Mahal na Señor ng Bae, Laguna

Mahal na Señor ng Bae, Laguna Chapel ng Mahal na Señor na matatagpuan sa Salvosa’s ancestral house

26/06/2026

Mahal na Señor,

Sa panalanging ito, ipinapaalala Mo sa amin na buksan ang aming mga puso upang makita at maramdaman ang napakaraming biyayang Iyong ipinagkakaloob sa aming buhay araw-araw. Nawa’y hindi kami maging abala sa mga pansamantalang bagay ng mundo at makalimutan ang Iyong kabutihan. Turuan Mo kaming maging mapagpasalamat sa bawat biyaya, matatag sa pananampalataya, at puno ng pag-asa sa hinaharap na Iyong inihahanda para sa amin.

Bigyan Mo kami ng lakas ng loob upang mapagtagumpayan ang mga pagsubok, tukso, at suliraning aming kinakaharap. Nawa’y manatili kaming tapat sa Iyo at maging buhay na saksi ng Iyong pag-ibig at awa. Hubugin Mo ang aming mga puso upang higit Ka naming mahalin, parangalan, at sundin sa pamamagitan ni Hesukristo.

Mahal na Señor, sa Iyong banal na awa at pagmamahal, kami ay lubos na nagtitiwala. Amen.

Mama Mary, keep us and we love you. Please always pray for us and guide us closer to your Son, Jesus.

🙏✨

Mahal na Señor,Maraming salamat po sa lahat ng biyayang ipinagkaloob Ninyo sa amin . Salamat sa bawat taong ginamit Niny...
19/06/2026

Mahal na Señor,

Maraming salamat po sa lahat ng biyayang ipinagkaloob Ninyo sa amin . Salamat sa bawat taong ginamit Ninyo upang gawing makabuluhan ang araw na ito—sa kanilang kabutihan, malasakit, pagmamahal, at mga munting bagay na nagbigay ng saya at pag-asa sa aming puso.

Salamat po sa bawat ngiti, bawat yakap, bawat mabuting salita, at bawat pagkakataong ipinakita Ninyo ang Inyong walang hanggang pag-ibig. Tunay na ang bawat sandali ay paalala ng Inyong katapatan at awa sa aming buhay.

Sa gabing ito, ipinagkakatiwala namin sa Inyo ang aming sarili, ang aming pamilya, mga kaibigan, at lahat ng aming minamahal. Balutin Ninyo kami ng Inyong banal na presensya. Pagkalooban Ninyo kami ng kapayapaan sa aming puso, katahimikan sa aming isipan, at ligtas na pamamahinga. Ilayo Ninyo kami sa anumang kapahamakan, karamdaman, at panganib, at patuloy Ninyo kaming gabayan sa tamang landas.

Mama Mary, mahal na mahal ka namin. Maraming salamat sa iyong walang sawang pagmamahal bilang aming Ina. Patuloy mo po kaming ipanalangin sa iyong Anak na si Hesus, gabayan mo kami sa bawat hakbang ng aming buhay, at akayin mo kami tungo sa mas malalim na pananampalataya, pag-asa, at pagmamahal sa Diyos.

Mahal na Señor, patuloy Ninyo pong pagpalain ang bawat tahanan, punuin ng pagmamahalan ang bawat pamilya, at bigyan kami ng lakas upang maging mabuting instrumento ng Inyong kabutihan sa araw-araw.

Amen.

Mahal na Señor,maraming salamat po sa panibagong araw at sa walang hanggang pag-iingat at paggabay Ninyo sa aming buhay....
12/06/2026

Mahal na Señor,
maraming salamat po sa panibagong araw at sa walang hanggang pag-iingat at paggabay Ninyo sa aming buhay. Salamat sa biyaya ng pamilya, mga kaibigan, at sa lahat ng taong nagiging instrumento ng Inyong pagmamahal.

Iniaalay namin sa Inyo ang aming mga kapatid na naapektuhan ng lindol. Ipagkaloob Ninyo sa kanila ang kagalingan, lakas ng loob, at pag-asa sa gitna ng kanilang pinagdaraanan. Yakapin Ninyo sila ng Inyong habag at paglingap, at ipadama Ninyo ang Inyong presensya sa oras ng kanilang pangangailangan.

Patuloy Ninyo pong ingatan ang aming mga pamilya at pamayanan. Ilayo Ninyo kami sa kapahamakan at gabayan Ninyo kami sa landas ng kabutihan, pag-ibig, at pananampalataya. Nawa’y maging daluyan kami ng Inyong kapayapaan at biyaya sa bawat taong aming makakasalamuha sa araw na ito.

Mahal na Birheng Maria, aming Ina,
idinadalangin namin ang Inyong mapagmahal na pamamagitan. Ipanalangin Ninyo kami sa Inyong Anak na si Hesus. Kupkupin Ninyo ang aming mga pamilya sa ilalim ng Inyong mapag-arugang pagkalinga. Tulungan Ninyo kaming manatiling matatag sa pananampalataya, mapagpakumbaba sa puso, at tapat sa paggawa ng kabutihan.

Mahal na Birheng Maria, ipanalangin Mo kami.
Mahal na Birheng Maria, ilapit Mo kami sa Iyong Anak.
Mahal na Birheng Maria, samahan Mo kami sa bawat araw ng aming buhay.

Ang lahat ng ito ay hinihiling namin sa pamamagitan ni Kristong aming Panginoon.

Amen.

Nawa’y ang Biyernes na ito ay mapuno ng pag-asa, kapayapaan, at pagtitiwala sa Diyos. Sa kabila ng mga pagsubok, manatili tayong matatag sa pananampalataya, sapagkat ang awa at pag-ibig ng Panginoon ay hindi nagmamaliw.

Mahal na Señor, maawa Ka sa amin.
Mahal na Birheng Maria, ipanalangin Mo kami.

🙏

Mahal na Señor,May mga tunay na pagsubok at paghihirap sa aking buhay na buong kababaang-loob kong isinusuko sa Iyo. Tul...
05/06/2026

Mahal na Señor,

May mga tunay na pagsubok at paghihirap sa aking buhay na buong kababaang-loob kong isinusuko sa Iyo. Tulungan Mo po ako. Nais kong laging alalahanin na Ikaw ay mabuti, makapangyarihan, at may ganap na kapangyarihan sa lahat ng bagay.

Muli kong ipinagkakatiwala sa Iyo ang Iyong pagkalinga, proteksiyon, at mga plano para sa aking buhay. Dahil alam kong batid Mo ang bawat pangangailangan at hangarin ng aking puso, natatagpuan ko ang kapayapaan at kapanatagan sa Iyong presensya.

Bigyan Mo ako ng lakas, pag-asa, at kapayapaan habang patuloy akong nagtitiwala sa Iyo at sa Iyong banal na kalooban. Ikaw lamang ang karapat-dapat sa aking buong pagtitiwala.

Mama Mary, aming mapagmahal na Ina, kupkupin Mo kami sa ilalim ng Iyong mapag-arugang manta at ipanalangin Mo kami sa Iyong Anak na si Hesus. Patuloy Mo kaming gabayan, ingatan, at akayin sa landas ng pananampalataya, pag-ibig, at kapayapaan.

Sa ngalan ni Hesus, Amen.

29/05/2026

Mahal na Señor, aming mapagmahal at makapangyarihang Diyos, buong puso po kaming lumalapit sa Inyo upang magpasalamat sa bawat biyayang walang sawang ipinagkakaloob Ninyo sa aming buhay. Sa kabila ng aming mga pagkukulang, mga pagkakamali, at mga pagsubok na aming pinagdaraanan, patuloy Ninyo kaming pinupuno ng pag-asa, lakas, at kagalakan.

Salamat po, Mahal na Señor, sapagkat sa bawat araw ay ipinaparamdam Ninyo ang Inyong pagmamahal at paggabay. Kapag kami ay nanghihina, Kayo ang aming sandigan. Kapag kami ay nababalot ng takot at pag-aalala, Kayo ang liwanag na nagbibigay kapanatagan sa aming puso at isipan.

Patuloy Niyo pong buhayin sa aming mga puso ang Espiritu ng kabutihan, pagmamahal, pagpapatawad, at pananampalataya. Turuan Ninyo kaming maging mapagkumbaba, maunawain, at matatag sa bawat hamon ng buhay. Nawa’y makita sa aming mga gawa ang kabutihan at pag-ibig na itinuro sa amin ni Hesukristo.

Mahal na Señor, gabayan Ninyo po ang aming mga pamilya, mga kaibigan, at lahat ng aming minamahal. Ilayo Ninyo kami sa kapahamakan, sakit, at anumang masama. Punuin Ninyo ang aming tahanan ng kapayapaan, pagkakaisa, at walang hanggang biyaya.

At sa bawat araw na aming ginugugol sa mundong ito, nawa’y manatili kaming tapat sa Inyo at patuloy na mamuhay nang may pasasalamat at pananampalataya.

Mama Mary, ipanalangin Mo po kaming lahat at patuloy Mo kaming ingatan sa ilalim ng Iyong mapagmahal na pagkalinga. Amen.

Mahal na Señor,sa mga pagkakataong hindi na namin maintindihan ang mga nangyayari sa aming buhay, sa mga araw na puno ng...
22/05/2026

Mahal na Señor,
sa mga pagkakataong hindi na namin maintindihan ang mga nangyayari sa aming buhay, sa mga araw na puno ng pagod, lungkot, takot at pangamba, patuloy pa rin po kaming lumalapit sa Inyo nang may buong pananampalataya. Maaaring magulo ang aming isipan at mabigat ang aming puso, ngunit naniniwala kami na hindi Ninyo kami kailanman pinabayaan.

Salamat po, Mahal na Señor, sa bawat biyayang natatanggap namin araw-araw — sa buhay, sa lakas, sa mga taong nagmamahal sa amin, at maging sa mga pagsubok na nagtuturo sa amin na mas maging matatag. Sa bawat tagumpay na aming nararanasan, Kayo po ang dahilan ng aming pagbangon. At sa bawat pagluha at pagkadapa, Kayo rin po ang tahimik naming sandalan.

May mga pagkakataong hindi namin alam kung saan patungo ang aming buhay. May mga gabing tahimik kaming umiiyak at mga umagang pilit kaming lumalaban kahit pagod na pagod na ang aming damdamin. Ngunit sa kabila ng lahat, ramdam pa rin namin ang Inyong presensya — ang pagyakap Ninyo sa amin sa mga panahong gusto na naming sumuko.

Mahal na Señor, salamat dahil hindi Ninyo kami iniwan sa aming mga kahinaan. Salamat dahil sa kabila ng aming pagkukulang at pagkakamali, patuloy Ninyo pa rin kaming inuunawa at minamahal. Kayo po ang aming lakas sa panahon ng kaguluhan, liwanag sa gitna ng dilim, at pag-asa sa bawat bukas na darating.

Patuloy Niyo po kaming gabayan sa tamang landas. Hilumin Ninyo ang aming mga sugatang puso, patawarin ang aming mga kasalanan, at bigyan kami ng kapayapaan na hindi kayang ibigay ng mundo. Turuan Ninyo kaming magtiwala sa Inyong plano kahit hindi namin ito agad nauunawaan.

Mama Mary, mahal naming Ina, ipagdasal Nyo po kami. Yakapin Nyo po kami ng Inyong pagmamahal at ilapit sa Inyong Anak na si Hesus. Sa mga oras ng aming kahinaan, maging gabay po Namin Kayo upang manatili kaming matatag sa pananampalataya at puno ng pag-asa.

Mahal na Señor, Kayo po ang aming lahat. Sa saya at lungkot, sa tagumpay at kabiguan, mananatili po kaming kumakapit sa Inyo. Mahal na mahal Ka namin, Panginoon. Maraming salamat po sa walang sawang pagmamahal at paggabay.

Amen.

Mahal na Señor,Sa araw na ito ng aming taimtim na pagdarasal at pananampalataya, buong puso po kaming lumalapit sa Inyo ...
15/05/2026

Mahal na Señor,

Sa araw na ito ng aming taimtim na pagdarasal at pananampalataya, buong puso po kaming lumalapit sa Inyo na may dalang walang hanggang pasasalamat. Maraming salamat po sa patuloy Ninyong paggabay, pag-unawa, pagmamahal, at pagbuhos ng biyaya sa aming pang-araw araw na buhay. Sa bawat pagsubok, pangamba, at tahimik na pagdaing ng aming mga puso, hindi Nyo po kami iniiwan. Kayo ang aming sandigan sa oras ng panghihina at liwanag sa gitna ng kadiliman.

Salamat po sa hiram na buhay na patuloy Ninyong ipinagkakaloob sa amin. Sa bawat paggising sa umaga, sa bawat pagkakataong makasama ang aming pamilya at mga mahal sa buhay, dama po namin ang Inyong kabutihan at walang sawang awa. Kahit maraming pagkakataon na kami ay nagkukulang, nagkakamali, at nalalayo sa Inyong kagustuhan, nananatili pa rin po Kayong mapagpatawad at mapagmahal.

Mahal na Señor, hinihiling po namin ang Inyong banal na paggabay para sa aming bansa at sa buong mundo. Patuloy Nyo pong liwanagan ang isipan at puso ng mga pinunong may kapangyarihan upang manaig ang katotohanan, kabutihan, at malasakit para sa kapakanan ng lahat. Sa gitna ng magulong mga pangyayaring politikal at mga suliraning nakaaapekto sa mamamayan, nawa’y manaig ang pagkakaisa, pag-unawa, at kapayapaan kaysa pansariling interes at kagustuhan.

Tulungan Nyo po kaming manatiling matatag sa pananampalataya at maging instrumento ng kabutihan, pagmamahal, at pag-asa sa aming kapwa. Nawa’y matutunan naming magpatawad, magmahal nang totoo, at maging mapagkumbaba sa lahat ng pagkakataon.

Mama Mary, aming mapagmahal na Ina, patuloy Nyo po kaming ipanalangin at bantayan araw-araw. Yakapin Nyo po kami sa oras ng lungkot, pagod, at pangamba. Gabayan Nyo po ang aming mga pamilya at ilayo sa anumang kapahamakan.

Mahal na Señor, muli po, maraming maraming salamat sa Inyong walang hanggang pagmamahal at habag. Ang lahat ng papuri, pasasalamat, at kaluwalhatian ay ibinabalik namin sa Inyo.

Amen.

Mahal na Señor,Buong puso po naming ibinabalik sa Inyo ang lahat ng papuri, pasasalamat, at kaluwalhatian para sa walang...
08/05/2026

Mahal na Señor,

Buong puso po naming ibinabalik sa Inyo ang lahat ng papuri, pasasalamat, at kaluwalhatian para sa walang sawang pagbabantay at paggabay Ninyo sa aming buhay araw-araw. Sa bawat biyayang aming natatanggap, sa bawat pagsubok na aming nalalampasan, at sa bawat bagong umaga na aming nasisilayan, naroon Kayo—tahimik ngunit buong pagmamahal na umaakay sa amin.

Inaamin po namin na hindi sa lahat ng pagkakataon ay naaayon ang aming mga iniisip, sinasabi, at ginagawa sa Inyong banal na kalooban. May mga oras ng panghihina, pagkakamali, at pagkalimot sa Inyo. Ngunit sa kabila ng lahat, hindi Ninyo kami pinababayaan. Patuloy Ninyo kaming inuunawa, pinatatawad, at minamahal nang walang hinihinging kapalit. Ang Inyong habag at awa ang nagsisilbing liwanag at lakas namin sa gitna ng magulong mundo.

Dalangin po namin na patuloy Ninyong hipuin ang puso ng bawat tao upang manaig ang kabutihan, pagkakaisa, at tunay na pagmamahalan. Nawa’y mapawi ang galit, karahasan, at kaguluhan hindi lamang sa aming bansa kundi maging sa buong mundo. Patnubayan Ninyo ang mga pinuno at bawat mamamayan upang manaig ang kapayapaan, respeto, at malasakit sa isa’t isa.

Sa panahon ng takot, pangamba, at kawalan ng katiyakan, Kayo po sana ang aming maging sandigan at pag-asa. Turuan Ninyo kaming maging mas mapagpakumbaba, mas mapagpatawad, at mas mapagmahal sa aming kapwa. Nawa’y maging instrumento kami ng Inyong kabutihan at liwanag saan man kami naroroon.

Mama Mary, aming mapagmahal na Ina, patuloy Nyo po kaming yakapin sa ilalim ng Inyong mapag-arugang pagmamahal at walang sawang panalangin. Ilapit Nyo kami lagi sa Inyong Anak na si Hesus at gabayan kaming mamuhay nang may pananampalataya, pag-asa, at pagmamahal sa puso.

Amen.

Mahal na Señor, sa Inyong walang hanggang awa at kabutihan, patuloy po naming inilalapit ang aming taimtim na panalangin...
01/05/2026

Mahal na Señor, sa Inyong walang hanggang awa at kabutihan, patuloy po naming inilalapit ang aming taimtim na panalangin para sa gitnang silangan at sa mga karatig-bansa nito. Nawa’y mahinto na ang kaguluhan, ang digmaan, at ang pagdurusa ng napakaraming inosenteng buhay. Hipuin Nyo po ang puso ng bawat pinuno at mamamayan upang manaig ang pag-uunawaan, pagpapatawad, at tunay na kapayapaan. Nawa’y ang bawat luha ay mapalitan ng pag-asa, at ang bawat sugat ng digmaan ay tuluyang maghilom sa ilalim ng Inyong mapagpalang kamay.

Kasabay nito, buong puso rin po kaming nagpapasalamat sa Inyong walang sawang pagmamahal at patnubay sa aming pang-araw-araw na buhay. Sa bawat biyayang aming natatanggap—malaki man o maliit—nakikita namin ang Inyong presensya. Salamat po sa lakas sa gitna ng pagsubok, sa liwanag sa oras ng pagdududa, at sa kapayapaang nagbibigay-ginhawa sa aming mga puso. Turuan Nyo po kaming maging mapagkumbaba, mapagpasalamat, at bukas-palad sa aming kapwa.

Mama Mary, aming mapagmahal na Ina, patuloy Nyo po kaming ipanalangin at arugain. Yakapin Nyo kami sa Inyong mapagkalingang pagmamahal at akayin sa landas na patungo sa Inyong Anak. Sa bawat sandali ng aming buhay—sa ligaya man o dalamhati—nawa’y maramdaman namin ang Inyong presensya at paggabay.

Amen.

Mahal na Señor, sa lahat ng aming itinataas sa Inyo, taus-puso po kaming nagpapasalamat. Kayo ang aming kanlungan sa baw...
24/04/2026

Mahal na Señor, sa lahat ng aming itinataas sa Inyo, taus-puso po kaming nagpapasalamat. Kayo ang aming kanlungan sa bawat unos at ang aming lakas sa gitna ng panghihina. Sa bawat hakbang na aming tinatahak, nawa’y patuloy Ninyo kaming gabayan, akayin, at ingatan laban sa anumang kapahamakan.

Sa mga sandaling kami’y naguguluhan at nabibigatan, paalalahanan Ninyo kami na hindi kami nag-iisa—na naroon Kayo, tahimik ngunit matatag, umaalalay at nagbibigay pag-asa. Patatagin Ninyo ang aming pananampalataya upang sa kabila ng pagsubok, manatili kaming matatag at puno ng tiwala sa Inyong banal na kalooban.

Ipinagkakatiwala rin po namin sa Inyo ang buong mundo—ang bawat bansa, bawat pamilya, at bawat puso na naghahangad ng kapayapaan. Nawa’y manaig ang pagkakaunawaan, paggalang, at pagmamahalan sa halip na galit at hidwaan. Hipuin Ninyo ang puso ng bawat isa upang piliin ang kabutihan at magbuklod-buklod para sa isang mapayapang kinabukasan.

Mahal na Ina, Mama Mary, yakapin Ninyo kami ng Inyong mapagkalingang pagmamahal. Takpan Ninyo kami ng Inyong banal na balabal at ilapit Ninyo kami lalo sa Inyong Anak. Sa Inyong pag-aaruga, nawa’y maramdaman namin ang tunay na kapayapaan at ginhawa ng puso.

Maraming salamat po, Mahal na Señor, sa walang hanggang biyaya, pag-ibig, at awa. Sa Inyo po ang lahat ng papuri at pasasalamat, ngayon at magpakailanman.

🙏✨

Address

Carillo Street Barangay San Nicolas
Bay
4033

Opening Hours

7:30am - 6pm

Website

Alerts

Be the first to know and let us send you an email when Mahal na Señor ng Bae, Laguna posts news and promotions. Your email address will not be used for any other purpose, and you can unsubscribe at any time.

Shortcuts

Share

Category