29/03/2026
Sta. Irene SDA Church Nagselebrar sa Global Children’s Day!
Uban sa malipayon nga mga kasingkasing, ang Sta. Irene Seventh-day Adventist Church nagselebrar sa Global Children’s Day kagahapon, Marso 28, 2026 —usa ka matahum nga pahinumdom nga ang mga bata bililhon kaayo sa panan-aw sa Ginoo.
Gikan sa Sabbath School hangtod sa Divine Service, ang atong mga kabataan—gikan sa Cradle Roll, Primary, Juniors, ug Early Teens—maoy nanguna sa tibuok programa uban sa kadasig ug pagtuo. Tinuod gayud nga bisan bata pa sila, makahimo na sila sa pag-alagad ug paghimaya sa Ginoo!
Usa sa mga highlights mao ang parada sa international attire, diin ang mga bata maproud nga nagpakita sa nagkalain-laing kultura—usa ka pahinumdom nga ang gugma sa Ginoo alang sa tanang nasud.
Mas napalambo pa kini nga selebrasyon pinaagi sa suporta sa atong mga church elders, ginikanan, Adventist Youth (AY), ug Women’s Ministry Department. Naghiusa kita sa pagpaabot sa gugma sa Ginoo pinaagi sa usa ka outreach program didto sa Purok 6, diin nagtapok ang SDA ug non-SDA nga mga bata alang sa fellowship.
Nalingaw ang mga bata sa:
🎶 Pagkat-on og bag-ong mga kanta
📖 Pagmemorya sa mga bersikulo sa Biblia
👂 Pagpaminaw sa istorya ni Jonah
🎨 Coloring nga mga aktibidad
Tinuod nga usa kini ka adlaw nga puno sa pagkat-on, kalipay, ug gugma alang kang Jesus.
Padayon ta sa pag-amuma sa atong mga kabataan, aron motubo sila sa pagtuo ug mahimong kahayag sa kalibutan.
📸 “Tudloi ang bata sa dalan nga angay niyang lakwan, ug bisan magtigulang na siya, dili siya mobiya niini.” – Proverbs 22:6
