Christ-Like Christian Church

Directions Website Contact the place of worship

Christ-Like Christian Church Christ-Like Christian Church is a body of Christ that embodies faith, hope, and love of God toward the people for the reign of heaven and glory of the Father.

ANG PAGSUNOD KAY LORD AY WALANG “DISCOUNT.”Kapatid, minsan gusto natin sundin si Lord pero hanggang sa puntong komportab...
30/09/2026

ANG PAGSUNOD KAY LORD AY WALANG “DISCOUNT.”

Kapatid, minsan gusto natin sundin si Lord pero hanggang sa puntong komportable tayo.

Susunod tayo kapag madali.
Susunod tayo kapag pabor sa atin.
Susunod tayo kapag naiintindihan natin.

Pero kapag may kailangang bitawan, may kailangang baguhin, o may kailangang isuko, bigla tayong nagdadalawang-isip.

Gusto natin ng obedience na may kondisyon.

📖 “If ye love me, keep my commandments.” — John 14:15 KJV

Ang partial obedience ay disobedience pa rin.

Hindi ibig sabihin na dahil may sinunod kang bahagi, okay na ang bahaging pinili mong hindi sundin.

Kapag malinaw na ang sinabi ng Diyos at pinili pa rin nating gawin ang gusto natin, hindi na iyon simpleng compromise.

Pagsuway na iyon.

Hindi humihingi si Jesus ng porsyento ng buhay mo, tinatawag Niya tayo sa kabuuang pagsunod.

📖 “And he that taketh not his cross, and followeth after me, is not worthy of me.” — Matthew 10:38 KJV

Ang pagsunod kay Jesus ay hindi parang menu kung saan pipiliin natin ang mga utos na gusto natin.

Hindi rin ito parang sale na puwedeng tawaran.

Walang discount ang discipleship.

Tandaan Kapatid, Siya ang Panginoon ng buong buhay natin.

Ang pagsunod kay Jesus ay hindi tungkol sa pagbibigay ng bahagi ng buhay mo.

Ito ay tungkol sa pagsuko ng buong buhay mo.

Walang discount.
Walang kondisyon.

Buong puso. Buong buhay. Buong pagsunod.

Shalom.

HUWAG MONG I-OUTSOURCE ANG SPIRITUAL GROWTH MO SA PASTOR MO.Linggo-linggo kang nakikinig sa sermon.Tumatanggap ka ng enc...
28/09/2026

HUWAG MONG I-OUTSOURCE ANG SPIRITUAL GROWTH MO SA PASTOR MO.

Linggo-linggo kang nakikinig sa sermon.

Tumatanggap ka ng encouragement.

Natututo ka ng Salita ng Diyos.

Pero pagkatapos ng Sunday service, ano na?

Ang spiritual growth ay hindi responsibilidad ng pastor mo lamang.

Responsibilidad mo ring pakainin ang sarili mo sa Salita ng Diyos.

📖 Like newborn infants, long for the pure spiritual milk, that by it you may grow up into salvation — 1 Peter 2:2 ESV

Oo, may responsibilidad ang pastor na magturo, mangaral, gumabay, at magpakain sa kawan.

Pero hindi ibig sabihin na tuwing Linggo lang dapat nakakakain ang espiritu mo.

Hindi sapat ang isang sermon kada linggo kung anim na araw naman tayong walang personal na pakikipag-ugnayan sa Diyos.

Maaari kang maraming beses nang makarinig ng Salita, pero kung hindi mo ito binabasa nang personal, hindi mo ito pinag-iisipan, at hindi mo isinasabuhay, mahirap itong maging bahagi ng buhay mo.

Ang pastor ay maaaring magturo sa iyo.

Pero kailangan mong matutong maghanap sa Diyos.

Ang pastor ay maaaring gumabay sa iyo.

Pero kailangan mong matutong sumunod sa Salita.

Ang pastor ay maaaring magpakain sa iyo tuwing Linggo.

Pero mula Lunes hanggang Sabado, responsibilidad mong hanapin ang Diyos, buksan ang Kanyang Salita, manalangin, magnilay, at mamuhay ayon dito.

Kaya huwag mong gawing Sunday-only ang relasyon mo kay Jesus.

Huwag mong hintaying may bagong sermon bago ka muling magbukas ng Bible.

Huwag mong hintaying may problema bago ka muling manalangin.

Ang spiritual growth mo ay hindi dapat nakadepende sa schedule ng church.

Dahil ang Diyos ay hindi lang Diyos ng Sunday.

Siya ang Diyos ng buong linggo.

Kaya oo, makinig ka sa sermon.

Matuto ka sa pastor mo.

Makinig sa pangangaral ng Salita ng Diyos.

Pero pagkatapos ng “Amen,” dalhin mo ang Salita sa buhay mo.

Buksan mo ang Bible.
Manalangin ka.
Magnilay ka.
Sumunod ka.

At hayaan mong si Cristo mismo ang patuloy na humubog sa buhay mo.

Shalom.

ANG TUNAY NA SUCCESSION, HINDI LANG POSISYON KUNDI DISPOSITION.Iniisip natin na ang succession ay simpleng pagpapasa ng ...
25/09/2026

ANG TUNAY NA SUCCESSION, HINDI LANG POSISYON KUNDI DISPOSITION.

Iniisip natin na ang succession ay simpleng pagpapasa ng posisyon.

May aalis.
May papalit.
May bagong leader.
May bagong hahawak ng mikropono.

Pero ang tanong, sapat na ba iyon?

Huwag lang natin basta ipasa ang mikropono sa kabataan; ipasa natin ang puso ng paglilingkod.

Kasi maaaring maipasa ang posisyon nang hindi naipapasa ang character.

Maaaring maipasa ang titulo, pero hindi ang integridad.

Maaaring maipasa ang responsibilidad, pero hindi ang puso ng isang lingkod.

At maaaring maipasa ang mikropono, pero hindi ang burden para sa gawain ng Diyos.

📖 The things which you have heard from me in the presence of many witnesses, entrust these to faithful men who will be able to teach others also. - 2 Timothy 2:2 NASB

Ang tunay na succession ay hindi lang tungkol sa kung sino ang susunod na hahawak ng posisyon.

Ito ay tungkol sa kung sino ang susunod na magdadala ng tamang puso.

Kaya hindi sapat na turuan natin ang kabataan kung paano mangaral.

Turuan natin silang mamuhay nang tama.

Hindi sapat na turuan silang humawak ng mikropono.

Turuan natin silang humawak ng responsibilidad.

Hindi sapat na bigyan sila ng platform.

Turuan natin silang maging faithful kahit walang platform.

Hindi sapat na turuan silang manguna.
Turuan muna natin silang sumunod.

Dahil ang ministry ay hindi lang nangangailangan ng taong mahusay magsalita.

Nangangailangan ito ng taong marunong magpakumbaba, tumanggap ng
correction, magtiis, maging tapat, at maglingkod kahit walang palakpak.

Ang ministry ay hindi dapat ipinapasa sa pamamagitan lamang ng posisyon.

Ipinapasa ito sa pamamagitan ng halimbawa.

Kung gusto nating magkaroon ng matibay na susunod na henerasyon, huwag lang natin silang bigyan ng pagkakataong makita ang ginagawa natin.

Bigyan natin sila ng pagkakataong makita kung paano tayo namumuhay.

Ipakita natin sa kanila kung paano maglingkod nang hindi naghahanap ng recognition. Kung paano manatiling faithful kahit walang nakakakita. Kung paano unahin si Kristo kaysa sa sariling pangalan.

Ang tunay na succession ay hindi lang pagpapasa ng ministry.

Ito ay pagpapasa ng puso ng paglilingkod.

Shalom.

GAANO KA NA KATAGAL SA CHURCH?Pero mas mahalagang tanong:Gaano ka na talaga kalalim kay Kristo?Minsan, iniisip natin na ...
23/09/2026

GAANO KA NA KATAGAL SA CHURCH?

Pero mas mahalagang tanong:

Gaano ka na talaga kalalim kay Kristo?

Minsan, iniisip natin na dahil matagal na tayong nagsisimba, marami na tayong narinig na pangangaral, at matagal na tayong naglilingkod sa ministry, ibig sabihin ay espirituwal matured na.

Pero hindi laging ganoon yun.

Maaari kang matagal nang nasa church, pero hirap pa ring magpatawad.

Maaari kang maraming alam na Bible verses, pero hirap pa ring magpakumbaba kapag ikaw ay tinutuwid.

Maaari kang matagal nang naglilingkod sa ministry, pero ayaw mo pa ring sumunod kapag ang Salita ng Diyos ay humahamon sa gusto mong gawin.

Maaari kang sanay nang makarinig ng Salita ng Diyos, pero ang tanong: Hinahayaan mo ba talaga itong baguhin ang buhay mo?

📖 “But be ye doers of the word, and not hearers only...” — James 1:22 KJV

Ang espirituwal na maturity ay hindi nasusukat sa tagal mo sa church.

Hindi rin sa dami ng alam mong talata.

Hindi sa dami ng ministry na sinalihan mo.

At hindi rin sa dami ng taong nakakakilala sa iyo bilang isang taong “spiritual.”

Makikita ito sa paraan ng pamumuhay mo.

Kasi tandaan natin madaling maging “tagapakinig” ng Salita.

Pero ibang bagay ang maging tagasunod nito.

Minsan gusto natin ng mga mensaheng nagbibigay sa atin ng encouragement, pero kapag may Salitang nagko-correct sa atin, bigla tayong nagiging defensive.

Gusto natin ng pagpapala, pero ayaw natin ng pagsunod.

Gusto natin ng biyaya, pero ayaw natin ng pagbabago.

Gusto nating lumago kay Kristo, pero ayaw nating bitawan ang mga bagay na ayaw Niyang manatili sa buhay natin.

Ang tunay na paglago ay tungkol sa kung gaano ka nababago dahil kay Jesus.

Shalom.

22/09/2026

Ang kasalanan ay kasalanan pa rin sa harapan ng Diyos at may karampatang hatol. Ngunit sa kabila nito, ang walang bayad Niyang kaloob ay buhay na walang hanggan sa pamamagitan ni Kristo Hesus. Lumapit tayo sa Kanya nang may pagsisisi at tanggapin ang Kanyang biyaya habang may pagkakataon pa.

Worship with Us this Sunday:
1st Service: 8:00 AM – 10:00 AM
2nd Service: 10:00 AM – 12:00 NN

Connect & Grow with Us:
Website: https://clcc.site/
Facebook: www.facebook.com/CLCCWorldWideMinistryInc
YouTube: www.youtube.com/-likechristianchurch


Address

Southville 5A Brgy. Langkiwa
Binãn

Website

,

Alerts

Be the first to know and let us send you an email when Christ-Like Christian Church posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Christ-Like Christian Church:

Shortcuts

Share

Category