Strengthen the faith of Christian believers solely governed by the King James Bible Tipanan ng Iglesia
Ayon sa ating paniniwala na tayo’y pinatnubayan ng Espiritu ng Diyos na tanggapin ang Panginoong HesuKristo bilang Tagapagligtas, at bilang pagpapahayag ng ating pananampalataya, nang tayo’y nabautismuhan sa pangalan na Ama, Anak, at ng Banal na Espiritu, kagalakang nakikipagtipan sa isa’t- isa
bilang isang katawan kay Kristo. Dahil dito ay nagkakasundo tayo sa tulong ng Banal na Espiritu na tayo’y lalakad ng maka-Kristiyanong pag-ibig, na pagsisikapan nating mapaunlad ang Iglesiang ito, sa kaalaman, kabanalan at kaaliwan; mapasulong ang pag-unlad at pamumuhay ispiritwal; itaguyod ang bawat panambahan, pagpapatupad ng ordinansa, at doktrina. Magkakaloob ng masaya, palagian at kaunlaran sa ating Tithes, Love Offering, Faith Promise, Thanksgiving, First Fruit upang matustusan ang pangangailangan ng gawain,mga gugulin ng Iglesya, pagtulong sa mga nangangailangan at mapalaganap ang Ebanghelyo sa lahat ng mga bansa. Nagkakasundo rin tayo na sususportahan natin ang ating Pastor, sa lahat ng kanyang pamamahala at lahat ng kanyang pagsusumikap. Ibigay sa kanya ang ating dobleng paggalang, ang ating pananalangin, palakasin ang kanyang loob, maglingkod na kasama siya, at pagsisikapan natin ang kanyang mabuting kapakanan, at mahalin siya. Nagkakasundo rin tayo na mapanatili ang panalangin at debosyon sa loob ng ating mga tahanan, turuan sa ating pananampalataya ang ating mga anak, sisikaping maabot ng kaligtasan ang mga kamag-anakan at kakilala. Mamumuhay na matuwid sa sanlibutan, na maging makatarungan sa ating pakikiugnay, matapat sa kasunduan at maging huwaran sa pagkilos, iiwasan natin ang masasamang usapan at paninirang puri, ang malabis nakagalitan, hihiwalayan natin ang pagbili at paggamit ng anumang uri ng inuming makakalasing, anumang uri ng bisyong sumisira ng moral ng tao, na maging masigasig sa pagpapasulong ng Kaharian ng ating Tagapagligtas. Nagkakasundo rin tayo na magtitinginan tayo sa isa’t isa sa pag-iibigan bilang magkakapatid , mag-alalahanan ang bawat isa sa pananalangin, magtulungan sa isa’t isa sa panahon ng karamdaman at kapighatian, na ating pagyayamanin ang damdaming Kristiyano, na maging magalang sa pananalita at di maramdamin, subalit laging handang makipagkasundo, at alalahanin ang alituntunin ng ating Tagapagligtas na ito’y isasakatuparang walang anumang pag-aatubili. Nagkakasundo rin tayo na sakali’t sino mang kaanib ng Iglesyang ito BBBC- Bethel Bible Baptist Church of Binan, Laguna ay mapalayo ng lugar at tirahan ay hahanapin natin kaagad,at pakikisamahan ang Iglesyang may kasing uri, na kung saan ay magagampanan natin ang diwa ng tipanang ito at mga alintuntunin ng Salita ng Diyos.
