Sto. Niño Chapel - Tubigan, Lemery

06/06/2026

Hunyo 7, 2026 | 𝐆𝐫𝐨𝐮𝐧𝐝𝐛𝐫𝐞𝐚𝐤𝐢𝐧𝐠 𝐂𝐞𝐫𝐞𝐦𝐨𝐧𝐲 𝐟𝐨𝐫 𝐭𝐡𝐞 𝐍𝐞𝐰 𝐁𝐞𝐥𝐟𝐫𝐲

Bukas, Hunyo 7, isang mahalagang yugto sa kasaysayan ng ating Parokya ang ating masasaksihan sa pamamagitan ng Groundbreaking Ceremony para sa pagtatayo ng ating bagong Belfry o Kampanaryo ni San Roque.

Ang proyektong ito ay bunga ng sama-samang pananampalataya, pagkakaisa, at pagmamahal ng ating pamayanan sa ating Simbahan. Nawa’y maging tanda ito ng patuloy na paglago ng ating parokya at magsilbing pamana para sa mga susunod na salinlahi.

Sama-sama nating saksihan ang makabuluhang pagsisimula ng proyektong ito sa ganap na ika-3:30 ng hapon sa pangunguna ni 𝐌𝐨𝐬𝐭 𝐑𝐞𝐯. 𝐆𝐢𝐥𝐛𝐞𝐫𝐭 𝐀. 𝐆𝐚𝐫𝐜𝐞𝐫𝐚, 𝐃.𝐃., Arsobispo ng Lipa at CBCP President, at kasama rin ang ating mga benefactors na sina 𝐄𝐫𝐰𝐢𝐧, 𝐃𝐚𝐫𝐥𝐞𝐧𝐞, & 𝐄𝐦𝐦𝐚𝐧 𝐙𝐬𝐡𝐨𝐫𝐧𝐚𝐜𝐤 na naging instrumento upang maisakatuparan ang proyektong ito.

Higit na nagiging makabuluhan ang okasyong ito sapagkat bukas ay ating ipagdiriwang ang Unang Taong Anibersaryo ng Pagkakatalaga ng ating Simbahan at Dambana o 𝐅𝐢𝐫𝐬𝐭 𝐘𝐞𝐚𝐫 𝐀𝐧𝐧𝐢𝐯𝐞𝐫𝐬𝐚𝐫𝐲 𝐨𝐟 𝐭𝐡𝐞 𝐏𝐚𝐫𝐢𝐬𝐡 𝐂𝐡𝐮𝐫𝐜𝐡 𝐃𝐞𝐝𝐢𝐜𝐚𝐭𝐢𝐨𝐧—isang taon ng biyaya, pananampalataya, at sama-samang paglilingkod bilang isang sambayanang Kristiyano.

Inaanyayahan ang buong sambayanan na makibahagi sa makasaysayang okasyong ito at samahan tayo sa pagdarasal para sa matagumpay na pagsisimula ng Kampanaryo ni San Roque at sa patuloy na paglago ng ating Parokya.

29/05/2026

Isang mapagpalang pagbati sa ika-43 Anibersaryo ng Pagkapari, ArchB Gilbert A. Garcera, Arsobispo ng Lipa at Pangulo ng CBCP!

Sa loob ng maraming taon ng inyong tapat at mapagkumbabang paglilingkod, naging instrumento kayo ng pag-ibig at awa ng Diyos sa sambayanan. Nawa’y patuloy kayong gabayan at pagpalain ng Panginoon ng mabuting kalusugan, karunungan, at lakas sa pagpapatuloy ng inyong misyon. Dalangin namin ang higit pang masagana at mabungang taon ng inyong paglilingkod para sa Simbahan at sa bayan ng Diyos.

Maligayang ika-43 Anibersaryo ng Pagkapari, ArchB Gilbert!

29/05/2026

Mayo 30, 2026 | 𝐓𝐫𝐚𝐟𝐟𝐢𝐜 𝐀𝐝𝐯𝐢𝐬𝐨𝐫𝐲

Bilang bahagi ng 𝐏𝐚𝐫𝐢𝐬𝐡 𝐆𝐫𝐚𝐧𝐝 𝐏𝐚𝐚𝐥𝐚𝐲 para sa pagdalaw ng Mahal na Birhen ng Santo Rosaryo ng Manaoag, ipinaaalam sa lahat na magkakaroon ng pansamantalang pagsisikip at pagbabago sa daloy ng trapiko sa Poblacion ng Lemery sa darating na Sabado, Mayo 30, 2026 mula 3:30 PM hanggang 7:00 PM.

Magkakaroon ng prusisyon at pag-iikot ng mga sasagala sa iba’t ibang bahagi ng Poblacion bilang pagpupugay sa Mahal na Birhen ng Manaoag. Dahil dito, hinihiling po namin ang inyong pang-unawa, pakikiisa, at kooperasyon upang mapanatili ang kaayusan at kaligtasan ng lahat.

Pinapayuhan ang mga motorista na gumamit ng alternatibong ruta at sundin ang mga itatalagang traffic personnel sa nasabing oras.

Maraming salamat po at makiisa tayo sa makabuluhang pagdiriwang na ito ng pananampalataya at debosyon kay Maria.

24/05/2026

12/05/2026

Mayo 12, 2026 | 𝟏𝟓𝟖𝐭𝐡 𝐅𝐨𝐮𝐧𝐝𝐢𝐧𝐠 𝐀𝐧𝐧𝐢𝐯𝐞𝐫𝐬𝐚𝐫𝐲 | 𝐘𝐞𝐚𝐫𝐬 𝐨𝐟 𝐏𝐢𝐥𝐠𝐫𝐢𝐦𝐚𝐠𝐞 𝐰𝐢𝐭𝐡 𝐒𝐚𝐧 𝐑𝐨𝐪𝐮𝐞

Sa pagdiriwang ng ika-158 taong pagkakatatag ng ating pamayanan ng pananampalataya, buong galak nating ginugunita ang mahabang kasaysayan ng ating paglalakbay kasama si San Roque. Sa loob ng maraming taon, naging saksi ang ating parokya sa hindi mabilang na biyaya, pagsubok, tagumpay, at pananalig na nagbuklod sa atin bilang isang sambayanan ng Diyos.

Ang mga katagang “Years of Pilgrimage with San Roque” ay paalala ng ating patuloy na paglalakbay bilang mga mananampalataya—isang paglalakbay na puno ng pag-asa, pananalig, at pagtitiwala sa Panginoon. Sa bawat henerasyong lumipas, nananatiling buhay ang debosyon kay San Roque na nagsisilbing inspirasyon ng paglilingkod, kababaang-loob, at malasakit sa kapwa.

Sa loob ng 158 taon, naging tahanan ang ating simbahan ng mga panalangin, pasasalamat, at paghingi ng gabay ng bawat pamilyang bumubuo sa ating parokya. Mula noon hanggang ngayon, patuloy tayong tinatawag upang magkaisa, magmahalan, at maglingkod bilang tunay na sambayanan ni Kristo.

Habang ipinagdiriwang natin ang mahalagang yugtong ito ng ating kasaysayan, nawa’y lalo pa nating pagtibayin ang ating pananampalataya at ipagpatuloy ang misyong iniwan sa atin ng mga naunang henerasyon. Kasama si San Roque, magpatuloy tayong maging mga peregrino ng pag-asa at pananampalataya tungo sa mas maliwanag at mas banal na kinabukasan.

Maraming salamat sa lahat ng naging bahagi ng ating 158 taong paglalakbay. Patuloy nawa tayong gabayan at pagpalain ng Diyos sa pamamagitan ng ating patron na si San Roque.

𝐕𝐢𝐯𝐚 𝐒𝐚𝐧 𝐑𝐨𝐪𝐮𝐞!

06/04/2026

Mapagpala at ligtas na araw po sa ating lahat!

Inaanyayahan po ang lahat na dumalo sa 𝙱𝙰𝙽𝙰𝙻 𝙽𝙰 𝙼𝙸𝚂𝙰 na gaganapin sa Sto. Niño Chapel, Barangay Tubigan, ngayong 𝑺𝒂𝒃𝒂𝒅𝒐, 𝑨𝒑𝒓𝒊𝒍 11, 2026, 𝒔𝒂 𝒈𝒂𝒏𝒂𝒑 𝒏𝒂 𝒊𝒌𝒂-7:30 𝒏𝒈 𝒖𝒎𝒂𝒈𝒂.

Ang mga nagnanais pong mag-alay ng pamisa ay maaari na pong magpalista. Sama-sama po tayong magsimba upang magpuri at magpasalamat sa ating Panginoon.

Maraming salamat po at inaasahan po ang inyong pagdalo.

13/03/2026

Mapagpalang Araw po sa ating lahat. Magkakaroon po tayo ng BANAL NA MISA sa ating Sto. Niño Chapel, Barangay Tubigan, ngayong Sabado March 14, 2026 sa ganap na ika 8:30 ng umaga.

Sa mga nagnanais po na mag alay ng pamisa ay maari po kayong magcomment o magchat upang mailista.

Inaanyayahan po ang lahat na magsimba upang magpuri at magpasalamat.

Maraming salamat po.