LaKas - Lord ang Kasangga

23/08/2026

JFCM Binangonan Sunday Worship Meeting August 23, 2026

Pamagat: POOK NG PAGHIHIWALAY! (Ang Bagong Daigdig)

Teksto: Pahayag 21:7-8/20:10, Isaias 66:23-24, 2 Pedro 3:9, Mateo 24:41-43/50-51/ 25:26-30/41:43

22/08/2026

Sabay-sabay nating ialay ang ating papuri at pasasalamat sa Diyos na pinagmunulan ng lahat ng lakas.

Sa mga walang kakayahang mag-onsite, sama kayo sa LIVE ng worship meeting ng Jesus First Christian Ministries Binangonan mamayang 9:00 ng umaga dito sa LaKas page!

Sa mga mag-oonsite tara ha!

Ihanda ang mga puso at tinig. Iinvite na rin mga kapamilya at kaibigan nyo!

Sama-sama tayo. Magandang umaga! 💚

20/08/2026

Basta tinawag ka para sa isang bagay, kakayanin mo ang lahat sa tulong ng Panginoon. Sasamahan ka Nya at siguradong ang takot ay mapagtatagumpayan mo.

Magandang araw!

19/08/2026

POOK NG PAGHIHIWALAY!

Sa Bagong Daigdig, nakahiwalay ang mga nagsuwail sa mga nagmatapat sa Panginoong Jesus. Diyan ay makikita ang magiging bunga ng mga tunay na nanampalataya at nagsikap na mga kritiyano.

Iba ang magiging wakas ng mga tapat sa mga taksil. Walang puwedeng mamagitan diyan. Hindi iyan tulad sa mga nag-aaplay sa trabaho na madalas ay kailangan ang padrino upang makapasok kahit hindi karapat-dapat; at kung ikaw naman ay karapat-dapat, pero kung may makialam, ikaw ay papalitan.

Diyan sa Bagong Daigdig na ‘yan, kitang-kita o hayag na hayag ang katotohanang ang mga mananampalataya ay iba ang kahahantungan kaysa mga hindi mananampalataya.

Kung hindi ka nananampalataya, maglulupasay ka man sa sama ng loob dahil hindi ka kasama ng Panginoon at maalwan ang buhay o pakiramdam sa piling ng Panginoon, pero kung hindi ka naman nanampalataya nung ikaw’y nabubuhay pa, sa halip na ang Panginoon, ang kasama mo ay si Satanas at ang iba pang katulad mo rin na matitigas ang ulo.
Ibig ko lang sabihin, Ikaw’y nakahiwalay na! Hindi ka pupuwede sa kinaroroonan ng mga mananampalataya. Sapagkat ang pook na iyon ay…

POOK NG PAGHIHIWALAY!

16/08/2026

JFCM Binangonan Sunday Worship Meeting August 16, 2026

Pamagat: DAIGDIG NG KAGALAKAN

Teksto: Pahayag 21:3-4/ 22:5, Daniel 7:13-14/ 27, Roma 8:17

14/08/2026

ANG DAIGDIG NG KAGALAKAN

MARAHIL, karamihan sa atin ay nagnanais ng panahong wala nang lungkot, sakit, pagluha, o kamatayan—isang panahong punong-puno ng kapayapaan, pagmamahalan, at walang-hanggang ligaya.

Mga minamahal, iyan ang ipinangako ng Diyos: Ang Bagong Daigdig; ang Daigdig ng Kagalakan! Bakit nga ba tatawagin itong daigdig ng kagalakan? Hindi ito haka-haka lamang o pangarap na hindi matutupad—may matibay at dakilang mga dahilan na nakabatay sa Salita ng Diyos.

Una at pinakamahalaga: dahil naroon ang Diyos kasama natin, at aalisin Niya ang lahat ng nagdudulot ng pagdurusa.

Pangalawa: Dahil tayo ay makakasama at maghahari kasama ng Panginoon magpakailanman.

Totoo, sa kasalukuyang panahon, napapaligiran tayo ng maraming pagsubok, hirap, at kalungkutan. Ngunit sa gitna ng lahat ng ito tulad ng sinabi ko sa itaas, mayroong naghihintay sa atin na isang dakilang kinabukasan—isang kahanga-hangang tahanang inihanda ng ating mapagmahal na Diyos: ang Bagong Daigdig! Ang ang Bagong Daigdig na ito ay tatawagin nating Daigdig ng Kagalakan, sapagkat doon ay magkakaroon ng ganap at walang-kapantay na ligaya na hindi na muling mawawala. At ito ay tiyak at totoo!

Bakit tiyak at totoo ang kagalakang ito?

(Alamin po natin ang mensaheng iyan sa JESUS FIRST CHRISTIAN MINISTRIES-Palangoy, ikalawang palapag ng Villarin Bldg., sa taas lamang ng Gareza Drugs, Palangoy, Binangonan, Rizal. Magkita-kita po tayo sa Linggo, ika-16 ng Agosto, taong kasalukuyan.)

09/08/2026

JFCM Binangonan Sunday Worship Meeting August 09, 2026

Pamagat: ANG BAGONG DAIGDIG.

Teksto: Pahayag 21:1-3, Pahayag 21:22, Pahayag 20:1-15.

06/08/2026

ANG BAGONG DAIGDIG!

ITO ANG SERYOSONG katotohanan: ang Lumang Daigdig na ating ginagalawan: puno ng sakit, pagluha, kasalanan, at kaguluhan…ngunit iyan ay tiyak na maglalaho.

Sapagkat ang ipinangako ng Diyos…hindi lamang isang pangyayari sa hinaharap kundi ito ay gabay at panggatong ng ating puso sa kasalukuyan para sa darating na hinaharap.

Dapat alam nating darating ang Bagong Langit at Bagong Daigdig kung saan ang Diyos ay mananahan nang lubos kasama ng Kanyang bayan; doon, wala nang anumang bagay na marumi o masama ang makakapasok, kaya nga narito ang hamon:
Huwag nating hayaang maging panandalian lamang ang ating pagtingin sa mga bagay na ginagawa natin dito sa lupa.

Oo, ang kayamanan, kapangyarihan, at kasiyahang panandalian ay mawawala, ngunit ang ating katapatan, pagmamahal sa Diyos, at paglilingkod sa kapwa ay dapat manatili upang ito’y maging susi sa ating pagpasok sa dakong walang hanggan…ANG BAGONG DAIGDIG!

(Magkita-kita po tayo sa JESUS FIRST CHRISTIAN MINISTRIES sa darating na Linggo, ika-9 ng Agosto, sa ikalawang palapag ng Villarin Bldg., sa taas lang ng Gareza drugs; Palangoy, Binangonan Rizal).

02/08/2026

02/08/2026

JFCM Binangonan Sunday Worship Meeting August 02, 2026
Pamagat: WALANG HANGGANG PAGHAHARI NG DIYOS!
Teksto: Daniel 7:13-14; 25-27