St. Mother Teresa - Social Communication Operators

04/09/2026

04/09/2026

PARA SA LAHAT NG MGA KANAYON AT MANANAMPALATAYA

Inaanyayahan po namin kayo na dumalo at makibahagi sa BANAL NA MISA na ipagdiriwang natin sa karangalan ng ating dakilang patrona at halimbawa ng pag-ibig sa kapwa — 𝐒𝐀𝐍𝐓𝐀 𝐓𝐄𝐑𝐄𝐒𝐀 𝐍𝐆 𝐂𝐀𝐋𝐂𝐔𝐓𝐓𝐀 sa kanyang kapistahan bukas, 𝐒𝐄𝐓𝐘𝐄𝐌𝐁𝐑𝐄 5, sa ganap na 8:30 ng umaga, dito sa ating 𝐏𝐫𝐨𝐩𝐨𝐬𝐞𝐝 𝐏𝐚𝐫𝐢𝐬𝐡 𝐨𝐟 𝐒𝐭. 𝐌𝐨𝐭𝐡𝐞𝐫 𝐓𝐞𝐫𝐞𝐬𝐚 𝐨𝐟 𝐂𝐚𝐥𝐜𝐮𝐭𝐭𝐚, 𝐁𝐫𝐠𝐲. 𝐏𝐢𝐧𝐚𝐠𝐛𝐚𝐲𝐚𝐧𝐚𝐧 𝐓𝐚𝐲𝐬𝐚𝐧 𝐁𝐚𝐭𝐚𝐧𝐠𝐚𝐬.

Pagkatapos naman po ng Banal na Misa, magkakaroon tayo ng Prusisyon.

Siya na nagturo sa atin na "𝑮𝒂𝒘𝒊𝒏 𝒂𝒏𝒈 𝒎𝒂𝒍𝒊𝒍𝒊𝒊𝒕 𝒏𝒂 𝒃𝒂𝒈𝒂𝒚 𝒏𝒂𝒏𝒈 𝒎𝒂𝒚 𝒅𝒂𝒌𝒊𝒍𝒂𝒏𝒈 𝒑𝒂𝒈 𝒊𝒃𝒊𝒈", ay inaanyayahan tayong tularan ang kanyang pagmamahal sa Diyos at sa pinakamahihirap nating kapatid. Halina’t ipagdiwang natin ang kanyang buhay, kanyang paglilingkod, at ang kanyang pamana sa atin.

15/07/2026

⚠️ PANSAMANTALANG WALA MUNANG BANAL NA MISA SA DARATING NA ARAW NG LINGGO, HULYO 19, 2026 sa Proposed Parish of St.Mother Teresa of Calcutta-Archdiocese of Lipa

Ito ay upang bigyang-daan ang pagtatapos ng pagdiriwang ng Ika-165 Anibersaryo ng Pagkatatag at Pag-aalay ng Parokya bilang Simbahan.

Magkakaroon po tayo ng MISA KONSELEBRADA sa ating Parokya, Nuestra Señora Dela Merced - Taysan, na pangungunahan ni Monsignor Ruben Dimaculangan, Heneral Bikaryo ng Arsidiyosesis ng Lipa kasama ang ilang kaparian.

⏰ Oras: 8:30 ng umaga
📍 Lugar: Parroquia De Nuestra Señora De La Merced - Taysan

Malugod po namin kayong inaanyayahan na makiisa sa Selebrasyong ito. Maraming salamat po!

14/07/2026

Happy 38th Sacerdotal Anniversary Fr. Larry!

Sa araw na ito ipinagpupuri namin ang Diyos sa pagbibigay sa inyo ng buhay at pagtawag sa inyo upang maging pastol ng Kanyang sambayanan. Hindi madali ang landas ng pagpapari, ngunit sa inyong tapat na pagtupad sa tungkulin, ipinapakita ninyo ang mukha ni Kristo sa amin. Dalangin namin na pagkalooban kayo ng mahabang buhay, matibay na pananampalataya, at saganang biyaya. Salamat po sa pag-aalay ng inyong sarili upang kami'y mapalapit sa Diyos.

Pagpalain kayo nang lubos ng Maykapal.

16/05/2026

𝐖𝐎𝐑𝐋𝐃 𝐂𝐎𝐌𝐌𝐔𝐍𝐈𝐂𝐀𝐓𝐈𝐎𝐍 𝐒𝐔𝐍𝐃𝐀𝐘!

Bilang miyembro ng Komisyon sa Komunikasyong Panlipunan o SOCCOMM, taos-puso kaming nakikiisa sa buong Simbahan sa pagdiriwang ng World Communication Sunday.

Ang araw na ito ay hindi lamang pagkilala sa kahalagahan ng komunikasyon, kundi paalala rin sa atin ng malaking tungkuling ipinagkaloob ng Diyos sa bawat isa sa atin—ang maging mga tagapagdala ng katotohanan, pag-ibig, at kapayapaan.

Sa panahon ngayon kung saan mabilis ang daloy ng impormasyon at malawak ang saklaw ng teknolohiya, ang salita at mga larawang ating ibinabahagi ay may kapangyarihang makabuo o makasira, makapagbigay-liwanag o magdulot ng kalituhan. Bilang mga Kristiyano at mga tagapaglingkod sa komunikasyon, tinatawag tayong gamitin ang bawat paraan ng pakikipag-ugnayan—mula sa simpleng pakikipag-usap hanggang sa paggamit ng mga makabagong midya—upang ipakilala ang Diyos na siyang pinagmumulan ng lahat ng mabuti at totoo.

Ang ating mga kamay na humahawak ng mga kagamitan, at ang ating mga labi na nagsasalita at sumusulat, ay dapat maging daluyan ng pagmamahal. Gaya ng paalala ng Santo Papa, ang komunikasyon ay isang gawain ng pag-ibig. Kaya naman, sa bawat balitang ating ibinabahagi, sa bawat kwentong ating isinasalaysay, at sa bawat mensaheng ating ipinapadala, nawa’y laging naroon ang respeto, katotohanan, at pagmamalasakit sa kapwa.

Hinihikayat namin ang bawat isa, lalo na ang mga kabataan at mga gumagamit ng social media, na maging matalino at maingat sa bawat nilalaman na inyong ginagawa at ibinabahagi. Gawin nating isang ligtas at mapagpalang lugar ang mundo ng komunikasyon—isang espasyo kung saan nakikita at nararamdaman ang presensya ng Diyos.

Ang hamon sa atin ngayon ay: Paano tayo nagiging tulay ng pagkakaisa at pag-unawa sa pamamagitan ng ating pakikipagtalastasan?

Bilang SOCCOMM, ipinapangako namin na patuloy kaming maglilingkod upang maging boses ng mga walang boses, maging saksi sa katotohanan, at maging kasangkapan upang ang Mabuting Balita ay umabot sa bawat sulok ng ating lipunan.

Nawa’y gabayan tayo ng Banal na Espiritu upang ang ating mga salita at gawa ay laging maghatid ng kagalakan at pag-asa, na nagmumula sa ating Panginoon.

Ang inyong mga lingkod,
𝐒𝐓. 𝐌𝐎𝐓𝐇𝐄𝐑 𝐓𝐄𝐑𝐄𝐒𝐀 𝐒𝐎𝐂𝐂𝐎𝐌𝐌 📷

25/04/2026

📍

30/03/2026

Narito po ang Schedule ng ating mga Aktibidad sa Mahal na Araw hanggang sa Linggo ng Muling Pagkabuhay.

Inaanyayahan ang mga kanayon na makiisa sa mga Araw na ito upang sama sama nating yakapin ang diwa ng pag ibig, pagpapatawad at muling Pagkabuhay!

30/03/2026

𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
𝐉𝐍 12, 1-11

Anim na araw bago mag-Paskuwa, si Hesus ay dumating sa Betania... Kumuhas Maria ng mamahaling pabango, isang libra ng dalisay na nardo, at ibinuhos sa mga paa ni Hesus. Pagkatapos, pinunasan ng kanyang buhok. At humalimuyak sa buong bahay ang pabango.

Si Judas Iscariote, ang alagad na magkakanulo kay Hesus, ay nagsabi, "Bakit hindi ipinagbili ang pabango at ibinigay sa mga dukha ang pinagbilhan? Maaaring umabot sa tatlong daang denaryo ang halaga niyan." Hindi dahil sa siya'y may malasakit sa mga dukha kaya niya sinabi iyon, kundi dahil sa siya'y magnanakaw Siya ang nag-iingat ng kanilang salapi at kinukupit niya ito. Sumagot si Hesus, "Anot siya'y ginugulo ninyo? Pabayaan ninyong ilaan niya ito para sa paglilibing sa akin Habang panaho'y kasama ninyo ang mga dukha, ngunit ako'y hindi ninyo kasama sa habang panahon..."

𝐏𝐀𝐆𝐒𝐀𝐒𝐀𝐃𝐈𝐖𝐀

"Kumuha si Maria ng mamahaling pabango... at ibinuhos sa mga paa ni Hesus Sa ating makabagong panahon ng koneksyong birtwal at mga ugnayang digital ang pagpapahid ng langis ni Mana ay nagpapahiwatig ng kahalagahan ng pisika na presensya. Ipinakikita niya ang kahalagahan ng ganap na pananatılı Naroroo siya kapiling si Hesus, hawak ang kanyang mga paa at ang kanyang buhok ay ipinampupunas sa mga ito Samantalang nakaaagaw-pansın man ang kanyang ginawa, ang atensyon ni Maria ay tanging kay Hesus nakalaan. Ipinakikita niya ang tinatawag na "presensya ng puso," ayon sa mga kontemplatibo-ang pagbibigay ng buong atensyon sa minamahal Nananalangın ba tayo nang may "presensyang puso"? Ibinibigay ba natin ang regalo ng ating presensya sa ating kapwa?

𝑀𝑢𝑙𝑎 𝑠𝑎 𝐴𝑘𝑙𝑎𝑡 𝑛𝑔 𝑆𝑖𝑚𝑏𝑎ℎ𝑎𝑦 2026
𝑃𝑖𝑛𝑎𝑔𝑏𝑢𝑘𝑙𝑜𝑑 𝑏𝑖𝑙𝑎𝑛𝑔 𝑖𝑠𝑎

𝐌𝐀𝐁𝐔𝐓𝐈𝐍𝐆 𝐁𝐀𝐋𝐈𝐓𝐀
𝐉𝐍 12, 1-11

Anim na araw bago mag-Paskuwa, si Hesus ay dumating sa Betania... Kumuha si Maria ng mamahaling pabango, isang libra ng dalisay na nardo, at ibinuhos sa mga paa ni Hesus. Pagkatapos, pinunasan ng kanyang buhok. At humalimuyak sa buong bahay ang pabango.

Si Judas Iscariote, ang alagad na magkakanulo kay Hesus, ay nagsabi, "Bakit hindi ipinagbili ang pabango at ibinigay sa mga dukha ang pinagbilhan? Maaaring umabot sa tatlong daang denaryo ang halaga niyan." Hindi dahil sa siya'y may malasakit sa mga dukha kaya niya sinabi iyon, kundi dahil sa siya'y magnanakaw Siya ang nag-iingat ng kanilang salapi at kinukupit niya ito. Sumagot si Hesus, "Anot siya'y ginugulo ninyo? Pabayaan ninyong ilaan niya ito para sa paglilibing sa akin Habang panaho'y kasama ninyo ang mga dukha, ngunit ako'y hindi ninyo kasama sa habang panahon..."

𝐏𝐀𝐆𝐒𝐀𝐒𝐀𝐃𝐈𝐖𝐀

"Kumuha si Maria ng mamahaling pabango... at ibinuhos sa mga paa ni Hesus Sa ating makabagong panahon ng koneksyong birtwal at mga ugnayang digital ang pagpapahid ng langis ni Mana ay nagpapahiwatig ng kahalagahan ng pisika na presensya. Ipinakikita niya ang kahalagahan ng ganap na pananatılı Naroroo siya kapiling si Hesus, hawak ang kanyang mga paa at ang kanyang buhok ay ipinampupunas sa mga ito Samantalang nakaaagaw-pansın man ang kanyang ginawa, ang atensyon ni Maria ay tanging kay Hesus nakalaan. Ipinakikita niya ang tinatawag na "presensya ng puso," ayon sa mga kontemplatibo-ang pagbibigay ng buong atensyon sa minamahal Nananalangın ba tayo nang may "presensyang puso"? Ibinibigay ba natin ang regalo ng ating presensya sa ating kapwa?

𝑀𝑢𝑙𝑎 𝑠𝑎 𝐴𝑘𝑙𝑎𝑡 𝑛𝑔 𝑆𝑖𝑚𝑏𝑎ℎ𝑎𝑦 2026
𝑃𝑖𝑛𝑎𝑔𝑏𝑢𝑘𝑙𝑜𝑑 𝑏𝑖𝑙𝑎𝑛𝑔 𝑖𝑠𝑎

16/02/2026

𝐏𝐀𝐁𝐀𝐓𝐈𝐃:

18 𝐏𝐄𝐁𝐑𝐄𝐑𝐎 2026
𝐌𝐈𝐘𝐄𝐑𝐊𝐔𝐋𝐄𝐒 𝐍𝐆 𝐀𝐁𝐎

Sa araw ng Miyerkules, habang tinatanggap natin ang abo, ipinapaalala sa atin ang ating kamatayan: 'Alalahanin mong ikaw ay alabok, at sa alabok ka rin babalik.' Ang katotohanang ito ay tumatawag sa atin sa pagsisisi, upang talikuran ang kasalanan, at buong pusong magbalik-loob sa Diyos. Nawa'y sa dadarating na Miyerkules ng Abo, maging isang malalim na simula ng ating paglalakbay sa Kuwaresma, isang taos-pusong pangako sa espirituwal na pagpapanibago at pagbabago sa Kanyang biyaya.