San Antonio de Padua Chapel Alegria, Bato, Leyte

15/07/2026

TU ES SACERDOS | The Holy Child Parish of Bato joyfully announces the Priestly Ordination of Rev. Christian Ybañez Exclamado, MSFS, to the Sacred Order of Presbyters.

The candidate will be ordained through the laying on of hands and the Prayer of Ordination by His Excellency Most Rev. Precioso D. Cantillas, SDB, DD, Bishop of Maasin, on 27th day of July 2026, at 9:00 AM, at the Holy Child Parish Church of Bato.

May the Lord continue to bless His Church with holy and faithful vocations. Let us keep Rev. Christian in our prayers as he prepares to embrace the sacred ministry of the priesthood.

11/07/2026

140th JOINT PARISH AND MUNICIPAL FOUNDING ANNIVERSARY

Ania ang Misa-Novena ug uban pa'ng mga kalihukan nga iskedyul alang sa 140th Joint Parish & Municipal Founding Anniversary.

Viva Birhen del Carmen!

27/06/2026

𝗪𝗛𝗜𝗧𝗘 𝗥𝗜𝗕𝗕𝗢𝗡 𝗠𝗔𝗥𝗖𝗛 | 𝗪𝗮𝗹𝗸 𝗳𝗼𝗿 𝗖𝗼𝗻𝘃𝗲𝗿𝘀𝗶𝗼𝗻 & 𝗥𝗲𝗻𝗲𝘄𝗮𝗹

Uban sa Diyosesis sa Maasin ug isip pagtubag sa tawag sa Catholic Bishops’ Conference of the Philippines (CBCP), ang Holy Child Parish of Bato, mapaubsanon nga nag-awhag sa tanang matinud-anong Kristohanon sa pag-apil sa Walk for Conversion and Renewal karong Domingo, Hunyo 28, 2026.

Maghiusa kita sa pag-ampo alang sa atong nasud, nga ang Ginoo maghatag kanato sa kahayag sa kamatuoran, tinuod nga pagkakabig, ug espirituhanong kabag-ohan.

4:00 AM – Prosisyon
5:00 AM – Santos nga Misa

Ang Santos nga Misa ihalad alang niining maong tuyo. Pagasugdan ang kalihukan pinaagi sa mubo nga prosisyon sa dili pa ang santos nga misa. Giawhag usab ang tanang motambong nga magsul-ob og puti, isip timaan sa kalinaw, paglaum, ug paghiusa sa pag-ampo.

Magkahiusa kita sa paglakaw, pag-ampo, ug pagpamatuod sa pagtuo alang sa konbersiyon ug kabag-ohan sa atong nasud.

13/06/2026

MISA DE FIESTA

Uban sa mapasalamatong kasingkasing, gipahigayon nato ang Misa Concelebrada isip pagsaulog sa kapistahan ni San Antonio de Padua, ang atong mahal nga patron. Kini nga balaang pagsaulog usa ka pagpamatuod sa atong pagtoo ug pagpasalamat sa Diyos alang sa daghang grasya ug panalangin nga atong nadawat pinaagi sa pagpataliwala ni San Antonio.

Nagkatigom ang mga deboto ug mga magtutuo aron sa paghalad sa ilang mga pag-ampo ug pagdayeg, samtang naghangyo sa padayon nga panalipod ug panabang sa atong patron sa matag lakang sa kinabuhi.

Hinaut nga ang panig-ingnan ni San Antonio sa pagkamapainubsanon, paghigugma sa Diyos, ug pag-alagad sa isigkaingon magpadayon sa pagdasig kanatong tanan sa pagkinabuhi nga matinud-anon ug balaan. Happy fiesta kanatong tanan!

Viva Sr. San Antonio de Padua!

13/06/2026

MISA VESPERA

Sa dakong kalipay ug pagpasalamat sa Ginoo, gipahigayon ang Misa Vespera isip pag-andam sa pagsaulog sa Kapistahan ni San Antonio de Padua. Nagkatigom ang mga magtutuo aron sa paghalad sa ilang mga pag-ampo, pagdayeg ug pagpasalamat alang sa daghang grasya nga nadawat pinaagi sa panabang sa atong mahal nga patron.

Hinaut nga ang panig-ingnan ni San Antonio sa pagtoo, pagkamapainubsanon ug paghigugma sa Diyos magpadayon sa pagdasig kanatong tanan sa pagkinabuhi nga puno sa paglaum ug pag-alagad.

Viva Señor San Antonio de Padua!

12/06/2026

SOLEMNE NGA PRUSISYON ATOL SA VESPERAS

Sa dakong pagtuo ug debosyon, daghang mga deboto ang miuban sa Solemne nga Prusisyon atol sa Bisperas sa Kapistahan ni Señor San Antonio de Padua. Uban sa mga pag-ampo ug pagdayeg, gipakita sa katawhan ang ilang gugma ug pagsalig sa atong mahal nga patron samtang naglakaw sa mga kadalanan sa baryo.

Human sa prusisyon, malampuson usab nga gipahigayon ang Novena sa Ikasiyam nga Adlaw isip pagpangandam sa pagsaulog sa iyang kapistahan. Hinaut nga pinaagi sa panabang ug pag-ampo ni San Antonio de Padua, magpadayon ang grasya, panaghiusa, ug kalinaw sa matag pamilya ug sa tibuok katilingban.

11/06/2026

VESPERAS 2026 | Hunyo 12, 2026 (Biyernes)

Ugma puhon ang vesperas sa kapistahan sa atong Mahal nga Patron. Gi-awhag namo nga himoon ninyong makahuluganon ang selebrasyon pinaagi sa pagsalmot sa atong PRUSISYON, NOVENA SA IKA-SIYAM NGA ADLAW ug SANTOS NGA MISA. Mahimuot ang atong Mahal nga Patron kung kitang tanan magkahiusa sa atong mga ispirituwal nga kalihukan. Ang mga trabahoon ug hikayon makahuwat, apan ang imong pagsalmot makapahimuot sa Ginoo ug ni San Antonio nga maoy hinungdan ning tanan.

11/06/2026