08/05/2026
Ngayong ika-8 ng Mayo, isang makasaysayang araw ang ating ginugunita sa komunidad ng Oblate Sisters of Saint Joseph – Philippines.
Buong puso naming binabati si Sr. Maria Luisa Catilo, OSJ sa kanyang matagumpay na pagtatapos ng kursong AB Philosophy sa Oblates of Saint Joseph College of Philosophy, Marauoy, Lipa City, Batangas bilang kauna-unahang OSJ Sister na nagtapos sa nasabing paaralan sa larangang ito.
Ang kanyang tagumpay ay bunga ng tiyaga, pananampalataya, at buong pusong pagtugon sa tawag ng Diyos. Higit pa sa isang personal na tagumpay, ito ay nagsisilbing inspirasyon sa buong komunidad at sa mga kabataang patuloy na nangangarap at tumutugon sa bokasyon ng paglilingkod.
Taos-puso rin kaming nagpapasalamat sa komunidad ng Major Seminary sa pangunguna nina Rev. Fr. Faiq Edmerson Quinto, OSJ – Rector, at Rev. Fr. Alfie Polistico, OSJ – Dean of Studies, kasama ang buong komunidad, sa kanilang walang sawang suporta, paggabay, at pagmamalasakit kay Sr. Malou sa buong panahon ng kanyang pag-aaral hanggang sa matagumpay niyang pagtatapos ng kursong Philosophy. Ang inyong kabutihan at pakikiisa ay naging malaking bahagi ng makasaysayang tagumpay na ito.
Nawa’y patuloy siyang gabayan at pagpalain ng Panginoon sa kanyang misyon para sa Simbahan at sambayanan. Isang karangalang tunay para sa buong OSJ Community ang makasaksi sa makasaysayang tagumpay na ito.
Congratulations, Sr. Malou, OSJ!
Ad Majorem Dei Gloriam.
