https://www.facebook.com/102166394963040/

LaKas - Lord ang Kasangga

Home
Philippines
Binangonan
LaKas - Lord ang Kasangga

Sa bawat hamon ng buhay, kung nakikilala mo si Hesus ng tunay
Laging tandaan, Lord ang kasangga at karamay!

Ang LaKas - Lord ang Kasangga ay bahagi ng programa ng Jesus First Christian Ministries - Binangonan na naglalayon na:

- maipakilala ang Panginoong Hesus,
- maibahagi ang tamang katuruan
- at makasama sa pagsamba ang bawat taong nagnanais mamuhay kasama ang Panginoon

26/04/2026

JFCM Binangonan Sunday Worship Meeting April 26, 2026

Pamagat: ANG PITONG MGA MANGKOK

Teksto: Pahayag 15:1-8

25/04/2026

"Ang 7 mga Mangkok"
(Isang makapangyarihang paalala tungkol sa katuwiran at katarungan ng Diyos)

Mahalagang maunawaan natin ang mga bagay na inihayag ng Diyos upang tayo ay maging handa, mapalakas ang ating pananampalataya, at manatiling tapat sa Kanya.

Halina't sama-sama nating aralin ang paksang ito sa lingguhang pananambahang isinasagawa ng Jesus First Christian Ministries Binangonan.

Petsa: Bukas, Abril 26, 2026,
Oras: ika-9 ng umaga.
Lugar: Villarin Building, 2nd Floor (itaas ng Gareza Drugstore), Palangoy, Binangonan, Rizal

19/04/2026

JFCM Binangonan Sunday Worship Meeting April 19, 2026

Pamagat: Ang Pitong mga Tatak o Selyo -Ikapitong Tatak

Teksto: Mateo 24:1-3, Pahayag 5:1-10

18/04/2026

Sa darating na pagtitipon, ating tatalakayin ang makapangyarihang pahayag tungkol sa Ikapitong Tatak: Pitong mga Trumpeta, na bahagi ng hula na may malalim na kahulugan para sa ating pananampalataya at pag-unawa sa mga pangyayari sa huling panahon.

🗓️ Araw: Linggo, Abril 19, 2026
🕘 Oras: 9:00 AM
📍 Lugar: 2nd Floor Villarin Building (itaas ng Gareza Drugstore), Palangoy, Binangonan, Rizal

Halina’t sama-sama nating pakinggan ang mensahe ng Diyos, palalimin ang ating pananampalataya, at magpatibay bilang Kanyang bayan.

“Mapalad ang nakikinig at tumutupad ng salita ng Diyos.”

Kita-kita po tayo!

Mayroon ding FB live dito sa ating page.

Tara bukas KaLakas!

12/04/2026

JFCM Binangonan Sunday Worship Meeting April 12, 2026

Pamagat: "RAPTURE OF THE SAINTS : Ikaanim na Selyo o Tatak"

Teksto: Pahayag 6:12-17/21:22, Mateo 24:29-31 , 1 Tesalonica 4:13-18

10/04/2026

RAPTURE
Mateo 24:29-31
29 “Pagkatapos ng kapighatian sa mga panahong iyon, magdidilim ang araw, hindi magliliwanag ang buwan, malalaglag mula sa langit ang mga bituin, at mayayanig ang mga kapangyarihan sa kalawakan.
30 Pagkatapos, lilitaw sa langit ang tanda ng Anak ng Tao at mananangis ang lahat ng bansa. Makikita nila ang Anak ng Tao na nasa alapaap at dumarating na may dakilang kapangyarihan at kadakilaan.

RAPTURE. Ito ang pagsundo ng Panginoon sa mga tapat na mananampalataya. Ito ay isa sa mga pinakamaluwalhati at pinakahihintay na pangako ng Diyos para sa Kanyang mga itinuturing na anak.

Ito ang panahon na ang mga mananampalataya; mauuna muna ang mga namatay at pagkatapos ay ang mga buhay pa na susunduin upang tipunin sa alapaap at katagpuin ang Panginoon sa himpapawid.

Ito ang dakilang pag-asa na bago pa man dumating ang matitinding hatol, ligalig, at paghihirap na nakaukol sa mga hindi naniniwala sa Kanya ay kukunin na tayo upang maisalba sa mga matitinding hirap na mararanasan ng mga hindi mananampalataya…sapagkat ang mga pahirap na iyon ay ang galit ng Diyos laban sa mga kaaway Niya!

(Magkita-kita po tayo at alamin ang mensaheng iyan sa Linggo, ika-12 ng Abril, sa ikalawang palapag ng Villarin Bldg., sa taas lamang ng Gareza Drugs, Palangoy, Binangonan, Rizal.)

31/03/2026

ANG MGA MARTIR
(Ikalimang Selyo)

SA PAGBUBUKAS ng Kalatas na may pitong selyo o Tatak, ating natalakay ang “Una hanggang Ikaapat.” Nakita natin sa pamamagitan ng Kanyang kalatas na ating pinasimulan noong nakaraang Linggo ang larawan ng kasaysayan ng sangkatauhan na mangyayari sa hinaharap: Ang mga paghihirap na daranasin ng mga tao sa panahong iyon na kung tawagin ay “Tulad sa Babaeng Nanganganak.”

Ngunit sa ating pagpasok at paglalahad sa Ikalimang Selyo o Tatak, lalong masusumpungan natin ang mas nakahihindik na mga pangyayari na mangyayari pa lamang sa panahong iyan. Malalaman natin ang kuwento ng mga taong nagdanas ng takot, pagtitiis, paghihirap at nag-alay ng kanilang sarili bilang handog ng katapatan nila sa Panginoon. Sila ang mga tinatawag na…

ANG MGA MARTIR!

(Samasama po nating saksihan ang mensaheng iyan sa darating na Linggo, ika-5 ng Abril, taong kasalukuyan. Magkita-kita po tayo sa Jesus First Christian Ministries, ikalawang palapag ng Villarin Bldg., sa taas ng Gareza Drugs, Palangoy, Binangonan, Rizal.)

26/03/2026

TULAD SA BABAENG NANGANGANAK!
Mateo 24:7-8
7 Maglalaban-laban ang mga bansa at gayundin ang mga kaharian. Magkakaroon ng mga taggutom at lindol sa maraming lugar.
8 Ang lahat ng mga ito’y pasimula pa lamang ng mga paghihirap tulad ng sa isang babaeng nanganganak.
Ang unang apat na selyo o tatak ay tinawag na analohiya (paghahambing) sa “Babaeng Nanganganak.”
Ang pag-aaral na ito ay nakatuon sa pagsusuri ng mga babala at pangyayari na inilarawan sa Pahayag 6:1-17 at Mateo 24:4-31. Ngunit tulad nga ng sinabi ko kanina, partikular na ang matatalakay lang natin ay ang unang apat na selyo na inihambing sa “Babaeng Nanganganak”!
Ang mga nilalaman ng apat na selyong ito ay mga kaganapang nagsisilbing babala sa mga mananampalataya. Na kung tawagin naman sa Ingles ay “The beginning of birth pains.”
Dapat iyang pagtuunan ng pansin sapagkat iya’y nagpapahiwatig sa atin ng mga magaganap hindi lang sa darating na mga panahon kundi magiging mapanuri rin tayo sa kasalukuyang panahong ito.
Sa pag-aaral nating ito, makikita natin ang pagbabago at pagtindi ng sitwasyon sa mundo. Ito’y isang mahalagang analohiya na ginagamit upang ilarawan ang kalikasan ng mga pangyayaring ito na ikinukumpara nga sa “Isang Babaeng Nanganganak!”
Ang analohiyang ito ay nagpapahiwatig na ang mga hamon, pagsubok, at kahirapan na kaugnay ng unang apat na selyo ay hindi lamang basta pangyayari, kundi mayroong pagtaas o pagtindi ng bigat—para bang ang sakit na nararamdaman ng nanganganak ay unti-unting lumalala habang ang pagsisilang ay nalalapit.
Ibig sabihin, ang sitwasyon sa panahong iyon ay nangangahulugang napakahirap…at ang mga paglala ng mga pangyayaring nagaganap—pasidhi ng pasidhi!
Mga minamahal, ito ay nagsisilbing paalala sa mga mananampalataya na maging handa; maging matatag; at manatiling nakakapit sa Diyos sa gitna ng mga pagsubok.
Sa unang apat na selyong ito na ating tatalakayin, hangad ko na maunawaan ng bawat isa sa atin ang kahalagahan at kahulugan ng pag-aaral na ito. Nawa’y maunawaan din natin ang ating kaugnayan o kalagayan sa mga turong ito na matutunghayan natin sa isinasaad ng mga tekstong ating binasa.
Sana’y makita natin ang plano ng Diyos, at babala Niya sa sangkatauhan…sapagkat tulad nga ng sinasabi ko…ito’y…
TULAD SA BABAENG NANGANGANAK!

(Sama-sama po nating tunghayan ang pag-aaral na iyan sa Linggo, ika-29 ng Marso, sa JESUS FIRST CHRISTIAN MINISTRIES--Palangoy, sa 2nd floor ng Villarin Bldg., sa itaas lamang ng Gareza drugs.)

20/03/2026

ANG PITONG MGA TATAK
(Unang Yugto)

Pahayag 5:1-10
1 Nakita ko sa kanang kamay ng nakaupo sa trono ang isang kasulatan na may sulat ang loob at labas at sinarhan ng pitong selyo.
2 At nakita ko rin ang isang makapangyarihang anghel na nagtanong nang malakas, “Sino ang karapat-dapat na mag-alis sa mga selyo at magbukas sa kasulatan?
3 Ngunit wala ni isa man, maging sa langit, maging sa lupa o sa ilalim ng lupa, na makapagbukas o makatingin sa nilalaman niyon.
4 Buong kapaitan akong umiyak dahil walang karapat dapat na magbukas at tumingin sa nilalaman niyon.
5 Ngunit sinabi sa akin ng isa sa mga pinuno, “Huwag kang umiyak. Tingnan mo! Ang leon mula sa lipi ni Juda, ang anak ni David, ang siyang nagtagumpay at may karapatang mag-alis sa 7 selyo at magbukas sa kasulatang nakarolyo.

MAY MGA BAGAY na kapag narinig mo, parang gusto mo nang tumakbo at magtago? Marami ‘yan at hindi na kailangang isa-isahin.
Pero nang simulang ituro ko ang patungkol sa “MGA HULING SANDALI” na kung saan ang “Pitong mga Tatak o Selyo ay kasama sa pinag-aaralan, narinig ko ang isang kapatid nagsabi ng ganito: Nakakatakot naman!

Kung wawariin kasi, ang katuruang ito ay parang horror movie na may pitong sequels ang dating!
Pero ito ang masasabi ko…hindi ito basta-basta kuwento ng katatakutan lang—ito ay isang napakahalagang gabay para sa atin na gustong malaman kung ano ang mga mangyayari bago dumating ang wakas ng panahon.
Parang spoiler alert siya (o paunang babala) sa pelikula ng buhay na pang-hinaharap!

Kaya kailangan nating alamin ang tungkol sa bagay na ‘yan.
Pero, bakit ba kailangan nating alamin ang tungkol sa Pitong mga Tatak o Selyo?...Kasi, pag nalaman natin ‘yan, mapagtatanto natin na kailangan pala nating maghanda bilang mananampalataya.

Kung hindi tayo maghahanda, masusurpresa tayo na parang hindi naghanda sa exam! Hindi natin puwedeng ikatwiran ‘yung madalas nating excuse kapag nakakakuha tayo ng 40 out of 100 na tamang sagot sa school exam. Kung minsan, zero pa.

Itong ating pag-aaralan kasi, bawat tatak ay parang chapters sa isang nobela na puno ng mga twists and turns—may mga pagsubok, pagbabago, at paghuhukom na kailangang pagdaanan bago ang grand finale.

Kaya nga ang masasabi ko, sa halip na matakot, mas mabuting maging curious at handa tayo sa panahong ito ng ating kamalayan. Huwag palampasin…alamin natin ang mga bagay tungkol sa pag-aaral na ito:
“Ang Pitong mga Tatak o Selyo!”

(Sama-sama po tayong alamin ang tungkol sa pag-aaral na ‘yan sa Linggo, ika-22 ng Marso. Kita-kita po tayo sa JESUS FIRST CHRISTIAN MINISTRIES-Palangoy, Binangonan. Ikalawang palapag ng Villarin Bldg., sa taas lamang ng Gareza Drugs.)

19/03/2026

Happy Thursday 🫶🏻

18/03/2026

"Trust in the Lord with all your heart , and do not lean on your own understanding .
In all your ways acknowledge him , and he will make straight your paths ."

Address

Binangonan
1940

Website

facebook.com

Alerts

Be the first to know and let us send you an email when LaKas - Lord ang Kasangga posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to LaKas - Lord ang Kasangga:

Shortcuts

Want your place of worship to be the top-listed Place Of Worship in Binangonan?