22/01/2020
Q #6. ANG ATING ELOHIM LANG BA ANG LUMIKHA NANG BUHAY SA MUNDO O MERON PANG NAUNA?
Naniniwala kami na ang Elohim ay mga Dios, pero hindi Dios na spiritual na wala daw buto at walang laman. Para sa amin ang Elohim ay isang buhay gaya natin, nakikita at nahahawakan. Sila ang lumikha nang mga life forms sa Earth sa pamamagitan ng kanilang pagka-master sa “Genetic Engineering”... Sinasabi ni Rael na nadiskubre nila ang planetang Earth mahigit 25,000 YEARS AGO. Dito'y pinag-aralan nila ang lupa, ang dagat, ang atmosphere at ang lahat bago sila direktang lumapag sa Earth para ayusin at pagandahin. Pagkatapos niyon ay saka pa lamang sila lumikha nang mga buhay. Doon ay nilikha nila ang mga halaman, hayop, pati na tayong mga tao. Halos 12,000 years sa 25,000 years ago ang nagugul nilang panahon sa paglikha. Ang 12,000 years ay katumbas ng 6 days of creation na nasa book of Genesis, ibig sabihin na ang 1 day ay equivalent ng 2,000 years (Psalm 90:4; 2 Peter 3:8).
Ang mga siyentipikong Hapon ay nagsabi na ang lahat daw ng lahi nang tao sa mundo ay nagsimula humigit kumulang 13,000 years ago. Kung isusubtract sa 25K years ago ang 12K of creation, ang resulta nga ay 13,000 years. Samakatuwid, tumpak ang panahon ng unang sabihin ito ni Rael bago pa madiskubre nang mga scientists. Pero kung ganon, bakit may mga natatagpuang artifacts and fossils na hundred years or million years-old na ang edad?
Ayon sa ikatlong aklat ni Rael na “Let's Welcome the Extra-Terrestrials”, hindi lamang ang Elohim ang unang intelligent designers ang nagpasimulang lumikha nang buhay sa planet Earth. Bago sila dumating ay mayroon na silang mga nakitang tanda nang mga intelihenting nilalang na mas naunang lumikha kaysa sa kanila. Ibig sabihin, nagkaroon na rin pala nang advance civilizations noon mula sa ibang extraterrestrials na maaring hundred years or million years na ang nakalilipas. Posible na ang “atlantis” at “lemuria” ay nabuo na bago pa man magsimulang lumikha ang Elohim. Subalit ang mga unang dumating ay hindi nagtagal at naglaho din, at lahat ng kanilang nilikha ay nawasak. Ang sabi pa sa aklat ni Rael, nagkaroon dito ng paggunaw na maaaring sa isang natural or artificial catastrophe kaya naglaho ang mga sinaunang nilalang sa Earth.
Maaaring isipin na rin na ang dahilan ng kanilang paglaho ay dulot ng nuclear war, katulad ng pahayag ng isang batang taga-Russia na isa daw reincarnated mula sa red planet o planet Mars, ang pangalan niya ay Boris Kipriyanovich. Sinasabi niya na isa siyang Martian at driver ng isang spaceship noong Lemurian civilization period. Pagkatapos ay nagkaroon daw ng malaking digmaan or nuclear war sa Mars kaya namatay at nasira ang kanilang sibilisasyon... Ang ibig kong sabihin, posibleng ganito rin ang nangyari sa sinaunang Earth, nagkaroon din ng digmaan na pumuksa sa lahat ng buhay kaya nawasak ang kanilang pag-unlad. Ang mga naiwan nila sa lupa na ating natatagpuan ngayon ay mga katibayan na lang na totoo ang kanilang existence noon.
Isipin mo na lang na halimbawang nagkaroon bukas ng atomic war dito sa ating planeta, at lahat ng buhay sa Earth ay nalipol. Ipagpalagay na 10,000 years ang lumipas mula sa pagkagunaw ay may dumating na mga intelligent creators mula sa ibang planeta upang lumikha ng mga bagong organismo, at sila din mismo ay makakatuklas ng mga bakas ng ating sibilisasyon matapos ang mabagal na maka-siyensiyang pag-unlad; at ang mga nasabing intelligent creators na ito ay magkakaroon din ng teoryang halos mahirap paniwalaan na may ibang intelligent creators na bumaba mula sa kalawakan na nauna na sa kanila sa maka-siyensiyang paglikha, ang mga buto na kanilang matagpuan dito ang gagamitin nila bilang pruweba at malamang 25,000 years na ang edad ng mga buto. Maari din nilang matagpuan ang mas luma pang mga buto tulad ng sa buto ng mammoth, o ng buto ng dinosaurs na kahit tayo man mismo ay nakatuklas din ng mga ganito sa kasalukuyan dahil ang buhay dito sa mundo ngayon ay hindi masasabing unang pagkakalikha, o ni hindi masasabing huling pagkakalikha.
Sa madaling salita, ang mga dinosaurs at lahat ng uri nang mga hayop na halos million years ago ay hindi bahagi sa 12,000 years of creation. May advance intelligent designers din ang nag-created sa mga dambuhalang hayop na ito, subalit sa katagalan ay naglaho din ang ilan sa kanila. Ang mga bakas na lamang nila gaya nang fossils na nakalagak sa Museum ang nag-iisa nating palatandaan na nabuhay nga din sila nang napakatagal na panahon... Minsan iniisip ko na baka dahil din sa nuclear kung kaya naglaho ang mga dinosaurs, ibig kong sabihin ay nuclear mula sa creators na nag-created sa kanila. Ipinagpapalagay ko lang na baka mali ang teorya o paliwanag na dahil daw sa mga nagbagsakang bulalakaw ang naging dahilan, baka ang bulalakaw na iyon ay mga nuclear talaga. Nilipol mismo sila nang nag-created nga sa kanila. Gaya sa S***m and Gomorrah o sa panahon ni Noah ay naganap ang malaking artificial catastrophe na naglipol sa lubhang napakaraming buhay.
Gayon pa man, kung ating papansin na ang mga matataas na hayop na ito sa mga nakalipas na panahon ay hindi masasabing dulot nang isang natural na ebolusyon. Samakatuwid, walang ebolusyon. Ang theory of evolution ay malabong mangyari. Imposibleng mangyari na mula sa isda unti-unting nag-evove hanggang sumibol ang panahon ng homo sapiens. Ika nga ng Biblia, “...whatsoever God doeth, it shall be for ever: nothing can be put to it, nor any thing taken from it...” (Ecclesiastes 3:14). Walang maidadagdag at walang maaalis, ibig sabihin ang nilikha nang creators ay permanente, hindi mag-eevolve at walang mababago. Parang 'yong cyanobacteria, mahigit 3.5 billion years old hindi nagbabago, cyanobacteria pa rin. Kasi kung totoo ang evolution ay dapat nag-evolve na ‘yan. At kung totoo nga na ang tao ay galing sa unggoy o sa ebolusyon dapat wala nang unggoy ngayon? Iba kasi ang laman pagdating sa hayop, iba din naman sa mga isda at laluna na iba din sa ating mga tao... 1 Corinthians 15:39 “All flesh is not the same flesh: but there is one kind of flesh of men, another flesh of beasts, another of fishes, and another of birds.”
Ang katotohanan lang ay tunay na may lumikha sa tao, sa hayop, sa halaman at iba pa, hindi bunga ng ebolusyon. Naniniwala kaming mga Raelian na ang mga paglikha ay hindi sa iisang panahon lang nangyari at lalo na ay hindi rin sa iisang grupo nang mga intelligent designers. May kanya-kanyang panahon at magkakaibang manlilikha na ang nakarating sa Earth, subalit sa paglalang ng buhay ay hindi sila magkakaugnay bagkus iisa lang ang kanilang hinahangad na gawin, iyon ay ang lumikha.
—For more informations about the Raelian philosophy, you can download the ebook now from www.rael.org.
Wala pong bayad ito.
