika, at pagkakaisa para sa ating Parokya! 💒🎶

📅 February 28, 2026
⛪ Pagkatapos ng 5:00 PM na Misa

Makakasama natin ang mga inaabangang espesyal na panauhin:

🎤 Roulle Cariño - The Math Monro Mula sa Eat Bulaga! – The Clone’s Grand Winner
🎤Lucky Robles a.k.a Gary V
🔥 Loomband
🔥Musicom.ph

At Marami pang iba!

Hindi lang ito simpleng salu-salo ito ay isang gabi ng pagmamahalan at malasakit, kung saan ang bawat ticket ay ambag sa pagpapatayo ng ating Parokyang Simbahan. 🏗️💒

Halina’t magsama-sama tayo para sa isang gabing puno ng saya at may layuning banal.

💌 Magpareserba na at maging bahagi ng pagtatayo ng ating tahanan ng pananampalataya!

20/02/2026

𝐒𝐅𝐀𝐏 𝐕𝐈𝐒𝐈𝐓𝐀 𝐈𝐆𝐋𝐄𝐒𝐈𝐀

Mga kaparokya ni Isko, ngayong panahon ng kuwaresma, tayo ay inaanyayahan na maglakbay nang may pagninilay. Halina't makiisa sa ating 𝐏𝐚𝐫𝐢𝐬𝐡 𝐕𝐢𝐬𝐢𝐭𝐚 𝐈𝐠𝐥𝐞𝐬𝐢𝐚 sa ika-21 ng Marso, 2026 sa Probinsya ng Bulacan.

Tampok sa ating Pilgrimage ngayong taon ang 7 simbahan sa Bulacan:

1. St. Francis of Assisi Parish-Meycauayan, Bulacan
2. National Shrine of the Divine Mercy, Marilao, Bulacan
3. Minor Basilica of La Purisima Concepcion, Santa Maria, Bulacan
4. Diocesan Shrine and Parish of Nuestra Señora de la Asuncion, Bulakan, Bulacan.
5. Diocesan Shrine and Parish of St. Andrew Kim Taegon, Bocaue, Bulacan.
6. Our Lady of Mount Carmel Parish, Barasoian Church
7. Minor Basilica of the Immaculate Conception, Malolos Cathedral, Malolos, Bulacan.

Para sa mga nais sumama, makipag-ugnayan lamang sa ating mga Church Volunteers o magtungo sa Opisina ng Parokya.

Tayo na't lakbayin ang iba't ibang simbahan sa ating bansa nang may pagninilay at paghahanda.

17/02/2026

🌿 Simula ng Banal na Panahon ng Kuwaresma 🌿

Sa pagpatak ng abo sa ating noo, alalahanin natin ang paanyaya ng Diyos sa pagbabalik-loob at panibagong simula. Sama-sama tayong maglakbay sa panahong ito ng panalangin, pag-aayuno, at pagkakawanggawa.

Nawa’y maging makabuluhan ang bawat hakbang natin patungo sa mas malalim na pananampalataya at tunay na pagbabago ng puso.

Makibahagi sa Silab Sala at sa pagdiriwang ng Miyerkules ng Abo.
Simulan natin ang Kuwaresma nang may pananampalataya at pag-asa.

14/02/2026

𝗙𝗥𝗔𝗡𝗖𝗜𝗦𝗖𝗔𝗡 𝗝𝗨𝗕𝗜𝗟𝗘𝗘 𝗬𝗘𝗔𝗥

Nagagalak ang 𝐏𝐚𝐫𝐨𝐤𝐲𝐚 𝐧𝐠 𝐒𝐚𝐧 𝐅𝐫𝐚𝐧𝐜𝐢𝐬𝐜𝐨 𝐧𝐠 𝐀𝐬𝐬𝐢𝐬𝐢 na nasa pangangalaga ng Ordeng Pransiskanong Konbentual(𝑶𝑭𝑴𝑪𝒐𝒏𝒗.) sa natatanging Pribilehiyo na ipinagkaloob ng ating Papa Leone XIV.

Ang ating Parokya ay kabilang sa mga simbahang itinalaga bilang 𝗝𝗨𝗕𝗜𝗟𝗘𝗘 𝗖𝗛𝗨𝗥𝗖𝗛 bilang paggunita sa 𝐢𝐤𝐚-800 𝐭𝐚𝐨𝐧𝐠 𝐚𝐧𝐢𝐛𝐞𝐫𝐬𝐚𝐫𝐲𝐨 𝐧𝐠 𝐓𝐫𝐚𝐧𝐬𝐢𝐭𝐮𝐬 o 𝐊𝐚𝐦𝐚𝐭𝐚𝐲𝐚𝐧 𝐧𝐢 𝐒𝐚𝐧 𝐅𝐫𝐚𝐧𝐜𝐢𝐬𝐜𝐨 𝐧𝐠 𝐀𝐬𝐬𝐢𝐬𝐢, patron ng ating Parokya.

Antabayanan ang mga programa at aktibidad ng ating Parokya para sa buong taon ng Hubileyo ngayong 2026 - 2027 dito ating official page.

𝗩𝗜𝗩𝗔 𝗦𝗔𝗡 𝗙𝗥𝗔𝗡𝗖𝗜𝗦𝗖𝗢 𝗡𝗚 𝗔𝗦𝗦𝗜𝗦𝗜!

09/11/2025

ORATIO IMPERATA
PANALANGIN PARA IPAG-ADYA SA MGA KALAMIDAD
(DULOT NG BAGYONG UWAN)

Amang Makapangyarihan, itinataas namin sa Iyo ang aming mga pusong nagpapasalamat sa kagandahan ng Iyong nilikha kung saan kami ay bahagi sa pagkalinga Mong nagtataguyod sa aming mga pangangailangan at sa karunungan Mong gumagabay sa takbo ng daigdig.
Kinikilala namin ang aming mga pagkakasala sa Iyo at sa sangnilikha. Hindi kami naging mabuting katiwala ng kalikasan.
Pinagkamali namin ang iyong utos na pangasiwaan ang daigdig. Ang kapaligiran ay nagdurusa sa aming kamalian at ngayon ay aming inaani ang aming pagmamalabis at kawalang pakialam. Ang "global warming" ay laganap na.
Ang mga bagyo, pagbaha, pagputok ng bulkan, paglindol, at iba pang kalamidad ay patuloy na tumitindi sa pananalanta. Lumalapit kami sa Iyo, Mapagmahal na Ama at humihingi ng kapatawaran sa aming mga kasalanan.
Hinihiling namin na kami, kasama ng aming mga mahal sa buhay at pinagpagurang ari- a***n at ipag-adya sa banta ng mga kalamidad, likas man o kagagawan ng tao.
Iniluluhog namin gawin kaming mapanagutang katiwala ng Iyong nilikha at maging bukas-palad na kapwa sa mga nangangailangan. Sa Pangalan ni Hesus.
Amen.

San Francisco ng Assisi, patron ng Kalikasan at Ekolohiya, ipanalangin mo kami.

30/10/2025

"𝐇𝐚𝐥𝐢𝐧𝐚 𝐚𝐭 𝐭𝐚𝐲𝐨'𝐲 𝐦𝐚𝐠𝐝𝐢𝐰𝐚𝐧𝐠 𝐬𝐚 𝐚𝐫𝐚𝐰 𝐧𝐠 𝐦𝐠𝐚 𝐁𝐚𝐧𝐚𝐥!"

Mga kaparokya ni Isko!

Bilang pagdiriwang ng 𝐃𝐚𝐤𝐢𝐥𝐚𝐧𝐠 𝐊𝐚𝐩𝐢𝐬𝐭𝐚𝐡𝐚𝐧 𝐧𝐠 𝐥𝐚𝐡𝐚𝐭 𝐧𝐠 𝐦𝐠𝐚 𝐁𝐚𝐧𝐚𝐥, bukas Oktubre 31, 2025 ay muli nating isasagawa ang 𝐒𝐚𝐧𝐭𝐨 𝐤𝐨, 𝐆𝐚𝐲𝐚 𝐤𝐨!

Inaanyayahan ang lahat na makiisa sa Parade of Saints bukas sa ganap na ika-4 ng hapon. Susundan ito ng Banal na Misa sa ika-6 ng gabi.

Halina't ating alalahanin ang mga Banal na namuhay dito sa mundo sang-ayon sa kalooban ng Diyos sa pamamagitan ng pagtulad sa kanila!