Ina ng Kaliwanagan - Nuestra Señora Dela Luz de Biñan

18/03/2026

𝐏𝐀𝐀𝐍𝐘𝐀𝐘𝐀 | 𝗗𝗮𝗸𝗶𝗹𝗮𝗻𝗴 𝗞𝗮𝗽𝗶𝘀𝘁𝗮𝗵𝗮𝗻 𝗻𝗶 𝗦𝗮𝗻 𝗝𝗼𝘀𝗲, 𝗘𝘀𝗽𝗼𝘀𝗼 𝗻𝗴 𝗠𝗮𝗵𝗮𝗹 𝗻𝗮 𝗕𝗶𝗿𝗵𝗲𝗻𝗴 𝗠𝗮𝗿𝗶𝗮

Ngayong araw, makiisa tayo sa buong Simbahan sa pagdiriwang ng Dakilang Kapistahan ni San Jose, Esposo ng Mahal na Birheng Maria. Bilang tapat na tagapangalaga ng Banal na Pamilya, si San Jose ay nagsisilbing modelo natin sa tahimik na pagsunod at matatag na pagtitiwala sa kalooban ng Diyos.

𝘚𝘢𝘯 𝘑𝘰𝘴𝘦, 𝘩𝘶𝘸𝘢𝘳𝘢𝘯 𝘯𝘨 𝘬𝘢𝘣𝘢𝘯𝘢𝘭𝘢𝘯 𝘢𝘵 𝘱𝘢𝘨𝘱𝘢𝘱𝘢𝘬𝘶𝘮𝘣𝘢𝘣𝘢, 𝘪𝘱𝘢𝘯𝘢𝘭𝘢𝘯𝘨𝘪𝘯 𝘮𝘰 𝘬𝘢𝘮𝘪!

04/03/2026

𝐅𝐈𝐑𝐒𝐓 𝐒𝐀𝐓𝐔𝐑𝐃𝐀𝐘 𝐃𝐄𝐕𝐎𝐓𝐈𝐎𝐍 | Halina’t makiisa sa panalangin at pagdiriwang ng Unang Sabado ng Buwan, ang Sabado ng Pagdedebosyon sa karangalan ng ating pinipuntuhong Ina, ang Segunda Patrona ng ating Parokya — Mahal na Birhen Maria, Ina ng Kaliwanagan - Nuestra Señora Dela Luz de Biñan

March 7, 2026:
5:00am | Dawn Procession
6:00am | Holy Mass

𝐌𝐚𝐡𝐚𝐥 𝐧𝐚 𝐈𝐧𝐚 𝐧𝐠 𝐊𝐚𝐥𝐢𝐰𝐚𝐧𝐚𝐠𝐚𝐧, 𝐈𝐩𝐚𝐧𝐚𝐥𝐚𝐧𝐠𝐢𝐧 𝐦𝐨 𝐩𝐨 𝐤𝐚𝐦𝐢!

17/02/2026

PAANYAYA | Ating simulan ang Panahon ng Kuwaresma nang may pananampalataya at pagninilay.

Narito ang mga Oras ng Misa bukas Miyerkules ng Abo, Ika-18 ng Pebrero 2026.
Tanggapin natin ang abo - ang tanda ng pagsisisi at pagbabalik-loob sa Diyos.

Ang mga Oras ng Banal na Misa:
Unang Misa | Ika 7.00 ng Umaga
Ika-2 Misa | Ika 5.30 ng Hapon

07/02/2026

𝐅𝐈𝐑𝐒𝐓 𝐒𝐀𝐓𝐔𝐑𝐃𝐀𝐘 𝐃𝐄𝐕𝐎𝐓𝐈𝐎𝐍 | Unang Sabado ng Buwan, Araw ng Debosyon sa Mahal na Ina ng Kaliwanagan - Nuestra Señora dela Luz de Biñan | Pebrero 7, 2025

𝐏𝐚𝐧𝐚𝐥𝐚𝐧𝐠𝐢𝐧 𝐬𝐚 𝐌𝐚𝐡𝐚𝐥 𝐧𝐚 𝐈𝐧𝐚 𝐧𝐠 𝐊𝐚𝐥𝐢𝐰𝐚𝐧𝐚𝐠𝐚𝐧

O Parating Birheng Maria, Kabanal-banalang Ina ng Kaliwanagan! Naliligaya ako sa kaibutuan niring loob, sapagkat ikaw ay Anak, Ina at Esposa na magpakailanman at walang hanggang kaliwanagan. At yayamang ipinagbabansag mo ng tanging pag-ibig na tawagin ka ng katamis-tamisang pamagat na kabanal-banalang Ina ng Kaliwanagan, ay liwanagan mo ang aking kaluluwa sa mga kadiliman ng kamatayan, at ng matiwasay akong mapanuto sa daan ng kapayapaan at pakikipagtotoo sa Diyos, hanggang makamtan ko siya sa magpasa walang hanggan at ipagkaloob mo sa akin ang pinagmamakaawa ko sa lyo sa pagsisiyam na ito kung nauukol sa lalong kaluwalhatian mo at kagalingan ng aking kaluluwa. Siya nawa.

Amen.

𝐌𝐚𝐫𝐢𝐚, 𝐈𝐧𝐚 𝐧𝐠 𝐊𝐚𝐥𝐢𝐰𝐚𝐧𝐚𝐠𝐚𝐧, 𝐈𝐩𝐚𝐧𝐚𝐥𝐚𝐧𝐠𝐢𝐧 𝐦𝐨 𝐤𝐚𝐦𝐢!

03/02/2026

PAANYAYA | VISITA IGLESIA 2026 | Magandang araw po sa ating lahat!”

Ang ating Parokya ay nag aanyaya po para sa ating VISITA IGLESIA (Lenten Pilgrimage) ngayong Taon sa darating na March 19 at 20, 2026 - ito po ay ating isasagawa sa Probinsya ng Pangasinan (Manaoag at Calasiao) at sa Probinsya ng Benguet (Baguio Cathedral, Pink Sisters Convent, St. Joseph Parish, St. Vincent Ferrer Parish at Our Lady of Lourdes Grotto)

Ang bayad po bawat sasama ay P3,100 kasama na ang sumusunod:
- Bus Fare
- Prayer Book
- Souvenir Shirt
- Light Snacks
- Travel Insurance

Ang Bus po na ating gagamitin ay mga Luxury Buses na may nakatalagang Tour Facilitator Bawat Bus at Medical Assistant para sa buong Grupo mula sa WeGo Tours & Travel Services Co.

Ang atin pong Departure Time ay 11.30 PM sa March 19 Thursday ng Gabi.

Para sa inyong mga katanungan at sa mga interesadong sumama ay mangyari lamang po na pumunta sa ating Parish Office.

Maraming salamat po!

03/02/2026

𝐅𝐈𝐑𝐒𝐓 𝐒𝐀𝐓𝐔𝐑𝐃𝐀𝐘 𝐃𝐄𝐕𝐎𝐓𝐈𝐎𝐍 | Halina’t makiisa sa panalangin at pagdiriwang ng Unang Sabado ng Buwan, ang Sabado ng Pagdedebosyon sa karangalan ng ating pinipuntuhong Ina, ang Segunda Patrona ng ating Parokya — Mahal na Birhen Maria, Ina ng Kaliwanagan - Nuestra Señora Dela Luz de Biñan

Ika 7 ng Pebrero 2026:
5:00am | Dawn Procession
6:00am | Holy Mass

𝐌𝐚𝐡𝐚𝐥 𝐧𝐚 𝐈𝐧𝐚 𝐧𝐠 𝐊𝐚𝐥𝐢𝐰𝐚𝐧𝐚𝐠𝐚𝐧, 𝐈𝐩𝐚𝐧𝐚𝐥𝐚𝐧𝐠𝐢𝐧 𝐦𝐨 𝐩𝐨 𝐤𝐚𝐦𝐢!

16/01/2026

KARAGDAGANG PAALALA PARA SA ATING PAGDIRIWANG NG KAPISTAHAN NG SANTO NIÑO | PANAYAW 2026 Panata at Sayaw Alay sa Sto. Niño

PAGPAPATALA | Simula pa noong Taon 2023 ay atin ng minarapat na i require ang mga Pamilya at Indibidwal na gustong lumahok at sumali sa ating Sto. Niño Grand Procession sa mga sumusunod na kadahilanan:

1. Malaman, maitala at ma monitor ng Parokya ang patuloy na lumalaking bilang bawat taon ng mga lumalahok sa ating gawain.

2. Bigyan ng higit na katuturan at dahilan ang ating pakikilahok sa Sto. Niño Procession sa pamamagitan ng ating pakikibahagi sa pagdiriwang ng Banal na Misa bilang mga Mass Sponsors.

- Ang Banal na Misa sa ganap na ika 5.30 ng Hapon bago ang ating Pursisyon ay iniaalay din ng ating Parokya sa mga Pamilya at Indibidwal na naglalaan ng oras at yaman sa pakikilahok sa ating Pursisyon kung kaya minarapat ng Parokya na sila ay dumalo at kasamang manalangin sa Banal na Misa.

- Ang pagpapatala sa Opisina ng Parokya para sa mga nagnanais na sumama sa Sto. Niño Grand Procession ay WALANG BAYAD.

- Bilang bahagi ng kanilang paglahok sa Pursisyon ay atin silang ine”encourage” na mag Alay ng Pamisa para sa kanilang mga Intentions para sa kanilang sarili o kapamilya. Ang anumang kanilang magiging donasyon o limos para sa kanilang Pamisa ay “purely voluntary” o depende sa kagandahang loob ng Pamilya o Indibidwal.

- Ang bawat nagpapatala ay binibigyan ng “Special Marker” ng Parokya katibayan ng kanilang pagpapalista bilang Opisyal na Kalahok ng Sto. Niño Procession at Mass Sponsors. Hindi rin po ito “Exclusive Entry Pass” sa ating Parish Patio o “assurance” para sila ay makapwesto sa loob ng Patio bago ang takdang oras ng ating gawain.

- Tayo po ay nakipag ugnayan na dati pa sa ating Pamunuan ng Barangay sa pangunguna ng ating Kapitan ng Barangay, Kapitan Michael “Moro” Gonzales para sa pagpapatupad at pagsasaayos ng aspetong trapiko at seguridad ng ating pagdiriwang kasama na nga po ang pagtatakda ng oras ng paglilimita o pagsasara ng ilang mga lugar o kalsada sa daloy ng trapiko sa kabuuan ng ating pagdiriwang.

- Para po sa kabatiran ng lahat at bilang bahagi ng ating pagsasa ayos ng galaw ng trapiko sa Linggo, ang ating Parish Patio ay ating isasarado para sa lahat ng mga sasakyan matapos ang Binyag o Misa sa Patay (kung mayroon sa Linggo)

- Ang Parish Patio (na may very limited available slots or spaces) ay magiging bukas lamang para sa mga Karo ng Imahe ng Santo Niño na nakapag palista sa Opisina at nabigyan ng “Special Marker”.

Sila po ay makakapasok sa ating Patio hanggang ika 4 at kalahati lamang ng hapon (4.30pm) at atin na rin pong isasara ang Parish Gate para sa mga Karo sa ika 4.30 ng Hapon.

Naglabas na din po ng kanilang anunsyo ang ating Pamahalaang Barangay ukol sa mga detalye ng mga itinakdang lugar para sa mga lalahok sa ating Grand Sto. Nino Procession sa Araw ng Linggo maging ang mga takdang oras ng pagsasara ng ilang mga apektadong kalye o lugar para sa kabatiran ng lahat.

Panghuli, nawa ang ating pakikibahagi sa ating pagdiriwang ng Kapistahan ng Mahal na Sto. Nino ay maging tunay na pag aalay ng ating mga tanging panalangin - ang ating mga PANAta sa pamamagitan ng mga saYAW (PANAYAW)

Pit Señor! Viva Sto. Nino!

16/01/2026

STO. NIÑO FIESTA 2026 | PANAYAW 2026 - Panata at Sayaw Alay sa Mahal na Sto. Niño! Viva Pit Señor!

Narito ang talaan ng mga gawain sa darating na Enero 18 ang Kapistahan ng Banal na Sanggol.

Ang ating mga Banal na Misa at Aktibidad para sa Kapistahan ng Banal na Sanggol ( Enero 18, 2026 )

7:00A.M | 9:00A.M - Banal na Misa at Pagbabasbas ng mga Imahe ng Niño Hesus

5:30P.M | Banal na Misa para sa Karangalan ng Banal na Sanggol

7.00 PM | Maringal na Prusisyon

Mga Paalala at Regulasyon:

• REGISTRATION
Ang Lahat ay Kinakailangan na magpalista sa opisina ng ating parokya upang makasama sa opisyal na talaan ng mga kasama sa prusisyon.

•MISA PASASALAMAT
Ang lahat ng mga Indibidwal at Pamilya na makikibahagi sa Sto. Niño Grand Fiesta Procession ay atin pong inaanyayahan na dumalo at maki-bahagi sa ating Misa Pasasalamat bilang mga Mass sponsors and Donors.

•MGA PANUNTUNANG PANG-PAROKYA AT BARANGAY
Ang lahat ng makiki-isa ay inaasahan na sumunod sa mga panuntunan ng ating Parokya katulong ang ating Barangay Officials sa kaayusan ng ating prusisyon at trapiko.

•MGA TUGTOG/MUSIKA
Ang lahat ng makiki-isa ay pinaaalalahanan na gumamit ng mga angkop na tugtog o musika, Mahigpit na ipinagbabawal ang paggamit ng mga hindi angkop o hindi kaaya-ayang tugtog sa kabuuan ng ating prusisyon.

•ASSEMBLY AREAS
Magtatalaga ang ating Parokya katulong ang ating Barangay Officials ng mga tanging assembly areas upang mapanatili ang kaayusan sa ating prusisyon gayundin ang maayos na pagdaloy ng trapiko.

Ang lahat ay inaanyayahan na makiisa sa ating gawaing Pang-Simbahan. Maraming Salamat!

VIVA PIT SEÑOR!

20/11/2025

20/11/2025

Sama-sama nating ipagpasalamat at gunitain ang pinagmulan ng ating debosyon sa Inang Santisima ng Kaliwanagan!

Bilang pagdiriwang sa ika-303 Taong Anibersaryo ng Pagpapakita ng Madre Santissima del Lume sa Sicilia, Italya sa ika-21 ng Nobyembre ay magkakaroon po ng Rosario Cantada sa ganap na ika-3 ng hapon sa ating dambana.

Ang Banal na Misa ay ipagdiriwang sa ika-6 ng gabi sa pamumuno ng ating Rektor at Kura Paroko, Rdo. Pd. Alexander V. Enhaynes. Susundan ito ng Maringal na Prusisyon ng Inang Santisima ng Cainta, kasama ang Inang Magayon: Nuestra Señora de Salvación de Joroan at Nuestra Señora Dela Luz de Biñan.

Viva, Inang Santisima ng Kaliwanagan!

09/11/2025

𝐏𝐀𝐁𝐀𝐓𝐈𝐃 𝐒𝐀 𝐏𝐔𝐁𝐋𝐈𝐊𝐎 | Ika-9 ng Nobyembre, 2025

Inaabisuhan po ang lahat na ang ating Banal na Misa ngayong Hapon (5:30pm) ay 𝗞𝗔𝗡𝗦𝗘𝗟𝗔𝗗𝗢 dahil sa masamang panahon na dulot ng Super Typhoon (Fung-wong)

Patuloy tayong manalangin at humingi ng patnubay at gabay sa ating Mahal na Patron, San Antonio de Padua.

Maraming Salamat po!

02/11/2025

𝐏𝐀𝐍𝐀𝐋𝐀𝐍𝐆𝐈𝐍 | 𝗣𝗮𝗴𝗴𝘂𝗻𝗶𝘁𝗮 𝘀𝗮 𝗹𝗮𝗵𝗮𝘁 𝗻𝗴 𝗺𝗴𝗮 𝗣𝘂𝗺𝗮𝗻𝗮𝘄 𝗻𝗮 𝗞𝗿𝗶𝘀𝘁𝗶𝘆𝗮𝗻𝗼

November 2, 2025

Panginoon, dumudulog kami sa Iyo sa araw na ito upang alalahanin ang lahat ng mga Mahal sa Buhay na pumanaw na

Sa iyong walang hangang awa, dinggin mo ang aming mga panalangin para sa kanilang kapayapaan. Patawarin mo sila sa kanilang mga pagkukulang at tanggapin mo sa iyong kaharian kung saan walang sakit, walang pagdurusa, at walang kamatayan.

Patuloy mo rin kaming gabayan na mga nabubuhay pa na aming tahakin ang iyong landas upang balang araw, ay makasama rin namin sila sa walang hangang kaluwalhatian

Sa Pamamagitan ni Hesukristo na aming Panginoon. Amen.