24/05/2026
“Pakigbugno sa Maayong Bugno sa Pagtoo"
📖 1 Timoteo 6:11-21
11 Apan kay ikaw iya man sa Dios, likayi kining tanan. Paningkamoti nga mahimo kang matarong, diosnon, may pagtuo, may paghigugma, mainantuson ug maaghop.
12 Pakigbugno diha sa maayong bugno labut sa pagtoo; padayoni ang pagkupot sa dayong kinabuhi nga ngadto niini gitawag ikaw ug nga imong gihimoan sa maayong pagsugid sa atubangan sa daghang mga saksi.
13 Sa atubangan sa Dios nga nagahatag ug kinabuhi sa tanan, ug sa atubangan ni Cristo Jesus nga nagpamatuod sa maayong pagsugid sa atubangan ni Poncio Pilato, ako nagasugo kanimo:
14 nga imong bantayan ang sugo nga mahigawas kini sa buling ug mahigawas sa mga pagsaway hangtud sa pagtungha sa atong Ginoong Jesu-Cristo
15 nga sa takdang panahon ipadayag sa bulahan ug bugtong nga Magmamando, ang Hari sa mga hari ug Ginoo sa mga ginoo.
16 Siya lamang ang walay kamatayon ug nagapuyo sa kahayag nga dili maduolan. Walay tawo nga nakakita kaniya ug walay makakita. Iya ang dungog ug walay kataposang gahom. Amen.
17 Sugoi ang mga adunahan niining kalibotana nga dili magmapahitas-on, ug dili maglaum sa bahandi nga dili malig-on, kondili sa Dios nga nagahatag kanato sa tanan nga madagayaon alang sa atong kalipay.
18 Sugoi sila nga magbuhat ug maayo, nga mangadato sa maayong mga buhat, nga mangandam sa paghatag, ug mangandam sa pagpakigbahin
19 aron sila makatigom ug bahandi alang sa ilang kaugalingon nga maayong patukoranan alang sa umaabot, aron sila makakupot sa tinuod nga kinabuhi.
20 O Timoteo, bantayi ang mga butang nga gikasalig diha kanimo. Likayi ang mga sultisulti nga dili diosnon ug ang mga pagsupak nga gikan sa ginaingon apan dili tinuod nga kaalam
21 kay tungod sa ilang pagsagop niini adunay mga tawo nga nangapakyas sa ilang pagtoo.
Ang grasya magauban kaninyo.
❓Unsaon pag-pakigbugno sa maayong bugno sa pagtoo?
✅ Tinguhaa ang Dios sa Tibuok Kasingkasing
✨ Bisan dili matinud-anon ang uban, ikaw padayon sa imong pagkamatinud-anon.
✨ Kon ikaw mapakyas o matumba, dangop sa presensya sa Dios diin anaa ang dakung grasya.
✅Kupti ang Kinabuhing Walay Katapusan
✨ Kon ikaw nibati ug kaluya, ampo ug kusog nga gikan sa Dios.
✨Kon ikaw naglisod, tawag sa Ngalan sa Dios.
✅Bantayi ang mga Butang nga Gikasalig Diha Kanimo
✨ Dili magsalig sa bahandi, kondili sa Dios lang kay ang bahandi dili makahatag ug kasigurohan.
✨Barog sa kamatuoran sa Dios bisan lisod.
📌Wala ta nag inusara sa pakigbugno sa maayong bugno sa pagtuo. Hinumdomi nga kauban nato pirmi ang Dios. Siya ang makig-away alang kanato. (Exodus 14:14)
😇🙌
